川粵米線大王 (已結業)

紅磡理工附近不斷開咗D食京川滬小食嘅店鋪,可能係吸引響理工讀書嘅國內學生,呢間走平價路線,以大件夾抵食招來,一餸米線只賣$19仲送飲品,是日中午時間去到,中老年人與年青學生各佔一半,年青人全部都係講普通話.叫咗個牛肉加腩片嘅兩餸紅薯粉($21).雖然係簡單嘅材料但勝在即叫即做,唔似車仔麵,即叫即有,等咗一陣,終於上檯,都好大碗,牛肉幾滑,腩片好薄但爽口,紅薯粉好滑,湯底比較淡,加點辣會好D.同一條街,兩間食肆雖然裝修格局相似但風格又各異,適隨尊便,點揀都得.

2009-09-12 (星期五)唔好比佢普通既外表欺騙到，佢外表係食米線，其實係食四川野ga....今日同男友經過紅磡覓食，咁岩就比我地留意到有哩間小店，我男友對四川食品非常有興趣，於是就入左去食野啦。我地兩日叫左個水煮魚同埋重慶擔擔麵，水煮魚就有分唔同等級的辣，重慶擔擔麵就冇唔好比碗擔擔麵外表欺騙到，其實都幾辣，當我食第一口仲以為好普通，但係食多兩口就開始覺得出事了最後我男友就食晒碗擔擔麵。水煮魚一黎到就比佢嚇親，因為非常紅，有好多辣椒花椒，聞到都覺得好香，雖然我唔係好食得辣，但係我地都叫左個中辣，一個字形容：正

呢個地方都幾難揾!兜左幾個圈先揾到!七點半去到等左一陣位,喺門口已經揀定食咩好.２個人叫咗:口水雞小食----雞肉好滑!味道麻多於辣,好處係唔會好似出面其它鋪頭咁,博命落花生碎!食到喉嚨痕餐死.麻辣無骨鳳爪----呢個痳麻地,因為唔夠凍同有Ｄ怪味！紅油抄手----雲吞皮好滑,肉餡少少(手指甲大Ｄ）反而我鐘意喎!食多幾隻唔會漏.水煮肉片----都幾大個盆!肉片煮得剛好!仲滑滑地,盆底有好多大荳芽同黄芽白,索晒Ｄ汁都好惹味!担担麵----呢個就係堅麻!乾撈嘅拉麵,第一啖已經頭頂痕痕地!麵質幾爽口,食得夠過癮!腩肉魚蛋米線----米線淥得太過火,淋晒!腩肉係成舊燒肉咁樣,魚蛋普通料無特別,同埋個湯太多油浮喺面.以上食品全部係中辣,各位食得辣朋友可能有Ｄ失望,因為全部都係麻多過辣.同埋間鋪個冷氣唔夠!阿姐話間鋪頂番嚟,無咩裝修,無計!input咁多辣油,我都驚output會醃眼!所以去對面街間果汁鋪買木爪汁飲,發現間果汁鋪有好多糕點賣!買在一件西米糕,一件椰汁糕,一件馬碲糕返屋企,全部都見得人入得口！好有以前涼茶鋪賣果ＤFeel!正!

裝修簡陋的小店人頭湧湧, 過半的客人都操國語, 便知此店食物正宗果然不負所望, 叫了:水煮牛肚片: 滿滿的花椒和辣油干煸豆季豆: 又香又有鑊氣, 是最好味的一碟, 只限晚市有售口水雞: 雞很滑, 但肉不多酸辣粉: 比我在內地吃過的大碗很多酸辣魚滑米線: 我沒有吃, 不清楚只是服務有需要改善啦, 我們吃內地風味, 不是吃內地服務態度啦, 店員對客人幾乎用命令的口吻, 鄰桌吃不慣孜然的味道, 大半碟都沒吃便叫店員收碟, 店員居然冒出一句"唔食, 罷!"的說話話說回來, 以上食物加2罐汽水都不過$109, 香港很難找到了

禽晚7點鬆d嚟到,同費安拿n愛麗思一行三人, 嚟到已開始有人龍, 我哋等咗15分鐘入坐, 環境都幾迫架,冷氣都唔勁但見費安拿介紹所以一試.生腸墨魚 - 生腸好爽脆, 墨魚都好正涼拌四川皮蛋 - 一般咋, 可能食慣黑黑嗰d皮蛋, 佢哋嗰d個蛋黃好實夫妻肺片 - 正, 個汁夠辣夠麻蒜泥白肉 - 個汁又係正, 夠晒味, 白肉肥瘦適中紅油抄手 - lee個就普通d, 抄手係細粒嗰d, 只係得個辣味, 無其他味重慶担担面 - 乾撈嘅, 用拉面, 都幾特別口水雞 - 正, 真係流晒口水腐乳通菜 - ok酸菜魚 - 魚夠鮮, 有好多酸菜同大豆笌所有小食都係十幾廿蚊, 除咗酸菜魚貴d之外, 真係好抵食, 但要等得, 佢哋係一張枱嗰張單一次整, 整完成張先到下一張.全部都係即叫即撈, 所以要等...埋單HKD25X, 連兩汽水, 一杯咸檸梳打

