川婆婆 (觀塘廣場)

營業中

休息中

觀塘區最多人掃街嘅地方就係觀塘廣場，每次放工都逼滿人，係呢度有間川菜鋪頭又便又好味，我想食川菜就會過黎食🥳我地叫左😈麻辣豆腐串配滷水肥腸💰38豆腐串同埋滷水肥腸浸泡係麻辣湯底裡面，湯底濃郁，豆腐串吸曬味，好好食🤤滷水肥腸滷得好好，又軟糯又入味，呢個組合好正😝😈涼拌粉皮💰38粉皮凍冰冰，非常爽滑，配埋青瓜絲同麻辣汁，夏天食好正😻😈椒麻墨魚咀💰38墨魚咀少地方有得吃，即刻叫黎試下。上碟都幾大碗，咬落汁爆曬出黎，又好有咬口，加埋麻辣汁同埋辣椒粉，真係令人一口接一口🥹😈椒麻鹽酥雞塊💰68鹽酥雞塊放係麻辣湯度，吸收曬成個湯嘅精華，雞塊食落又麻又香，湯底仲有口感煙韌嘅寬粉、豆皮等，完全夠食，一路食一路有鼻水流出黎，好正🤤🤤🫣😈紅糖糍粑💰28外脆內軟，加埋紅糖漿一齊食，好煙韌。次次食川菜都會叫😈荔枝茉莉花梳打水💰12係泰象牌梳打水，加上淡淡荔枝茉莉花香味，好解渴消費價錢：2人💰222，人均💰111結論：性價比高又好食🥹餐廳名稱：川婆婆 (觀塘)餐廳地址：觀塘開源道68號觀塘廣場地下G24-G25號舖

荔枝茉莉花梳打水 $12味道正常，甜度正常，有荔枝嘅香味同埋淡淡的茉莉花香～西柚茉莉花梳打水 $12本身對杯野飲有冇乜太大期待，但飲咗啖有驚喜！味道吾係死甜，有西柚果肉！12蚊既價錢算係吾錯！系我pick首選！涼拌魚皮 $38魚皮十分爽滑！份量都唔少！撈埋啲青瓜絲一齊食，味道清爽一流！同朋友share岩岩好！椒麻加餸（餐）$68揀左五花肉，裏面有好多配料～有豆芽，豆皮，寬粉，娃娃菜，海帶絲，份量好足！ 五花肉既份量好多,起碼有8塊～ 椒麻昧好香，一開頭麻味吾重，但系愈食愈麻既個種！寬粉又彈牙又入味！酸菜加餸（餐）$68揀左魚片，裏面配料一樣～都有豆芽，豆皮，寬粉，娃娃菜，海帶絲，好大碗！每個配料都好入味！酸菜魚份量都好足，爽滑好有魚香味！

今日去觀塘做野，午飯時間超級肚餓🥹 走入觀塘廣場睇下有咩平靚正野食😜😜 見到呢間叫川婆婆既餐廳，裝修唔錯，價錢仲好經濟🤩🤩🤩餐廳有唔少座位，仲好寬闊，可以坐得舒服餐廳用QR code 落單，圖文並茂，又可以方便計價錢，同同事AA制😂😂 正呀我同朋友二人叫咗一飯一麵試下，當然仲叫咗我最喜歡既川菜甜品-紅糖糍粑試下啦🥳🥳招牌手撕雞飯- 好多雞呀😙😙 飯同餸仲分開上，正呀麻辣墨魚咀肥腸粉- 可以揀唔同辣度，嘩，真係好足料，估唔到$52可以有咁多墨魚咀和肥腸😎😎😎上湯生皇帝菜- 叫個菜健康下😍😍 好少餐廳有得食皇帝菜，我地把握機會試下，無叫咗呀，我地仲叫咗多蒜Tim, 正呀🥳🥳🥳紅糖糍粑- 好味！係新鮮熱辣整起😎😎😎豆漿汽水餐廳選擇好豐富😊 又抵食！可以做飯堂😎😎川婆婆 (觀塘)觀塘開源道68號觀塘廣場地下G24-G25號舖

觀塘區人口稠密，食肆林立，今日要去觀塘廣場買外遊電話卡，決定順道在樓下晚餐。逛了一圈見有間火紅色門面主打酸菜魚的店舖，門口有人排隊，應該不會中伏。這裡是用QR Code點食物，款式選擇多，有辣有唔辣。心大心細之際店員推介我們試醉香雞，因為hubby不吃辣，我們選了水煮魚清湯版，另外點了幾款小食，包括：爆汁牛筋丸、酥炸豬扒及上湯娃娃菜。1)醉香雞～雞肉嫰滑，湯底材料豐富：有黨參、黑棗、雞心棗及木耳。湯頭帶有淡淡酒香及紅棗甜味，店家很貼心地預先把紅棗去核。2)清湯水煮魚～魚肉滑，配料豐富，包括：大豆芽、豆皮、海帶及木耳絲，湯底清甜。3) 酥炸豬扒～豬扒炸得夠香，仍帶肉汁，不會有乾柴感覺。4)爆汁牛筋丸～吃第一口帶輕微麻辣味，即使不嗜辣的我們都接受到。5)清湯娃娃菜～簡單上湯浸菜上面加了蒜泥，味道頓時提升。整頓晚餐不用$200，確實抵吃。

