巷仔見麵館 (將軍澳廣場)

營業中

休息中

2022-06-13接女朋友收工，順便係將軍澳食埋晚餐🎊行咗個圈入咗間巷仔見嘅餐廳🍴成間餐廳都好光猛☀️環境都好闊落坐得舒服😌見到有椰子湯飲🥥就點了椰皇姬松茸燉湯，38蚊盅，實物同我幻想嘅椰子湯細，成盅湯係足料嘅，夠哂甜☺️👍🏻仲有點櫻花蝦臘味煲仔飯，73蚊煲，大量櫻花蝦係煲仔飯面，臘味夠油潤，飯嘅火喉啱啱，有一定嘅飯蕉🍚最後頭抽乾炒牛河，72蚊碟，賣相很好有哂芝麻係牛河面，無乜鑊氣味道偏淡😂整體服務當日超好，見到有餐廳高層到現場，員工全面入戲好好禮貌👍🏻食物方面正正常常😌#巷仔見#椰皇姬松茸燉湯#櫻花蝦臘味煲仔飯#頭抽乾炒牛河

晚餐時間坐無空席，果然真係街坊茶餐廳。當日叫左二人餐，入面包括左半隻無骨海南雞、一個煲仔飯同埋兩杯野飲/糖水都係需要$168，好抵食！無雞海南雞 - 份量十足，而且雞肉鮮嫩，很不錯櫻花蝦臘味煲仔飯 - 櫻花蝦鋪滿成個飯面，打開蓋嗰一瞬間香味撲鼻，臘味嘅份量都好充足，而且呢個煲仔飯嘅飯焦好好食另外叫左一啲小菜，都好出色蜜汁燒豬頸肉 - 豬頸肉燒完個肉汁仲係會鎖係肉入面，燒到真係好鮮嫩，邊邊仲會有香脆位，好有質素黃金鳳尾蝦餐 - 套餐包左姫松茸杞子瘦肉湯，湯好鮮甜，食唔出有太重嘅味精。另外，黃金蝦食得出鹹蛋黃落嘅量都好多，每一隻蝦都比鹹蛋黃包圍着，鍾意食鹹蛋黃嘅你肯定好鍾意呢一道菜蜜瓜牛奶冰 - 呢個聽聞係季節性限量出售，唔係每一次去到都有得食，所以今次食到真係好開心。因為佢個價錢唔貴而且又可以食到成個哈密瓜，哈密瓜好甜，而且啲沙冰淡淡有牛奶味，茶餐廳出到呢一種咁嘅甜品真係算唔錯嘅一個特點總括而言，茶餐廳真係唔錯，難怪呢間野就算排隊都有咁多人喺出邊等。

今天收工早咗，諗住食個早飯， 5:30就已經去到這間餐廳，本身諗住一係叫茶餐一係叫晚餐，見到佢晚餐特別多巧手小菜，所以我們決定叫晚餐。晚市的主餐牌有很多選擇，就算叫半隻海南雞，都可以加$18跟餐，好過就咁叫海南雞飯。子薑10分清甜，配合比較濃味醃製過的皮蛋一流。這個蜜味10分充足甜甜的。這個火炙芝士雞扒包真的喜出望外，本身我以為是下午茶的菜式，但它比其他獨特，帶了一陣煙火味之餘 又有厚厚的芝士雞扒仲要是脆邊的我們雖然叫了半隻海南雞，但是份量真的很多，足夠三個人食，雞煮得10分嫩滑難得出街食，當然要叫一些屋企不能整到的，這個糖醋麵出面是脆，入面仍然保留面的軟身最後的甜品簡直不敢相信，通常我食開綿綿冰都要出到去銅鑼灣先食到，冇諗過在將軍澳廣場都有這樣的質素，令我想起之前到北海道農場的雪糕蜜瓜

平民餐廳本身係諗住求其食個晚餐，期望唔太高但發現超抵食，十分大碟，而且係好好味，性價比十分高🤫脆皮炸花膠雲吞雞小之碟邊十分熱，金黃的脆皮面，十分脆裏面有半隻細雞湯底係濃濃雞湯，不會口渴，應少味精入面仲有好多舊雲吞，我估5-6舊，十分抵😍雲吞每隻都包住蝦，而且雞都滑，不錯👍🏻重點推薦，必食仙氣冰鎮咕嚕肉除咗上枱賣相十分有氣場外味道超好吃😋冰底配熱炸咕嚕肉，做到內熱外凍嘅脆皮效果，而且掛面嘅蜜糖好足味，真係食過嘅頭幾位好食☺️配上不同顏色嘅椒，令外表更吸引呢個又係超扺，好好飲🥹$18燉湯，有埋椰皇真係邊到揾入面有紅棗、瘦肉、姫松茸紀子呢個椰香咖哩牛腩飯十分正個咖哩真係💯牛腩超冧抵到爛 $16