我是地道的四川人，來了香港4年以後，終于找到了一閒可以與家鄉川菜舘媲美的當地餐廳！川粵最出色的就是他家的辣椒油，煎得非常香，據來自重慶的老闆娘介紹，那些辣椒都是她媽媽定時從家鄉重慶寄過來的~~怪不得有那麽親切的家鄉味！川粵的消費水平也非常大衆化，那天我們朋友3個去吃了一大盆水煮魚，才50多元，這樣的價錢就算在深圳也難以尋覓！真可謂是物美價廉。喜歡吃辣的朋友一定要去這閒小店嘗嘗，雖然店鋪小小，位置也比較偏僻，但吃過決不後悔。他家的生意也越來越好，好多香港本地朋友也開始喜歡上那裏地道的重慶麻辣味。搬來紅磡短短幾天，我和朋友已經去了兩次，遺憾沒有帶照相機去把美味拍下來。我決定以後想吃川菜不必北上深圳了，這裡甚至比深圳幾閒著名的川菜舘還要好味！p.s.重慶老闆娘靜姐人非常nice，對客人很熱情周到。

返大陸我實係食四川菜, 因為本人好鍾意食辣香港我就多數去呢度......其實我都唔知有呢間都係去食漢堡之後見到佢咪試吓囉一試又ok wor, 辣又有分幾種我第一次去老闆娘就推介我食佢地個口水雞米線口水雞真係幾好, 肉滑,醬汁香辣, 米線我都仲係覺得譚x 好d所以我之後都係去食佢地晚市先有o既水煮牛肉同肉片好有風味, 同我在大陸食o既最唔同係佢無咁多油次次我都要帶兩包紙巾去抺汗其他o既青瓜 豬大腸都好好食因為辣得黎好好味

又往川粵, 今次一行又大又少共 5 人, 試了担担撈麵(大辣) , 麵質不錯有咬口; 但真的咸了一點. 另當然會叫酸辣粉啦, 小孩們則叫了 2 餸米線, 不過不失, 小孩們倒是吃得津津有味. 因小孩們很想吃雞, 我就問很好招呼的外省姐姐口水雞可不可以走辣? 哈哈! 答案竟是可以, 馬上要了半隻 $45-, 走辣的口水雞相當不錯, 雞肉很滑, 而淋在雞身的汁也很香, 吃得出有蒜泥.姜未.香菜.花生等等 另也試了泡淑肥腸 $38, 不太辣的的四川菜, 肥腸很好吃, 但比較細碟. 五人共要了 3碗2餸米線 / 2 餸酸辣粉/ 担担麵 / 半隻口水雞 / 肥腸及 5杯涷飲: 共 $217-

近來不知怎樣，早、午、晚三餐總覺得餓極了。每到食飯的時間總覺得空空如也。今晚雖約了女朋友，但可惜遲了放工，我倆都餓極了！原來想食的米線舖不知什麼原因，竟然沒有開…我倆失望之際，竟然在不遠處發現了這間川粵米線大王。在擔心食物的質素的同時，竟出現了一點點的驚喜！我倆點了：炸醬腩肉米線($21)：炸醬是分開上的，可試到炸醬的原味，有淡淡的麻辣的剌激，但不會過辣，非常出色。而餘下的腩肉米線，腩肉像燜了的燒肉，比較厚身。除了有咬口的米線外，沒有特別出色的地方。口水雞米線($25)：口水雞亦是分開上的。口水雞的份量比想像的多(有七、八件之多)。可能食神的關係，全是雞亦及雞肶那些好食的部位。驚喜的是，雞肉是出色的滑！而我們要求小辣，不會辣到入不到口，又可以試試其香料。可惜，那些湯及米線的質素同上，只有米線可取…蒜泥白肉($15)：這個亦是驚喜的菜色之一。薄切的腩片連同蒜泥的辣味，可謂非常的合襯！伴碟有幾件賣相不太好的小黃瓜，小試了一件返覺得在濃味的餸菜中非常清新！一讚的是，那舖的服務令人滿意，分開上的餸亦一一樂意做到。這個價錢，我倆都吃得滿意，但亦希望下次再來時會有更多驚喜。

