川味閣

營業中

休息中

我用外賣平台叫外賣，佢自己出錯餐，打比佢問佢叫我照食，我申請退款，佢仲打黎叫我親自拎返個餐比佢，佢出錯餐仲要我求佢退款，好似我屈佢叫，叫麵又唔分湯，撈埋一齊想交換返食都唔得，搵外賣平台客服協商，間垃圾餐廳仲要想轉移視線淨係退一個餐，搞十幾廿分鐘浪費我時間無得食，又要叫過第二間，個米線又浸到淋哂叫我照食？不知所謂

📍川味閣 (元朗)元朗教育路80號豐裕樓地下C號舖☁️口水雞大份$61(外賣）口水雞值得推介俾大家，大大份，雞皮爽滑，雞髀位，啖啖肉，口水汁少少麻，表面鋪滿芝麻，食慾大增。底部有芽菜，已經吸晒口水汁，好好食😋#元朗#yuenlong#元朗美食#香港#hongkong#食好西#相機食先#川味#花雕#醉雞#外賣#米線#口水雞#香港#hongkong#eating_and_working_in_h_yuenlong

平時喺其他米線舖都係食酸辣或者麻辣湯米線，今日行過呢間舖頭，伙記介紹話無湯熱拌米線好食，即管試吓。揀咗粉底之後，再揀餸，今次點咗豬頸肉拼雞絲，中麻辣，再加碟口水雞。碗米線嚟到，雖然冇湯，但都有好多汁，唔會太乾，上面仲有花生、蔥花同麻辣醬。撈勻後，每條米線都沾上麻辣汁嘅味道，真係好好食。口水雞都係值得推介嘅小食，唔係好辣，但醬汁加上滑滑嘅雞髀肉，令到你食慾大增。其實如果你真係食得辣，可以挑戰佢哋嘅大麻辣。

避雷！避雷！避雷！隔咗好長時間冇食川味閣，今日口痕想食酸辣粉所以走咗去買外賣。中午見有好多中學生去食，看似幾受歡迎幾好，但都不能代表食物質素，點知伏伏伏伏伏⋯⋯食物味道普普通通，食到大半，就撈到一隻蛋白質（睇圖）🤮🤮🤮🤮🤮🤮都唔知係好彩佢六隻腳係齊度，定唔好彩遇到佢(◐‿◑)見到之後，即刻漱口刷牙，差咗冇扣喉🤮🤮🤮🤮🤮🤮其實都冇乜好講㗎啦，咁大隻嘢衛生情況惡劣！！真係死都唔會再幫襯，俾大家避雷！！！建議中學生食好啲，食到肚痛就唔好啦！

次次經過都見到好多人食，咁我都去試下啦～佢麵都好有多款可選擇，例如米線、薯粉、河粉、拉麵、寬粉。仲可以揀有湯／無湯。我見大部份人都係叫有湯既米線，咁我都叫呢個試下，餸就揀左雞絲紫菜本身碗麵都會配埋炸醬、芽菜、酸菜、蔥花同芫茜，如果唔加餸就咁食麵都可以！湯底可以揀唔辣／大中小辣／大中小麻辣。我就揀左麻小辣，本人鐘意麻個種感覺，不過過於麻又唔係咁好🤣一上菜就見到成碗麵份量都好多下，食到最後飽到痴線😂餸既份量都唔少，紫菜鮮甜又好味，雞絲嫩滑，配埋濃郁既湯底口感十分豐富。令人越食越上癮，唔怪之得咁多客人🤣

見餐廳幾多人食，以為質素OK，結果有少少伏.腩肉實在太肥，搣左一大堆肥肉出黎，食得嘅部分剩返好少。.碗米線嘅味道好普通，中下水平。附近食店好多，有大把更好選擇。

元朗區好多食肆，試過其他區嘅川味閣，所以今日試埋元朗店。叫咗酸辣炸醬米線$28，比屯門店貴一蚊，加$8麻辣腩肉，腩肉偏肥，另外加了$6通菜，菜都翠綠，屯門嗰間會煮到d菜黃唒，味道OK。多肉碎同酸菜，味道可以，米線份量偏多，所以抵食嘅。但係杯嘢飲就比其他分店細好多。同埋張凳有椅背，之前喺屯門分店食過，要坐園櫈好唔舒服。，所以呢個係加分。另外要自己掃二維碼落單，有啲麻煩，見到有學生冇電話，阿姐都唔幫佢攞單，情願借手機俾佢掃二維碼，咁奇怪嘅？

