巴蜀風

營業中

休息中

呢間位於屯門寶怡花園同埋盈豐園嘅交界嘅小店，如果唔係住開附近都未必會入去食，都係朋友帶我去食先知！食過一次就返唔到轉頭！ 一個麵就$38，包凍飲，可樂嗰啲要加$1，係罐裝嚟，另外加一個餸係加$3，超級抵！我次次都食3餸！3隻雞翼都係加$3，自己買都冇咁平啦！真係良心小店嚟！我最鍾意呢度嘅雲吞！皮薄餡靚，層皮又滑又軟，菜多過肉！雞翼都好出色！係半煎炸雞翼嚟，厚唔厚身就撞手神，試過一時大大隻，一時就皮包骨！p.s 呢隻味精幾好食！

曾幾何時，我都會特登黎呢度食米線，因為佢嘅🐔麻辣雞米線🐔真係做得幾出色，夠辣，夠麻，夠過癮。隔左本年左右再黎可惜水準已經下降😢38 蚊包括凍飲其實我諗香港冇乜幾間街方食市可以維持到咁平。呢方面真係要support 俾like 👍🏻加油！但係，不得不直言，水準方面係有d 下降。麻辣雞不辣不麻😭碗米線冇咩味，可能下次要叫姐姐加辣。然而，佢d 雞肉係做得唔錯，睇見舊舊雞胸肉，但係食落都幾滑😋👍🏻街方食市加油啊！

通常去呢間鋪頭最常食：1) 四川炒飯 -- 好大兜，唔太肚餓通常唔食，怕浪費2) 麻辣雞魚蛋米線 -- 一個餸$35，叫第二個餸只係+$3，非常划算今次係食麻辣雞魚蛋米線。- 雞肉唔似譚仔個款，而係雞胸肉，好有咬口。- 魚蛋無咩comments，大大粒個隻，+$3可以一試。- 米線配菜有花生，雞肉同魚蛋咁多次都維持水準，係d花生有時會疏咗風咁，今次5粒好1粒疏風，已經算係bonus！其他：- 店內通風一般，出到黎個身會有油煙味- 店鋪接受外賣自取，不會送上門（可以提前打電話落單，黎到就拎外賣走）

係屯門未食過巴蜀風真係吾算到過屯門！由細食到大。最愛豬扒面！夠辣又夠味，由細個小辣食到而家要大辣，都仲係依舊咁刺激！加個COT就真係perfect池啦！今次就係同幾個朋友食外賣。都係長期爆滿，不論中午定夜晚都係！50蚊吾洗食到你飽！價錢係超平又超抵食！之前裝修過所以而家都算好新淨！而staff方面，就人情味搭夠啦，因為食足咁多年都係個幾個姐姐！如果自己一個食都問題不大！有時仲可以快啲入座！我住得好遠但成日都黎食嫁！

平時沒有煮飯，就會落街買外賣🥡諗諗下想食冷麵，就諗起巴蜀風了。炸雞翼沙拉撈麵雞翼炸得很香脆，有好多隻，肉質鮮嫩，雞皮脆脆，調味適中。還有少許生菜番茄沙律配菜，好清新！芝麻醬份量適中，每條麵條都沾滿芝麻醬！好味道！下次要試麻辣雞！

每當認真工作時，我都全情投入，幸而總會有好友拔刀相助，為我「寒中送麵」，讓我溫飽。😂朋友問我想吃甚麼，我說巴蜀風她二話不說就替我買了。比起往日的巴蜀風，這餐外賣比以往失色。現在只有配搭兩配料，對於大食的我已經是一種酷刑😢米線不算彈牙，雖然湯是滿滿的，但米線逃不過發脹的命運，吃起來少許嚡口。至於配料方面，麻辣雞雞肉口感嫩滑，但並不夠麻辣，猶如普通雞塊，吃得不過癮。幸好排骨，即是豬扒為雞塊扳回一城，薄切的豬扒口感扎實，豉油經香煎後慢慢滲透豬扒中，使豬扒富微微鹹香，並不油膩，配料來說很不錯。