本人好鍾意食撈麵，睇到食評擔擔麵係撈既，當然去食啦！叫左個擔擔麵走青，等左一陣，煮野個位先生手快落左蔥，佢諗住撩開ｄ蔥比我，點知唔得，佢即刻同我講唔好意思，然後煮過一碗比我．由於第一次食，所以叫左小辣，味道OK la，唔知係咪佢趕住整比我，所以碗麵多左少少水，淡左ｄ，唔緊要啦，服務態度搭夠！

川粵和和很出名聯記川王祗相差半條街, 2 間的酸辣粉也試過了, 老實說差別不算太大, 但川粵優勝的地方是有冷氣及坐室內. 不明白為何聯川多租了隔隣的舖位但祗用來放雜物 也不把店鋪弄好一點 ( 堂食還是要坐街 ), 是不是這樣才算有中國特色風味 談回川粵 - 酸辣粉真的 OK, 自問是一個吃得正宗麻辣的傢伙, 我吃酸辣粉當然要大辣啦, 過隠 口水雞 - 不錯, 需然一定是冰鮮雞, 但也弄得很嫩滑鮮麻, 例牌 - $17, 半隻 $45 也不貴小吃類有很多選擇, 試了麻辣豬耳, 好味喎, 豬耳切得很薄又爽脆, 麻辣豬肚, 肥腸等... 全都是我杯茶 見店內很多客人點水煮牛肉, 還見到有四川另一名菜酸菜魚, 下次一定要試試 !

吃慣的擔擔麵大多是放湯,近日陵兄向我推介一間在黃埔街的麵店,其重慶擔擔麵是撈麵形式.個人一向喜愛撈麵.聽罷之後,在某個下午找到上門.這店名為"川粵米線大王".不怕生壞命,最怕改壞名.川粵,即係又川又粵,又是同那些湘川滬三不像一脈相承?一心來吃擔擔麵,再叫個小吃份量口水雞,同涼伴青瓜.三味也是辣味菜式.沒有半點空間給你喘息.如果在四,五年前這樣地吃,我自己都覺得不可思議.作為冷盤的青瓜,先用少少辣度來令你打開食慾,辣油的刺激碰上爽甜的青瓜,是一道不錯的開胃菜.小吃份量的口水雞,一個人獨食也不會肥.因為不敢托大,要個小辣.其不算很辣但帶點微燙,以麻香作收結的味道,剛好不盡搶去雞肉的味道.而雞肉也很嫩滑,更有點雞味.伴麵形式的擔擔麵,店員在上桌時再提示一句:{記得撈勻先好食.},這個簡單道理,我當然明白.用豆辦醬,辣椒,花生,芝麻,蝦乾幾樣齊下,趁麵條仍保持熱度時撈埋一起.每一條麵條沾上麻辣的味道,麵條的熱力更能將味道升華.一口也是先辣,再香,最後就麻.其起承轉合完全充份演譯出麻辣本身的味道.人總是欲求不滿,未吃完最後一條麵條,已想定下次再來吃酸辣粉,麻辣金錢肚,虎皮椒等

昨日和老公經過紅磡，想去川王吃川菜，點知無開。無癮行吓行吓見到這店，試試喇！一試.............難忙！口水雞：味道尚可，雞肉像霉似的!!!!!!!!!!蒜泥白肉：蒜味濃，但用的肉不對，用的是五花肉，呃人！米線：湯底尚可，但米線沒有口感，無彈性，容易斷，失敗！

係Hung Hom 都打滾左幾年，食過曬個頭d米線鋪，初頭都會間間都去下，但到依家就只會黎川粵食，因為依度真係咁多間裡面最好食的。依度d米線好正宗，亦因為依個原因，好好多poly 既內地生黎食。依度最主要就係食米線同紅薯粉，我個人覺得兩樣都好好味。次次同女友黎到都會多點一些小食，最吸引的就係蒜泥白肉、口水雞同麻辣大腸。蒜泥白肉:口感好，有青瓜係底，味度很清新！ 抵食 ($15)口水雞: 份量夠，汁料惹味！食到停唔到，想連汁都飲埋！ 抵食 ($17)麻嚇大腸: 夠味！一大碗，超抵食!! ($15)而水煮系列就最受內地生歡迎！！有誠意之作！！份量大！一大盆(無誇張，佢真係用個盆莊俾你)！而我地依d作為學生既，價錢真係好重要，下午菜好抵，廿蚊都唔駛，重要有埋冷熱飲品！！抵讚！

內地的朋友說這家店的味道很正宗,於是就來試試~果然,裡面好多都係內地人幫襯!!個水煮牛好好好食, o的湯好有味~~兩個人吃, 再加彈牙的紅薯粉內煮, 份量很多!可以用這個價錢吃到這個味道, 實在太抵了~去這裡一定要食辣!