川婆婆 (已結業)

老實講食物素質算係OK,不過服務真係太恐怖。五點入去，四位大姐自成一國正用緊晚膳。坐低點完餐，開始察覺呢四位並不是普通的阿姐，應該係來自江湖。超高分貝都不算甚麼，還要粗口橫飛，可能仲未夠過癮，講著講著，開始討論重口味屎尿屁。呢种場面真係聞所未聞，唔知再坐落去會不會有人身安全問題。只好拿拿林狼吞虎嚥食完買單走人，再通知親友小心此地……我的open rice已經差不多六點無啟用，今日專為上來評論搵返個account，大家話我受到幾大心理創傷

湯底：麻辣湯低一d麻既感覺都冇....好普通貨色..去超市買包裝麻辣湯底仲好食食物：街市求其買既都新鮮/好食過佢....份量：佢地份量好取巧....會某d食物超大份比你...某d只比極少....我地唔識點叫先係最岩我地....最搞笑係我地兩人叫左個海帶....佢比既份量起碼6人...態度：黑口黑面咁...雖然我都預左...總結：一分錢一分貨...唔正宗...咁既價錢我寧願去富臨打邊爐仲好食....

今日再次同朋有黎旺角依間keep住有差評既川婆婆食任食打邊爐!四個人，八點半佢話坐個半鐘, 因為好爆keep住有客，但個姨姨好好人佢話盡量俾我地坐耐d~ 最後差唔多11點先走! 仲食埋蛋糕添。（走個時個川婆婆都係滿座架）.我地食麻辣小辣湯底，叫左肥牛，娃娃菜，豬紅，魚皮，響鈴，白栢葉，薯仔，白蘿蔔，蓮藕，包仔豆腐，雞柳，芝士腸，蟹子丸，年糕，等等。個姨姨好熱情成日走黎關心我地😂 係咁叫我地加油食完快d再填紙! 態度又好好~ .我諗話佢態度唔好個d真係可以去多次，因為第1次去姨姨態度都唔好（未至於差到反白眼個種），但之後個兩次去佢都好好人，好熱情：）食完好大陣味阿！大家怕食完會好臭，可以去尖沙咀個間，有出面坐~ 但上次去沒有任食

我客客氣氣甘叫外賣，個女人惡聲惡氣回應我問多佢一句都惡言相向！！西口西面！永遠都唔會幫襯！！垃圾態度！！好似我欠佢甘款！！有d甘員工，真係食物方面水煮肥牛飯真係貴又唔抵食，d飯過硬！

今日真係激到核爆，爆到第一次寫食評！我經常都幫襯尖沙咀同筲箕灣分店，岀品同服務態度都係良好。今日經過旺角分店諗住試下啦，點知真係一試難忘，樓面個阿姨服務真係奇差xN，一入去已經好似欠咗佢，我哋四個人佢求其揼低兩張紙比我哋叫面tick餸，問佢攞多張都好似唔願比，tick好餸交單又扮睇唔到要行岀去攞比佢，坐坐下又無喇喇同我哋講"呢張係六人枱嚟㗎喎，你哋坐埋一邊啦，留返兩個位比人搭枱！"，我哋張枱一邊係長櫈另邊有兩張挨pan櫈，我哋點會知係六人枱，間舖又只係坐咗一半人，明玩嘢。去比錢果時，佢印張單岀嚟塞落我隻手度，我諗佢意思係叫我自己睇幾錢。我帶住小朋友自問全程都好好禮貌，從來都無頂撞過佢，直到佢找錢比我果刻我都係唔該前唔該後，可能我真係樣太衰🤦，唯有安慰自己佢對個個客都係咁🤷旺角呢間真係永世唔會再幫襯🙅，要食都去返尖沙咀同筲箕灣。