今日賴生要去一去田景果度睇D野...不如就順便食下中學成日食既巴蜀風啦!! 好耐冇食過啦!!賴生搞掂晒D野之後都差唔多12點喇~~就慢慢盪過去食LUNCH啦~~!最近巴蜀風裝過修~~好坐左~~環境舒服左同埋望落整齊+乾淨企理左!! 今日又係叫番賴生最鍾意食果幾樣野 :排骨腩肉擔擔麵 (5星) 1) 原本既湯底 : 濃得黎好夠味!!2) 麵 : 用既係上海麵~~即係白色粗身而且平既麵條~~好索湯!! 一流!!3) 擔擔麵湯底 : 配料有椰菜絲同火腿絲, 超濃郁花生香!! 撈落湯度超好食!!大推!! 而且又平都係加3蚊咋!4) 排骨 : 豬扒醃得好入味! 就咁炸熟! 香得咁唔會太老!!5) 腩肉 : 採用五花腩，上肥下肉去左上面層皮!! 用鹽輕輕醃過....肉味帶晒出黎! 而且口感又一流!6) 辣 : 佢自己整嫁個辣醬!食得辣既人一定要加!! 好香好好味嫁!!7) 另一重點係價錢 : 平! 一個"送"先34蚊碗麵連熱飲 + 多個"送"都係3蚊~~好似賴生咁叫3"送"先40蚊!另外推介呢度既麻辣雞! 唔太麻辣，但帶有麻香~~亦唔會蓋過原本雞肉既鮮味!!食完呢餐好滿足A___A! 之前賴生都帶

套餐選3餸＋2碗白飯連飲品＄98重慶腐皮不是正宗的重慶腐皮，但腐皮炸得很脆口，長方形大大塊再挾上金菇火腿，汁偏咸甜剛好，一咬下汁包蓋著腐皮，滿足！麻辣雞辣味不濃偏咸，青椒剛好用來平衝，肉有俺過，算大塊但略鞋，配飯不錯。麻辣青瓜麻辣蠻香，醋再酸點更好，青瓜切片再拍碎，但這樣沒咬口又不夠入味，沒有平時手拍那青脆感覺。炸豬大腸內包芹菜僻腥又脆口，可能人流太多炸得不夠脆，沾上甜酸汁，又一惹味選擇。腩肉米線＄34清湯底沒什麼味道，有點鮮咸，米線偏淋，腩肉肥肉相間帶點咸味，不膩，但偏實，足夠大碗。這家店偏重口味，整體比最初時差，但仍算不錯，作為街坊飯堂量足，價錢相對雙宜。

自小已住這區，家母是嗜辣之人，早就聽過她大力推介此店，沒想到她推了十年八載，我才懂得欣賞，現在幾乎每月都來一兩次，為的是$98超級抵二人餐，涼菜與2碟主菜都是自選，還跟白飯配飲品，每晚6點打後總是人山人海，連外賣也要等上二十分鐘。涼拌青瓜 - 新鮮爽脆，手拍夠爛，醬汁調味鹹鹹辣辣，非常醒胃鹵水拼盤 - 那想到連鹵水拼盤都是辣底兼熱食的，但豬耳脆身，腎片爽口，還好收貨朋友不嗜牛，就點來水煮肉片  確實這價位不能有太大期望，但也沒有失望，吃的是惹味汁底，肉片不太化學已經合格有餘。$90與$98的二人餐都非常抵吃，除了這些香辣小炒涼菜，及後也試過這裡的雞火炒飯也不錯，但以為是寶的黑柏葉，就真的請大家忘記它好了！！

Y0 死肥佬又黎啦由於好耐無煮飯，所以近排成日2個人落街食。屋企附近幾間2個人叫個餸都要百五左右，而依間3個餸都只系九十幾仲包埋野飲，認真，咁既價錢好似都好難搵下。比個餐牌你地睇下啦由於小弟喜歡食辣野，所以今次叫左口水雞加水煮牛肉另外仲有生菜菜。它依隻口水雞吾會好紅好多油咁，無聲無聲辣你一驚，而啲雞都有辣味，所以應該吾系簡簡單單淋汁上去咁簡單。水煮牛肉，它啲味好香，牛肉同埋芽菜吸哂啲汁，正爆，唯一差少少就系辣味不足。菜菜，無咩特別，好有菜味。一舊水埋單，算交足九十分功課。

雲南米線一直是本人十分喜愛的食物,也十分慶幸居於新市鎮的我，附近竟有不少雲南米線小店,省卻我不少假期吃午膳的煩惱。這店巴蜀風在這社區算是老牌小店，曾聽聞不少邨外人仕到來光顧，而且價格相宜，隻料米線加凍飲不用40元，份量也不少，在商業區己買少見少。而本人最喜歡點的是麻辣雞雲吞或腩肉米線，湯底可選小中或大辣，可根據個人口味選擇，麻辣雞細細件，口感不錯，硬度適中，腩肉帶點咸卻十分惹味，惟雲吞皮較厚，也有些（簡）水味，而且對上一次吃是早上剛營業，湯底有些油益味，美中不足。此店剛裝修完畢，店內環境有所改善，衛生情況也較以往好，雖則每碗麵加價二元，但在時下租金物廿暴漲情況下仍算合理。

