川粵閣

營業中

休息中

地方窄，環境麻麻。職員木無表情，問職員會點頭都費事開口答你。香港今時今日咁嘅服務，希望你快啲執笠，冇心機做就執咗佢啦。食物吾平，成$70 80一個水煮牛/水煮魚，份量一定唔會多。我就絕對唔會再光顧，希望你地慎重考慮，三思！新北江商場咁多食店，咁多競爭，唔係淨係得你一間食店，我下次一定唔會再光顧。我都唔建議食客入去食任何食物，根本就係俾錢買難受。上2樓有更加多嘅好選擇。無謂同自己銀包過唔去。環境3分食物質素 2分服務2分

諗唔到食咩，誤打誤撞搵到呢間，平時經過見到坐滿座，今日終於有機會試下，今晚得2個人食，所以試嘅菜式唔多。泡椒魚皮魚皮新鮮爽口彈牙，調味唔會太鹹太辣，餐前小食一流。酸菜鱸魚鱸魚新鮮嫩滑，無骨，酸菜夠多，有薯粉墊底，2個人食啱啱好食酸辣菜式，必定叫脆口嘢配，酥肉夠香脆，有辣椒粉調味，唔會太辣總結，埋單大約200蚊，食到上面3樣菜式，係今時今日嘅物價，實在物起所值，如果住附近值得嚟試一試，暫時天水圍食過最好食嘅酸菜魚。

天氣熱最岩食辣野出下汗😆呢間新北江川菜成日都排滿哂人。今日難得唔使排隊，就即刻坐低水煮魚（小辣）太耐冇食驚太辣就剩係叫左小辣，辣味岩岩好，唔會太搶口。魚係宜家冇得揀，只有無骨鱸魚。好彩都唔算太腥，但就好容易散，有d難夾。腩肉炒包菜（椰菜）有腩肉同辣椒調味，椰菜炒得好有鑊氣。但就炒得偏油同偏硬，食到成嘴都係油😅

平時一路都有幫襯開川粵閣，覺得啲野全部都好好味，但最近食酸菜魚發現佢地由無骨魚轉咗隻新嘅盧魚！隻盧魚勁腥仲要連住啲皮，有啲直情得塊皮，搞到更加腥，連酸菜魚啲汁都蓋唔過啲魚腥味，強烈建議川粵閣轉返之前隻無骨魚 (個姐姐仲話新個隻好食啲🤢) 腥到爆….

偶爾在天水圍都會幫襯的食店一開始食都還好店面都算企理而且食物幾用心然後就開始越做越差食物質素有點退步而且職員嘅態度越嚟越差差唔多關門前30分鐘會叫你埋單態度不是特別好然後再問可以用咩俾既時候我先睇睇銀包散紙夠唔夠女侍應直接望住我銀包入望有咩錢然後話大把錢啦真係好冇禮貌！食物質素都有啲退步麻婆豆腐的豆腐唔夠入味而且生粉水溝唔暈變左一pat pat雞雜都還可以既算爽口份量都算多既薯粉油略嫌太味道變左唔出然後食食下就有隻曱甴🪳經過嚇到傻左

長期幫襯嘅一間川菜一直都好鍾意食佢成個新北江咁多間得佢係最好食不過水準有時就唔穩定可能唔同廚師但係整體都好好味成日唔想諗食咩就會食佢我多數都係食炒土豆絲叫BB辣跟住叫蒜泥白肉不過佢有時會賣晒好多蒜蓉超級重口味份量就差唔多啦另外仲會食嘅就係肥腸有水煮肥腸 同埋一個炒肥腸兩個都好鍾意食不過比較鍾意食水煮肥腸，因為係比較熱同埋佢有薯粉，超正不過外賣時間都等得幾耐下不過唔緊要啦，就係屋企附近同埋價錢來講，都唔算貴

之前食過好多次。個水煮肥腸好好食，配飯都一流，而且價錢實惠。但夜晚好多人，個阿姐會催你走，枱細，環境逼。之前有試過八點去叫，等左半個鐘外賣。如果食就最好六點半前去。

間舖晚上超多人 次次都坐滿今日趁早收工之後早啲食試吓係咪真係咁好味口水雞 $46雞皮滑肉嫩，再加埋佢哋特製嘅口水汁，唔會覺得油膩之餘，仲好想攞晒啲汁嚟撈飯，好有辣香味，入口只係微微嘅麻辣，好有川菜嘅感覺。總括而言，要食川菜嘅，可以試吓呢間，份量十足，價錢合理

下午四點食午飯嘅時候，落咗單等咗20分鐘左右， 我問點解仲未有 ，居然話廚師食緊飯 ，叫我再等一陣 ，我馬上轉身走人 ，叫佢慢慢食。當其時仲有其他食客，不過冇人落單，只係喺度食緊飯。

本身係到見到食評個皮蛋好似好正咁先叫，34蚊份量超少，個乾煸肥腸真係乾到阿媽都唔認得 硬倔倔。下次都係叫返樓上個間🤧試過有次去鋪叫外賣，企係收銀隔離成5分鐘當我透明，個女仔淨係顧住講電話 跟住同老闆娘講佢阿姨叫外賣 可唔可以比多啲魚佢🫠完全skip

