川婆婆 (旺角中心第一座)

營業中

休息中

每次都被香味想的肚子饿最喜欢的还是麻辣汤底平时不喜欢蒜的可以可以走但有蒜比较香还有水煮鱼也是不错的麻辣鸭血简直了就是最爱自己偏重口味所以觉得汤底麻麻辣辣咸咸的很满意

第1次食，覺得好難食麻辣一點都不麻，又不辣個湯淨係得個咸字問個落單既：你地啲麻辣辣唔辣 就1句話 我唔知喎 我唔食辣結果我叫左小辣 勁失望依間野冇下次架啦其他川婆婆的店好味過佢

川婆婆黎到旺角中心行街，突然有陣香辣味傳左過黎，吾小心俾川婆婆既香味吸引住😍。作為辣控，見到遇到就當然要試下啦😎。。我地叫左個水煮魚，另外仲有辣汁牛柏葉、招牌麻辣鴨血同麻辣魚蛋。川婆婆既辣度好足，吾太食得辣既建議小辣或者BB辣就可以了😗。小妹同男朋友兩個人都係辣控，當然全部都叫中辣啦😎。水煮魚$63好足料，有好多舊魚，仲有娃娃菜同蓮藕😀配菜好索味，吸晒D汁，正😋。魚塊都好淋好好食，不過記得小心好食得滯哽到骨。。辣汁牛柏葉$18又香又辣又有咬口，而且吸收晒所有辣汁既精華，好食🤤。作為招牌既麻辣鴨血$20同麻辣魚蛋$10更加冇得彈🤩。本身已經調過味既鴨血配上麻辣汁，簡直冇得輸😝。而且鴨血滑得黎吾會一夾就散。魚蛋大大粒，而且好夠麻亦都好彈牙，好食😍。。川婆婆旺角彌敦道688號旺角中心1期2樓SB04號舖(立食區)港鐵旺角站 B2 出口, 步行約1分鐘

食完會上穩既麻辣燙😋😋本身自己吾太鐘意食辣，因為川婆婆，已經可以愈食愈辣拉😂辣度都有分等級😝吾辣，BB辣，小辣，中辣，大辣，菊花辣，辣到屎忽開花😂之前系尖沙咀行街經過都會拉埋老公食完先翻屋企，好開心😝而家旺角中心都開左分店😍😍我最鐘意食就系鴨血，夾起來吾會散開，魚旦十分之彈牙，魚腐系可以索晒d湯汁，皮蛋個汁真系一生難忘，系出面食吾到既汁🤤🤤紅薯粉勁有咬口，值得推介👍🏼👍🏼👍🏼價錢亦都十分親民，40蚊4個餸食到抱住大肚腩🤣🤣

呢間川婆婆我食咗好多次啦，好食得嚟又唔係好貴，最主要係快，因為係附近返工，比較難搵到一家又好食又快嘅，偶遇呢間川婆婆，食過一次之後，從此成為咗我嘅午餐之選（因為之前都係食酸辣，今次試咗個清湯，意外驚喜，好似呢d川味舖，注重都係辣，但係原來清湯都可以咁好食，可想而知店家注入咗好多心血，底子打得唔錯！）優點:一、麵底彈牙爽口（紅薯細粉）二、餸嘅選擇夠多，睇到我都眼花繚亂（推薦豬扒漢堡/午餐肉，pls本人係食肉獸，咯咯）三、餸嘅份量都好多，似我咁大食嘅人，有時候麵食曬，d菜都仲有好多（可以比多d麵啊，菜太多啦🤣）四、比較衛生，選用一次性餐碗具（食油膩食品，一次性餐具都係有乾淨d嘅優勢）五、落單可以填係張落單紙道，因為佢哋一般都比較忙，就岩曬我呢d選擇困難症要唸好耐望好耐嘅人，加上我有近視又望唔到上面個大menu板，攞住張落單紙又可以慢慢唸又睇得清楚，好方便👍🏻缺點:一、湯底比較鹹（個人唔太鍾意太鹹嘅嘢）二、服務態度一般（都不算缺點嘅，只係一開始覺得服務一般，不過買得多之後，連店家都認得我啦，就反而有種家嘅感覺，大家都會傾下計，好隨和～好似你係屋企咁，都會表現到最真實嘅一面！）三、地方較細，得

旺角中心川婆婆位於立食區, 主打麻辣燙同涼伴小食, 沒有坐位只有一張企檯。試咗佢嘅粉面套餐, 紅薯寬粉值得一試, 質地非常彈牙, 好有口感。有多款餸菜選擇,  湯底及調味料亦可以因應個人口味自由配搭，唔食辣嘅可以選擇清湯。我試咗BB辣, 多蒜, 少紅油, 感覺不油膩, 亦很野味。小食我就試咗佢嘅麻辣魚蛋, 唔算彈牙, 不過就真係好夠辣, 食完真係要飲番杯凍飲先得🙈🙈🙈總括黎講, 如果行行吓街覺得好肚餓, 想食啲飽肚啲嘅嘢, 川婆婆都係一個唔錯嘅選擇。

未開張已經有好多朋友話呢間好好食 有次走去試下麻辣真系好正 好香 啲送都幾多 好入味40蚊有一麵三送🤩仲有啲小食 特別系鴨血同麻辣魚蛋辣得尼又好過癮🤪中意食辣既可以一試🤤

