常麵館 (已結業)

唔知幾時開咗呢間野，今日試下先。舖細細，檯同櫈都係相對較迷你，lunch time 人都幾多，擺滿figure 嘅裝修同車仔麵唔係好夾🤣, 不過整體好乾淨企理，尖東其實得一間食車仔麵，而家多個選擇對我地上班族絕對係好事👏，自選三餸車仔麵43，齋餸33。韭菜餃，魷魚，豬紅，河粉配凍飲，韭菜餃2粒新鮮❣，魷魚爽口👍，豬紅5粒，清湯加腩汁味道唔錯，不過辣咗啲（我無✅辣）的。只收現金，如果有八達通更好。

卒之又完成了一日的工作，從紅磡站走過來尖沙咀中部一帶時，偶然發現了這一家「車仔麵」小店，再想想，車仔麵癮起了，摘日不如撞日，是間晚飯就在此解決吧！餐廳呈長形，室內裝修簡約而摩登，環境整潔企理。牆上有些霓虹燈配上玩味標語，又擺了不少聖鬥士星矢及其他手辦模型，立時有種型格感。一如所有車仔麵店，下單都是剔紙仔，不用多介紹。而定價以尖沙咀區而言，實屬親民，兼選擇多多。還有一些常餐、下午茶餐，甚至飯品、小食之類。餐具、調味料、點菜紙都已放在一旁吊架之上。「三餸套餐」連熱飲，才$43，所以，想食好少少，再額外加餸，每款$8。結果，要了韮菜餃、蘿蔔、牛筋、鹹牛脷、枝竹配油麵、豬骨清湯底加沙嗲汁，餐飲選擇了凍奶茶，合共$62，但實在非常豐富。而且，各款食材也很高質素，韮菜餃包得挺實，滿滿的韮菜香，蘿蔔清甜無渣，牛筋有兩大件，柔韌有咬口，並炆得非常入味，鹹牛脷厚切成一大片，軟腍而有嚼頭，獨特的牛脷羶香，喜歡吃牛脷的客人真是不容錯過，枝竹則有豆香，每款也很好吃，就連加入沙嗲的豬骨清湯也香而不濁。凍奶茶亦比預期中好，既有幽幽茶香，又有絲滑的口感，冰涼送爽啊。這一頓車仔麵吃得很滿足，第一，因為很久沒吃，滿足了

係尖沙咀坐鋪既小編到Lunch就一定要係附近搵野食🍽，為左避開繁忙時間兼避疫🏃‍♂️，小編都鍾意外賣返鋪頭食。而今日就嚟到新開既「常麵館」，試一試佢✨！話說對車仔麵都有要求既我，究竟合唔合格呢？（食神Mode👀）✦✦✦✦✦✦✦✦✦✦✦✦✦✦🎈$63 蘿蔔+牛筋+牛腩+雞翼+豆卜（腩汁）粗麵 + 凍檸蜜小編一打開碗就已經聞到香氣撲鼻👃🏻，味道令人非常期待！蘿蔔清甜冇榨！係冇榨！係冇榨架！（重要的事要講3次！），亦甜味十足。呢間麵館喺揀選食材方面好有誠意，👍🏻LIKE。先講牛筋牛腩入味夠淋，應該熬咗非常充裕嘅時間，絕對值得Encore🐮👍🏻；豆卜正常大小，浸得越耐越索哂啲腩汁😍✨，感覺就非一般喇。瑞士雞翼入味🍗，瑞士汁亦令小編非常開胃！粗麵麵質爽口，索埋腩汁之後整個車仔麵錦上添花，五餸麵連埋凍檸蜜$63蚊！而配料唔算少，性價比高😍😍！✦✦✦✦✦✦✦✦✦✦✦✦✦✦係尖沙咀搵到高質車仔麵好少，雖然尖沙咀有唔同菜式揀，但有時食返港式車仔麵係一好選擇😳。而且餐廳入面仲有有趣既LED字燈同Figure，有興趣既朋友可以留意下🤲。✦✦✦✦✦✦✦✦✦✦✦✦✦✦

