川婆婆 (觀塘廣場)

營業中

休息中

本來每個禮拜都會食一次，但漏餸問題已經忍無可忍啦。之前約二、三次都會漏比餸，因為路途問題都費事追究。但今次真係太過分啦，直接比少左份寬粉，得淨餸。（我order左個粉麵餐）打電話比店舖態度還可以，叫我whatsapp佢，本身都冇咩問題，發埋照片比店家，佢話我下次來比返我，咁我講多兩句，叫佢廚房以後小心d唔好有漏餸問題，唸住完結。點知店家的廚房突然話見到我兜麵有寬粉，又再次激氣我，咁我咪拍埋片比佢睇。我再質問佢，如果你懷疑我貪你兜寬粉，我大可以搭車過來同你當面對質，但唔該比返車錢我。可能收到條片，真係見唔到d寬粉，就話唔好意思下次補返比你，會叫廚房注意漏餸問題，認真工作。當時我已經嬲到不得了，就話你第一句答我下次幫襯比返個薯粉你，咪冇事囉。到宜家尼一刻我對個寬粉已經冇興趣，亦唔會再幫襯。最後叫我得閒落來退返20元比我，我心唸已經唔關20元事。

平日休息 一個人嚟到觀塘搵食 當日好大雨 所以去咗近地鐵站唔使淋雨嘅觀塘廣場 食呢間平時一個人經常去嘅川婆婆下午茶時段無乜人 職員話下午茶免費送一罐可樂同小菜 酸菜魚 $68魚片嫩滑無骨 分量都幾多 湯底夠酸亦夠辣配菜有芽菜 豆皮 金針菇 娃娃菜再加少少芫荽同炸蒜頭碎 下午茶餐送嘅配菜唔敷衍 香辣開胃😌😌😌😌配埋可樂 好滿足______________________________

一盒外賣魚皮，只有四片魚皮，打電話去查詢，仲要發我脾氣，好對唔住，我忍唔住用咗比較難聽嘅說話鬧咗佢sorry，真係太嬲，一間公司完完全全冇投訴機制，佢唔啱嘅事(可能只係我有問題)你只有硬食，佢話下次賠返比我，又問我想點，呢個情況我真係唔知點答，我未試過啲食物有問題係要客人話比佢知我想點？其實我可以點？佢有冇諗過香港就係比呢啲餐廳攪死，服務態度非常差，其實唔想接單可以唔接，我冇迫你接，當然你都冇迫我食，希望佢生意興隆，長做長有4片魚皮

$38外賣涼拌魚皮得4小片，打去問只係話會同返廚房講，問佢會點處理，佢就話會反映返，完全冇打算如何補償客人，而且聽電話嘅姐姐態度非常惡劣，好似好大滿客人反映，仲質問我地：咁你想點？

之前食過川婆婆都覺得啲菜ok今日收工黎食水煮魚飯 啲菜冇問題 68蚊 但問題係個特登夾五蚊比我嘅飯！！超級難食！唔知自己係咪其實食緊飯糰，食兩啖發現仲有一啖係凍嘅，就叫姐姐幫我換一碗飯，我仲問點解全部都一夠夠係咪剩飯。個姐姐幫我換一碗都係咁難食，然後班樓面姐姐就好大聲咁討論話我地啲飯都係即日煲嘎，唔會有剩飯。咁你即日煲都咁難食係咪仲有問題？最後都係食唔落個飯完全唔係一粒粒 係一夠夠嘅 又冇飯味 咬都唔使咬 牙口唔好嘅就試下啦比碗粥我都冇咁嬲第一次係openrice寫差評就獻給你了川婆婆冇下次

美味酸菜魚好耐都冇食了不用加錢的是寬粉加飯+5hkd轉米線或其他都是+5hkd唯獨是寬粉不用加錢酸菜魚和麻辣魚都好好食嘢飲要加錢推介大家黎食～觀塘恩物～經過嘅朋友不要錯過