早前一個中午起來電腦屏幕跟Router都相繼出事氣得我在FB發牢騷,好幸福哋換來的都是支持和祝福的聲音,更得到久未見面及忙爆的魚子媽問我有否興趣收留她的Mon & Router,真係開心到爆燈打鐵趁熱約乘機在星期一來場聚餐兼取物啦~魚子媽帶我到巴蜀風吃辣嘢我當然舉腳贊成啦嘻嘻~可幸約了六時吃早晚餐人潮未到吃罷時已有人龍在排隊呢!!我哋3大1細叫了兩份套餐放到一檯滿滿的好嚇人喔!!{二人套餐}$98涼拌青瓜味道正路帶少許香辣味,青瓜新鮮爽脆絕對收貨~{水煮肉片}用上不銹鋼兜上檯好家常的感覺,辣味不算強勁帶少許麻香,肉片有咬口不像被"乸"至發漲的假肉,加上慷慨的芽菜都頗好吃,當然加大辣度更合我意啦haha~{家常麻辣雞}一上檯時我跟魚子媽都笑了出來,完全不是我認識的麻辣雞果然夠晒家常呀!稠稠的獻汁已經不是我杯茶,可幸味道沒怪怪的其實香香辣辣都頗醒胃呢!!另一套餐中的{巴蜀酸辣湯}味道等同上海酸辣湯這兒的味道調教不俗酸辣平衡得好而且勁大碗呢^0^{鹵水拼盤}有豬耳和雞腎我只嚐了豬耳質感脆卜卜帶

喜歡吃辣的我，總不會錯過試食機場。巴蜀風是食四川菜的地方，除了這種辣是自創比較特別，還有炸的小食好脆好爽口及上海麵條的口感，整體上那時候的質素是值回票價的😋。就連我屋企人也喜歡的，可想而之是多麼的受歡迎。不過; 過了一段時間的關閉(因內部裝修)今次重開，再次回去幫襯，除了發現(環境裝修比較光猛，地方乾淨外😄),《服務質素及食物質素在還沒裝修前下降了好多😱味道更不能媲美於之前，價錢更不用講，一定會加價…😔》這晚和家人如常去幫襯，等了好耐的位，點知不斷只叫兩個的人頭，相反三個人的一直都無叫，只安排兩個先入內坐四人坐位，這都繼續忍耐繼續等。點知到我們時，既然被安排坐迫近的兩人連坐位加多個位係出面。最後見到其他枱的人客離場，就即時轉換位置，點知個服務員面色顯露出不多滿意的態度。這樣都算，心諗有得食就得，於是開始落order 時我就叫了喜歡的雞翼麵，他們就叫了套餐。點知等了好耐都仲未上菜，但和家人卻看見其他食客，"遲來先上岸",心裡開始忟憎，咁都要繼續等。等左咁耐先黎講話沒有上海麵😨，要轉米線。那刻我細佬心已經想發火😡但都沈住起，唯有繼續眼白白看見其他食客"遲來先上岸",仲要係比上海麵😠。最後終

午飯時間，係公司飯堂食到怕左，行10分鐘路程出來搵啖美食，呢排巴蜀風會不定期休息，前個星期就休星期三 ，今個星期就休星期四 ，真係好難捉摸 唔約同事，自己一人食晏嘅好處係，一去到就會有位，食完又唔洗等齊，就走得 一共食過三次巴蜀風 第一次係外賣，中辣三鮮菜肉雲吞豬扒米線 三鮮有火腿、蝦、雞肉，一般般啦～，菜肉雲吞淡而無味，豬扒就好好味 ，湯頭就冇味，一定要撈埋啲辣椒油，成碗湯才好味香炸雲吞撈麵(包冷熱飲品) 36元 佢嘅雲吞都係菜肉雲吞來的，不過，炸左後，好味過水煮好多 ，拉麵份量又多，日式芝麻沙律醬又夠 ，冇食早餐果日食佢做晏，就滿足晒 豬扒雞翼巴國大腸米線(配罐裝汽水加一蚊)39元 三種餸都好好味 今次叫左小辣，湯頭太淡唔夠味，要追加辣椒油才夠味，所以日後記得叫中辣好奇怪, 件豬扒咁好味, 但張餐牌, 原來係冇豬扒選擇喎

以前每個星期都會嚟食一次，而家搬咗都會間唔中嚟幫趁，最鐘意食呢度嘅麻辣雞米線、豬排湯麵、咸魚雞粒炒飯同水煮牛肉，全部都好香口,不過牛肉係有啲韌, 可以改食肉片，但湯底辣得嚟好好味。套餐又抵食, 不錯選擇