今日去尖沙咀行過俾舖頭嘅figure牆成功吸引到注意，決定試下🌟🌟🌟同一般車仔麵店唔同，擺位乾淨企理仲有好多模型珍藏，好啱動漫迷😝😝😝叫碗麵同小食：麻辣藕片優惠價一人份18蚊，正式價25蚊因為兩人而且價錢唔係差好遠就叫左大少少但原來唔係大小小！😂大過隻碗！咁大份我地呆左，超抵食。食落去麻辣味足但唔會太過火，唔食得辣嘅朋友都絕對駕馭到，但又愈食愈過癮，結果我偷偷地掃左大半碟剩返好少俾朋友😋而且食得出佢係有另外處理過啲藕片，有用糖水浸過我估因為甜甜地但又好爽脆，唔係求其點下辣汁就算，cp值超高！以後每次食我都肯定會再點🤣三餸麵都只係40蚊左右（$43）係尖沙咀嚟講都真係好抵，而且份量勁大😂😂😂好推薦呢度嘅麻辣湯底，好少食度麻辣湯底夠麻！平時多數死辣。呢度嘅湯底或者小食花椒味都好重🤪🤪🤪唔會食完成身出曬汗但又好過癮，唔覺唔覺食曬成碗整體而言cp值好高，雖然唔近地鐵但去尖沙咀都會支持下，平野唔洗成日都食連鎖嘅，小店都好正🤪🤪

👉一入到嚟就畀啲新派設計、同牆上面嘅figure公仔吸引住！呢度好乾凈，服務仲好細心，年青人主理果然係唔同啲！👏.☝️我去食車仔麵，最鍾意叫嘅就係《大雜》。貪佢乜都有，啱晒我呢啲有選擇困難症嘅人！😆.📌那渣大雜燴 $55 ~ 呢度嘅大雜，除咗一般嘅豬紅、豬皮、蘿蔔、魚蛋、豬腸、雞翼尖⋯，最吸睛嘅係大啡菇、豬手、同埋角落頭嗰一大堆紫菜！！.🛎$55大雜+飲品，有此質素，性價比確係高！📌每款餸都好入味，豬腸係粗大條有啲肥膏嗰隻，呢度仲要斜切增加口感！📌見到嗰堆紫菜之多，不禁嘩了一聲：唔使錢㗎？！😱📌大啡菇都係落本之作，食咁耐車仔麵真係第一次有大啡菇😳📌湯底揀咗中辣個人覺得都唔係好夠辣。枱面有辣椒油可以自製辣度！📌炸魚蛋（6粒）$18 ～ 即炸熱辣脆口，加上准鹽超冶味。魚蛋真係有魚味，一入口就知係靚魚蛋，並非一般街邊麵粉貨色‼️✅《常麵館》嘅餐牌中、英對照，此類食店中實屬罕見。英文餐牌其實都幾重要，有好多外籍人士都好鍾意食香港本土食物、茶餐廳等！！

今日出左尖沙咀行街，經過街邊見到有間車仔麵店好吸引，又平又裝修得幾靚3餸車仔麵 ($43)我揀左腐皮蝦卷，牛腩同豬手配蕃茄薯仔洋蔥湯🍜個湯底酸酸甜甜勁好味，我每啖都配湯一齊食，最後差唔多飲哂d 湯，中間仲有d 薯仔粒粒同洋蔥，好足料個腐皮蝦卷好少地方有，味道唔錯，唔會有我討厭既蔥係入面🤣🤣豬手炆得好淋好入味，可以再叫😍😍牛腩配蕃茄湯食岩岩好，都幾夾🐮朋友叫左魚蛋，豬大腸，牛肚配豬骨湯🐷個湯底睇落就清澈d, 冇我果個咁多薯蓉既濃。試左佢一個豬大腸同牛肚，兩個都好淋好入味👍🏻👍🏻魚蛋我冇試，但朋友話都幾實幾好食☺️跟餐有配野飲，我地兩個都叫左豆漿（+$5),密封包裝感覺好衛生，個豆味都濃，係少甜既感覺，幾好飲🥤🥤入面裝修都幾新，又幾有特色咁