川菜一直都係我至愛，今次去出名既川婆婆外賣番屋企食。路途都有點遠，但番到屋企都係係熱辣辣，推薦川菜愛好者試試呢間餐廳。酸菜魚：酸菜的酸味與魚的鮮美相互搭配，非常開胃。配有大豆芽菜，娃娃菜，海帶絲，豆皮，寬粉。寬粉的口感好煙靭，入晒湯的酸同辣味，味道濃郁，香氣撲鼻，讓人胃口大開。炸醬豬扒撈米線：酸菜魚一人餐仲配有炸醬豬扒撈米線，以為係配菜，估唔到咁大碗，一個餐可以兩個人食。炸豬扒係佢地既招牌菜，豬扒好入味，炸都好香。炸醬的鹹香加埋米線橯埋一齊食，形成了很好的搭配。椒麻麻辣鮮牛肉：椒麻口感麻辣，香辣味濃郁，非常適合喜歡辣食的人。鮮嫩的牛肉與辣味相互融合，給人一種辣而不燥的感覺。裡面配菜都好多，都有大豆芽菜，娃娃菜，海帶絲，豆皮，寬粉。

近排無咩機會出去食辣野, 今日經過觀塘, 又想食下辣野, 就去咗川婆婆叫外賣食, 主要揀左d傳統四川口味小食我就叫咗涼拌粉皮(小辣), 粉皮比較有嚼勁,平均撈勻啲醬汁, 好香口惹味仲叫左椒麻墨魚咀等幾款小食, 墨魚咀超大粒,好Juicy爽甜, 配埋啲麻香, 食完之後仲有點餘韻辣汁牛柏葉, 牛柏葉好爽口唔靭, 索晒d 辣汁涼拌魚皮, 魚皮膠質好重, 配埋其他香料, 酸酸地, 好開胃另外, 麻辣豆腐串配滷水肥腸, 肥腸入邊都好乾淨，而且好入味😋

喺觀塘返工嘅，你一定要試吓呢一間川婆婆。最近我去咗度試咗佢哋嘅美食，包括涼拌粉皮、紅油抄手、經典口水雞飯、荔枝茉莉花梳打水同埋小食招牌手撕雞。先話涼拌粉皮，呢道凍拌菜非常清爽。粉皮爽滑，配上醬汁，係一個好開胃嘅選擇。之後試咗紅油抄手，呢個係川菜嘅經典小食。抄手皮薄餡多，內餡香濃，加埋辣椒油嘅調味，味道鮮美。經典口水雞飯係呢間餐廳嘅招牌菜之一。雞肉配上特製嘅口水雞醬汁，好好味。我揀咗小辣嘅口味，辣度剛好，增添咗飯菜嘅風味。荔枝茉莉花梳打水有清新嘅茉莉花香氣同甜美嘅荔枝味道結合，好解渴。最後係小食招牌手撕雞，呢道菜係我最鍾意嘅一道。手撕雞肉配埋特製嘅醬汁，口感豐富，少少辣，少少鹹，幾正。

觀廣地下的川婆婆，之前已經食過一人水煮魚同酸菜魚粉麵。今次就試下自選粉麵餐！🔸粉麵餐 配寬粉、招牌麻辣餸最少要揀3個餸起（價錢$8-15）今次揀左鴨血、包仔豆腐同蟹子丸份量好多，鴨血有5、6塊！湯底好惹味，夠辣，仲要有蒜！好正！

