平成二十二日本料理 (已結業)

我生日個朋友最鐘意食放題，因為乜都可以食d，又多選擇！我地上年去左The One對面嗰間食放題，真係吾錯Y，所以今年就食第二間試下，甘上openrice 睇下尖沙咀有乜好選擇，就見到「平成」幾多人去喎，我假日都喺佢對面食早餐，成日都見到lee間日本野，甘就去試下吧！芝士控的我，炸芝士當然係好味👍🏻但個雞軟骨超難食😫豆腐可接受🙁牛舌係全晚最好味的食物🤩因為我吾食羊的，但我朋友話羊架好食👍🏻個青魚都可以的👌壽司就一般般吧🤨鵝肝都可接受🙁個海膽同瀨尿蝦係送，我地食剩一半😢其他刺身😨😨😨自己諗吧😓個蠔都可以🙂牛柳粒都係一般吧🤨整體黎講，服務同禮貌都幾好燒物最好食其他真係要改進有一d基本嘅應該要好食，但都係麻麻！所以........應該冇下次

一間普普通通的放題野食唔算係有勁多款應該要有的 佢都有但味道正常 蝦刺身都好大隻仲有2板海膽送👍🏼而且酒可以任飲喜歡飲酒的朋友要留意員工服務殷勤 經常換碟連加一 大概~$280位價錢還好的

過時過節，係朋友介紹下同屋企人去左平成二十二食日式放題。放題基本上咩都有少少，一定有一兩樣會適合屋企人食。環境算係清淨，唔會好嘈。刺身好新鮮，件件都厚切，原來人數夠仲會送板海膽，吞拿魚好淋好香，其中蝦刺身先係重點，成隻手掌咁大，食落啖啖肉又爽口又甜，真係要一試。炸物小食壽司，咩都試下，樣樣都唔差，做下酒菜非常合適，因為有個鐘意飲清酒既屋企人，仲有我鐘意既生啤，兩樣都係任飲，想飲幾多都得。仲有幾種的的式式既甜品，有小朋友係到就岩哂啦。

第1次打評價，第1次食放題食到手停口停！好少野食，又無海膽，刺身蝦要自己剝殼(算啦)，仲要唔新鮮唔爽口的。睇過宣傳同評論一心黎試食，結果無佢地講咁好，自問我同朋友都唔咀尖，但樣樣野都食唔落。。失望。。。係除左甜品係有啲希望，但可惜已經食到反哂胃我地6點食，係呢個鐘樓食都要300蚊一位(加一)，如果比得呢個價錢質量應該要有一定水準，但佢嘅水準…出旺角是但搵一間平啲嘅都好食過佢，曾經食過難食嘅，但都嗌到兩轉野食，今次……真係一轉就停了，夠了希望大家諗清楚先好試，大嗱嗱300蚊位，可以有更好嘅選擇

友人臨時話要食放題......質素唔好, 我又唔想去食......終於想起哩間.....唯有早點來walk in 睇下有冇位.....我們食第一輪......18:30-20:30.....餐廳已9成入座, 幸好有位.......8張紙.......種類也整全......好耐之前已食過.......大約都知有咩必食.....是晚送一人一隻鮑魚......size都算大隻......幾彈牙.....刺身叫了三轉......好明顯有幾款真係味道不錯, 每次都要encore 啦.....哩隻珍寶size既甘海老真係必食.......又鮮又甜又大隻......食一隻已超級滿足了仲有啲帶子係原粒上枱, 又係又大又甜.......好少地方咁慷慨.......而三文魚又夠肥美.........正食完刺身......又食下前菜.......朋友超喜歡哩個蕃茄.......串燒.......牛舌.....雖然薄, 但味道不錯.....雞翼燒得夠香......但有點乾.......仲有麵豉湯同餃子.......清酒廣島蠔......蠔身肥嘟嘟.....有蠔味.......不太腥......天婦羅及炸物有幾

因為朋友帶了小朋友過來一齊用餐，店員也十分有耐心協助，而且也提供小朋友專座椅子，方便父母照顧。刺身是我的最愛，象拔蚌、特大牡丹蝦都十分新鮮，象拔蚌十分鮮甜，而牡丹蝦是有手掌那麼大，所以十分值得推薦。帶子也有一個1蚊硬幣大小，也是十分值得一吃。而卷物和天婦羅在上菜的時候，店員還會很細心提醒要及早吃，以免不夠脆，十分貼心。食品在眾多放題其實都同質化了，出品都不相上下，但是服務這裡真的是突圍而出，真誠推薦！

