川居雲南風味米線專門店 (已結業)

7.10(一)第一日番工,好在身在旺角,如果唔係日日出街食飯都幾悶叫左豬軟骨酸辣米線+凍奶茶估唔到又ok喎~不過好似酸多過辣囉~有d奇怪不過lunch時間都唔算太多人~可以抖抖下次同男朋友黎試下d小食~

之前看完食評，專登去試，因見到沙爹米線幾多人讚，叫咗沙爹豬扒米線同蜜川雞等，覺得沙爹真係幾香同埋唔辣，幾好味，不過塊豬扒就唔掂，要等咁耐，以為好正，原來係好"un"至係，炸太耐喇，不過我個人鍾意米線，所以沙爹豬扒米線走豬扒應該係幾好味，蜜川雞味道不錯不過層皮太厚，如果可以甘香d就仲好，唔會好似依家感覺到一層厚厚雞皮。

食過3次…分別食過傣族米線, 沙爹湯底, 麻辣湯底…. D米線好大碗架, 好食好食.個蜜味雞好入味, 又係好好食…平時2個人去, 一人一碗+ 小食+ 菜, 一定食唔哂, 好浪費..而家多數一碗+ 小食6+ 菜.. 咁就剛剛好. 絕對可以一試!!!!不過, d 位有點迫…服務態度都ok 既, 可以接受~~

看了下面的介紹, 試了沙嗲米線，玉子豆腐同蜜川雞, 我自己覺得玉子豆腐同蜜川雞最好食, 男友就覺得沙嗲米線同蜜川雞最好~!下次會再去食~!不過見到對面街有一間同名ge, 唔知係唔係同一間來ge le?

今日我又同臭野先生去食呢間野啦~繼上星期去左3次之後今次再去啦!去過咁多次，經驗話我知，lunch一男一女去食，應該叫一個米線餐+2個小食。已經好足夠架啦!今次試沙嗲魚片米線，同埋見人人都話好食既玉子豆腐。+我至愛既雞亦呀!!真係好好食呀!最衰d亞姐好似成日都黑口黑面，沙嗲米線仍然係好好好好味啊。連湯飲呀。豆腐冇咩味姐，唔係真係咁好。雞亦..如果女仕keep fit唔食皮既話..可以唔洗叫啦~因為佢d皮好厚，但真係好正，雖然我都keep緊fit..但完全冇理呀。照食呀€~

前幾日夜晚8點幾黎試食，都幾full；睇過呢度d comment, 兩個人點左蜜味雞、炸玉子豆腐、沙嗲豬排米線、同埋手撕雞涼伴米線。四樣野都幾好食，d炸豬排同炸玉子豆腐最good! 好香好好味，蜜味雞都好食；手撕雞米線我地要左中辣，不過佢都唔係好辣，屬於偏麻果種，個人而言就覺得普通啦。下次有機會會再黎~ ^^

椒鹽玉子豆腐蜜川雞沙嗲米線COT玉子豆腐好熱, ok沙嗲米線, 都ok, 小小辡幾岩我蜜川雞, 成餐最好食係佢, 成場個個客亦都係點呢尾野好喇,物方面講完喇, 因為太多人都係只講食物冇講過個環境, 呢間野係你食緊野既時候係不停有小昆蟲係咁飛來飛去, 航班都幾頻繁, 一不留神佢就會同你黎個軟著陸係你心愛既蜜川雞之上...(-____-!!), 滅蟲啦老細!!

上星期同朋友仔黎食晚飯叫左沙嗲海皇米線($38),蜜川雞($28),椒鹽玉子豆腐($18),涼拌木耳絲($15)椰果柑桔蜜(只加$10)沙嗲海皇米線～配料有碎帶子,龍蝦丸,魷魚,生菜,沙嗲味略淡,朋友仔嫌唔多夠味仲辣辣地,我覺得OK,但花生味可以重D,另外米線亦太淋,如果保留番少少煙韌感會更加好!蜜川雞～一碟好似有成七隻,用左雞中翼向外反,皮幾脆口,蜜汁味亦唔錯,但我認為如果可以再入味D會更好!椒鹽玉子豆腐～新鮮即炸又唔油,皮薄而入面既玉子豆腐滑,好味道!份量唔算好多,但18蚊都抵食!涼拌木耳絲～平時比較少見,清清地味道唔錯椰果柑桔蜜～椰果份量少左D,柑桔味唔太甜,唔錯!服務唔錯阿姐反應亦快旺角區黎講唔錯

嘩,黎呢度食,次次都會獨食一個沙爹湯米線,再share一個招牌蜜川雞,呢兩樣野都係每一次黎川居必嗌既野食!!而且食完之後唔會好口渴,就連飲曬d湯都唔會添呀!!!!!正,值得一去再去!!!

