川崎浦.幸茶舍

營業中

休息中

下午茶時間，想找一間台飲店，飲杯嘢。上網找到這一間似乎ok，於是老遠走到來。睇相見珍珠奶茶好似麻麻，滿心歡喜，於是決定叫杯烏龍珍珠奶茶試吓！哎呀，忘記叫少甜⋯⋯⋯見佢無其他客人，於是補充一句叫少甜，想不到佢黑哂面（當然最後沒有幫我改）⋯⋯其實唔改咪唔改，無所謂⋯⋯難怪沒有客人⋯⋯杯飲品做完出來，係奶白色的😰已經心知不妙⋯⋯一飲，果然完全沒有茶味😰成杯化學品咁⋯⋯珍珠又硬又無味究竟我飲咗啲乜⋯⋯店員同杯飲品嘅質素都極度差劣，不會有下一次⋯⋯唉

放假同屋企人飲完茶，就同媽媽行下街市，睇下晚餐有咩靈感咁。點知行左成個圈，都冇野岩，就去睇呢條小食巷。就發現原來有間茶飲店，隱藏係芸芸小食店之中。呢度舖位細細，但飲品既選擇都唔少，仲有d小食可以叫。我地就叫左2杯野飲，日本翠梅果茶 - 大 ($19)呢排天氣凍打得邊爐多，個人都好似燥燥地咁，於是就叫杯翠梅果茶，清一清熱。呢杯茶糖度係固定嘅，本來都擔心會係超甜嗰啲，但入口係酸酸地嘅，唔使驚甜到漏。飲完杯茶仲可以食埋2粒梅，又脆又爽口！星洲斑蘭奶茶 - 大 ($22)奶茶就飲得多，但斑蘭奶茶就好少係茶飲店見到。斑蘭葉，常見於東南亞料理，最常食到嘅會係班蘭蛋糕，今次就試吓斑斑蘭奶茶，入口有d堅果香，再夾埋口感順滑既奶茶，一拍即合。總結來講，我會鍾意飲翠梅果茶多d，酸酸地幾開胃，仲會覺得好似中和左呢幾日嘅火鍋，飲完呢杯又可以繼續食。

呢日收工經過良景市集，天氣凍凍地，我個肚又餓餓地。於是，就行入去兜個圈，睇吓有咩啱食，暖一暖胃咁。無意中發現，喺泰國鋪對面有呢間台式茶飲店，鋪頭飲品選擇好多，除咗Basic款式之外，呢度仲有冬天限定既熱飲。我足足企左15分鐘先諗到飲咩好。。金桔檸檬愛玉凍 - 大 ($17)我記得上一次飲愛玉係喺台灣飲嘅，入口嗰種口感好特別，有啲似啫喱，但佢又唔會好甜。聽講愛玉凍仲可以生津止渴、清涼解熱，啱晒成日夜瞓上火嘅我。果然，同台灣飲過嘅一樣，偏酸，但佢係可接受嘅酸。滋味炸雞 - 鹽酥味 ($25) （炸雞套餐優惠 減$7）見到人哋個個都嗌呢個鹽酥雞，咁我都加返份啦，佢係即叫即炸既，除咗鹽酥味，仲可以揀孜然味或者咖喱味。只要同飲品一齊叫就可以減$7 ，如果散叫就要$32啦。炸雞入口嫩滑多汁，味道又剛剛好，唔會過鹹。下次再經過，我會想試吓藍碟花茶，成日見人哋Instagram post出嚟成杯藍色咁，好吸睛呢！

本身一早3:00幾叫左個套餐，明明叫左個虎紋珍珠奶茶，佢地俾左個普通珍珠奶茶俾我，但我地已經去到巴士站先發現，趕時間已有車，所以不能更換，兩杯飲品價錢並不一樣，希望能好好改善出錯

