帝廷酒家 (已結業)

話晒呢間都係皇上皇集團, 冇諗過集團式酒樓, d 食物水準會差成咁.星期六晨早與屋企人到此酒樓飲個早茶. 誰不知食完好唔開心囉!!2人行, 叫左6個點心, 埋單接近$190 (連茶錢)....價錢不是最大問題, 宜家好多酒樓都去到呢個價, 亦明白宜家成本高, 食物平極都有限, 至緊要味道及服務都唔好太差!! 可惜.....1) 蜂巢炸芉角 - 表面睇落去個樣都ok, 一咬落去就嚇一嚇, 個皮又厚又"實", 亦因為厚皮過頭, 所以饀勁少2) 皮旦豬膶粥 - 料少不在講, 豬膶煮到"老"晒, 勁"un"...粥好淡口, 好明顯今朝加過水再翻煲, 但翻煲時間唔夠耐, 連鹽都慳番冇落.3) 煎蘿蔔糕 - 蘿蔔超少, 我諗份量有10:1 (粉:蘿蔔), 口感勁"粉"....都算! 諗住點下甜醬辣醬去遮蓋佢既缺點啦, 點知, d 醬好似"git"左落隻碟好耐咁, 有少少乾身, 夾住件蘿蔔糕去點, 成件質落去都點得果少少響件糕度...辣醬唔辣, 冇乜辣醬味, 但colour 又夠橙紅色喎! 4) 韮菜鮮蝦蒸餃 - 呢個饀料係ok正常, 但個皮超唔掂!! 應該落左勁多粉去"try"個皮, 皮厚身得嚟

國慶關係，屯市人頭湧湧，而且想去的兩門市市酒樓竟然執左於是來帝廷，果然等幾張就有位...記得一開初這間已是又貴又少選擇，但魚雲及藥膳雞腳幾好吃。可是而家這兩味沒了，點心紙冇咩選擇，而且好貴。點了：生菜：6.8元，很少菜，黃同"UN"燒肉米：份量大，23元，燒味麻麻。小籠包：好一般，大點灌湯餃：可以叫左黑椒大腸，等左好耐冇來....不是為有位，呢間不用去了。

中午來飲茶，叫左菠蘿雞粒炒飯，蠔仔泡飯，油菜同埋鮮竹卷ORDER完唔夠3分鐘碟炒飯就來到，一睇就知係一早已經炒定一大鑊，有單就"畢"出來的，無味道、唔香、唔乾身，飯粒無口感，咁既質素仲要收人地40蚊一碟!! 好難食，唯有同自己講，呢D大鑊飯反而少油D，健康D啦。蠔仔泡飯入面D蠔仔又細粒，又少，泡飯個湯太咸同埋多味精。一般酒樓的鮮竹卷都係先炸後炆番佢，呢度個鮮竹卷係無炸過的，係健康D不過唔好味囉。酒樓個廁所用左D好臭既清潔劑，去完出來暈暈地，廁所門口有幾張枱坐左人，都唔知佢地點忍受到由廁所攻出來的清潔劑味道。

今日係老婆生日,我又放假,帶左個女返學,同老婆出市中心嘆早茶,老婆先搵位,我後上,一去到我老婆就話,出面一個人一張枱,冇搭枱,冷氣就一d地方有,一d冇,咁都算啦,坐左入房就叫野食,,先來一個义燒腸,d皮又厚又(鞋),又唔熱,陳皮牛肉好實,一D都唔彈牙,芋角就好細粒,棉花雞就好普通,鳳眼餃厚皮,計數$100找$2,貴到你唔信,老婆話再冇下次,生日都要佢唔開心,,罪過:罪過,老公罪該萬死,我下次都唔去

黎呢度食團年飯，個外表就相當西式，又黃金非常，看似高貴十足。而且服務阿姐的態度都ＮＩＣＥ，好講得笑，有笑容。價錢一睇，都不算太貴乳鴿細細隻，無乜肉，但勝在岩岩整好，熱熱地，脆脆地，一樣好味！再叫灌湯餃。湯就無乜味，餃裡面都係Ｄ豬肉，小小的冬菇粒。依家灌湯餃，比我以前小時候記憶中的灌湯餃唔同。以前真係好明顯係＂頂點＂貨，依家頂點我都覺得唔抵！其實我地叫左流沙包，同流沙湯圓。我唔食甜野，但聽同事講個流沙包都幾正！流沙湯圓係三粒都唔同味～

