影片
港鐵西營盤站 B2 出口, 步行約4分鐘
繼續閱讀
營業時間
星期一至二
12:00 - 16:00
17:30 - 21:00
星期三
全日休息
星期四至日
12:00 - 16:00
17:30 - 21:00
以上資料只供參考, 請與餐廳確認詳情
今次探訪高街，我發現咗一間馬來西亞美食店——巴剎雞飯，性價比驚人，吸引我一試佢哋嘅招牌美食。**巴剎雞撈麵**：呢個菜式絕對係黎到必食嘅選擇。爽脆嘅雞皮配上嫩滑嘅雞肉，每一啖都係滿足感。特別係轉雞髀，啖啖肉嘅享受真係無得頂。撈麵份量足，豬油香氣撲鼻，即使少咗啲醬油，味道仍然足夠濃郁，絕對值得一試。**炭燒沙嗲（6串）**：可以選擇豬、牛、雞，不過可惜嗰日牛肉賣晒，我就揀咗豬肉。用炭火燒嘅方式令沙嗲更加香口，炭香味道特別突出，肉質嫩滑，真係令人回味無窮。**山打根皮蛋餃／酥炸皮蛋餃**：聽過唔少推介，特別叫咗兩款嚟試。兩者各有千秋，酥炸嘅外皮香脆可口，而湯餃入口即溶，皮蛋嘅味道更加突出，肉餡鮮美，皮薄餡多，每一啖都係滿足。**羅漢果龍眼冬瓜茶**：通常只有凍飲，不過今次運氣好，剛煲好嘅熱飲版同樣提供。羅漢果嘅味道濃郁，喝後喉嚨感覺特別舒暢，無論熱天或凍天，都係解渴又養生嘅好選擇。**丹南咖啡**：烘焙香味撲鼻，咖啡醇厚而香濃，甜度恰到好處，每一啖都令人難以忘懷，絕對係咖啡愛好者嘅必試之選。
繼續閱讀
🐔🍚🍃 嚟到呢間唔起眼嘅小店，頭盤就試咗嗰炸皮蛋餃，脆口外皮包裹著唔俗嘅肉餡同那微濃嘅皮蛋香，一啖落去惹味到不得了！炭燒沙爹牛嘅熱嗲嗲嘅串燒就更加令人回味無窮，炭香撲鼻，加上甜鹹鹹嘅沙嗲醬，整個味蕾都活躍咗起嚟。跟住嘅炸肉撈麵，炸肉出奇嘅香口，一絲不苟嘅肉質配上帶着醬油香味嘅麵條，真係相得益彰。不過，最勁嘅肯定係店名同名嘅巴剎雞飯啦，雞肉滑嫩至極，皮薄油閃，再沾上特製青辣醬，辣中帶香，完美！至於飲品，絕對推介嗰杯丹南咖啡，香濃得嚟唔膩口，轉個頭再飲杯清新嘅百香果茶烏龍冷泡茶，消暑提神，順滑咁完美收官。小店喺街頭小館，但諗起嗰份真摰嘅地道味，真係叫人回味無窮啊！下次仲要嚟試埋其他招牌嘅！🤤🥘🌶️
繼續閱讀
今次登上高街，一試呢間性價比高嘅馬來西亞食店巴剎雞撈麵 $58 轉髀+$13爽脆雞皮，嫩滑雞肉，轉雞髀係值得嘅，啖啖肉，撈麵都大碗，豬油味幾香，少返啲醬油都夠味炭燒沙嗲 (6串) $88可自選豬/牛/雞，可惜當日無哂牛，就揀咗豬，串燒用炭燒爐仔送上枱，炭烤令豬肉更香口，風味十足淨皮蛋餃 $46酥炸皮蛋餃 $32睇過食評好多人推介皮蛋餃，特登叫咗兩款試，各有風味，酥炸香口，湯餃皮蛋味較突出，而且肉味亦較鮮，皮薄餡靚，正！羅漢果龍眼冬瓜茶 $22平時只有凍，今次啱啱煲好，所以有和暖版，特濃羅漢果味，飲完喉嚨好舒服丹南咖啡 $22咖啡嘅烘焙味特別香濃，味道醇厚，甜度適中，推介！