同兩個朋友一齊用groupon去川婆婆打邊爐(任食），一開始有位短頭髮阿姐招呼我地。野食冇問題，中規中矩，但阿姐既態度就好有問題。我地嗌左一份肥牛，真係大份到成兩本字典咁厚，五個人食都得。食野時阿姐同另一位阿叔成日走黎check住，問我地點解只係食菜，叫我地食快d云云。再點菜時阿姐都係望住碟牛，搞到我地好唔好意思，後尾聽到阿姐又同後面枱食客話我地俾足料架，可能串我地食剩野。其實我地都有盡量食哂d餸，但實在食唔哂d肥牛，唯有話唔要，阿姐就話剩底d牛出哂血水，言下之意就係我地浪費左佢d食物。後來我地想叫多包飲品都唔太敢出聲。其實你俾既份量太多，我地食唔哂，點解會怪返我地轉頭？最後，其實groupon唔會平好多，因為額外收你加一同附加費，另外收公眾假期每人加20。自問作為食客都好有禮貌，另外餐廳當時唔忙，相信平時都咁對食客。第一次俾錢受氣去食飯，仲要唔平，以後唔會再黎。

堂食左幾次都好中意串人咁，樓面有個40-50幾樓既啊姨，個個食客入黎食野都要比佢串下，有人點單又扮哂聽唔到咁，自問已經對佢好有禮貌 落單埋單比錢都唔該前唔該後，收錢又好似搶錢咁攞走，個個食客好似奉旨受佢氣咁。唔會再食！好心你地店做得食店 服務業就比下態度做野，食店唔係賣完野食就算，轉做外賣店啦 咁就唔洗比態度人啦，顧客為先都唔識，員工咁低質素仲要長期都冇改善不如唔好做啦睇下其他食評都見到個阿嬋態度差，不約而同地投訴，大家仲去食？

一直幫襯開尖沙咀個間川婆婆麻辣燙，一直都好滿意，有次食完旺角依間，黎既麵，大辣變bb辣仲加左勁多蒜，態度仲好差！個時真係無諗住唔再黎！早兩日，又好想食，但又諗唔到買完去邊食，就去左旺角個間。今次十分滿意👍🏻👍🏻👍🏻辣度夠，材料足，湯夠味！中意食辣真係要試下川婆婆！無得彈！同埋今次店員好好傾！上次可能係心情唔好如果你地想d餸再入味d, 可以外賣番屋企再叮熱！一樣咁好味下次再寫編詳盡講咩餸好味！打下打下又好想食喇

今日晏晝第二次去左食旺角嘅川婆婆想講樓面三十幾四十歲個中年女人 態度真係好差因為第一次食果陣 雖然態度都麻麻 但野食都還可以 今日就再食第二次今次同樣地見樓面得哩個女人 冧哂檔咁 我地其實都好體諒 唔該前唔該後 都唔會吹單 有禮貌咁叫落單 但得到嘅係無視 我地都算 襯佢行埋泥果陣講左想食咩 跟住朋友問左句 學生係咪有野飲架？ 跟住佢就黑面仲冷笑話 你地都唔係第一次泥架何？重覆嘅問題都要問？你地泥左第5次啦 我地3個即刻呆左 下 我地第二次泥食咋喎 想問清楚係咪有學生優惠 都有錯？我地有禮貌咁問 你就算答一個字 有 我都覺得ok 你洗唔洗咁樣嘅口吻對客人 我自己都做餐廳 知道會忙會辛苦 但咁樣唔係你可以對客發哂脾氣 係到串串貢嘅理由 旺角其實好多其他野食 態度比你好野食比你好食嘅都大把 唔差你哩間幾蚊盒紙包飲品我買得起有餘 唔洗你一定送食餐飯食到要受氣 係做咩事我地冇可能係食第5次 因為連食第3次都唔會發生

