巷口炸雞專門店 (新都會廣場)

營業中

休息中

口痕勁想食炸雞，有排冇得去旅行，行過呢間餐廳好香，排隊等嘅人都幾多，所以試吓呢間今次試咗三款美食😋🍗醬蒜炸雞：炸雞表皮外脆內軟，加埋醬汁後變咗另一個口感，呢個醬汁比較濃味，鍾意食重口味嘅朋友可以試試，如果食淡口啲就可以揀其他口味。🦑原味魷魚： 原味，有少許辣，炸粉薄，食落魷魚啖啖肉，脆卜卜，彈牙香口，食完想再食。🍠香Q地瓜球：不太甜，細細粒，不膩，唔太油，真係唔夠喉😂最欣賞佢嘅魷魚，真係好好味，一定要點

每次經過呢間炸雞店，都香味四射，間中都會幫棐！日前見有周年優惠，大size炸雞$43，現優惠$34，即時買了份塔香炸雞及墨魚丸，合共$58。當日都有不少人買，所以等足10多分鐘，新鮮即炸出來，由於熱辣辣，所以要隔一陣先食。墨魚丸中間有墨魚，相當有咬口。至於佢嘅招牌炸雞，今次係塔香口味，所以比較濃郁，有別於平時食開的蒜香炸雞，雖然都好食，但我發現都是喜歡蒜香口味多啲。趁減價，我會再食多次手😋😋😋

呢間開喺新都會既台式炸物店，位置喺壽司郎隔離，都算易揾佢既餐牌都好多款炸物㨂，比如炸雞、花枝丸、番薯條、杏鮑菇、辣雞排、甜不辣等等，價錢正常，同隔離葵廣既繼光香香雞差唔多之前已經喺南昌v walk都有食過，覺得好味，今次再encore 叫左醬蒜炸雞，細份 29蚊，應該等左7/8分鐘就有得食，堂食有四個座位，好方便 細份炸雞份量比相像中多都有8件左右，件件有醬汁包住，醬汁亦唔會過咸，比起上次食既原味炸雞無咁乾身，配埋生蒜片，啲雞新鮮熱啦，兩個人share，啱啱好，勁滿足推薦！

✅普遍小食都幾好食 ✅出單算快 所以送到嚟都仲係熱✅小食總類選擇多 而且幾特別✴️建議多人一齊食 可以叫派對套餐試到唔同款✴️雖然叫巷口炸雞 但炸雞反而一般我有試到嘅款式：⭕️涮嘴甜不辣 ⭐️⭐️⭐️⭐️⭐️（炸甜不辣即係炸嘅魚糕 我本身就好鍾意食 雖然唔及台灣嘅好食 但起碼外脆內煙韌 調味粉夠惹味 未食過嘅我真係建議你試下）⭕️骰子百頁 ⭐️⭐️⭐️⭐️⭐️（呢個真係有驚喜 係炸一片片嘅百頁豆腐 好脆 有少少似炸豬皮咁樣）⭕️塔香炸雞 ⭐️⭐️⭐️（我講咗 炸雞反而一般 因為唔係咁脆 但塔香味道都幾特別嘅可以試試）⭕️招牌炸雞 ⭐️⭐️（同上 原味冇咩特別）⭕️招牌魷魚 ⭐️⭐️⭐️（味道都ok 但啲魷魚幼咗少少 同埋外皮唔夠脆）⭕️地瓜脆條 ⭐️⭐️⭐️⭐️（甘梅粉酸酸地好夾 都夠脆）⭕️花枝Q丸 ⭐️⭐️⭐️（幾好食嘅 都外脆內軟 但相對係咁多樣裡面最貴）⭕️椒鹽杏鮑菇 ⭐️（有落椒鹽但係可能因為杏鮑菇本身好淡味 所以食落冇咩調味 得陣菇嘅味道咁 同埋個菇都偏硬身嘅 雖然咬落去都仲有菇嘅水 但我唔推薦 食得呢間緊係食香口野啦 味道咁健康食嚟做咩）朋友用外賣平台叫，冇影相，但100%全自費非打手

點了炸雞蒜味魷魚好好食，熱辣辣晤會太咸，小朋友搶住食，可以係OpenRice 訂外賣，可以按自己需要時間取走，算係晤錯支援$79，還有可樂算經濟，最近最愛都時巷口炸雞，

行過新都會地下果層，聞到好香。於是買咗包醬蒜炸雞（細）食。佢係一個人做曬落單，炸野同包裝，再加上佢係即叫叫即整，所以要等好耐先有得食。佢嘅炸粉唔算厚，味道唔太咸。食落熱辣辣，脆卜卜，再加上淋咗汁，唔太乾。配上蒜頭食，味道更突出。鐘意蒜味嘅朋友必點。諗到醬蒜味，其實好有心思，因為炸物會產生致癌物質，而大蒜可抑制致癌物形成。所以唔健康得黎，又好似少啲內疚感。

得一個人做野， 辛苦哂，又打單， 又炸野， 又pack野， 預左落完單要等20分鐘先有得攞， 佢仲要接埋外賣平台, 陰公豬但味道係ok既， 就算拎左番屋企凍左都係好食既。利申: 前面只有3張單

