川婆婆 (觀塘廣場)

營業中

休息中

天氣有啲凍返就想食碗熱辣辣嘅酸菜魚😋 因為我唔係好食得辣，所以嗌咗BB辣，呢個辣度啱啱好，個湯無味精感，飲曬都唔覺口渴🥰 酸菜魚超大碗，足料，寬粉好滑，晶瑩剔透，口感彈牙，唔會話過熟一夾就散，魚塊都好多，食得好飽！朋友嗌咗碗水煮肥腸，豬大腸除左數量充足之外，亦都十分肥美！而且清理得好乾淨，食落唔油膩！作為配菜嘅豆皮同娃娃菜都十分優質，吸收曬水煮湯底嘅香味，十分好食！另外仲嗌咗鴨血同埋紅糖糍粑，紅糖糍粑係啱啱炸起，好新鮮，個皮炸得好脆，入面又好煙韌😋

這間川菜館在觀塘廣場內，新開不久示示正正，可惜服務差👎🏻 到不能接受。酸菜肥腸魚片寛粉🍜加炸支竹、墨魚味春卷、炸鹽酥雞塊及風琴互腐。以為炸鹽酥雞塊漏單，點知”遮遮”仲得意的話係麵底叫我摷下😱炸雞粒竟然濕上放湯麵底😡～%¥#%&xyz 夾起個皮爛晒溶晒，真係唔知炸嚟做咩囉🤷🏻‍♀️ 食法太前衛了難以接受。仲要大量海帶墊碗底，味道一般不吸引。老闆對話仲經典。我：老闆下午茶點撳(App)啊？無下午茶個欄喎🐷：要3:30pm先有喎我：依家3:30pm啦🐷：唔洗點我：咁下午茶送嘅飲品同小食洗唔洗點？🐷：職員會跟進我係咪去咗嘜兜世界呢🤷🏻‍♀️應該唔會再幫襯👎🏻

今天下午去了觀塘做野,搞掂哂已經差唔多六點, 決定約埋觀塘返工的老友食埋晚餐先走, 朋友介紹了觀塘廣場這一間叫川婆婆的四川風味小店, 店內窗明几淨, 光猛整潔,主要提供川式車仔麵,水煮系列,酸菜系列及椒麻系列的套餐。我們點了一份自選配料粉麵餐及一份酸菜魚,再點了一份炸鹽酥雞小食及紅糖糍粑作為甜品,另加兩份飲料。酸菜魚, 由於我自己不太嗜辣,朋友遷就我而選了超少辣,所以酸菜魚湯底沒有加入大量的辣椒,湯底飲落都唔覺得好辣,反而有少少麻的感覺,即使我自己不太吃得辣也吃得十分過癮,魚片份量十分足,而且肉質非常鮮甜嫩滑而且無骨啖啖肉, 其它配菜有大豆芽,娃娃菜,海帶絲,豆皮等, 至於主食有寬粉,和其它配菜一樣完全吸收湯底的精華,非常惹味和醒胃。自選粉麵餐,由于朋友知我不太吃得辣,所以特別為我選了清湯, 其實試過超少辣的酸菜魚湯後, 下次可以選BB 辣或微辣的酸菜金湯可能會更為惹味,不過其實清湯也頗為鮮甜, 幼細的細粉亦更能充份吸收清湯的精華, 味道也不錯,配餸方便我們選了墨魚味春卷,魚腐及蔥花魷魚丸, 配餸啲質量都唔錯, 咬落都幾爽口彈牙及鮮甜。炸鹽酥雞,炸得香脆可口,細細粒剛剛好,食落都唔會好

話說自從愛上左酸菜魚就會定期去食下川菜，放工行過觀塘廣場，而今晚又吾想煮飯，所以就打包外賣同屋企人一齊試下。餐廳都幾多人，菜式選擇都好多，揀左椒麻魚，水煮魚，麻辣小香鍋同埋麻辣豆腐串。椒麻魚系列一碗份量都好多下，魚肉細嫩，配埋薯粉，娃娃菜，海帶，大豆芽😍湯底味道濃郁。水煮魚系列都係配有薯粉，娃娃菜，海帶，大豆芽，魚肉鮮嫩，加上海帶大豆芽的爽脆口感，同埋麻辣既刺激，我更喜歡哩個。雜錦干鍋配飯呢個啱晒重口味嘅我，入邊有唔同嘅配料，例如萵筍，蓮藕，午餐肉，肉類等，蔬菜同肉類都好食，而且每樣有啲，又唔會太油👍麻辣豆腐串麻辣燙既感覺，吸晒嗰啲麻辣嘅湯湯汁，勁好食，不過對我嚟講都幾辣下，但係又好過癮。川婆婆口味偏向川風味，辣味重，店員服務好，而且價錢性價比高。

