巴巴串

營業中

休息中

喺觀塘返工嘅我，成日都會捐窿捐罅食好西，最近我去咗一間專門食自轉串燒和燒肉嘅放題，啱晒我呢啲懶人😜-餐廳提供三個等級的套餐， 分別係A餐自轉串燒放題、B餐美國安格斯牛放題、C餐美國SRF和牛西班牙伊比利亞黑毛豬放題。餐廳環境相當闊落，每張卡位都坐得好C伏🤤唔使同人迫⭐️B餐美國安格斯牛放題 $268-間餐廳最正嘅位就係食物種類非常多樣化，自取食物範圍勁大，去到轉角位都仲有😜除了傳統嘅燒肉，仲有炸物、甜品、水果、湯水、紙包飲品和雪糕等，仲未完！仲可以用紙仔落單繼續叫嘢食，真係好誇張😜而且醬汁嘅選擇都勁多，啱曬鍾意DIY料理嘅人。燒肉方面⭐️燒肉牛肉質素都唔錯，牛味濃郁而好多汁🌟雞泡魚乾出面嚟講都幾少見，口感唔會太硬，甜甜地幾好食⭐️扇貝我哋唔小心燒到乾咗😫但味道都唔錯⭐️五花腩切到好薄，所以都好快熟，燒完之後焦脆，落咗燒肉汁去燒好食好多😂串燒方面⭐️雞肉串好大串，好厚肉🌟麻吉燒有麻糬永遠都係100分咁正😂⭐️叉燒經過調味之後甜甜地⭐️台灣腸、芝士丸、魚蛋都食咗，不過不失-熟食方面⭐️蒜蓉焗蠔賣相好靚，食落蒜蓉味好重，好juicy⭐️炸蝦片係平時泰國舖頭會食到嗰種，有啲胡椒香氣⭐️燒滷水豬大腸好入味，鹹咗啲但

好少寫差評，但因為太離譜…（覺得佢請咗打手囉）入到餐廳好多位揀，佢揀咗個比較窄嘅位都算。😕（我哋5/6個坐闊啲都ok？）👀我哋買222套餐嘅時候都知道有加一，見寫話222生日套餐+ 加一 - 以為係 22.2。結果到現場，先知道222加多48蚊一個人（強制課金a餐）因為星期五仲要加20蚊wor……所以最後係 222+48……食物都叫做ok嘅…？有前菜，正餐，飲品，甜品不過……下次就不了thx衛生情況真係麻麻地，失望🫠

秋天特別想食BBQ 星期五放工就去燒烤在觀塘食肆林立的駱駝漆中心懶人最愛的自助燒烤揀咗最正C餐有齊A B C 但係最緊要留返個肚食串燒自轉串燒爐真係會燒得好均勻平時成日食燒肉燒到燶/難得可以唔駛睇火真係懶人專利每樣都嗌少少，每人食咗最少20串以上😋 而且食物肉質都唔錯，最鐘意以下精選食物靚牛最多汁 放上網燒很快熟味道不錯，如果心急想食，就可以嗌多啲網燒，一口牛及燒牛舌夠稔都幾好食自助區：有海鮮拼盤葡Tart 熱熱地好食蒜蓉燒生蠔 🦪 好惹味

同同事收工，突然想去BBQ😆，上網見到呢間隱藏喺駱駝漆工廈嘅可以稱為室內冷氣燒烤場😆一個價錢任燒任食🍖重點呢到係個爐係啱晒懶人🤣，串燒放上去就自己會轉，慢慢等佢熟就食得啦🍖B餐-美國安格斯牛🐂放題一黎老闆即刻上咗二人份嘅安格斯牛套餐，竟然仲有雞泡魚乾可以自己燒😵出面仲有超過30款嘅食材可以自己拎黎燒架😍推薦必食：✨️牛肋肉｜✨️牛柳粒｜✨️豬腩肉｜ ✨️菠蘿串🍍｜✨️粟米串🌽｜✨️台灣腸仲有爆谷、印尼蝦片、葡撻等等小食，竟然仲有海鮮凍盤🦐添😵除咗出面可以拎食材外，佢仲有啲小食、炸物、燒物可以任點任叫架，仲要係即炸即燒架😍例如炸物有炸餃子、炸燒賣、炸墨魚卷等等燒物就有即燒豬大腸🐖｜蒜蓉焗蠔🦪👍｜鹽燒海蝦🦐｜牛仔骨🐂｜大漠羊肉串🐐👍仲有飲品🧃、雪糕🍨、甜品🧁可以任飲任食，竟然仲有老火湯飲添呀總結：一個價錢可以舒舒服服坐喺有冷氣嘅地方bbq，仲要有咁多燒物、炸物、小食、飲品等等可以任點任燒任食，呢到真係唔錯嘅選擇👍