連續兩晚都沒有睡，火氣攻心，看見川崎浦·幸茶舍有些台式飲品售賣，不如買杯飲品降降火。原先有打算買檸檬愛玉，但看見它一大瓶的，又不知擺放了多久，最後打消了念頭。紅豆類飲品我不會買，看見原來以罐頭紅豆粒沖製，唯有選話梅梳打，應該令人減低燥熱感吧。除了台式飲品外，這裡還有東南亞飲品可選，算是多元化的飲品店。不過我記得川崎浦·幸茶舍以前賣手卷的，現在都沒賣，很可惜呢。話梅梳打味道尚可，有些許話梅的回甘，我猜應該是話梅粉所發揮的，雖不顯現，至少不是沒有味道。倘若加入話梅皮效果會更好，具嚼感之餘不單調，味覺層次豐富多了。

見到評語不錯，又唔想排隊等出名的虎紋黑糖鮮奶，就近近地試呢間。唔想飲茶，所以就叫了黑糖鮮奶，再加$8要了芋圓珍珠。但用飲筒係飲唔到，d芋圓珍珠係啜實了飲筒，最後我係要倒係碗度當糖水食。鮮奶係用十字奶，加了黑糖都唔會過甜，芋圓有點淋，唔算煙韌。味道：3/5抵食：2/5回頭率：3/5

屯門良景美食多羅羅，良景街市接近一半鋪頭變左熟食，成個food court 咁，真正賣魚賣菜賣肉的好似得幾個檔口咁😂😂呢度美食由最傳統燒賣魚蛋，碗仔翅，粉仔，到中式腸粉，粥麵，到日式鰻魚飯，到泰式船麵，到台灣便當都有，台灣飲品最近熱潮全城皆話，尤其黑糖珍珠！！這次意外發現小店有售，而且價錢$22， 即管一試！這家店好像是用泰國手標奶茶做茶底，好似與台灣的奶茶味有唔同，更加期待黑糖珍珠配上泰國手標奶茶會是怎樣？虎紋黑糖珍珠奶茶 $22， 睇個樣似模似樣，與大牌的有得揮，入口味道好正，奶茶味好香濃，黑糖珍珠好有口感，好驚喜，甜度和冰量都剛剛好，價錢$22 絕對性價比高，比其他大牌更讚

啲嘢勁好味， 好正， 服務員好人， 又唔算太貴， 值得讚， 而家返學差唔多日日食， 係學生哥最抵嘅選擇， 成日都有新菜式， 令我哋有更多選擇， 就算食過鰻魚飯， 止不過$54， 淨係食炸雞都可以過一餐， 真係好抵食， 仲有， 啲份量亦都好多， 所以我覺得好抵食， 飲品有好多種類， 有陣時仲要有啲古靈精怪， 爆谷朱古力等等， 雖然個名古怪， 但係亦都好好飲， 仲可以畀你揀要落幾多糖， 要幾多冰， 就算飲杯珍珠奶茶， 止不過$18， 仲要好大杯， 我值得推介

我平時都有飲開，熱飲今日要左個袋點知個袋勁簿，抽一抽由底爆開成杯落地個朱古力係幾好飲但係個袋3絲都無，承重唔到杯野去買野飲記得絕對唔可以要袋天氣凍膠會脆生姜朱古力飲過幾次係ok我咁就白白無左24蚊

今晚去良景市集發現新大陸，這裡居然開了壽司手卷店，終於有點與眾不同的食店。因為個人都挺愛吃手卷，方便又美味。川崎浦幸茶舍的手卷價錢可算中等格價，不算太貴，手卷選擇亦不少，雖然很想吃海膽，但是這次先嚐嚐最基本的三文魚親子手卷吧。如果基本的手卷好吃的話，那麼可以下次有信心嚐海膽了。手卷用了挺身的紙筒包裹着，對於我這個手忙腳亂的人來說既方便又衛生。光看亮晶晶的三文魚籽密鋪在壽司醋飯已相當誘人，三文魚不算太多，這樣看只有一片，不過吃下去原來還藏了一片於飯中，份量還可以。三文魚肥美度屬一般，口感頗滑溜甘甜，如油脂豐腴一點會更美味。它與三文魚籽一樣鮮度十足，魚籽每顆都富有脆卜卜的滋味，滿口醇香飄逸著。紫菜的脆度一般，如可更脆口的話會吃得更過癮。