席前

營業中

休息中

下午1:30去食, 位置喺電車總站附近, 人都幾多, 可能要等一陣位, 但上菜都幾快. 食咗個滑蛋豬頸肉飯. 唔喺茶餐廳果種好似鼻涕既滑蛋, 有少少似炒蛋多啲. 啲炒蛋exactly喺我鐘意果種. 因為好多茶餐廳既炒蛋, 毫無蛋味, 加埋晒好多唔知咩落去. 豬頸肉煎得都好香, 喺肥咗啲. 當然叫得豬頸肉都唔會瘦得出邊, 依樣喺我唔好. 整體嚟講, 個飯都好濃味, 好適合重口味既人. 飯的份量剛剛好, 對男仔嚟講可能少咗啲. 不過可以加底. $46個價錢都算合理.

我個人唔食沙律醬，咁就叫左個日式咖哩，咁心諗正常人食日式咖哩都唔會跟沙律醬。跟住我就叫左個日式咖哩滑蛋飯，點知佢有沙律醬，我就問佢點解，佢話我冇寫，咁日式咖哩點會有沙律醬，點寫呀，我同佢咁講，佢叫我唔好食。我心諗，你都痴嘅，你唔好碗飯有舊屎之後話我冇叫走，都傻嘅。你唔換個碗俾我都算，佢串到叫我唔好食，咩態度呀。咁我聽話嘅你叫我唔好食我就唔食，況且佢又係好食，唔係近公司我都唔會去食。宜家啲年青人做野係咁，得過且過，冇態度可言。

這家店永遠坐無虛席，呢次見到都係冇位，唔可以即刻入坐，今次等咗一陣終於等到，咁就嗌咗一個吉列炸魚柳炒一丁，再加杯薑母奶茶😍。先講下個吉列魚柳做得非常好，吉列皮好薄，但係舊魚柳肉都係咁薄🤣如果厚返少少就非常好嘞，因為真係好味；另外，一丁麵炒得好爽，唔太油，亦都好有一丁味，唔知係咪用番嗰湯包呢? 仲有少不得既椰菜做配料，甜甜地好日式feel! 薑母奶茶亦見得濃香，薑味十足，最啱女士飲用!另外環境好舒適，見到廚房位都特別清潔、乾淨，比你好有信心!

今日本太子和朋友遠征一下黎到筲箕灣食好西。要知道筲箕灣呢條食街真係好出名，各位食家絕不能錯過。對於呢家席前，我覺得店舖門面唔會太凸出，店裏座位就二十多個吧，但裡面裝飾倒是挺精緻既。坐下我就叫了一碟滑蛋豬扒飯充飢。呢碟飯的賣相就一般般，不過講好味就一啲都唔會輸蝕 。蛋的味道很充足，溶和到肉中的感覺係好和諧，加上配醬，很滑很好味啊。至於飲品方面，這裡也有不少選擇，例如雪梨茶和柚子茶。呢次我點了個柚子茶，我發現落料很充足，柚子味很夠，絕對唔會覺得味道淡，不可口。真是讚啊～加上價錢50元也不用，算是平民之選，不用到高級餐廳亦能食到優質食物。

搬到筲箕灣半年有了，每次經過席前都覺得這間餐廳不錯，日式裝潢，晚上是黃光，讓人感覺很舒適、溫馨，但我始終遲遲沒有進去，因為大部分都約了朋友在其他地方食飯。直到昨天中午，必須要在家附近吃飯，看了看門口的餐牌，好像不錯，決定進去試試⋯服務人員態度很好，效率也很高。我點了金菇牛肉炒飯+凍奶茶少冰。餐點色香味俱全，實在是不可多得的好餐廳❤️這樣的水準，其實$70-$80蚊我都唔意外既，買單時他說總共$47蚊，真係抵食。