放假入將軍澳探表姐,夜晚係呢間巷仔見食埋嘢先走。呢間店應該係新開張嘅,感覺好光猛新淨,玻璃窗同吊燈等多處地方都有高聳火紅嘅雞冠披上彩色羽毛嘅公雞圖案,雄糾糾非常醒神有活力!就咁睇個餐廳名,以為呢度只係食粉麵,原來仲有煲仔飯、老火靚湯、撚手小菜、摩登小食同甜品……等咖哩魚蛋🍡等緊主餐時,先來個街頭小食,魚蛋辣辣哋,有咖哩味!西蘭花炒青衣球🥦青衣魚肉幾厚身,用蒜蓉爆炒西蘭花,碧綠爽脆,份量吾少！鮮蝦雲吞湯麵🍤🍜麵質爽口,鮮蝦彈牙,加咗韭黃提香。櫻花蝦臘味煲仔飯🍲煲仔飯微焦香,油潤甘香嘅雙腸粒,再加上櫻花蝦、芋頭粒、酥脆花生、蔥花等配料舖滿面,淋上醬油,豐富口感！芋圓紅豆沙湯丸追加蕃薯🥣已經好飽,就係心思思想食甜品。個糖水吾會好甜,有陳皮香,芋圓同湯丸都煙靭,加$5配埋腍甜蕃薯！仙氣雪山六寶冰🍧芋圓、湯丸、紅豆、仙草凍加蜜桃圍住個棉花冰,棉花冰上加個雲呢拿雪糕,上檯時,仙氣飄飄好吸睛💃！一次過有七種口感,非常大滿足一間吾太大嘅店舖,有咁多款式食物,街坊價錢,再次巷仔見啦！

晚上5點45分到，坐低就落單。叫左2個晚巿套，落完order後就一直坐係到等，直到20分鐘後，先有個雜菜煲到。明明有餐湯跟埋，唔明點解唔上左先。之後等多5分鐘，見到隔離枱遲過我哋入，都已經上曬菜，覺得唔對路，就叫佢哋跟跟。直到30分鐘後都未黎，嬲到已經唔想食，取消order.魚湯雜菜煲得幾條菜，咁就多謝你78，仲要好細煲。早知睇左食評先入去。

好耐都冇食過茶餐廳啦，特別係商場越來越多既時候，有時候都唔係咁容易搵到一間茶餐廳。最近喺將軍澳呢度發現咗一間商場入邊嘅港式風味茶餐廳，於是就同朋友過咗嚟試。叫左個暖love love二人餐，$168半隻海南雞，一個櫻花蝦臘味煲仔飯，包餐飲或糖水，海南雞非常滑，雞肉好嫩，喺保留雞肉嘅鮮味嘅同時唔會過咸或者過淡，至於煲仔飯都唔錯，啲飯真係好香，飯焦都好脆卜卜，真係好耐冇食過煲仔飯啦。我同朋友因為想食糖水所以另外嗌咗糖水，個番薯糖水都幾夠姜，整體嚟講算係不錯嘅體驗😋

幫襯過幾次啦，價錢貼地，食物超值，所以一定要介紹😄仙氣冰鎮咕嚕肉～賣相吸引，上枱時果然仙氣十足，趁熱食最好味😋西蘭花炒青衣球～傳統小炒，勁有鑊氣👍西蘭花用蒜蓉爆炒，青衣魚肉彈牙😋唔會好油，好好味👍火焰芝士雞扒包～麵包皮烤得香脆，果塊雞扒超有份量，勁厚而且大，仲有蔬菜和半溶芝士，大大啖食，好滿足😄頭抽乾炒牛河～色香味都齊👍牛肉份量足夠，河粉唔會太油，好有鑊氣。珍珠奶茶和蜜桃茶，各加$12有一大杯😍