轉轉串燒其實都出咗好幾年，我都分別試過唔同店😶但今次觀塘呢間巴巴串 係可以轉轉串燒之外仲有網比你燒吓海鮮、肉呀😜入座有得揀A, B, C餐，會分別有set燒肉、海鮮比你！C餐就最抵，乜都齊晒🤣唔想諗就直接叫C餐ok!😏坐底見到出面仲有啲小食可以夾、或者係寫紙仔落單！唔係只係單調地食串燒🤣🤣食物種類多到都唔知食咩好😆燒賣控見到燒賣就衝咗去夾🤣另外都有得叫椒鹽燒賣😛😛串燒嘅種類都係有雞、牛、豬，仲有啲丸類、腸仔，蔬菜類、很重要有菠蘿同綿花糖🥳燒嘅嘢有大大塊超厚牛舌！😍同埋都有啲海鮮，又有焗蠔叫，2個鐘覺得有啲唔夠用啦🥲🥲由前菜到小食到串燒到主食，去到最尾當然唔少得仲有甜品同雪糕！🤤真係食到捧住個肚走～～最緊要係CP值高！2-300蚊一個人可以有咁多選擇🫶🏻

朋友話返工咁辛苦，梗係要食好嘢慰勞自己終於搵到間啱口味啱自己食嘅餐廳而且座位闊落，可以同朋友放任吹水瘋狂任食佢嘅自轉串燒因為佢係串燒放題嚟㗎想推介佢嘅燒蠔蒜香味真係好正燒完之後隻肥嘟嘟大大粒，黐晒殼咁食幾隻就回返本啦我哋點咗佢嘅套餐C安格斯牛板腱安格斯牛仔骨安格斯牛粒安格斯封門柳皇室無激素豬腩肉雞泡魚乾鮮甜扇貝燒雞泡魚乾真係唔係度度有仲有得自己燒，呢個體驗真係好特別拎嚟送啤酒，簡直一流自轉串燒嘅數目有幾十款朋友就最鍾意食台灣腸仲有多春魚、帆立貝呢個轉轉爐配搭多春魚，簡直係完美咁多年燒多春魚最驚佢就係痴網呢個完美解決到呢個問題重點推介(#^.^#)最後必叫嘅就一定係佢嘅燒菠蘿🍍同埋棉花糖另外餐廳仲有熱食區域都係自助任食最驚喜係佢嘅韭菜餅脆卜卜 一啖咬落去，滿口都係韭菜韭菜愛好者必食甜品都令人滿意牛奶奶凍，簡直係必食豆腐味雪糕亦都有驚喜可以一試飲品方面，有大量罐裝飲品仲有新鮮嘅酸梅湯同五花茶，俾你下下火總括嚟講佢嘅價錢，再加上任食嘅款式真係好豐富啱晒呢排練緊馬拉松嘅我咁辛苦真係要食返多啲嘢補充返體力

今日同男友到觀塘巴巴串黎室內燒野食! 之前我地係未試過呢類台上轉轉串,成日係社交平台見到, 一直都覺得食自轉串燒好得意同埋好方便，由得啲串燒自己轉吓轉吓就食得,今日終於有機會黎體驗下喇! 巴巴串裝修有格調, 工業風，而且座位闊落,啲位好大好好坐！餐B 放題，呢個價錢係限時兩小時嘅 120分鐘，更有C套餐D 牛更靚!!更加多好野!!無火串燒燒肉設備安全又舒服，啲串燒放落機度自己轉，好岩我呢D懶人燒, 又唔怕燒得唔靚!!燒雞翼真係一流，啱晒冇耐性又成日易燒窿野嘅我~野食任食, 嘢飲方面都係任飲，但就冇酒飲~ 中意飲酒既朋友場內有無酒精版嘉士白。