今日我同兩個朋友第二次黎食野 一入到去 見到得一個短頭髮嘅老女人係樓面到忙緊 咁我地都見有位即刻坐係到耐心地等佢落單 等左5分鐘都無人理我地 就好有禮貌地話 唔該寫野 但佢扮聽唔到 我地等佢埋到黎汁檯嘅時候直接話要兩份口水雞 一份蔥油雞 但佢都係無理到我地 之後我朋友就問左句 學生係咪有野飲優惠 佢就冷笑左一下話 你地都唔係第一次黎架啦 唔好成日問埋d重覆性嘅問題 你地黎第五次架啦 我地個個o曬嘴 佢邊隻眼見到我第五次黎？ 真好笑 哈 哈 態度差都算啦 以為你地d野食好有料 我叫左個口水雞 (個女人聲稱係最辣嘅) 下 辣咩 又鹹 d雞又老 成餐飯係食左成肚氣以後唔會再食 ！ 

今日同同學三個人幫襯川婆婆，呢次係第二次過黎，今次想試下口水雞，就入左去坐低。入到去 ，見到個呀姐收緊錢好似好忙，唔緊要我地坐係度等佢。但有一刻我見佢望左我地一眼，係明知有客人到，但擺明唔黎執我地張枱。 之後有其他學生同熟客入左黎，佢都主動招呼佢地，就係唔過黎執野。有幾次我朋友想嗌野食，佢都有意唔望過黎幫我地落單。我忍唔住嗌左聲：唔該寫野！我肯定佢聽到，因為隔離枱個男仔望左我一眼，而個呀姐正正係個男仔後面，但佢充耳不聞⋯⋯直至我隔離坐左個熟客，佢先黎執野。我朋友對佢講：兩個口水雞，一個蔥油雞，唔該。佢都好似聽唔到咁，繼續執佢既野。我問左句：學生係咪有野飲？佢靜左兩秒，講左句：你都唔係第一次黎架啦！ 咁我意識到，姐係有，所以嗌左提子汁。隔左兩秒佢又講多句：你已經黎左5次架啦喎！唔好問埋哂d重覆既問題啦！個下我同朋友呆左，第一 服務態度好有問題，第二 我地今次係第二次姐，我唔串返你我已經好仁慈。如果唔係見你同廚房嗌左野食我一定會走，成餐飯都好嬲，簡直俾錢買難受！一定會叫哂d朋友唔好再黎呢間餐廳！

知道川婆婆喺旺角開左，諗住經過試下。入鋪前已經問左仲有無粉麵食先入，因為怕火鍋時段就開始， 鋪中仲未有火鍋客，仲有客食緊粉麵，個短髮呀姐都已經西口西面，態度差咁叫你坐佢指定位置，完全一啲禮貌都無，又好似唔想做咁。其實兒家多左好多同類選擇，唔會再幫襯旺角店。試過其他分店，旺角店味度都係差唔多，肥牛都ok~因爲有啲食肆咁平會用質素差嘅肥牛，不過個麵底就痴埋一舊舊，應該係一早整左隔水放喺度。其實食物同味道唔差，如果有正常服務態度，還可以接受，但短髮呀姐嘅服務真係要改善下。

鍋底唔失色 特別中意佢d 小食 推介麻辣魚蛋牛丸，佢啲丸好入味之餘啲麻辣粉夾得好好唔建議大家揀九宮格，因為個九宮格其實格唔到湯底，而且同個鍋唔係好fit size 中間果格係咁滾但側邊唔熟建議簡紙銅，受熱快

女店员服务态度太差，女店員服務太差，女店員服務太差，重要的事說三次！！！吃个饭还要看她脸色，在店里大声说话……店里的菜也不怎么样，让她给我小辣给我大辣？？！口水雞口感不行，又肥又膩。所以千萬不要來這家分店

女服务员态度极其恶劣。我们入座后餐都没点就落荒而逃，估计如果继续待下去用餐全程都要看她脸色。后来看这里的食评，果然很多人都被她气过，我们不是第一个。大家没必要花钱买罪受了。