突然想食米線就走左過嚟食，份量好多！叫左一碗米線$28+滷蛋$6+蘿蔔$6+雞絲$8👍🏻餸既份量都好多好足夠，而且味道出乎預期地好，滷蛋好夠味重點唔會太鹹，蘿蔔好冧好甜😆雞絲夾埋啲湯底好入味😌最欣賞佢地可以有好多選擇，例如米線可以硬啲/冧啲，要唔要麻之類，重點係我啲左啲米線硬啲，佢真係有硬到😭💕好多餐廳都唔理🥺想是但求其頹食既話呢間米線絕對推薦👍🏻👍🏻👍🏻平民美食🤣整體評分：7/10抵食程度：8.5/10

元朗做街坊生意的小店，間唔中就係我嘅選擇，今天來了有特別改變，平日叫阿姐落單，今次QRcode 落單，唔係好慣，但都冇難度。外賣多，但堂食一樣坐足7成。食物質素保持水準，有風味嘅薯粉麵，唔會太淋，可配湯也可配冇湯，睇下餐牌就見可有好多餸嘅配搭，辣味也有不同程度嘅選擇，相信會適合不同人仕。隨著科技先進，疫情下還接收不少外賣，比起疫情下沒有人的情景，今天不見，只見忙碌的景況再現，好事但太忙之下員工有點勞氣～

前排同朋友嚟咗呢度食晏，叫咗兩個兩餸湯麵～❤️酸辣炸醬紅薯中寬粉(麻酸辣小辣)加豬耳雞絲 💰4️⃣4️⃣呢度嘅湯粉同平時食開嘅雲南米線好唔同～呢度似係清湯煮出嚟然後再加濃味嘅調味料，而出面嘅雲南米線應該係本身已經一鍋鍋咁獨立煮，所以呢度既湯底感覺比較‘分離’，清淡得黎而濃味😅中寛粉煮得岩岩好👍👍 口感煙韌，個人認為煮薯粉既時間係好難拿捏既🙈 雞絲味道正常，豬耳唔會太肥，餸同麵嘅份量都幾多👍⭐️酸辣炸醬拉麵(麻酸辣小辣)加豬肚蘿蔔 💰4️⃣2️⃣湯底係一樣既，不過呢個揀咗拉麵～拉麵口感爽口彈牙，原本朋友話覺得同拉麵唔夾，但係佢試完都覺得幾好食😂豬肚入味唔韌，蘿蔔清甜但有少許渣整體都唔錯👍 我諗係我間唔中都會想食一次既湯麵😀

川味閣附近都是食街，競爭大，但川味閣已屹立多年。開胃之選28元 就有一碗炸醬米線/ 寬粉/紅薯粉（超低卡路里）， 夫復何求。加$6/7 就有多一款餸，款式多，可以滿足健康或喜歡多款多餸的大胃王。這次叫了魚腐、腩片、海帶等。 餸量不多。 那2 塊魚腐要讚，有馬蹄，不油膩，爽口彈牙超好吃。有些芫茜，芽菜，辣醬。 職員很細心，問及需要，如果不想要，可以扣起。 雖聲稱是豬骨濃湯，但不濃郁。 如不能吃辣，建議真的走辣或另上，辣在後勁。炸醬有點失色，沒有老抽上色，也沒有炸好。 看似一堆肥肉粒漂浮。 雖然不油膩、不難吃，但不討好。泡椒鳳爪酸味比較突出，黃辣椒爆辣。鳳爪清潔得很乾淨，全都剪甲，肉質爽彈，不是那種過度漂白的肉色。份量夠四人吃。 可惜沒有去骨。＋$5熱豆漿值得一試，濃郁有味有豆衣。＋$8 凍豆漿解辣。

