川味美食

營業中

休息中

下筆時，剛宣傳譚仔再次合併同由日本食店收購，成為超過100間分店的外省粉麵集團，獨佔鰲頭。南記只有19間。此店由上次寫食評時的12間減至10間。此店勝在有薯粉，比米線有質感，比另一四川粉麵傷心……出品佳。四川粉遠不及湖南，雲南，客家粉麵受歡迎，定有其原因。今日來買兩碗（第2號食品）酸辣腩肉炸醬紅薯湯粉，外賣分湯要用4個發泡膠碗，共加收4元。携走時十分不方便，幸好早已準備環保袋。應如譚仔的膠碗有分湯設計，至少如南記用一個大袋包裹全部紙碗。見微知著，其營運不及上述兩者。論湯底的香辣，譚仔特別是雲南……店優勝，論腩肉，則南記肯定調味最佳，薄如紙。此店的腩肉全無肥瘦相間，十分乾。調味亦欠佳。論薯粉則十分優質，只有葵涌廣場的東門町可比。

因為晚上有野要做，無時間去食晚飯，所以就惟有提早5點幾去食野。入到去川味，呢個時間都無咩人，坐低之後發現仲係下午茶時間，原來下午茶有個優惠係免費多一餸或者送豆漿，十分抵食。我就叫左個豬頸肉撈拉麵，配料有芫茜、花生，份量好夠，撈埋一齊食都好香。豬頸肉有好多塊，質感軟身，味道又唔太鹹我再叫左個油菜，但只係得生菜，而且食落非常鹹，就同侍應講，沖沖水再食就好番d，就發現好鹹係因為個豉油問題。整體黎講，川味都幾好食，價錢又實惠，係唔知點解成日都唔算好多人去咁。

川味美食雖然無譚仔咁出名，但系都算幾多人食，有好多間分店。佢既價錢算系平，加左兩個餸都系三十幾蚊，但重點系比起其他舖，餸既份量多d，大大碗好抵食。佢既撈麵撈薯粉值得推介，因為個肉碎味道吾錯。而且飲品價錢都非常合理，五至六蚊。吾似得其他要成十幾蚊

我早年喜吃川菜，因多麻少辣，正合我意。四川多山，盛產藥材，川人以麻的感覺令食客震撼，是藥物產生副作用。口水雞的得名，應與麻醉了口唇，滴出口水有關。四川是解4條河形成盆地，古稱蜀國，我喜歡的，其實是蜀菜（成都）。近年香港興起的，是重慶菜。古稱巴國（渝），多山，因此人民多嗜辛辣以驅濕。重慶已升格為獨立市，與上海看齊，因此重慶菜風頭蓋過成都菜（現代中國菜主要是食北京，上海，廣州，重慶四大城市菜）。 酸辣薯粉與擔擔麵可明確看出兩者的不同。重慶菜5大要訣是:麻，辣，鮮，香，酸。酸辣薯粉正能發揮5大特色。紅薯粉是搓壓紅薯加豌豆淀粉製成。應是加上保寧醋，花椒粉，辣椒粉，辣椒粒，薑粒，芝麻，蒜泥，葱，荽。 五香花生米很著名，要付2元才有。榨醬則免費。我點選1，2號。幼粉口感似較佳。單從撲鼻香而言，此重慶粉勝過譚仔雲南米線的芹菜香。 做到了麻，辣，香，酸。麻的感覺，歷久不散。其實紅薯粉是搓壓紅薯製成，不似米粉般吸湯，故不須多湯水，以免減低濃郁程度。此集團有12間，對手傷心酸辣有12間。我不熟悉酸辣薯粉，依店名，餐牌，店內廣告，他們都把川，重慶，雲南菜混淆。雲桂香亦有此現象，標示是廣西菜，其實都是大同小異

當日篤完波搵野食,見依間唔係太多人,而且有我最鍾意既撈米線,咁就入去試一試叫左個炸醬撈米線+魚腐+豬頸肉+支黑豆漿(加底)(共40完)首先來左支白豆漿比我,我問佢:我想轉黑豆漿,佢同我講賣晒,咁無所謂啦,反正黑豆漿對皮膚好少少姐,飲少次無所謂過左幾分鐘見我坐隔兩台既母女來食,我唔知佢食咩,但我見到佢來左支黑豆漿........大佬,你唔想行多轉幫我轉黑豆漿就咪鬼做侍應啦,作個大話呃客人有咩意思呢??接著我既食物黎啦,由於個時己經好無奈想走,所以唔記得左影相炸醬撈米線:可能我本身冇話要辣,所以食落去冇咩特別.魚腐街邊貨豬頸肉:很碎很細條,味道又是普通正當我食食下其間,有個約是小學六年級既小朋友獨個來,當佢落單時,個小朋友慢慢思考,個侍應又不耐煩咁擺黑臉,最後落完單仲要話個小朋友:你夠唔夠錢比架??咁既服務態度,難怪7點半都未爆場

原本今晚相約男朋友試新嘢，兜咗幾個圈依然好多人，所以決定選擇格離川味美食食米線，有位呀嘛我揀咗酸辣炸醬紅薯寬粉+雲耳+魚皮餃(兩粒)，小辣，好大碗，好多雲耳同配菜，估唔到小辣都幾辣吓男朋友揀咗秘制醬汁撈紅薯幼粉+紫菜+蘿蔔+雞絲，小辣，我哋異口同聲話幼粉好食過寬粉，起碼易夾啲。雞絲切得夠努細，紫菜超多，蘿蔔又無渣，不錯另外叫咗碟通菜$8，唔係加乳腐，唔知係咩醬汁呢？都幾好味。跟餐重可以加$5有一支豆漿，無錯，係一支咁抵，有黑白揀O添~~