環境麻麻，同朋友一起食，旁邊有兩個位，本身地方窄，坐得好吾舒服，職員叫我地拎起個袋，俾其他人坐，另一個職員話：吾通捧著個袋食啊，笑左聲，個職員話：咁都冇辦法啦，係沒有隔板嘅情況下與陌生人共同聚餐，周圍都痴痴地，食物又吾算平，朋友話好似食左魚蛋咁就100蚊，啲魚即係同龍利柳差唔多，廚房門一打開，煮嘢食嘅姐姐都吾載口罩，衛生同埋職員態度都麻麻，我同朋友都俾劣評，絕對唔會再光顧，希望你地慎重考慮，三思！

2021年9月22日(三)農曆八月十六追月的外賣午餐酸菜魚跟白飯一碗$71午餐的酸菜魚是用鯇魚，多骨，食時要小心，怕有骨就要叫無骨魚，散叫價錢相對較高，一份無骨酸菜魚$88手撕雞(例牌)$46虎皮尖椒$37泡椒肥腸$69此店越來越多人光顧，店細細，11am開門，未到中午12點已經全場爆滿，可想而知食埋出品及服務都好好好，生意才會興隆，出餐時間一定會耐，大家想來食嘢，就要預多啲時間。開開心心食餐飯，唔好攪到炆炆憎憎提外話：等外賣期間，見到堂食客的麻辣雞煲賣相不錯多口問左二句，下次我都要叫煲麻辣雞煲食下

位於天水圍新北江商埸地下小店 - 川粵閣，環境ok企理，繁忙時間需要等位，亦有好多人等外賣。菜式種類豐富，除左酸菜、水煮魚等必點菜式外，仲有好多小菜、鍋類供選擇。值得一讚上菜速度迅速，落左單等唔夠5分鐘，小菜已經上哂碟。酸菜魚（小份、小辣、無骨） $88評分：★★★☆☆份量2個女仔食岩岩好，簡左無骨魚，但魚數量比較少，加埋酸菜同薯粉都夠食。湯汁算濃郁，唔會太油膩，但唔係食過最出色，不過不失。雖然以呢個價錢真係唔可以期望太高，但魚係食得出用普通急凍魚柳，事先用鹽、胡椒粉醃左，食落唔會鞋口，但就冇左新鮮魚嘅鮮味同口感此終差啲。佢地menu有其它魚嘅選擇(脆肉脘魚/生魚),未知會唔會比較爽脆鮮美。薯粉份量都多，煮得剛剛好，唔會一夾就斷哂，索埋d湯汁好惹味。酸辣土豆絲 $38評分：★★★★☆土豆絲粉份量十足，炒得夠哂爽脆，但唔會生，十分推介。但個人略廉唔夠酸（自己較熱愛酸），需要問店員拎陳醋加落去，香辣味夠哂，撈埋一齊勁開胃，超級適合而家夏天咁熱冇哂胃口嘅時候食。但店員都好貼心，特意過黎提醒下次落單時可預先講加酸。酸菜炒肥腸（小辣）$58評分：★★☆☆☆上菜時聞到好香濃酸菜味道，不禁對佢加多幾

真係好嬲， 垃圾餐廳， 今日父親節諗住食下川菜，知道今日父親節早小小叫餐，6:30pm 就叫， 一路延遲， 等到8點幾， 明明外賣員已經到左等待，但餐廳跟本出唔到餐，外賣園都走左，到我自己打電話去呢間垃圾餐廳， 佢話廚房冇哂野食出唔到餐，叫我取消， 仲搵我張單搵左好耐，呢間餐廳做唔切就唔好接單， 我等左2個鐘你先同我講廚房冇野食？太過份，一年一度父親節居然最後爸爸要煮公仔麵食， 真係多得呢間垃圾😡真係好差好差好差😡

入到天水圍搵朋友，不約而同想食酸菜魚，之前試過同場另一間酸菜魚，朋友就介紹叫我試下呢間川粵閣。入到去地方都算乾淨明亮，我地點左個大生魚酸菜魚，炒萵笋同牛柏葉。等左一陣萵笋黎先，萵笋基本上點炒都好食😂佢ge萵笋係切一片片，食落好脆好鮮甜，腩肉都整得好入味又唔會膩～而牛柏葉都好有驚喜，本身我唔算特別鍾意食朱柏葉，佢呢度個牛柏葉全部切到細細舊，索晒d汁之餘仲整得好爽口。但我係唔記得影相😂跟住超大碗酸菜魚上菜！一眼望去就係見到熱辣辣同好多魚！本身我唔係好叻𦧲骨，好在揀左呢個生魚係冇乜骨，最多係有一兩條，而且佢真係比好多魚肉，加埋個小辣湯底，又香又麻簡直停唔到口。個酸菜魚仲跟左薯粉響底，唔知有冇得叫佢加底薯粉，覺得唔係好夠食😂總括黎講係超滿意一餐，有機會入大西北一定會再食～