觀塘廣場有一家叫「川婆婆」朋友推薦一定要去試試 肥腸!! 😍😋「川婆婆」 原來由2010年起家 至今已經12年主打四川麻辣粉麵🌶 👍當中水煮系列 酸菜系列及椒麻系列都是店長推薦價錢都是$68 而且很大碗亦有不同的四川麻辣小食 種類繁多~ 🐟🪱水煮肥腸魚片麵酸菜魚湯底配上酸菜 走辣配菜有海帶絲、豆皮、大豆芽、娃娃菜及寬粉全部都是吸汁的食材海帶絲口感實在、豆皮豆味濃👍🏻👍🏻肥腸每日新鮮煮理 魚片肉質嫩滑～🍝🐙椒麻墨魚咀椒麻可以選擇的辣度，有BB辣、小中大辣味道集麻、辣、香、酸於一身同樣都有配菜海帶絲、豆皮、大豆芽、娃娃菜及寬粉主菜是墨魚咀入口微辣 口感十分彈牙幾特別👍～🧆爆汁牛筋丸(6粒）牛筋丸配上少少辣椒粉🌶️也很配搭牛丸真爆汁～🌟康師傅酸梅湯🌟茘枝茉莉花茶清涼解渴一流💦

川婆婆🌶️🍲🐟酸菜魚$68呢度嘅酸菜魚，湯頭係由四川酸菜、同埋唔同類型嘅蔬果熬足全日而成嘅，所以個湯除左有麻辣感覺之外，飲落仲有陣清甜味，係會令人一飲再飲。材料都落足，單單係魚，都有成20片，加上碗底軟滑既薯粉，食一碗就真係滿足晒🦆麻辣鴨血$38平日鴨血多數係方形比較多，食落比較結實，今次就扁身好多，形狀好似一件pizza咁，鴨騷味唔太濃，但勝在夠滑，吸入口會直衝喉嚨，就好似食荳花一樣🐔招牌手撕雞$48好重麻油嘅香味，雞肉亦都唔會好嚡口，完全冇骨非常方便食！份量亦都幾多㗎，大大碗全部都係雞！食多多都唔會覺得油膩！推介❤️❤️🐽🦐紅油抄手六粒 $38餡料有鮮蝦豬肉，抄手比較似雲吞麵舖嘅雲吞，粒粒都大大粒！辣汁仲非常之入味架！絕對係抵食又好味之選！🥛凍豆漿$12食川菜咁辣，又點少得配返杯豆漿解辣呢！尼款豆漿係預先包裝好嘅，好重豆味架！甜度就得一種，唔會太甜都幾啱香港人口味～

裝修簡潔整齊，可以堂食/外賣。客人都以QR code落單，方便快捷。平日下午茶時間仲送小食和飲品😍😍。不過，這間分店沒有麻辣火鍋🤣食，只有粉麵和小食。 小食價錢非常親民。🔸️涼拌魚皮，bb辣，$39 🔅推介涼拌魚皮已經買少見少，魚皮厚實但晶瑩剔透。魚皮撈了些麻油、薑葱、麻辣和醬汁，非常適合做開胃菜。 一咬好脆好滑、又夠嚼勁。🔸️麻辣豆腐串配肥腸，$39兩串大大串的豆腐，吸曬麻辣湯汁。肥腸沒有肥膏都吸曬麻辣汁。🔸️紅糖糍粑 $29糍粑上淋了紅糖，使糍粑冇咁脆。我建議糍粑和紅糖汁分開。拿到屋企後，糍粑都尚算外脆內軟，咬煙韌。🔸️墨魚咀寛粉，bb辣，$70叫了bb辣都勁辣，但辣得勁爽。另外還配豆芽、娃娃菜、海帶絲同寬粉,超級足料大份