有冇發現間間米線都差唔多名😝？有時食完都唔記得咩名 真係呢〰️雖然名差唔多 但味道可以有好大分別架！本身係想食「小鍋米線」見#米線關注組 好多人介紹 點知去到超級多人排隊 我又超肚餓 所以就放棄了 有冇人食過話我知值唔值得排隊食呢？😶‍🌫️🍜之後我哋就去咗 #川味閣 了〰️😚▪️酸辣炸醬米線 $27➕肥牛$6 魚皮餃$5米線同打邊爐一樣 湯底好重要🤣嗌咗小辣都好夠味 唔好睇佢唔係好紅 以為好淡味 酸辣味好重 特別中意酸既朋友仔應該會中意的〰️😋米線超級大碗 一碗兩個人食絕對無問題 配料方面就普普通通 肥牛好靭 有啲難咬🤨▪️無湯熱拌紅薯粉條 $27➕鮮冬菇$5 牛脷$6撈薯粉一樣係超大碗好濃味 有幼薯粗薯揀 我哋就嗌幼薯 牛脷都算厚 而且好大塊😳鮮冬菇有驚喜 好入味 下次再食一定會嗌鮮冬菇🤓！▪️夫妻肺片 around $50一上碟心諗：中伏🚁🚁🚁〰️點知又唔係真係好伏既😎！賣相係差啲 但份量又係大大份 好夠味道 但就同一般夫妻肺片唔同 味道酸好多好多 連我中意食酸都覺得有dd over 牛脷 牛肚 牛柏葉 我自己最中意牛柏葉 爽口彈牙😛

週末行下街，本身想求祈食雲吞麵醫肚。點知見到呢間有紅薯粉食，我好鐘意食紅薯粉，所以即刻衝左入去同朋友每人叫左一碗，分別係酸辣湯紅薯寬粉+豬耳，及 熱拌紅薯寬粉+牛柏葉，腩肉+肥牛 。跟餐2罐可樂上枱超級快，大約2-3 分鐘就已經有得食。紅薯粉配料十分充足，有肉燥，花生，酸菜，芽菜，莞茜。有時我唔加餸就咁食一碗都已經好足夠。而且紅薯粉本身好飽肚，所以次次食完都可以飽足一日大家一定要揀紅薯粉！因為薯粉可以吸晒D汁，十分滋味👍🏻

好耐冇喺元朗食過米線了！所以經過見到就果斷入去，叫咗一碗肥牛腩肉米線撈！由於本人係唔食芫茜，所以都走埋芫茜！同埋因為唔食辣，我都走咗辣～麵熱辣辣嘅，上面有好多蔥，花生同埋肉碎。啲汁掛埋上去，連埋啲米線放入口，真係好好食吖！米線嘅份量都好多，食完之後都幾飽肚，真係幾好佢餸嘅份量都唔少，起碼每一啖米線，去夾啲餸嚟食，都可以食到最尾㗎！腩肉就微辣咁，味道都唔錯嘅。整體嚟講，39蚊有一個兩餸嘅米線，仲要份量都大，都幾抵！

👍🏻麻辣腩肉雞絲熱拌米線 $39腩肉厚薄適中，醃得入味又夠軟淋😋雞絲店鋪選擇碎上，令雞絲同醬料撈得更均勻，更加吸汁😛炸醬作為配料比既份量都好多！連埋花生芫荽其他配料，食落非常惹味，無得輸🤪米線煙韌唔糊，即使撈勻哂成碗，一條麵都無斷過👍🏻味道：8/10性價比：9/10-👍🏻麻辣腩肉豬頸肉熱拌紅薯粉 $39豬頸肉相對一般，煮法似係白烚，然後靠醬汁撈混，無咩味🥴推薦撈紅薯粉，煙煙韌韌好掛汁👍🏻醬汁量好多，食到落底會愈黎愈濃味，適合重口味人士🤣🤣味道：8/10性價比：9/10-📍#川味閣元朗教育路80號豐裕樓地下C號舖#hkfoodie #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #元朗 #元朗美食 #元朗好去處 #元朗打卡 #四川美食 #川味美食 #川味 #四川風味 #川菜 #麻辣 #酸辣 #紅薯粉 #麻辣米線 #酸辣米線 #荃灣美食 #屯門美食 #天水圍美食