很久沒去吃車仔麵了，想不到今天隨便去一間吃，又很不錯啊！餐廳內的裝修都很特別，充滿潮語味道，看到也令人不禁發笑!車仔麵本身有3餸麵餐包熱飲!豬大腸軟淋不韌，支竹有3大片，酸齋也不錯，有兩大件，大啡菇都挺大隻，韮菜餃的餡料也滿的，挺惹味!至於湯底，點了番茄薯仔洋蔥湯，平日吃車仔麵時都只係腩汁清湯多，這個較特別，而且味道也不錯，有番茄味，但又不太酸，而且還有薯仔粒!小食點了蠔油生菜及炸燒賣，炸燒賣又不油啊，幾好味!飲品點了豆漿，是台式飲品店的密實杯裝那種，豆味也有，而且不太甜~

第一次寫review! 忍唔住要寫因為真係太滿足！要支持下！我係附近住既，行過見到33蚊三個餸，仲可以揀菜底！咁抵咁減肥就決定試下，個時都唔為意原來仲包埋嘢飲！我叫左大啡菇+豬肉片+魷魚+菜底+洋蔥番茄薯仔湯🥰上台個時已經好香，試一啖湯，簡直係驚為天人！好香甜，茄味濃，可能因為有洋蔥同薯仔，個湯底層次同味道比一般番茄湯豐富，最後我係差唔多飲曬㗎！餸方面量都足夠既，材料都係高質既，好味既！但比個湯搶曬風頭啦😂

經過上次光顧「常麵館」，享用車仔麵的時候一時大意，選錯了「大辣」的「車仔麵」辣味程度，導致「車仔麵」實際味道太辣，辣得把其餘食材原味都完全掩蓋，「經一事長一智」的想法在心裡面萌芽，開始成長。今次我選擇了在接近「下午茶」的時間，來到「漆咸道南」光顧「常麵館」，所以沒有再選擇享用「咖喱牛腩飯」，只食「蕃茄湯底車仔麵」就足夠了。完全去除「辣味」之後的「常麵館」「蕃茄湯底車仔麵」實際味道裡面，就純粹只有來自「蕃茄」的濃厚酸味而已，完全感覺不到辣味之餘，鹹味也被「蕃茄」濃厚酸味所掩蓋了。就連口感原本也都算是軟腍，筋不算非常多的「蘿蔔」，最後也在不知不覺間，完全吸收「常麵館」「車仔麵」「蕃茄」湯底裡面的酸味。至於「粗麵」麵條裡面的實際味道，也受到「蕃茄」湯底裡面的濃厚「蕃茄」酸味所影響，每食到一啖麵條，麵條都充滿來自「蕃茄」裡面的酸味。至於「雞翼」和「牛腩」受「蕃茄湯底」酸味的實際影響，就沒有「蘿蔔」和「粗麵」那麼嚴重，不過「常麵館」裡面的「雞翼」恰巧屬於甜味「瑞士汁雞翼」。所以「瑞士汁雞翼」原本擁有的濃厚甜味，或多或少被「蕃茄」湯底酸味所影響，「雞翼」裡面的濃厚「瑞士汁」甜味，被酸味「蕃茄」湯底

來到尖沙咀行街，要搵野食真係唔難，周圍都有好野食，但要搵到抵食的野就比較難，今次我就叻叻了，找到間抵食的車仔麵店同謙謙開餐。來到“常麵館”一入門口直望已經比佢的模型公仔吸引了，在牆壁上有聖鬥士星矢的黃金聖鬥士，超吸精，謙謙係咁望到實😆。來到緊係要食車仔麵啦！我同謙謙就叫左以下兩碗加小食：⚛ 下午茶餐3餸麵配飲品都係$39加杯凍檸檬茶凍飲加$3， 我外加多一餸$8。 車仔麵我選擇了腐皮蝦卷+牛筋+牛肚+瑞士雞翼粗麵配豬骨湯+腩汁， 雞翼夠哂入味甜甜的瑞士汁很美味，牛肚牛筋炆的入味夠腍。⚛ 那渣大雜燴 $55 加凍檸檬蜜 加$3，呢碗係謙謙一座低就話要食的，我問佢仲咩點呢碗，佢話因為材料豐富咩都有d 岩哂佢喎，人仔細細食得仲多過我， 謙謙話個大冬菇好滑溜， 魚旦，豬紅，豬皮佢都好鍾意喎， 仲有佢那碗係番茄湯幾特別，味道鮮甜，我忍唔住夾左豬手來食，又炆得幾好味喎仲要有兩件，呢碗真係好抵食。⚛ 鹽燒牛舌 ～ 5大件燒得唔錯，入口幾爽加了小小鹽一齊燒已經幾滋味。