早前在銅鑼灣返工食過數次川婆婆，對他們的麻酸辣味道一直念念不忘，今日在觀塘，知道他們在觀塘廣場有分店，一於去止止我的麻辣癮。餐廳以小店經營，以經典傅統四川酸菜及水煮湯聞名他們的酸菜及水煮我之前都試過了，兩者各有特色，最愛他們是因為通常叫酸菜魚都是整鍋上，人少少又想食的話，這裡的一人餐就是最適合不過！//麻辣鴨血 $38// 這個小食香辣惹味又有咬口，鴨血味道非常濃郁，入口微辣開胃又不太油膩，作餐前小吃最好不過。//墨魚咀 $38// 上次在銅鑼灣店吃過墨魚膠豆卜好食，今次就試下這個墨魚咀，不同之處是上次的是油炸，今次的是湯底，我就覺得兩樣風味各有特色，墨魚咀入口微辣咬落十分爽口彈牙，口感幾特別。//酸菜肥牛 $68// 酸菜魚的湯底是純魚湯加上香料和辣椒，配上酸菜，味道集麻、辣、香、酸於一身，影相之後，先喝一口湯，有魚的清甜，加上少少麻再帶點酸。湯底加了好多酸菜，配菜有海帶、芽菜、娃娃菜都是吸汁嘅食材，肥牛半肥瘦，肉質嫩滑，牛味十足，辣椒份量很多就視乎選擇的辣度，有BB辣、小中大辣，我自問不大食得太辣，叫了小辣，辣中帶點麻再有點酸，就是這個味道，非常惹味又開胃，撈飯食就是完美！ //經

係觀塘廣場入面嘅超抵食大份川菜😗炸醬豬排撈米線 ($48)🐷有超級多炸醬，撈埋米線食都可以啖啖有炸醬，仲有啲脆炸黃豆，米線超多幾滑。椒麻肥牛 ($68)🐮必叫水煮/酸菜/椒麻系列！！超級大碗豐富，除咗大量肥牛仲有大豆芽，娃娃菜，海帶絲，豆皮，寬粉，寬粉吸晒啲椒麻汁好吃。招牌手撕鷄飯 ($52)🐔雞肉幾嫩滑，手撕雞可以揀唔辣，唔食得辣嘅人都叫得。飲品是豆漿 ($12)& 荔枝茉莉花茶 ($10)🥤，茶可以揀少甜不錯。

聽到川婆婆就以為只有打邊爐，但原來呢間位於觀塘廣場嘅川婆婆係主打四川麻辣小食、粉麵餐、酸菜系列等等，種類繁多。餐廳非常近地鐵站好方便，平日晚上都人流不絕，放工後想簡簡單單食個川菜又或者外賣返屋企慢慢食都好值得試👍餐廳用QR code 落單十分方便，價錢亦相當大眾化👍麻辣豆腐串配肥腸HK$ 38豆腐串好大串，煮得軟硬適中，朔晒啲麻辣湯好惹味好正，肥腸肥美好入味😋椒麻墨魚咀（配有大豆芽、娃娃菜、海帶絲、寬粉、豆皮）HK$ 68必食推介👍墨魚咀本身已經好夠味，口感爽彈，有咬口，配菜亦相當豐富，寛面夠大條又QQ，小辣嘅辣度適中，整碗份量都唔少，好飽肚👍招牌手撕雞$48手撕雞肉質嫩滑，下面有青瓜絲，如果食得辣嘅朋友建議中辣，應該會更惹味更開胃👍紅糖糍耙HK$ 28炸得外面少少脆，入面好煙韌，沾咗出面嘅紅糖甜甜地好食👍茘枝茉莉花梳打水HK$ 12荔枝味梳打水甜甜地，可以解辣👍美味指數🍽：8.5/10 環境指數📸：7.5/10整體表現💜：8.5/10CP值指數😎：8.5/10

📍Hong Kong📍無辣不歡既我，今日黎到觀塘廣場試下一間川菜。🥰「川婆婆」，入到鋪已經聞到香既麻辣味道。睇睇個餐牌款式超多，睇至我個個都想試。今日仲因為太肚餓5點30分前就去食晚餐，但早有早著，下午3點30分至5點30分下午茶時段免費送小食同飲品！😚1. 口水雞飯超級足料既口水雞，一上菜老細就介紹話係用清遠雞做！☺️雞好嫩滑，平時唔食雞皮既我今次都食埋因為佢個雞皮唔會有好多肥油！配上口水雞汁辣度啱啱好，個飯仲超級大碗！2. 自選粉麵今次我揀左寬粉，風琴豆腐，白蘿蔔同萵筍！但湯底就揀左麻辣中辣，多麻多蒜。食粉先飲湯！湯底勁正，但中辣對我黎講唔太辣下次要去試下大辣。多麻多蒜啱晒重口味既我！🤭風琴豆腐同白蘿蔔超級吸湯，好鬼正！寬粉滑捋捋，我最愛。但我成日都咬唔斷啲寬粉又好長。🤣3. 涼拌土豆絲呢個配飯真係一絕，唔單止得辣味仲加左小小醋！酸辣醉辣咁，好過癮。另外，仲加左啲青瓜絲！4. 椒麻墨魚咀一開始叫既時候仲以為係炸，點知原來係魯墨魚咀，再加上椒麻粉。墨魚咀口感好爽脆，但呢個相對起其他小食就遜色少少。因為唔係太入味。5. 紅糖糍粑食川菜點少得紅糖糍粑，酥酥脆脆既糍粑。配上甜甜既紅糖一絕！食