食過好幾次了，最愛巷口炸雞店的醬蒜炸雞(⁎⁍̴̛ᴗ⁍̴̛⁎)每次經過店時都大排長龍，等最少20分鐘……但又總會心心念念他的炸雞，所以每次下單後都會先逛逛附近的店~再回去拎外賣!!!☁️醬蒜炸雞 大 $43這個是必食!!!重口味人士之選❤️比原味炸雞更出色~!!炸雞炸得香口 醬味濃郁 附上蒜片 每啖入口加上蒜片真的無敵了(⁎⁍̴̛ᴗ⁍̴̛⁎)!!☁️地瓜脆條 甘梅 $20好喜歡吃台灣的甘梅地瓜!但香港有賣的地方不多，巷口炸雞的地瓜條炸得不錯(o^^o)每條都粗粗的，一咬開都有滿滿的地瓜肉~如果甘梅粉多點會更好

今日經過新都會，行行吓街，見呢間開咗一排未試過，仲要好耐冇食炸雞，口痕啦，忍唔住流口水🤤佢除咗有炸雞仲要有魷魚鬚，見佢有得買細份，就買份細嘅嚟試吓先！即叫即炸，新鮮滾熱辣！咬落去第一啖，哇！外脆內軟！正喎！試埋佢嘅魷魚鬚，口感煙韌！都幾大條！正呀！如果大家鍾意食魷魚鬚，呢間推薦呀！👍🏻👍🏻份量方面，叫細份都唔少，幾抵食！不過建議大家食完之後要飲多啲水啦～因為可能揀咗蒜香，味精比較多，都幾口渴🤣🤣下次試吓揀原味先！

今日口痕，於是拎起電話網上叫呢間外賣，見到有炸地瓜，炸雞，炸蔥油餅，一於就呢幾個啦！較啱時間過去攞。唔使企係度等，好方便。炸地瓜，真心有驚喜，我以為係老麥咁樣淋嘅，但竟然係脆，而且地瓜甘甜，配埋個梅粉，酸酸甜甜，食唔停呀！炸雞我叫左醬塔同埋蒜醬，估唔到價錢唔貴，但份量都幾足。兩個人食綽綽有餘。炸蔥油餅竟然有肉汁，又係有驚喜。鋪頭伙記好細心，將我分開落單嘅外賣竟然可以放埋同一個袋。好嘢真心推薦炸地瓜，一定會令你喜出望外

剛剛於19:42在OpenRice落單買炸雞和魷魚鬚，19:56到鋪後，第一次店員話未準備好；到了20:05再問，店員仍說未有；到了20:15，眼見有些剛落單的客人都可以取食物，於是再問店員為何我的食物還未有，他竟然答睇漏眼，擺咗埋一邊！已經問咗了他兩次，佢自己check埋單，仲好肯定咁答無，最終呆等了半小時，離譜！之前買開都不是這樣，最近啲服務真係賣越來越差！

Hong Kong has several places for Taiwanese fried chicken. There is the very popular Hot Star along with J&G Fried Chicken. But now we have 巷口炸雞專門店香港 (English name: Alley Fried Chicken). From Taichung, this place now has a few branches (and growing) around the city.We came aross one in Kwai Fong and decided to give it a try. A take away shop, they did have side area with a counter to stand if you want to eat there.The menu is in English and Chinese. There is no 10% service charge.They also offere

早排行經葵芳新都會行行吓聞到陣好香既炸雞味發現開咗間新嘅炸雞店叫巷口炸雞專門店位置正正喺壽司郎隔離但因為太趕時間無買到上網search下先發現炸雞店來自台灣喺天水圍屯門都有分店🤭🤭🤭怪我見識少炸雞有三款口味塔香/醬蒜/原味網上最推係醬蒜味話個醬油味同炸雞好夾睇資料見到openrice有得外賣自取服務咁既機會·豈能錯過用app點左一份網上大推既醬蒜炸雞（$29）同係台灣夜市必食既香Q地瓜球（$20）外賣炸雞同醬油會分開上唔怕醬油會整到個炸皮淋哂店員話可以倒醬油落去再加炸蒜片一齊食炸雞炸粉薄薄一層外層炸到好脆身但裡面乾左少少試點埋佢既醬油甜甜咸咸咁幾惹味但本著「吃肉不吃蒜·香味減一半」冒著口臭風險加埋蒜一齊食真係香好多🤭🤭🤭香Q地瓜球細細粒粒外皮酥酥脆脆咬落軟綿又Q彈而且擺耐左都唔會淋哂整體而言質素唔錯份量不過不失而價錢亦可接受係可以encore既過江龍店·唯獨佢間店有好大空間比你企係度等但都無枱比你企係度食

太耐無耐來新都會～食店已轉了吾少喎～我在燒肉和壽司郎拿票未到～就四圍行行～見到巷口炸雞過去望下～原來台灣過黎～買了原味炸雞～就企在店內食～熱辣辣送上～皮唔脆～肉嫩不鞋～岩我食～建議在店內食埋～如果外賣出街～凍左既炸雞系好不好食

今日去開葵芳食左個漢堡未夠飽，見到呢間巷口烤雞，就諗著買黎試下。佢有一個（$60）可以選三款野食的套餐，禁我地就選擇左甜不辣、炸杏鮑菇、炸地瓜球。我地講下個甜不辣，炸到乾曬冇黎味道，連有淮鹽嘅地方，都唔夠味，同埋好油。個杏包菇就好d，熱辣辣好多汁，不過個炸皮就好厚。三種食物，最好味就係呢個炸地瓜球，煙煙銀銀甜甜地，有少少地瓜味，呢個唔錯不過就好細粒得九粒。整體來說麻麻地，炸粉可以做得更好，可以加多調味落去。