週六放工諗唔到食咩好，行去西鐵站途中見到呢間門面四正嘅車仔麵，先生好有興趣，但最近比較熱氣嘅我唔太想食辣嘢，清湯又太寡，咁啱見到有蕃茄湯底，非常吸引。車仔麵配料選擇頗多，三餸麵盛惠43蚊仲包熱飲，非常抵食，湯底方面除咗有我一早睇中咗嘅蕃茄薯仔洋蔥湯，仲有豬骨清湯同麻辣湯底，可以外加秘製嘅成仔辣汁、沙嗲汁、腩汁同咖喱汁。小食方面選擇亦非常多，除咗一般車仔麵店常見嘅滷水小食同蘿蔔牛腩之類，仲有甜酸齋、麻辣藕片同各式各樣嘅炸物。蕃茄薯仔洋蔥湯味道香濃，配上米線非常合適，兼顧營養同美味。配料方面我揀咗豬手、腐皮蝦卷同紫菜，份量亦相當大方。豬手係最抵食嘅配料，一共有三件，炆到軟腍入味，可以輕易咬開。腐皮蝦卷亦好有驚喜，即使浸咗落湯，外皮依然帶少少酥脆，入面包住蝦膠，鮮味彈牙。嗜辣嘅先生揀咗豬骨清湯配成仔辣汁同沙嗲汁，香辣惹味。配料方面有牛腩、肥牛同蘿蔔，牛腩軟腍入味，肥牛同蘿蔔嘅份量亦非常多。瑞士雞翼鹹淡適中，非常入味，灑上白芝麻更加香口。爽脆嘅唐生菜配上香濃嘅腩汁自然係絕配，味道恰到好處。餐廳嘅車仔麵質素唔錯，特別係蕃茄薯仔洋蔥湯底，百搭又好味，配料方面質素亦同樣高，加上環境乾淨整齊，價錢合理

約左朋友食早餐，呢間餐廳裝修好潮，霓虹燈招牌幾搞笑，早餐選擇都好多，唔係剩係得麵㗎～ 🥘 三餸菜底餐 $33 ➕ 四個餸 +$32🥣 番茄薯仔洋蔥湯：真係食到粒粒番茄🍅 同埋薯仔🥔，湯底少少辣🌶️，惹味❗️🥬 菜底：係生菜，份量都唔少👍🏻🍄大啡菇：大大塊好juicy🥟芫荽豬肉餃：皮薄，好似雲吞咁，餡料多🦑 魷魚：口感煙韌🐖 豬紅：好好食，完全唔腥，仲好鮮甜🥬 酸甜齋：分開上好好，酸酸甜甜🐂 牛筋：口感軟腍🐂 肥牛：份量多，肥脂少，高質🥘 三餸菜底餐 $33 ➕ 四個餸 +$32朋友嗌嘅，食得勁快😆 佢話呢個係無麵嘅十餸車仔麵，抵食😋番茄薯仔洋蔥湯➕腩汁🥟 芫荽豬肉餃、🐂 牛柏葉、🐂 肥牛、🐓 瑞士雞翼、🦐 腐皮蝦卷、🐖 豬手🥛 凍豆漿 +$5朋友話豆味濃、偏甜，幾大杯，獨立包裝好衛生👍🏻🥛 熱杏霜 $0新鮮滾熱辣，成杯好快比我飲曬，好滋味🤤阿姐幾nice，同我地吹水，問我地咁大碗食唔食得晒😂 呢間嘅車仔麵真係唔錯，餸嘅選擇好多，味道又好，可以再戰吖🔥