朋友生日帶佢嚟呢間放題食嘢慶祝吓🥰 位置喺駱駝漆好方便，價錢都好合理，今次試咗套餐B $268，食物超豐富！下次有機會再試套餐C $298，可以食到美國SRF和牛、西班牙伊比利亞黑毛豬😍😍🍽️美國安格斯牛放題享受多種牛肉款式😚😚 肉質好新鮮安格斯牛板腱安格斯牛仔骨安格斯牛粒安格斯封門柳皇室無激素豬腩肉🍢自製串燒放題提供多樣化的選擇，搭配特製的醬汁，讓每一串都充滿風味。從牛肉到豬肉，自動串燒爐的火候掌握得當，外焦內嫩，口感絕佳😋😋除咗熟食之外，仲有多款前菜冷盤同埋甜品，食到捧住個肚走啊😆😆

呢排又涼番，想bbq 但又唔想去bbq場自己燒咁麻煩，就搵左間懶人串燒，放佢係到自轉就搞店。簡左觀塘呢間試下餐廳有提供熱食，有生蠔 蝦等正常質素，如大隻d更好比較推介係 野飲 有幾種都未見過 👍🏻 多款韓國野飲B 餐會有海鮮同更好既肉類會有安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾、鮮甜扇貝呢啲牛係高質d,雞泡魚乾甜甜地 幾唔錯！C 餐仲有埋 美國安格斯牛放題，今日食既係b餐另外仲有棉花糖，平時bbq要加錢，呢到唔洗～仲有提供雪糕，但我太飽就冇食

一直都好鍾意食燒烤但係又好懶因為要成日轉面，防止佢燒燶，但發現咗呢一間十分之方便的轉轉自助燒烤，簡直係懶人福音。晚上有三個套餐今次揀咗C套餐因為網上見到佢啲牛都唔錯。 一上枱見到美國和牛賣相唔錯，牛仔骨同牛五花好淋， 燒耐咗少少都仍然好易咬。外面可以自己攞轉轉的燒肉，基本食燒肉會食到嘅嘢都有，牛粒，多春魚，蔬菜，棉花糖，蒜蓉包等等。一開始燒嘅時候未有嘢食可以用紙仔叫熟食食住先，外面亦有一啲熟食可以拎，熟食當中最推介係燒鹵水豬大腸，不斷encore， 鹵水香味包滿豬大腸燒完更香口。整體來講同朋友傾計又可以食下燒肉 係一個唔錯嘅選澤。🥢巴巴串🌏觀塘開源道62號駱駝漆大廈第一座5樓C室

天氣熱辣辣但又想食燒烤，朋友帶咗我去觀塘駱駝漆大廈自轉串燒餐廳-巴巴串，涼住冷氣食燒烤，好過癮。我地揀咗B套餐安格斯牛放題，一坐底職員便送上日本宮崎A5和牛及燒肉拼盤，拼盤有安格斯牛板鍵、牛仔骨、牛粒、豬腩肉、雞泡魚乾等，全部無腌制，職員放樽味鹽俾我地自己調味，A5和牛入口即溶真系正，安格斯牛肉味濃，豬腩肉肥瘦相隔，燒雞泡魚乾真系最愛。等緊串燒時可以先畫紙仔嗌嘢食，上枱都好快，我地嗌咗蒜蓉焗蠔、鹽燒海蝦、燒韭菜等等，佢既炸物都好出色，每次上枱都熱辣辣，睇得出即嗌即做，連炸燒賣都有，又幾好食，我地嗌咗幾次。連我地平時燒烤最中意既墨魚咀、棉花糖、菠蘿都有，有驚喜，雞翼腌得好入味，唔錯。自助區可以自己拎，多款肉類、丸類及菜類串串可揀；有水果，又有雪糕，飲品及甜品種類都多，連爆谷，印尼蝦片都有，另外，除咗有幾款調味粉之外，仲有多款醬汁及牛油可調味，好滿足。

觀塘一向都有好多餐廳，揀呢間串燒嘅原因係「懶」！因為佢可以自動碌熟啲食物，唔使自己處理，都可以燒得好靚！而且非常均勻！ 價錢方面，分咗唔同時段亦都有唔同價位嘅餐，豐儉由人！除咗黃色紙之外，其餘三張都係任剔任食嘅熟食！當中有燒物、炸物同菜類..先上一個拼盤裏面有海鮮、牛、豬、雞泡魚乾😋外場亦都有唔同選擇，非常企理、衛生！除咗碌碌之外亦都有燒網，唔用嗰時就可以叫侍應攞走！燒雞翼同燒粟米一直都係我嘅至愛😬熟食亦都非常精彩！會特別highlight燒蠔，鋪滿金黃色嘅蒜蓉唔腥之餘亦都非常惹味！雪糕方面會係阿波羅品牌！有多款唔同口味，亦都有其他品牌嘅雪條，非常大滿足！