之前喺銅鑼灣返工都成日食😝，每次去到都一定叫寬粉加羊肉，配埋辣湯底勁正😍（可惜今次嚟到見唔到羊肉🥲）。🍜#自選粉麵 ($52)湯底大把選擇，今次叫#酸菜金湯，唔油味道啱啱好🙆🏻‍♀️。配料揀咗#蓮藕、#腩肉、#墨魚味春捲。我個人都幾推薦春卷，質感較軟腍但墨魚味幾重😛。麵底當然要寬粉啦🤩，煙煙靭靭我最鍾意。🍜#自選粉麵 ($68) 另一碗就叫咗#招牌麻辣 湯底加出前一丁，配料有#美國肥牛、#響鈴卷、#娃娃菜、#包仔豆腐、#墨魚味春捲✌🏻。本身驚太辣所以揀咗bb辣，但我哋都一致認為下次可以再揀辣啲（唔知會唔會每間分店唔同呢🤔？）。另外麵底都可以揀要淋啲定硬啲，呢個位幾貼心👍🏻。響鈴卷放係面唔會浸到淋曬，肥牛、娃娃菜、包仔豆腐呢啲配料睇落雖然普通，但勝在份量多。🐙#小食椒麻墨魚咀 ($38)有十幾粒仲要勁大嚿，完全想像唔到點解個嘴可以咁大🤣。椒麻味道非常突出，見到成碗都係椒麻粉🙈。🍢#麻辣豆腐串 ($20)總共有兩串，可以同男朋友一人一串🤪。豆腐好索汁，不過麻辣湯汁唔算太辣。🥛#凍豆漿 ($12)豆漿勁濃，仲要雪得夠凍，唔似平時買返嚟水mou mou個啲，加上係手搖飲品嘅包裝，方便帶走慢慢飲✌

做完運動，老細叫我買外賣返屋企食，口淡淡想食啲辣嘢，近近地行落觀塘廣場就有間川菜，平民化裝修～好彩我係買外賣，因為全場滿座！店員畀個code我自己點餐～要讚吓佢個電子點餐系統又真係幾好用，版面十分簡潔，唔似得有啲餐廳淨係落單已經想講粗口！！同埋好欣賞佢外賣用長膠袋，湯粉冇咁容易打瀉！佢有唔同湯底揀，我要咗個椒麻湯底（少麻），最鍾意食薯粉，佢有寬粉同細粉，想有咬口就梗係要寬粉啦！！自選粉可以揀三個餸，我大貪啲揀夠四個～：金菇、魚肉餃、鮮墨魚丸同埋潮式豬肉捲。因爲係老細叫買外賣，所以揀咗個炸豬扒、牛柏葉同炸墨魚嘴呢啲香口嘢……真係好少見有墨魚咀食，我就梗係叫個爽滑魚皮醒自己啦！！原來佢個小辣都幾辣，好彩牛柏葉叫咗BB辣…😅😅總括嚟講，食物美味，尤其喜歡佢個炸豬扒，真係非常入味，炸得鬆軟又唔會乾曬～老細都大讚！魚皮夠曬爽滑，配埋麻辣汁真係辣到出汗～🤣😅墨魚嘴亦非常爽口彈牙！🥰雖然個外賣飽到一個點～最重要係價錢夠平，睇怕下次買外賣又有多個選擇啦！

川婆婆有唔少分店，觀塘呢間第一次食平日晚飯都唔少人水煮魚好味，啲魚片勁多又夠晒滑仲有唔少配菜，餸飯一流不過中辣都幾辣，如果唔係好食得辣既可以點小辣試吓另外叫咗椒麻湯寬粉，個湯勁好味，食完粉之後係可以飲晒。寬粉好煙韌，粉麵底只係 $20，每樣餸逐樣加上去，食一碗已經飽飽除咗粉麵，仲有好多款小食，試咗手撕雞好味，辣辣地又有啲鹹香。點完菜先見到個餐牌原來仲有涼伴魚皮同小滷肥腸 🫣 下次要再試總括嚟講人均幾十至一百食到呢啲已經好好

觀塘餐廳多，競爭大，唔只係商場定係工廈，都有好多唔同種類既餐廳可以慢慢揀，每次都心大心細。呢間餐廳係觀塘廣場，亦正正係東廣場通去觀塘廣場既通道果到，人流好多外，即使餐廳座位多，仍然全場滿座。餐廳可以QRcode落單好方便，而整體都幾乾淨，仲可以見到廚房食物放得好整齊，食物亦整得好快。但唔想等位，唯有買外賣返屋企食，點知出乎意料，外賣既質素同現場食一樣咁高質🙈。酸菜魚 ($70) 嗅起嚟已經好香，充滿酸菜味，但飲落唔會太酸，而且魚塊份量都好多，我嗰碗有18塊咁反多😍😍每塊魚肉仲好大塊好滑身，而且裏面仲有好多材料(海帶絲、大豆芽、寬粉、豆皮、娃娃菜、芫荽&蔥)，連埋湯一齊食好好味。。水煮肥牛 ($70) 可以選擇清湯/唔辣/唔同辣度，我唔太食得辣之下試左BB辣，辣既程度還可以接受，甚至食食下覺得辣得幾香。每塊肥牛都滲入麻辣湯汁，食既每啖都有少少麻，而佢裏面都有好多材料(海帶絲、大豆芽、寬粉、豆皮、娃娃菜、芫荽&蔥)。。小食椒麻墨魚咀 ($39) 餐廳推介之一，上面佈滿好多辣椒粉，而且煮既時候麻辣汁滲入每粒墨魚咀，咬起尼好彈牙，之後條脷會有少少麻既感覺。Drinks 。荔枝茉莉花茶($10)

