影片
以上資料只供參考, 請與餐廳確認詳情
天水圍食野參差我一路都係咁講架喇，所以試新野都要d勇氣，皆因如果唔岩又浪費個胃同埋錢！呢間野新開、細細間！但估唔到有驚喜啊～佢有我最最最愛既涼面，又有我至愛既汕尾牛丸。重點係每樣野都唔超過三十蚊。涼面叫左小辣，油香好濃，絕對一試！大家可以試下雞絲果款，見隔離枱食好似幾滑。另外嗌左個牛肉餅面，面係好彈牙，牛肉餅係大陸食到既味，幾正宗！但好可惜野飲得汽水，仲要加錢。所以我覺得呢方面佢地可以出個套餐，吸引多d食客架～
繼續閱讀
平日晚上咁啱到天水圍探朋友，諗住陪佢試下附近有咩野食啦，誤打誤撞之下，入左呢間唔多起眼，但係入到去發現都算乾淨又滿哂，所以決定買外賣食。點單姐姐好好人 ，有介紹少少，我地想影低有咩食，佢仲話多樣個牌無既飯(手撕雞飯)。最後我叫左推薦既手打牛丸川香雞排紅薯粉，加可樂。小辣第一啖，ok 喎我食到唔係好辣，仲好香添，係我鍾意既麻辣味呀！紅薯粉係同平時食既有少少唔同，幼身的。雞排好入味，牛丸係手打所以好彈牙，唔會無啦啦有粒硬左咁。朋友就食左腩汁，都好好味呀下次再黎都一定會食佢呀：）
繼續閱讀
附近川味嘢食勻曬，係哩間麻辣最深得我心我喺商場附近摞到傳單去試嘅，點知一試上癮個麻辣湯不得了，不！得！了！絕對係用心之作必食推介： 麻辣湯底、牛腩、手撕雞、牛肉餅、牛肉丸、豬肉卷
繼續閱讀
晚上去左呢間川粵食，全店只有16個位，唔算太大，服務員親切。今次試「川」的部分，叫左豬肉卷牛肉餅米線和川香雞扒河粉，兩個都係四川麻辣湯。湯底方面，個人認為辣度適中，麻度夠，不像譚仔用咪精加辣粉，用足香料的湯。至於餸料，雞排香脆肉嫩，牛肉餅手打及豬肉卷切片，可以食出用真肉打，而且價錢不貴，性價比頗高。下次試下「粵」，到底雲吞麵蝦子湯會不會像麥兆記一樣好味呢？和祖傳牛腩水準如何，店內相片是祖傳牛腩麵，不過我覺得配河或米粉應該較好。
繼續閱讀
同老公係天一發現依間新米線，膽粗粗地入去試下新野，當時仲係試業咋，依家已經正式開業，唔試還可，一試就愛上，寫到好似有啲誇😂 講返米線，我至愛係雞扒麻辣米線，雞扒係秘製，煎香，唔會鞋，但我覺得比起試業食已經差左啲，試業會分碟上，依家放埋一齊，煎/炸得較香脆黃金，可以考慮分返碟上啦。至於麻辣湯底，超好飲，好香既花辣味，又濃郁，米線軟硬適中，老公仲嫌小米線。老闆娘會好細心介紹秘製辣油同菜莆，食得辣嘅兩樣都係必試！至於唔食得辣嘅我會推介牛腩麵係用坑腩(唔知係唔係一定係坑腩呢🤔)，湯底亦好有牛肉味！天水圍既朋友不妨去試下啦，支持下啲小店㗎嘛！
繼續閱讀