因為工作需要經常都會經過旺角中心，成日買野食都覺得呢間川婆婆好香雖然我平時唔食得辣。但都叫左個bb辣黎食個辣真係好香同d材料都拍得住火煱店水準！原來仲可以叫外賣！！！以後lunch有著落

工作忙碌。想過下口引，所以又來到旺角中心分店😅依然香味不變，小弟比較廢，只能食到小辣🥶。但就啱啱好。。。。下次多少少時間先再戰佢地其他分店，打邊爐或者食雞煲。

辣汁牛柏葉夠辣夠香，而且我想要多汁佢都好願意加多一啲比我麵餐既湯都夠辣，越食越爽（我係好辣之人）而朋友食既酸辣湯都夠酸，非常開胃，夏天開始就呻熱到冇哂胃口既佢都話好開胃，可能我朋友食得比較慢啲湯比啲麵吸哂，我問店員可唔可以加少少湯，佢都好樂意加薯仔夠稔，好好食，薯仔都唔似出面個啲一夾就散哂同生到咬唔開食完唔多夠再叫多份麻辣鴨血，鴨血本身有調過味，唔會好淡口要靠汁同湯黎填味，鴨血都唔會一夾即散總結，我會再去幫襯

非常喜歡川婆婆的麻辣燙，從尖沙嘴食到旺角，旺角都開左一間細細檔的麻辣燙，雖然無位坐，但係本人唔介意，因為味道好才是真的王道，點左個招牌麻辣燙，鎹選了招牌鴨血，娃娃菜，豬皮，午餐肉，味道選擇了中辣！味道很香，員工都很親切，一碗熱辣辣的麻辣燙在我面前，口水直流，麻度辣度剛剛好，最後整碗湯飲完！一直都會支持川婆婆下去，味道確實霸道，希望川婆婆下次可以開一間有座位的麻辣粉面餐廳。味道好過譚仔太多了，希望老闆可以考慮下哈哈

旺中真係多左多小店仔，呢個位好多時都有唔少人，而且行過又聞到幾香，川辣野係幾吸引嘅。今日一場黎到，原本見到個價錢應該調頭走啦，37蚊3餸1麵，老實講，我搵間米線又好，麵店又好，食碗麵都係咁嘅價錢，我做乜要屈喺旺中，仲要店門口一張企喺度嘅高枱，食完仲要自己執野。anyway，人類總是重覆犯錯，總之我最後都係落左單。一路都好好生意，仲有唔少人外賣。揀左魚蛋、豬紅、娃娃菜粉絲，麻辣中辣，湯底以辣為主，只有少少麻，根本唔係果回事…拿我食呢啲野預左係味精，但真係太鹹，食完口渴到飛起。豬紅四件，娃娃菜少量、手打魚蛋非常難食，好腥。

好耐都冇行過旺中，而家多咗好多小食店，行行下見到呢間都幾出名食川菜嘅，於是叫咗份紅油抄手試下，正常紅油抄手係唔會有湯，係有個汁浸住，點知佢俾我嗰份係一碗辣味湯雲吞，我問店員個阿姐呢份就係紅油抄手呀？佢話係，我話點解有湯嘅，佢竟然話有湯先可以煮熟佢，我心諗係咪玩野呀？咁無奈都要食嘅，攪勻咗個湯同辣油之後佢似係一碗水煮雲吞不過味道唔差嘅，係一碗好正常嘅雲吞囉，只係多咗個辣味嘅雲吞，係失望在想食紅油抄手個味道，佢竟然係兩樣野，完全係估唔到佢咁唔正宗㗎，總結我係唔會再來旺中食呢間，一黎唔正宗，二黎啲回應服務好勉強下

之前睇過川婆婆嘅食評 覺得應該唔錯 所以今日去食我揀左鴨血年糕紅薯細粉 中辣～我攞到兜麵嗰陣 已經覺得有啲唔妥 會中伏🤦🏻‍♀️果然😂當我食第一啖紅薯細粉嗰陣 竟然食到浸羊肉臊味 係呀你冇睇錯 係羊肉臊味！！年糕煮得太林 仲有一嚿未解凍 兩三嚿黐埋一齊🙄鴨血不過不失仲有佢個中辣真係唔知點形容 唔係酸辣又唔係麻辣 我呢個唔係好食得辣嘅人 食佢個中辣都唔使飲水🤷🏻‍♀️四個字總結：難食到爆🤮一兜咁嘅垃圾竟然收$32 我去隔離買杯唇茶飲下好過啦川婆婆—-永遠blacklist🥰

係旺角行街，突然口痕想揾d小食食下，見到川婆婆有好多外賣單，決定叫個涼拌萵筍試試佢～食物好快就到，20蚊嘅萵筍，份量都幾多，食完一碗已經飽飽地😂只叫左小辣，但係聞落好香好辣！味道又酸又麻，不過略嫌汁太浠，一入口會覺得味道偏淡⋯⋯但食到最尾幾舊，又會因為浸得太耐，索得大多味，變得太咸。所以覺得麻麻地，有少少失望如果醬汁方面改良下就perfect了！另外萵筍硬度適中，keep到好脆口👍🏼下次可能試下其他小食。