繼續閱讀
今日同半年冇見嘅friend食飯，朋友喺上環返工，我就喺石塘咀嗰邊返，所以就揀個中間點：西營盤😝呢間巴剎雞飯係食馬拉菜嘅，上網search咗原來「巴剎」係市集咁解。喺市集入面食雞飯，係馬來西亞獨有文化👍🏻我哋兩個人叫咗四樣嘢食。首先上菜嘅係南乳脆雞翼同炭燒沙嗲(豬肉)串燒！雞肉炸得好香好脆口，一份4隻同同行嘅朋友分就剛啱啱好。串燒有個小炭爐烤住上菜，細細個好cute搭配暖暖地嘅羅漢果冬瓜茶，甜甜地可以中和返食煎炸嘢嘅油膩感，又唔怕食太多好熱氣🙊另外嚟到呢度一定要叫呢度主打嘅雞飯啦！雞肉好嫩，一d都唔柴！而且個油飯都好香，可惜我哋食得太慢、放得太耐，個飯本身同附送嘅冬瓜湯都凍咗🥺，新鮮嚟到一定會好食好多！Overall我同朋友都覺得餐廳值得一試，特別係餐廳內一直播住啲00年代嘅廣東歌，餐廳裝潢都有少少舊香港大排檔感，價錢都acceptable，幾啱收工想同朋友簡單食一餐聚舊飯，好食得嚟大家作為小資族又afford到～
繼續閱讀
係…返工係辛苦左少少，係…每日又少左3/2時間，但作為時間管理大師，時間對我黎講就好似乳溝一樣，擠下咪有囉，講到食，就算走到去天涯海角，我都覺得值，更何況只係港島西的盡頭？我就去硬咖啦，你呢？👇🏻📌人 氣 推 介 - ▪️ 巴 剎 雞 飯 - $58▪️ 巴 剎 炸 肉 米 粉 - $56▫️ 第一件事一定係嗌呢兩樣野先，呢個「巴剎雞飯」果然各不虛傳，雞肉滑嫩都不得了，油飯濃香但唔膩，送埋碗冬瓜清湯，滋潤入味，正；「巴剎炸肉米粉」亦有驚喜，炸肉完全唔乾，肉質爽彈，配搭米粉我覺得比撈麵更加夾，而且兩樣價錢相當貼地，一定要嗌！ ▪️ 炭 燒 沙 爹 豬 串 燒 - $48/3串▪️ 香 脆 南 乳 炸 雞 翼 - $28▫️ 另外小食又係要嗌，第一道「炭燒沙爹豬串燒」用個小型爐仔慶住，保持溫度之餘，仲可以一路燒住佢，等個口感更加腍滑，配搭埋沙爹醬份外惹味；而「香脆南乳炸雞翼」即叫即炸，食落外脆內軟，啖啖juicy，個南乳醬真係香到不得了！▪️ 炸 皮 蛋 餃 - $32▪️ 咖 央 手 抓 餅 - $28▫️ 皮蛋食得多，估唔到原來可以將佢包住黎炸，呢個「炸皮蛋餃」好似炸雲吞一樣咁酥脆，而裡面皮蛋鹹香十足；最後整埋個馬來特色甜品「咖央手抓餅」，面頭鋪滿杏仁、白芝麻、椰絲，裡面夾雜D咖央醬，成個味道層次豐富，我超鍾意。📌飲 品 -▪️ 丹 南 咖 啡 - $22▪️ 羅 漢 果 龍 眼 冬 瓜 茶 - $22▫️ 飲品揀左兩杯「丹南咖啡」、「羅漢果龍眼冬瓜茶」，埋單兩個人三百都唔洗，又可以食到地道風味，呢d小店真係要撐！
繼續閱讀