在龍城連掃三場後已是四點有多，夠鐘要趕回屯門，出席友人於帝廷酒家的結婚註冊儀式了。屬於皇上皇集團的帝廷，在屯門區算是較體面的酒樓之一，裝修十分古典堂皇，雖然音響較「拆」加上樓底不高，少不免有點酒樓的嘈吵影子，但比另一婚宴集團的煌ｘ算好了。　見證了簡單而甜蜜的結婚儀式後，時間尚早只是五點多。酒樓方面又會提供雜果賓治及炒粉麵，讓賓客先墊肚；不過一早打好定的我並沒有享用，反而抓緊時間又去掃貨跌錢，等到近九點再來參加晚上的婚宴環節。全晚西班牙紅酒供應不斷，風味OK，然後其他菜式也陸續上場：　　鴻運脆皮乳豬全體-或是天氣太冷了，乳豬上檯時只是微溫，皮也只是一般的脆，肉質亦不見特色鬆化可口；反而同上的海蜇幾鮮爽彈牙，我吃的更多。對了，這裡採用任食客自行挾餸的政策，阿姐只在吃到最後才來幫忙「筆餸」，相比原菜上檯+即場分菜，其實個人更喜歡這裡的做法。金巢海中寶-大蝦與珊瑚蚌的鮮味一般，帶子相對下好一點，但整體是水準以下。百花釀蟹拑-金黃飽滿的蟹拑中，蝦膠的成分遠高於蟹肉，不過這裡炸的皮薄香脆不油，也算香口好吃的。發財多子柱甫-哈哈，正中我新年心願的菜式，味道雖未能很打動我，但並不是差的，至少芡汁不會太

之前打過了....今次是因為去拜年,湊巧那天又是星期六我最愛的脆皮雞是特價~~'所以叫了半隻,還是不夠...再叫了一隻熱呼呼的~好香好脆~!其他的就很普通了~但來這裡吃飯真的還不錯~喜歡這裡的格局和抵+好吃的脆皮雞!

2010年1月23日 ( 帝廷酒家 = 1 ) 婚宴帝廷酒家乃皇上皇集團之分店，兒時(皇上皇)是臘味出名，現在已經是頗具規模的飲食集團，朋友在這裏舉辦婚宴，今晚我倆應邀來到( 帝廷 )，廳堂佈置得瑰麗豪華，埸內播出悅耳的樂曲，經過了一系列的儀式，晚宴隨即展開了。第一道鴻運脆皮乳豬全體：乳豬端上時，頗大碟，眉眼間掛上紅紅的車厘子，代替一般採用的紅色電子閃燈，這樣，也不失為簡單而又美觀，也是環保的做法，長碟的兩旁伴放著不少的海哲，乳豬皮香脆，醮上乳豬甜醬，味道更佳，再嚐海哲，爽脆而帶麻香味。乳豬與海哲，一香脆一爽滑，兩者互相配合，絕對是最佳柏檔了。第二道金巢海中寶：金巢乃用伊麵製成鳥巢型，再炸至金黃，巢內盛載著海中寶，而海中寶計有蝦仁、帶子及珊瑚蚌，混雜西芹炒成一碟，蝦仁、帶子及珊瑚蚌味道鮮美，西芹清爽夠味。第三道富貴黃金卷：面層是黏著麵包糠的腐皮卷，餡料有西芹、紅蘿蔔及沙律醬，吃起來尤似海鮮卷，但又吃不到有海鮮，應該是雜菜沙律卷，味道也很棒。第四道發財多子柱甫：瑤柱舖面，中間為髮菜，墊底的是生菜，用料質素幾好，整道菜，烹製得頗具水準了。第五道紅絲雞絲大生翅：雞絲多過翅針，芡汁

抵食特價脆皮雞~好好味!夠脆又唔肥~其他既我唔評啦~因為我only去酒樓食炸子雞嫁咋~呵好喜歡呢度既佈置~當晚仲有人結婚添~咁令既地方我覺得黎呢度擺酒雖然遠d都值得丫~~

難得唔駛返工~食tea當然係去間weekday先有優惠既酒樓啦~優惠時段只限一至五既早茶同下午茶,小點-$8, 中點- $11, 大點- $14…..兩點鐘都完全唔駛等位~兩個人叫左: 特價小食椒鹽滑豆腐($15), 燒腩仔生麵($13.8), 帶子菜苗餃(中), 叉燒包(小)估唔到小食份量都唔細~椒鹽豆腐有好多件~而且又真係幾滑喎~唔太鹹~食得過…燒腩仔竟然與其他燒味同價…份量都唔少~有部份既皮仍然脆…而生麵好彈牙~冇梘水味~帶子菜苗餃一夾就知差~餃皮黏住筷子..仲整穿另一隻餃添~食落糊口~餃既餡料就唔錯~最終只係食餡~叉燒包就唔錯~用左半肥瘦叉燒~..同時亦有唔少叉燒醬~包既質感唔差~好鬆軟…服務幾好~冇問題…第二次黎就係一星期後, 一月十一日.有轉變喇~見上星期既用餐感覺都唔錯~今日決定再黎多次~而且多一個人可以叫多d款~點知因為佢地夜晚有人o係度擺酒…佢地趕住交場比人~服務就好差喇...Order左個迷你福建炒飯($28), 特價小食椒鹽滑豆腐($15), 叉燒包(小),鹹水角(小), 煎蘿蔔糕(中), 蝦籽燒賣(大) 上湯鮮竹卷(大)~椒鹽滑豆腐同叉燒包質素冇變~福建炒飯就真