川婆婆 📍觀塘開源道68號觀塘廣場地下G24-G25號舖人均$100～食到飽～抵食😁好味川菜見到勁多人介紹川婆婆😜我又來食下先高質抵食～😋嗌左禁多款都好好味叫左2個主食+1款小食+1款甜品+1款飲品。麻辣豆腐串 $21風琴豆腐串吸收左麻辣湯底精華～好惹味。小食椒麻墨魚咀 $39辣得過癮～墨魚嘴好彈牙。招牌手撕雞飯 $54非常推薦～可以簡辣度～有辣有唔辣～嫩滑雞肉配上爽彈雞皮～夾埋青瓜絲～非常好味～而且份量好足👏🏻。炸醬肥腸豬扒飯 $54見佢地選用新鮮肥腸～一於試下肥腸Q彈～撈埋炸醬一齊食～餸飯一流豬扒香脆酥軟～唔錯😍。紅糖糍粑 $28 即叫即炸～外脆內軟～好好味🤤一份有6件。西柚茉莉花茶 $10飲落酸酸甜甜～非常清新

🇭🇰川婆婆 平價川菜小店🌶️香港大部份川菜都係中高價位呢間平平地就有得食 menu 精簡吸引最想試佢地既水煮 同 酸菜系列😋加底配埋飯都係一百蚊有找👍🏻唔食得辣又想試仲可以揀BB辣🐃 水煮麻辣鮮牛肉(💰$68)BB 辣 唔係好辣 鮮牛肉嫩滑軟身 有點咬口得黎唔韌入邊仲有大豆芽 娃娃菜 海帶絲 豆皮 寬粉材料同份量都 非常豐富😆🌶️ 酸菜魚(💰$68)酸菜好香 酸酸辣辣 開胃BB 辣但唔會話好辣👍🏻呢到比較著重後勁既麻一樣有齊大豆芽 娃娃菜 海帶絲 豆皮 寬粉另外仲有得加底要多魚肉🐟🐟魚肉薄切滑身無骨 食完成碗超飽紅糖糍粑(💰$38)糍粑即叫即炸 外皮薄脆 帶點煙煙韌韌

酸菜魚 $68 (推介👍🏼)✔️好多配料，特別係海帶同埋豆乾皮✔️魚片冇骨好滑嫩，份量都夠😽✔️大量寬粉，好大條，好入味又彈牙✔️$68黎講好抵食荔枝茉莉花茶 $10 (少冰, 少甜)✔️清新解渴唔會太甜，唔錯招牌手撕雞飯 $52✔️ 手撕雞冇骨，下面好多青瓜絲，食落好清新✔️好大碗飯😹食唔曬可叫少飯涼拌土豆絲 $28✔️好入味，爽口✔️開胃帶少少酸上湯娃娃菜 $22✔️有干蒜，幾香口🤩Overall: 以呢個份量黎講cp值幾高嘅，尤其係酸菜魚。每人$100都唔洗食到勁飽！唔食得辣嘅叫啱啱好！Igable打卡度：7/10Taste 好味度：7.3/10 Worth revisiting返兜度：7/10

觀廣入面開左間川婆婆，每次行經都聞到陣陣四川風味，今日終於一嚐。可以預先用電話scan QR code 落單，好方便。每碗粉都有足料大豆芽、娃娃菜、海帶絲、豆皮、寬粉。海帶絲口感實在、豆皮豆味濃👍🏻👍🏻1.酸菜墨魚咀 BB辣 $68墨魚咀好得意，大大粒，彈牙，有咬口。2.水煮魚 BB辣 $68魚肉嫩滑。BB辣，辣度適中，辣得過癮唔辛苦👍🏻3.椒鹽炸豆腐串 $28香脆，份量多。4.西柚茉莉花茶 $105.荔枝茉莉花茶 $10大大杯，清甜解渴😊