川味美食

營業中

休息中

深水埗出名多野食，成條街都係餐廳，點都會搵到自己鍾意嘅。夏天熱辣辣，食野都冇乜胃口，想食下啲辣野開下胃口，見到餐廳名叫川味，就知道一定係辣野，所以諗都冇諗就入左去。見到餐牌，嗯。係普通米線鋪嘅餐牌，唔特別，係多左個紅薯幼粉揀。咁為左試下新野，就毫無懸念咁揀左酸辣幼薯粉，配菜揀左腩肉。酸辣炸醬紅薯幼粉(中辣)+腩肉幼薯粉唔同普通嘅薯粉，佢嘅麵係有啲螺絲嘅形狀，但係呢個特色係完全冇加分。而且因為佢較幼身嘅關係，冇左薯粉獨有嘅咬感，有種得不償失嘅感覺。腩肉份量多，但偏鞋。最後，一定係提嘅係佢嘅湯底，可以話係我最近食過最差嘅湯底，雖然叫酸辣，但酸味極淡，辣味係辣油味。整體黎講，雖然唔算好難食，但實在有太多更好嘅選擇，唔會再食。