川味美食

營業中

休息中

第一次黎食果時係老公帶我黎，當然果時係男朋友，未係老公，一直都幫襯呢間好耐了，今次就黎評論下，試左好多次都想在食的一間餐廳，好抵食架。環境就都OK即，一定唔會係高大上咯，始終人地係普通餐廳仔，但係都好多客架，有時仲要排隊添叫個餸先5蚊或者7蚊，我最鐘意食距過個幼薯粉嘞，爽口之餘又好入味，個湯底有夠濃，同埋叫個一餐加野飲先5蚊，出邊果D最少都要12蚊啦，總結就係，唔錯，會一直幫襯即~~推薦大家都可以試下，一定不會失望！

20190115叫外賣態度差都不特止明明外賣轉個頭又想唔送要落樓下自己拎等左佢半個鐘黎到粗薯粉比左米線叫四個餸得反3個餸打返去同佢講 完全無打算解決問題錢又收足求其比啲野您食就算無打算退錢 仲叫我落去舖頭拎反態度差 以後唔會再食

在深水埗閒逛完，不太肚餓便選了吃米線，隨意走進了一間叫川味的酸辣粉店。晚上八時多，基本上全店滿座，撘了張四人枱，也不算太迫。看了看餐牌，有湯粉或撈粉，沒太用心看後便下單了。腩肉肥牛撈河粉（$35）食肉獸朋友點的一碗，兩款肉+中辣+河粉，上枱時朋友大驚，因為佢諗住食湯河的，怎知落錯單腩肉ok很入味，但肥牛完全無味，基本的肉味都無…撈河也不錯啦，只是醬料太少不夠撈，中辣也不辣，哈哈。麻辣豬耳撈米線（$30）自己點了小辣的撈米線，本人無落錯單，本身已打算吃撈粉的。米線份量很多，軟硬度適中，可惜醬汁不夠太乾了，混不起來。麻辣豬耳微微辣已而，不夠過引，整體很一般。餐牌很新淨，是剛調整價格新印刷嗎？

之前已經幫襯過幾次， 今次去深水埗諗緊食乜嘢嘅時候， 喺福榮街行下諗住試下其他餐廳， 最後都係忍唔住去返川味美食最鍾意佢嘅麻辣湯幼薯粉， 湯底食得出冇乜 味精， 佢標榜係用豬骨淆成， 幼薯粉係比較淋嗰一款， 啱我口味， 配料自選， 一款20幾30蚊嘅湯麵， 大大碗， 一定夠飽除咗湯麵之外，仲有撈麵， 之前有幫襯過都好好食， 只係本人比較鍾意湯， 所以很多時都會選擇湯麵

哩間麵底有得揀乾撈或湯底，通常我都鐘意乾撈而且仲平$1，我揀左辣味豬耳同腩肉，下午茶時段仲有飲品，其實好抵食，份量又大碗，次次都食唔晒，豬耳好爽口而且辣辣地好惹味。

唔知道大家鍾唔鍾意食紅薯粉？自己個人超級鍾意食 可能因為好有咬口✌🏻每一次都好想食紅薯粉嘅時候 我都會去深水埗一間川味到食😝佢嘅份量超級大喎 如果你自己唔係太大胃我建議你可以同佢講小面👏🏻個人覺得呢一間野好有辣味 加上佢嘅紅薯粉會令到你食上癮 會令到你間唔中會掛住佢🌚佢有湯同撈 我個人就鍾意食湯比較多

嚟到呢間川味美食，但係喉嚨痛唔食得辣，唯有輕輕叫個麻辣豬耳(其實唔多辣)仲要走咗芫茜，花生，連我冇走嘅蔥佢都幫我走埋令到成個米線好dry，得少少汁同肉燥，不過好彩嘅係佢啲豬耳都幾入味米線幾淋，撈勻我都成碗食哂朋友都叫咗豬耳，仲有海帶結本身都想叫小辣，又怕會頂唔順，所以算數有埋芫茜同花生，撈手工拉麵整體感覺好好多佢呢度嘅拉麵係白色嘅，有少少似扁身嘅烏冬另一個朋友叫咗雞絲小辣撈手工拉麵，呢個配搭都真係幾正啲雞絲會索哂啲辣汁

哩間野有幾間分店，可以話想食都唔使去到好遠，我個人就鐘意撈拉麵，仲可以慳1蚊，出面好多店要涼拌或撈麵反而比有湯仲貴1蚊，講返個麵，我會點豬耳，好爽口，同埋腩肉。

深水埗出名多野食，成條街都係餐廳，點都會搵到自己鍾意嘅。夏天熱辣辣，食野都冇乜胃口，想食下啲辣野開下胃口，見到餐廳名叫川味，就知道一定係辣野，所以諗都冇諗就入左去。見到餐牌，嗯。係普通米線鋪嘅餐牌，唔特別，係多左個紅薯幼粉揀。咁為左試下新野，就毫無懸念咁揀左酸辣幼薯粉，配菜揀左腩肉。酸辣炸醬紅薯幼粉(中辣)+腩肉幼薯粉唔同普通嘅薯粉，佢嘅麵係有啲螺絲嘅形狀，但係呢個特色係完全冇加分。而且因為佢較幼身嘅關係，冇左薯粉獨有嘅咬感，有種得不償失嘅感覺。腩肉份量多，但偏鞋。最後，一定係提嘅係佢嘅湯底，可以話係我最近食過最差嘅湯底，雖然叫酸辣，但酸味極淡，辣味係辣油味。整體黎講，雖然唔算好難食，但實在有太多更好嘅選擇，唔會再食。