叫左2個粉，一個炸豬扒同一個墨魚咀全部食左幾啖冇再食落去人生未食過咁難食既墨魚咀d粉全部一陣蒜頭味，冇麻冇辣可言真係勁勁勁難食先上黎打返個食評吾明點解呢間野可以開分店。。到底點解有咁多好評？

服務態度極差，叫外賣已經同佢講曬照印個QR code叫我自己落單，仲要唔係繁忙時間成間舖都冇人，新年去加10%仲要唔提前講，落好曬俾錢先同我講，外賣都同我收10%服務費，落單落錯左辣度問佢可唔可以改，勁寸咁同我講話冇得改，搞到我真係完全食唔到，基本上dum曬，啲野仲要唔好食，又貴量又少，絕對唔會再黎食，特別係樓面個位女士，唔知係唔係老闆但係態度真係好差，啲茶記伙計態度都好過佢，希望大家如果去試既話唔會撞到佢返工

去買外賣的時候，明明大大個店員企喺度都要人印紙出黎要人掃code，但最後又要人比現金。之後，收外賣盒費用逐個盒計都算啦，生意難做 由佢，但膠袋費又計，仲係兩個膠袋費，最後都係用一個膠袋幫我裝晒啦。心諗原來外賣盒都可以係盈利嘅部份，厲害厲害。粉麵餐叫餸叫咗牛丸，十蚊淨係比兩粒，仲慘過去掃街；另一個酸菜魚，我揀個粉要淋啲，但係係變咗個酸菜魚淋啲. 仲有涼拌魚皮，個魚皮都係唔淋 嘅。呢間真係可一不可再。 #不吃婆婆

觀塘廣場有好多小食店，不過川婆婆都係比較有特色，同埋好味既一間。店舖有四川麻辣小食，水煮系列，酸菜系列，最吸引梗係肥腸，麻辣豆腐串。- 涼拌魚皮依個小食真係少有，而又做得好。魚皮爽口彈牙，可以一口一塊；涼拌汁又調得酸酸辣辣，好開胃。- 水煮魚水煮魚已經有寛粉，大荳芽，豆皮，海帶絲，只係叫咗BB 辣，已經味道十足，食到出曬汗。魚片份量十足，鮮嫩爽口，肉質結實。寛粉色澤晶瑩剔透，就比較腍身，咬落有嚼勁，可以吸滿湯汁。- 肥腸 * 風琴豆腐 * 魚腐 米線依個係四川車仔麵，價錢平啲，又可以揀自己鐘意既餸，不過就冇配菜；必選既係肥腸，同埋風琴豆腐。肥腸處理得幾好，無怪味，咬落油份充足好香口。風琴豆腐好大串，吸咗好多湯汁，好惹味！- 紅糖糍粑估唔道有紅糖糍粑食，仲要好有水準。糍粑表面酥脆，再有紅糖既清甜，口感軟糯，但又唔油膩。

在觀塘這繁華的美食場景中，各種餐飲選擇眾多，我經常路過這家餐廳，目睹其受歡迎的景象。好奇心終於戰勝我，促使我親自品味這裡的風味。選擇了酸菜魚套餐，加上BBQ牛柏葉和炸竹筍的刺激口感，證明是一個令人愉快的選擇。這道魚展現了完美的平衡——其酥脆的外皮轉為嫩滑、無骨的肉質，在口感和份量上都超出了我的預期。BBQ牛柏葉取得了完美的平衡，融合了柔軟和令人滿足的嚼勁。與此同時，炸竹筍經過巧妙的製作，大量浸泡在酸菜湯中，完美地吸收了風味，為整體味道帶來了愉悅。迎接香辣，我們深入探討了小辣水煮肥牛，加上鴨血的獨特口感。豐盈多汁的牛肉搭配獨特的鴨血口感，為這道菜添加了額外的層次。寬粉吸收了辣味，海帶絲和腐皮等搭配使這頓饗宴更加豐富。為了結束這頓美食之旅，一杯冰爽的可樂提供了完美的解藥，立即讓味蕾復活。整體而言，這次用餐體驗是一場風味之旅，穿越多樣的口感和味道，讓我迫不及待地期待著未來的美食冒險。