同女朋友放工拍拖，途經這間放題，所以就入去試下入到服務員就講解食幾耐同清酒任飲，係任飲無錯，佢有分冷熱，我嘗試過冷清酒，味道香，之後點壽司刺身，好好食又夠新鮮，而且有一板海膽可以落單，還有天婦羅再配上清酒，正呀~唔想飲青酒可以選擇飲汽水還有羊架同送酒青豆腐，味道又係正，齋青豆我同女友都好評，羊架唔蘇又易入口一定同女友再黎幫襯

又係同女朋友食好野的日子，無計啦，每個月都要紀念一次～香港男人的悲哀！（希望佢睇唔到…）唉，我自己真係好鍾意食炸野，呢度就真完全係天堂！最神奇係佢竟有我最愛的秋葵，無食過秋葵天婦羅的我都真係幾驚喜！呢度仲有多春魚啊，軟殼蟹等！全部都好出色架～我地仲見了羊架，佢個羊架唔係我地平時係出面食開個隻，多肉d！而呢度的羊架蘇味都幾重，我自己就幾鍾意，女朋友就話麻麻喎。呢度的壽司都幾多款色架！我女朋友最鍾意就係牛肉個個，超特別！而且入口即溶好好味！我個人覺得花之戀都唔錯架！呢度的燒菠蘿我地2個都勁鍾意食！因為佢真係燒到熟曬咁，係清甜架唔係生到酸個種！我地都係咁encore菠蘿^^今次都算tum得佢開心所以之後我應該都有返一個月好日子過ge～

原本係'雜誌'睇到介紹呢間日本放題, 食物新鮮, 炸物美味.故此, 跟朋友滿心歡喜去嘗試, 當入場後已經聞到舖內有一浸腥味! 第一輪必定點算刺身, 可惜海老蝦好霉, 其他刺身都沒有鮮味, 除帶子可以之外.而燒物只有雞亦, 鹽燒蝦, 榴槤炸彈,可以重複點算, 天婦羅中得粟米天婦羅可以, 其他不提也罷!唉~~~~~~~~總之笨一次就算.'

一直以嚟都想一試平成嘅放題，聽聞高質素不過今日一試有少少失望入到去有屋酒屋嘅感覺，而呢度啤酒清酒任飲真係，但點都要睇睇食物質素係點，食放題首先食刺身，之前兩位送海膽因為供應問題改送鮑魚，雖然鮑魚係送嘅但都幾大隻而且彈牙而其他象拔蚌未見十分出色，但比起出面放題有鮮味，而赤蝦大大隻而帶子又完粒上，不過嚟得好似唔齊，而壽司方面無我心愛嘅海膽十分失望，得霜降牛肉壽司比較特別，而熱食方面苦瓜炒蛋係出面好少食到，而清酒煮蠔及蒜片牛柳粒係我推介，其他好似牛舌及羊㗎不過不失未見突出但飯麵主食蟹粥淡而無味，至於其他一般。而之前記得有煎鵝肝而家竟然取消咗真係好失望因為我多多少少為鵝肝而嚟。總結:食物係有一定質素但有漏單問題，我哋應該食到23:00但22:00就準備結帳截單。食物種類唔算太多，唔見有鍋物，又無軍艦壽司。題外話唔知我朋友係未飲醉酒，係度話啲嘢難食垃圾，平心而論未去到咁差一路食一路聽佢罵影響食慾，所以可能有欠公平。

看到網上的寫食評的分享知道呢間放題,感覺好正.於是約好朋友一齊去試.Book佐最早時段18:30,招呼我地的係一位短頭髮阿姨,第一眼店員俾我感覺都算友善,但座低後落紙叫野食,態度不好,眼望望,就是俾我感覺到不舒服.但其他店員都OK食物方面種類較小,沒有太多的選擇.那天沒有海膽送,後來用鮑魚頂替.刺身很小!!!食物的味道方面不是食評中講到的那麼出色,炸物完全不合格.,不脆,不熱!!!外表方面,係盤刺身靚D之外,其他食物都不好,就簡單一個燒波羅,切到好似前一晚賣剩野咁,個燒波羅,落了幾次單都無黎,最後要賣單講多次先到.!!!!最最最重要的是一點就係漏單,今次的價錢要$288 再加10%服務費,這個價錢還有漏單+份量不足的情況.真係不會有下次.,甜品都是平價野,不值一試.