唔知由幾時開始香港人咁鍾意食雲南、四川野，米線薯粉辣魚開到周街都係。今日由深水埗行過長沙灣，都唔知見到幾多間呢啲食店。午飯時間都幾多人，又想食米線，就行入去啦。原來呢間野咁多分店餐牌冇驚喜，都係大路米線配料。但上網見好多人都讚紅薯粉，一於試下。腩肉腐竹酸辣紅薯粉，賣相普通，鍾意佢夠多蔥。酸辣湯底幾清，唔覺得勁味精。腩肉入味，但太大舊，我個人鍾意一片片嗰隻薄腩肉多啲。食落紅薯粉名不虛傳，佢個形態係曲曲攣攣咁，食落好彈牙，又唔會好硬咬到牙都軟，好有口感。

這幾年, 我甚少出入深水埗了。因為肥膏幫他媽媽拿手機, 我們才有機會到這邊。我對這一區的餐廳都不太熟悉。所以問了肥膏的朋友有甚麼推介的1。他便向我們推介這間「川味」, 因為抵食。當天去到, 店內也有8成滿, 感覺全部都是街坊。餐牌簡單易明, 選擇也多。環境乾淨企理！酸辣炸醬紅薯幼粉(中辣) HKD 23.00加了芝士腸 HKD 5.00 及 大腸 HKD 6.00總共 HKD 34.00, 都真係幾抵食。一上桌的時候, 我以為是"唔辣"! 因為湯底看上去好清淡。本想跟店員說, 不過肥膏叫我先試了再說吧。果不其然, 原來這小小的辣醬已經辣了, 哈哈! 幸好肥膏阻止了我。本來就是喜歡薯粉, 配上酸辣湯底就是惹味!大腸的份量比想象中的多, 而且也很好吃! 秘制醬汁撈自制手工拉麵 HKD 24.00蟹子丸 HKD 5.00, 豬肚 HKD 6.00 及 牛百葉 HKD 6.00總共 HKD 41.00另一份是肥膏點的, 但是來錯了拉麵! 他是點幼薯粉。不過既然都煮好了, 就無謂麻煩別人再煮一次, 也以免浪費。秘制醬汁比我的中辣薯粉還要辣, 而且肉醬很香很惹味。但是, 因為醬汁很濃, 吃到最後

喜歡熱拌枌，可惜唔係四圍有，所以撞啱食飯時間而搵到，都會試！這間舖已第二次光顧，因為上次試後十分難忘！今次又行開呢頭，冇理由唔幫襯。我仍然選了我喜愛的寛薯粉加蘿白，老公食手工湯麵。落單後都等咗一陣子，先來拌粉，配料好似冇上次咁多，食入口水準依舊，好食呀！之後再來手工麵，反而手工麵好有驚喜；麵條十分有咬口，煮得恰到好處。其實我最喜歡嘅係佢地嘅湯同配料一D都唔油，好啱注意體重嘅女士。食完一大碗都冇罪惡感！

一向十分欣賞川味美食既紅薯粉，呢日喺深水埗收工，見到有分店當然要入去食下啦！🤗🤗🤗餐廳都好繁忙，客人車龍轉，人氣絕對不比隔離其他有名餐廳弱👍🏻👍🏻每次去都會選擇麻辣撈幼紅薯粉，而配菜就好似車仔麵咁自己選擇既。我今次就揀左魚腐，雞中翼及牛栢葉。薯粉不會太淋，有咬口，好正。而配菜講真就無咩特別既，所以選擇自己想吃的就可以了😂重點係麻辣汁十分惹味！本身就會有肉燥，花生，芽菜，䓤等等，所以就算唔嗌餸其實都唔會寡，絕對食過翻尋味😆😆😆

上湯炸醬紅薯幼粉 $23 （加雞絲 $5）@ 川味 美食K屋企人經常黎呢度食粉麵，因為佢抵得黎仲要幾好味 😋。下午茶時間叫粉麵仲送飲品，可以揀汽水/枝裝豆漿/黑豆豆漿😚。粉麵價錢大約由22蚊~25蚊，有湯粉同撈粉選擇，麵類方面有紅薯寬粉、幼粉、手工拉麵、河粉同米線！K揀左上湯炸醬紅薯幼粉，另加配料（5蚊/6蚊），一碗份量都幾多，炸醬好惹味，主角紅薯粉夠彈牙，抵食飽肚既下午茶之選。

本來想去食潭仔，點知坐滿哂，迫到飛起，所以過左對面食薯粉，叫左個腩肉麵，個湯底本身已經好咸下，個腩肉仲要係硬到咬唔開，痴哂牙，D肉老過我阿婆，以前試過都唔係咁，而家越做越差，無下次。