呢一個實在太失望我依個糖醋愛好者一見到糖醋兩個字真係忍唔到手名堂：火山糖醋肉絲麵Menu仲介紹都好好聽山楂梅子等得來我都明白，因為都要啲時間去煮同埋炸但係一放入口嘅味道真係，唔值依個價錢因為佢個糖醋汁好似李x記的味道而且味道比佢差 仲要係冇調過未是但落，入邊嗰浸嘅醋味喺好工業，喇喉嚨，一啲都唔純，想食都食唔到成個面因為喉嚨同埋個嘴已經好寡。個面同埋肉絲都冇乜技巧唔需要評論但係個汁真係完全唔OK 而且呢個價錢佢連三色椒都唔切少少絲更加唔好講誠意可言🤷🏻‍♀️

呢間嘢要乜無乜，餐牌上見到d套餐又無，想要個湯又無，最後揀咗三次先揀到有啱食嘅嘢。叫waitress 過嚟問又個個扮聽唔到睇唔到，仲有個皮膚黑黑嘅女店員西口西面。坐又坐得唔舒服。以後唔會再幫襯😠

下午茶餐外賣： 細魚蛋河（$35）+紅豆冰(+0)+燒賣4粒（+$4）抵食！ 堂食外賣同價 湯、河分上 但都唔洗加$1！🤣外賣沿途拎番屋企都聞到好香炸蒜味🥰但好可惜打開碗麵原來得好少炸蒜 😂————————-1️⃣細魚蛋河 🤤佢寫明係細碗 所以得3粒白魚蛋 係彈牙嘅白魚蛋有少少魚蛋味 唔錯☺️ 但傳統港式魚蛋粉有炸魚片 如果有埋就更好🥲🤤河粉偏厚 有少少咬口 外賣都唔會淋哂爛哂👍🏻份量剛好 下午茶黎講唔算少！😐湯底略嫌太淡 佢有俾1包紅醋自己加 但個人唔鍾意醋 要自己加XO 醬配麵😅————————-2️⃣燒賣 🤤正常 係粉多少少嘅魚肉燒賣 似7仔燒賣 有比埋辣油你自己落☺️ 4蚊4粒 中規中矩————————-3️⃣紅豆冰 🤤紅豆冰都唔洗加錢好少見🤩 但外賣拎番屋企融左冰 所以淡左少少🌱紙飲管————————-整體黎講飲埋紅豆冰 當成午餐都夠飽！🤤🥰

點餐後等了半小時踩送餐，整間店內用的客人沒人收到餐點，廚師只顧著做外賣單，每個內用客人平均都等了20分鐘以上，以後不會再光顧，食物還可以，其實是第三次光顧這家，但是這次極度失望

✨被外牆畫上好多公雞碗嘅懷舊圖案吸引🐓🐓🐓👀室內裝修光猛企理, 還帶點懷舊感覺味道, 決定坐低試下😉😋巷仔常餐：送熱飲燒豬頸肉撈麵炒蛋+牛油多士 （$54）炒蛋煮得滑溜帶少少牛油香多士烘得夠熱面脆內軟豬頸肉醬汁有D以蜜汁叉燒味肉質軟淋淋唔柴皮好有嚼口感麵條軟硬度適中撈埋醬汁味一起吃十分惹味😋茶餐煮意：火炙芝士雞扒包 （$42）包括熱飲/紅豆冰可 +$4 配咖哩魚蛋四粒或燒賣四粒或雜果沙律少少辣味嘅炸雞扒外皮夠脆,好大塊,份量十足芝士味的沙律醬夾雜著生菜絲及蛋碎, 好有層次口感😋食物款式選擇多🥰是不錯的選擇🤩

食物已經款式不多，點餐時更經常有6-7款菜式沒有供應。食物質素亦沒有驚喜。另外用QR code落單，但偏偏鋪點位置角路，有機會load得好慢，亦沒有wifi提供，更有次錯單。

港式麵食茶餐廳😋暗藏極品酸菜魚🐠～酸菜魚 $78正常餐牌睇唔到，要用QR code落單先會見到，加多$18配白飯及姬松茸湯$78已經有一大盆，一個人食嘅份量都好滿足，大概15塊魚片左右，好多配菜：粗粉絲、芽菜湯底除咗有濃厚嘅酸菜湯仲有一種迷人嘅滕椒味魚肉非常嫩滑且無骨（無骨係重點！！）😍魚肉非常「掛湯」，香辣鮮甜🌶😋如果咁啱酸菜魚個鋪癮起，又到糧尾或者得自己一個人食飯，呢個絕對係性價比之選👍🏻（p.s. 我同屋企人計埋三個人食，前後叫咗兩碟酸菜魚😱😋）=== === === === === === === ===💰性價比：4.5/5👄味道：4/5👥服務：3/5🍽環境：3/5