🍽️ 巴巴串 BaBa Cue~~~~~~~~~~~~~~~~~~~~~~~~~~成日都見到啲人去食懶人串燒，十分吸引🤩今日終於約到朋友同我去食一次‼️佢哋有ABC三個選擇，如果鍾意食蟹嘅就一定要揀C啦，有得揀松葉凍蟹腳🦀我哋揀咗B餐美國安格斯牛放題($268)，就可以食埋A餐嘅食物。首先當然係串燒啦，B 餐特有嘅分別係安格斯牛板鍵，安格斯牛仔骨，安格斯牛粒，安格斯風門柳，豬腩肉，雞泡魚乾同埋扇貝。除咗肉類之外，仲有唔少丸同蔬菜嘅選擇可以喺出邊自由任攞，選擇完畢之後就可以加埋位放響嗰個爐上面☺️最吸引我嘅係可以揀完自己想食嘅嘢就咁放喺度，佢就會自己轉，然之後等一段時間可以自己搽上鍾意嘅汁啊或者蜜糖咁就可以食得啦👍🏻個人最鍾意嘅鹹食就係安格斯牛同埋多春魚，用黎BBQ真係好味！除咗自己燒之外，仲有只可以落單叫唔同嘅嘢食，例如蒜蓉焗蠔，椒鹽燒賣，炸泰式魚餅等等，亦都可以去自助區嗰度選擇一啲熱食或者前菜或者湯。食飽之後當然就要食甜品啦，除咗有雪糕之外仲有一其他甜品選擇，最鍾意食嘅就係牛奶布甸🍮同埋燒棉花糖呢個價錢任飲任食兩個鐘，可以一邊玩又可以食到串燒炸物同埋燒物，係性價比之選啊😉~~~~~~~~~

巴巴串觀塘開源道62號駱駝漆大廈第一座5樓C室港鐵觀塘站 B2 出口, 步行約3分鐘----‐---------經朋友介紹，我同朋友決定黎呢到試吓佢嘅串燒放題～一入到去，環境寬敞舒適，可以慢慢坐低chit chat。我哋揀咗C餐，可以任食美國SRE和牛同西班牙伊比利亞黑毛豬。一坐低，首先上枱嘅係美國SRE和牛，軟嫩多汁，配埋特製醬汁，超級好味；值得推介既仲有雞泡魚乾，香氣撲鼻，口感煙韌～呢度串燒選擇多，自助吧食材琳瑯滿目，有台灣腸、泡菜豬腩肉、雞翼、牛肋條、牛柳粒、牛脷等，幾乎主流燒烤食材都可以係度搵到。尤其係燒菠蘿同燒棉花糖，簡直係燒烤既靈魂！除咗串燒，仲有各式熟食揀，蒜蓉焗蠔、椒鹽海蝦、香草牛仔骨等，每道都唔錯；因為要慢慢燒，所以上菜速度唔算太快，但都算可以接受；飲品方面有個飲品櫃任拎，有無糖茶、氣泡水等；而甜品有雪糕、蛋糕、布丁等，仲有一款啱你！總括嚟講，呢度嘅食物種類超多，性價比都算幾高，我同朋友都覺得好滿足！

有A,B,C餐揀～ 每個餐都係相差$30，今次試左B餐☺️☺️.除左串串燒，個爐仲有一半係for網燒，呢個餐有安格斯牛板腱、牛仔骨、牛粒、封門柳、豬腩肉、新鮮扇貝、燒蠔任食，仲有自助區既海鮮類（蝦、青口、螺）、Pizza、炸物、熱葷、各款串燒、甜品、飲品，全部都可以任食😛.肉質方面正常發揮，唔會鞋口，勝在豬、牛、雞、羊、鴨樣樣齊，甜品除左有雪糕、雪條、仲有布甸、奶凍、啫喱、蛋糕、donuts、生果，放題黎講，款式算多，岩曬一家大細食，小朋友都一定食得好開心😆