🍜三餸麵（腐皮蝦卷、大啡菇及芝士丸，蕃茄薯仔洋蔥湯）好味指數：👍🏻👍🏻👍🏻👍🏻👍🏻一見到大大粒嘅大啡菇就心心眼左，店家仲要好細心咁切十字花紋，好可愛。令車仔麵都可以影到靚靚相打卡。大啡菇咬落蛋汁彈牙，平時係西餐廳就成日見到，但係車仔麵店就第一次見，店主創意十足。🍤腐皮蝦卷內餡好濃味，腐皮味都好出。🧀芝士丸入面嘅芝士都呈現醬狀，咬一半仲可以拉絲。🍅最重點係佢個蕃茄薯仔洋蔥湯，非常之香甜，洋蔥都煮到軟淋淋，吸收埋湯汁嘅精華，一家要食埋。🍜三餸麵（韮菜餃、芫茜餃及魚蛋，城仔小辣麻辣湯底）好味指數：👍🏻👍🏻👍🏻👍🏻好多車仔麵店嘅魚蛋質素都麻麻地，但係呢間嘅魚蛋係好彈牙，而且大大粒，一啲都唔馬虎。餃子方面，皮滑，內餡嘅韮菜或芫茜都足料，份量岩岩好唔會搶左豬肉嘅味道。麻辣湯底都香濃，小編平時唔太食得辣，小辣就覺得岩岩好，但如果鐘意食辣嘅朋友仔可以再叫辣啲。🍤炸腐皮蝦卷好味指數：👍🏻👍🏻👍🏻👍🏻👍🏻小編係三餸麵都有叫腐皮蝦卷，但就唔係炸嘅版本。炸過嘅腐皮蝦卷，外面腐皮會脆脆地，口感想當好。🍗瑞士雞中翼好味指數：👍🏻👍🏻👍🏻👍🏻👍🏻雞翼相當入味，而且肉質鮮嫩，一咬啲肉就離骨。🍹飲品：好味指數：👍🏻👍🏻

今朝做完運動之後，去咗健身中心附近嘅常麵館食車仔麵。😍呢度裝修乾淨企理，走年輕路線，仲有唔少模型布置，好有心思👏。我點咗4餸菜底（$41），因為想健康啲，食多啲菜。選擇了腐皮蝦卷，韭菜餃，芫茜豬肉餃同豬紅。我揀咗蕃茄湯底，蕃茄濃郁，裏面有薯仔，洋蔥，好好味，連湯都飲埋😋加五蚊點咗凍豆漿，豆味濃郁，不過如果減少少甜會更健康。水餃都係店家自己親手包，足料又新鮮。另外再叫咗個陳醋雲耳小食（$18），份量好多，雲耳爽口清新👍

最近新年食得太多油膩野，想食咩湯麵滋潤返😝 出開尖沙咀行街咁岩留意到有間麵店，整體環境及外觀都好整齊，一於食呢一間！單睇餐牌有好多款食物可選擇，例如常餐、下午茶餐、車仔麵等等...再睇埋點餐紙，淨係車仔麵嘅餸都超過20種，湯底、醬汁、麵底均可選擇！多到要深思熟慮食邊款好🤪最開心嘅係可以揀淨菜底$33起！揀咗我最鍾意嘅牛腩、牛筋、牛脷、豬手😍再配埋腩汁！就咁睇豬手大大隻，炆得剛好，淡淡南乳香味，入味！一大片牛脷，非常大條，而且都炆得好入味！腩肉肥瘦適中，肉香軟腍。麻辣蓮藕 $25分量十足，每片蓮藕都沾滿麻辣味，唔會太辣！醋味多啲，酸啲啲，都幾開胃！值得一提嘅係佢哋嘅奶茶同特濃鴛鴦，一啲都唔馬虎，茶膽香 咖啡濃 奶香滑！繼續食好西！