唉!我不小心刪左一張相間酒樓可取的是平.....但食物味道叫左三種食物...鴨米...的鴨得肥膏...又鹹籮白榚得粉味....腸粉不識評,但可以說普通服務無人理加無人執枱

禽晚去左個朋友婚宴之前想'皇上皇'集團應該OK架而且是新裝修都有點期望, 首先酒樓佈置, 裝修真係好靚樓底夠高水晶燈又多場邊電視足夠個個位都睇到氣氛係好好似去到酒店咁,, 講到食物水準就2回事形容差到爆...首頭3樣菜式如乳豬, 翠綠炒XX..及海鮮卷都係熱辣辣之後就真係完全唔惦.. 魚翅無魚翅之外成口麵粉槳(我其他朋友都係講), 條魚蒸到過時老到爆, 炸子雞一D都唔熱個皮唔脆D肉好乾, 炒麵又係凍... 總之一句講晒'差'

上個星期五同媽媽嚟左呢度飲茶,我未嚟過的,見佢下什茶價錢不算好貴,所以就諗住試下,我們兩個人叫左一碟炒米粉,一碗叉燒米線,一碟綿花雞,一碟干蒸燒賣,先嚟炒米粉,一點也不像炒的,好濕,沒有味的.叉燒米線,叉燒賣相一點也不吸引,放晒在米線上面,好肉酸,叉燒不肥也不廋,但味道不好.干蒸燒賣也可以的,綿花雞賣相都好差,個塊魚肚好大塊,還是好淋身的,有些黑色的東西,唔知係污糟還是燒燶左咁,都食唔落口.我諗我唔會再嚟.....

前一晚在新星吃飯，到今天的早餐時間肚子仍是飽飽濟濟的，但都去酒樓飲早茶，諗住狂灌中國茶，希望減下呢陣飽濟感。 飲早茶/下午茶是比較著數的，除了這時候是最抵飲外，酒樓還加添一些比茶市價更底的優惠點心。所以我一有「機會」，盡量都去嘆返餐。連樓上間肇順都推出3.8/6.8的凸點很久了，帝廷一直都沒有推出過這類優惠點心(周不時經過門口看價錢牌)，而她在閒日的早茶/下午茶價，小/中/大點分別是$8/11/14(再有特點和頂點)，其實不是好抵飲…但今日人在這，自己都覺得怪 (唔通和今日的農曆日子有關?!= =”)看來看去兩張點心紙，最'清'的只有羅漢齋腸粉。但大腦追溯返第一次在帝廷食蒸腸粉，已經是07年12月的事，那次吃雞絲腸，味道忘記一乾二淨都好，但腸粉皮是我是沒有忘記過!是又淋又散的!很差!給個機會下所以照點。等了十分鐘先來到，腸粉的外表不錯，每條都漲卜卜，餡量是不少的。餡有粟米粒﹑蘑菇片﹑莞西，應該好清新的蔬菜，全都給厚厚的獻汁黏到一劈劈野，吃入口非常黏黏淋淋，好嘔心!而腸粉皮和07年那碟一模一樣，黏!淋!，給我夾多兩夾就變成腸粉’醬’，撈埋劈材料，混合後又係好嘔心。勉強吃下兩條，飽膩感沒減

父親節梗係飲茶架啦!! 當日12點左右去到攞飛, 等到差不多1點半先入到去, 人又多, d枱又排得密, 好有壓迫感, 不過, 好彩我地坐通道位, 所以都冇咁迫.............果日由於等得太耐, 個個都好餓, 所以叫左好多野食, 不過大部份d水準都唔係好得.............. 燒腩仔飯 : 有大約12小舊, d皮好唔掂, 已經唔係un, 係硬, 都唔知隔左幾多夜咁 鮮蝦鳳眼餃 : d皮太林, 濕哂水咁, 不過隻蝦都幾大 叉燒腸粉 : d粉唔得, 太lim, 太爛 小籠包 : 又係d皮唔得, 好厚, 不過d肉都唔錯, 又多汁, 如果改善到d皮就好正 腐皮卷 : 炸到好脆 牛展 : 好香玫瑰露, 好入味 XO醬炒蘿蔔糕 : 唔算太油, 又夠味, d蘿蔔糕真係有蘿蔔絲, 唔會淨係得d粉頭 蒸排骨 : 好大舊肉, 但好似冇乜味 雞絲粉皮 : 怪怪地, 咬落好似有沙咁, 估計係砂糖, 但從來未試過麻醬會落糖 好似係咁上下啦!! 都唔記得仲有咩食過?? 埋單都等成世, 起碼成10分鐘, 真係走左去都冇人知...........