今日下午搵朋友前自己一個人去左觀廣一間川菜店到食下午茶😃食左個車仔米線☺️醉香雞湯米線有蘿蔔 午餐肉 萵筍 蟹柳 鴨血雞湯好有中藥材嘅味道～帶有濃郁、香氣撲鼻😅 蘿蔔，具有清甜爽口味道萵筍，一種營養豐富的蔬菜，它的鮮嫩口感和微甜的味道能夠為這道湯米線帶來一些自然的甜味午餐肉，具有鮮美的肉味、嫩滑的口感和獨特的香氣蟹柳，蟹柳的質地通常比較柔軟，容易咀嚼和消化鴨血，咬下去比較彈牙，而且含蛋白質、鐵、維生素和礦物質等營養物質😗店舖食物都唔差～味道還可以保持到水準😑性價比高～真係食過返尋味😶主打川菜 酸菜魚 車仔麵～下次有時間會再去食🤭飲品配凍檸樂

講真呢間真係比到驚喜我!是日收工又喺觀塘區搵食，行到觀塘廣場同同事想食川菜就行入呢間川婆婆餐廳主要有麻辣燙式的粉麵類，椒麻/水煮/酸菜三個系列我地兩個人點左⭐酸菜魚(BB辣)+⭐椒麻鮮牛肉片(小辣)+⭐紅糖糍粑兩款價錢平平地，但分量超多!酸菜魚片唔係用最平的鯰魚肉，魚片分量足，熱辣煮出黎，酸爽帶辣，超級過癮。底下還有娃娃菜，寬粉，豆皮，海帶絲，全部係浸湯一流的配菜，分量都好多，食量細d都食唔曬而椒麻鮮牛肉片，牛肉提前用椒麻醃料醃過，嫩彈得黎保持牛肉口感不會剌得太爛，底菜同酸菜魚既一樣，麻辣鮮香，中意麻味既朋友唔好錯過食辣除左飲凍野，紅糖糍粑解辣就最適合不過🥰軟糯糯米配上紅糖漿，甜同辣穿插配搭講真第一次食川婆婆堂食，呢個分量價錢味道，真心推薦👍🏻

今日中午去了觀塘廣場食lunch，我和朋友去食四川野，我們二人叫了一個水煮麻辣鮮牛肉、椒麻魚米線和口水雞，飲品就挑選了荔枝茉莉花梳打水和凍檸檬可樂。水煮麻辣鮮牛肉大大碗，配有大豆芽、娃娃菜、海帶絲、豆皮、寬粉等配料，非常豐富和滿足，牛肉入味嫩滑，值得推介！ 椒麻魚米線分量十足，配料豐富，魚片鋪滿碗，米線煮得剛剛好，配上麻辣湯底，值得一試。 口水雞雞肉嫩口，而且入味，配合醬汁和配菜一起吃，十分美味可口。

在現代職場中，與同事之間的關係更加重要。趁空間，與同事嘆下午茶，不僅可以增進彼此的了解，還可以促進團隊合作和交流。我們選擇了公司附近的以酸菜魚和水煮魚聞名~川婆婆，作為下午茶地點。一進入店裡，迎面而來的酸辣魚的香氣已經讓我們胃口大開。我們一起坐下，分別點碗酸辣魚及水煮魚，再加酥炸魚扒及皇帝菜。白滑的米線搭配著酸菜魚的口感，完全符合我們的期望。水煮魚同樣也充滿了辣味和麻味，吃起來讓舌頭得到了全新的體驗。下午茶時段，還有罐裝可樂贈飲，抵讚。和同事們共享美食的時光並不只是填飽肚子，更能增進了彼此的工作默契及生活話題。下次，我們還會繼續挑戰不同的美食，繼續享受下午茶的快樂時光。