川婆婆 (觀塘廣場)

營業中

休息中

話說自從愛上左酸菜魚就會定期去食下川菜，放工行過觀塘廣場，而今晚又吾想煮飯，所以就打包外賣同屋企人一齊試下。餐廳都幾多人，菜式選擇都好多，揀左椒麻魚，水煮魚，麻辣小香鍋同埋麻辣豆腐串。椒麻魚系列一碗份量都好多下，魚肉細嫩，配埋薯粉，娃娃菜，海帶，大豆芽😍湯底味道濃郁。水煮魚系列都係配有薯粉，娃娃菜，海帶，大豆芽，魚肉鮮嫩，加上海帶大豆芽的爽脆口感，同埋麻辣既刺激，我更喜歡哩個。雜錦干鍋配飯呢個啱晒重口味嘅我，入邊有唔同嘅配料，例如萵筍，蓮藕，午餐肉，肉類等，蔬菜同肉類都好食，而且每樣有啲，又唔會太油👍麻辣豆腐串麻辣燙既感覺，吸晒嗰啲麻辣嘅湯湯汁，勁好食，不過對我嚟講都幾辣下，但係又好過癮。川婆婆口味偏向川風味，辣味重，店員服務好，而且價錢性價比高。