🍽️ 川婆婆 📍觀塘開源道68號觀塘廣場地下G24-G25號舖-今日放工近觀塘嗰頭，由土生土長嘅觀塘朋友仔介紹，食一間超貼地又好食嘅川菜🌶️🌶️😍😍💫招牌手撕雞飯（$52 ）手撕雞雞肉嫩滑👍🏻👍🏻調味好夠之餘，仲要有好香既麻油味😝😝😝配合埋香脆既芝麻、清爽嘅青瓜同埋必不可少既芫荽😍😍😍難怪成為餐廳既招牌！🥰🥰🥰💫酸菜魚（ $68 ）酸菜魚採用生魚，魚既份量超超超多！又滑又嫩又冇骨👍🏻👍🏻👍🏻配料種類多，樣樣都吸曬味😍😍😍有娃娃菜、海帶、豆皮、芽菜同埋寬粉😚😚😚特別要讚既係個湯底，酸酸辣辣之餘，仲飲到好鮮甜既魚味👍🏻👍🏻🥰🥰💫涼拌土豆絲（ $28 ）冰涼爽脆嘅土豆絲，加埋清新嘅青瓜絲😚😚兩個撈埋一齊真係好夾好夾😋😋😋加上香口嘅芹菜、香蔥、同埋芫荽😍😍😍麻麻辣辣🌶️🌶️🌶️好開胃呀！😚😚💫紅糖糍粑（ $28 ）外脆內軟😍😍煙韌軟糯😋😋濃厚既紅糖醬份量好多， 食落甜而不膩😙😙我就最鍾意成舊沾滿曬紅糖啦😝😝😝💫西柚茉莉花梳打水（ $12 ）好欣賞佢真係有西柚果肉！好香濃👍🏻👍🏻酸酸甜甜好開胃😍😍💫荔枝茉莉花梳打水（ $12 ）荔枝味濃郁，係一個好清爽嘅梳打水😋😋啱晒解辣😙😙-🌟餐廳嘅麻辣同酸辣都好惹味！不

*.+゜川婆婆 * ✿ 椒麻肥牛 $ ⁶⁸ʰᵏᵈ✿ 酥炸豬扒 $ ²⁰ʰᵏᵈ✿ 椒麻墨魚咀 $ ³⁸ʰᵏᵈ✿ 酸菜魚 $ ⁶⁸ʰᵏᵈ✿ 可樂加冰底 $ ¹⁰ʰᵏᵈꕀ如果lunch想吃川菜 去吃川婆婆一流啊椒麻肥牛和酸菜魚份量都好多 好大碗湯底可以自行選擇辣度(♡˙³˙)我們選了超少辣(≖ᴗ≖ )（到底是有多怕辣笑死）結果有點像清湯ㅋㅋ可以由bb辣開始選 應該會較好吃ㅎ𥚃面還有娃娃菜、豆皮、海帶和芽菜等配菜寬粉口感超Q超彈牙.ᐟ.ᐟ加配小吃的價格也不貴～豬扒炸得酥脆 不油膩 ദ്ദി(ｰ̀ ֊ ｰ́ *)墨魚咀有咬口 沒什麼腥味𓂃 𓈒𓏸❁⃘⌫ 川婆婆 (觀塘)觀塘開源道68號觀塘廣場地下G24-G25號舖 ✎﹏#香港咔嚓 #觀塘咔嚓#hkfoodie #hkfood #觀塘美食#香港美食 #hkig #foodie

其實我一直都好鍾意食四川麻辣菜，不過身邊fd同屋企人都麻麻，所以好少出去食。最近想過下癮就去左觀塘廣場間【川婆婆】叫外賣啦。 水煮鮮牛肉配薯粉：小辣都算幾辣下，可以由BB辣先試。鮮牛肉分量好多，都算幾嫩滑，有千張豆皮、蔬菜、芽菜、海帶等等，自己另外加左薯粉（可以加飯或者米粉）。麻辣鮮香、非常開胃。 麻辣豆腐串：呢個反而就小辣好多，屋企人都食到。兩大串長長既豆腐（豆卜）串，索曬D辣汁超級正。 小食鹽酥鷄：分量都算多，不過覺得好似炸粉多過肉，唔係特別推薦 涼拌土豆絲：本身涼拌汁有少少酸、而且唔係好辣，不過有加芽菜，我自己prefer全土豆絲多D，但味道不錯。 凍豆漿：解辣一流。