這店以傣族米線作招來，友人吃過大讚，故來一試。點了沙爹豬扒米線、傣族酸麻米線和椒鹽炸玉子豆腐。一向對沙爹沒大興趣，不過這個卻很合我的口胃。它入口有點辣，帶點椰香；但奇怪的是，那點辣吃下去就沒了，吃不得辣的也不用怕。豬扒就是一般的煎豬扒，不過它們把它切了粗條才煎，而不是一整塊的擱在米線上，看得出是有用心替食客著想。還有其他助料，如金菇、秀珍菇等，跟整個米線都很配合。傣族酸麻米線要了小辣，吃下去酸重辣少，不錯。材料有冬菇、貢丸等，整體也很好。最愛是椒盬炸玉子豆腐－－粉打得薄薄的，炸得剛好，外脆內滑，讚！給大家一個貼士，炸玉子豆腐上菜後要盡早吃，不然放涼了，脆皮變軟油又多便吃不出那味道喇！

佢地標榜湯底無落味精又見午餐時段都唔係好迫人, 所以同傻鬼咪走入去試試. 叫左一個豆苗水餃粗面($18)及墨魚丸河($18)+$5一碟油菜+$7叫左杯熱檸蜜豆苗水餃就幾好味, 不過d粗面就麻麻地. 反而河粉就真係幾鬼滑, 可惜墨丸就完成唔多掂各位可以不用試. 叫左芥蘭食不過份量就少d, 無計只係$5.個湯係奶白色, 都幾甜好似真係無咩味精咁

今日想食D辣o野醒醒個胃,就叫o左麻辣雞絲撈米線、蜜計雞翼及金沙骨.個米線緊係要大辣啦,D米線都幾「in」「un」,但D配料就有D問題啦,個汁辣而不麻,青瓜乾乾地,雞絲OK啦,果幾件炸雞又凍又乾乾地,都唔明點解唔現炸現賣.個蜜汁雞翼一向都OK,只係嫌今次D外皮唔夠脆口.到個金沙骨,舊骨炸得唔會太乾又夠香口,但就衰在個汁太鹹,蓋過曬D酸味.都係o向冼衣街果時正宗D、好味D.....

我都唔明點解d間會有咁多人等位..我就覺得質素好普通.d麻辣整得太普通..個人覺得同普通辣冇分別..d小食.都係一樣..麻麻地..如果真係想食d好味既雲南野..不如去譚仔記或官塘雲南風味好過啦..反正都要錢..不如食好d..

前幾日突然轉凍, 好想食碗熱辣辣的米線, 記得以前幫趁過呢間, 印象一般, 不過近近地, 就姑且再去一次.米線雖然未算腍晒, 但質地"軟lai lai", 無咬口, 係個人幾唔鍾意果隻. 麻辣湯辣得黎得少少麻, 唔香, 無愈辣愈想食既衝動. 配料揀左兩款, 豬潤比較碎, 好彩唔老, 但食開其他鋪頭果d更加正; 雞脾菇唔知點解好韌. 同埋碗野入面, 除左米線同湯之外, 就係得呢兩樣配料, 芽菜、菜等等都欠奉.其實唔算係差, 不過"唔係我碗米線"囉~~

同男朋友去朗豪坊睇戲, 買左飛就行過黎呢度醫肚. 男朋友叫左lunch set, 羊肉米線連飲品$33. 另外可以$5加一碟油菜. 我單叫一個傣式酸麻米線(唔記得係咪咁...) $35.男朋友個米線要左沙爹底, 我試左少少湯, 都ok, 不過我唔鐘意. 硬係覺得沙爹同米線唔係好夾. 羊肉都幾嫩, 另外仲有兩粒龍蝦丸. 同出邊街買既龍蝦丸冇分別, 甜甜地咁. 我不嬲都麻麻地好.我個酸麻米線要左小辣, 我驚自己食唔到. 碗野一黎到就己經聞到好酸. 試一啖, 嘩, 酸到丫. 我平時係勁鐘意食酸野都覺得唔好食. 除左酸同有少少辣之外, 咩味都食唔到. 完全唔覺得麻, 不過呢個可能係因為我自己揀左小辣既關係. d配料又幾好味喎. 我好鐘意粒貢丸(不過可能係來貨), 豬頸肉d味道都唔錯.埋單$77蚊. 唔算係抵, 又唔算貴咁啦.