席前，由東大街中心轉戰到麥當勞樓下，全因租金太貴。不小有心小店因飛升租價而倒閉，席前是家族式經營，聽到他要關閉時只能慨嘆誇張經濟問題，幸而再次見到它出現，又可以食它的鰻魚炒飯！格局同以往差不多多，以簡約及橙色為主，店內侍應非常忙錄，什至在午飯時間有訂檯情況出現，無論學生哥、OL、學校老師都會過來光顧，不知道晚上又如何呢？它好像沒有加多少價，由以往$45至現在$48，頗可接受，它的炒飯足料有味，夠鑊氣，在座不少食客都慕名而來，吃下去啖啖是魚似，非常香口，我很喜歡！ 柴魚就像魔法一樣，味道與炒飯相配，又沒有太濃，食過就番尋味！肥牛炒烏冬$48:味道同炒飯很似，可能用相同的汁，不過我比較喜歡鰻魚炒飯的味道！吉列魚柳飯：我好懷疑他們都係用相同的配汁，另外，白飯加上醬油，朋友覺得沒什麼特別，反而魚柳炸的脆滑細軟，貌相不錯！期望席前再次出現，很難得有心的小店能在東大街有能力支撐下去，另外，晚上有鐵板燒食架，有人話都幾好，還有星期六日特別午餐，豬仔包勁好食的！

今日中午同同事來吃午餐，我自己點了個＂滑蛋吉烈豬扒飯＂，好好味，食下食下成碗食哂～個飯d米好似係珍珠米，粒粒分明又香又好嚼口。有d椰菜墊住塊吉烈豬扒，豬扒厚度適中，吉烈炸得外脆內軟，而且冇油笠笠感覺，食落唔肥。加上豬扒上一大隻滑蛋，賣相一流～同事另外點了滑蛋豬扒飯及煙肉煎蛋炒飯，不過我沒有影相，他們也沒有說味道如何…下次來再試試吧⋯⋯而飲品方便，我自己點了奶茶，不過味道並非茶餐廳果d，可能係個茶唔係平時用果d紅茶…但味道可以接受。整體來說，＄46一個日式飯仲有野飲，算是抵食～ 下次會再來的～

今天經友人推介，來到了筲箕灣的席前，是一間很簡約的日式快餐店。 夜晚大約7點多來到，人不算很多，除了我們，只有三四台客人。雖然是一間快餐店，但坐位坐得頗舒服，沒有會隔離台很近，服務員也很親切。 我們兩個人，叫了一個二人套餐和一碟炒面。二人套餐包括有燒烤兩串(我們選了燒牛脷和燒雞翼)，炒菜一碟，炒肉一碟(我們選了炒雞肉)，飯兩碗，奶油豬一碟和野飲兩杯。 在五分鐘內便來了兩杯凍檸茶(少甜)，雖然是少甜，但是仍有少少過甜，其他問題不大。然後來了碟炒菜和炒面，菜是新鮮翠綠的，炒得乾身和爽口的。而炒面也炒得乾身，味道適中，不會太濃味，而且有隻心型蛋。 牛脷和燒雞翼味道正常，雞翼的吉法比較不同，比較容易入口，雞皮亦有少少脆。之後來了碟炒雞肉，雞肉份量不少，雞肉很實，很有口感，和燒汁味很搭。而奶油豬和其他茶餐廳的分別不大。 總括而言，是坐得舒服和抵食的餐廳，食物質素中上。

好耐之前係東大街食過,但係果陣已經知佢地會搬,不過仲未搵到地方,有日食完飯揸車經過,見到佢開返,覺得好開心,所以第2日就黎食,老公叫左個炒飯,我記得好似有磨菇, 雞蛋, 煙肉定咩,飯好大碟,不過飯粒唔夠乾身,好"林"好濕,如果乾身D會好D,大碟到, 食剩左蜜桃紅茶, 超甜,建議落返少D糖水,真係甜到,分開倒再加水都仲覺得甜豬扒炒一丁,都係勁大碟, 食極都仲有甘,好多椰菜, 豬扒,呢個水準KEEP到, 一樣甘好食,不過都係太大碟食唔哂

第一次食呢間野, 因為佢開鋪時間比較特別(晚上6點30)鋪位比較細, 典型茶記feel餐單選擇比較少, 得幾款菜式叫左蘑古煙肉炒飯食, 等左約10分鐘到, 都叫快試食第一淡, 黑椒味太重, cover左煙肉同磨古汁本身的味道...到第二淡, 白飯黎, 明顯炒飯撈得唔balanace...之後慢慢食...感覺都係怪怪雞雞咁, 唔知點形容餐飲叫左杯凍奶茶, 明顯係台式珍珠奶茶但冇珍珠食完...走人總結: 裝潢ok, 店員服務一般, 食物如果拿來同區內比的話...尚有改善之空間1.菜式太少, 食耐左會厭 (由其是早餐)2.價錢可接受, 同區內比3.食物賣相其實可以執一執 (雖唔重要, 但係唔好D炒野fei到去碟邊...飯扒炒丁係咁, 好似唔知食咩咁)評分: 55分