同友人相約食飯，因為他放工不太準時，所以都是在他附近搵食，今次就找來這一間，賣點就是清酒、啤酒任你飲，最啱喜歡無酒不歡的朋友，而我的友人正這樣，所以就不需再選擇了！原來做緊Promotion，二人同行送一板海膽，我地夠人就有得享受~~ 友人第一時間就去試清酒同啤酒，清酒味道清甜，啤酒都很香淳！其實，好少放題唔使加錢飲酒，呢度仲要係任飲，邊度搵呀？軟殼蟹天婦羅。炸蝦天婦羅。雞軟骨我個人就最愛榴連炸彈 &  一口炸芝士！榴連炸彈，一切開一半，香濃的榴連味就強烈地散發出來，極愛！一口炸芝士，一啖入口，濃厚的芝士味充斥在口腔裡，真的要 encore！羊鞍羊肉味道濃郁，肉質嫩而有彈性，燒得十分香口！Yummy！燒菠蘿菠蘿燒得不會太乾身，咬下菠蘿時還有汁液流出，非常清甜！監燒雞翼雞翼聞起上來好香，外皮很有著咸咸的鹽味，肉質軟滑，輕輕一咬就爆左d肉汁出來，調味調得很不錯！味付螺肉。芝麻八爪魚兩個的醬汁都很多，很入味！北海道帶子。特大甘海老。海膽北海道帶子是原粒的，一點都不會吝嗇，屬於大粒啊！肉質鮮美，很厚肉！特大甘海老，質素絕對不比街外日本餐廳單點的差啊！蝦頭內還有糕，肉質也很爽甜新鮮！海膽雖然是免

全店曱甴滿店飛，地面油淋淋，碗筷有層油，極度驚嚇，食左10分鐘火速埋單走人，返到屋企成晚個肚唔舒服，垃圾到前所未見！嚇到全店特別係女顧客同小朋友尖叫，恐怖到震！喜歡曱甴的朋友，強烈推薦！

話說琴晚尖沙咀行完街，唔知食乜野好，於是到山林道睇睇。一路行到街尾見到呢間食放題好似都ok，條街好熱三十幾度熱到爆炸，唔想再行，就入左去。入到去所有野都ok，同一般日式放題食肆無分別。近門口有三隻龜迫喺個細缸游都游唔到幾得意。坐低拿拿臨Tick左紙叫野食。沙律小食好快上，食左無幾耐，戲肉來了。突然聽到隔離枱兩個人大叫，之後眼尾瞥見一大隻野從天而降，右手上臂感到有幾隻腳在上面。冷不提防，以為是大蜘蛛，慌亂之際用急忙揮動手臂，隻野跌落左大脾，電光火石間用手一撥，隻野跌落地上終於看到真身——手指公咁大飛曱甴。隻大飛曱甴極速爬過隔離屏風。有個似係話事人當時喺隔離執緊碗碟，以為佢會打，點知佢視若無到，直至我地兩張枱都同佢講佢先有反應，曱甴已經唔知喺邊。佢只係一味話作打風d曱甴又坑渠走出來，無其他表示。同行既女仔已經嚇得花容失色。1分鐘唔夠見到隻飛曱甴返轉頭，佢被嚇到彈到隔離枱。我一個箭步上前將隻大曱甴踩死。最驚既係轉頭個話事人同我地講話唔使驚，佢已經打死左隻曱甴，我望過去，見到另一隻細好多既死曱甴。原本好開心可以食大餐，點知咁既情況食龍肉都無味。之後d侍應就一直打曱甴，長打長有，一路打一路爆粗，

佐敦山林道餐廳林立，各有特色，而平成二十二以日式放題加上居酒屋的裝飾，成功吸引我們的目光。Orion啤酒任飲，吸引嗎？？唔夠？？睇埋下面……日本清酒，有凍和熱的，都係任飲，O咀未？？冷靜啲，驚喜未完。幾個朋友聚聚舊，清酒、啤酒就是重點。特大甘海老、北海道帶子、吞拿魚、北寄貝、日本油甘魚、海膽，除了海膽是兩位送一板外，其他的都是任食的。甘海老的體積，可算是食過咁多間，是最大。帶子，是大大粒，原粒上枱，並冇切一半，扮兩粒。吞拿魚，用料質量，絕非一般放題可比較。其他，唔講喇，試過你就知真與假。霜降牛肉、火灸三文魚、松葉蟹腳，你冇睇錯，壽司有霜降牛肉，都係任食。仲有好多款式揀，有點錯，冇食錯。鹽燒雞翼，一份原來有兩隻，有啲誇張。為咗更入味，仲把雞翼剪開來燒，真的過份得很。鹽燒牛舌，外脆肉彈，配上鹽燒，就是滿足的感覺。一口炸芝士、榴槤炸彈、自家制南瓜餅、芝麻雞翼、炸秋葵，南瓜餅同炸芝士，唔食係你的重大損失。榴槤炸彈和炸秋葵，就要看你的喜好了，不過，試一試，可能會令你從此走上不歸路。羊鞍，份量頗大份的，火喉控制GOOD，可惜是好嘢太多，肚皮有限，所謂不能用有限換無限…………苦瓜炒蛋，MY LOV