平成二十二日本料理 (已結業)

自己都有成年冇食放題, 突然好想好想一次過可以鯨吞無限的三文魚, 好難得先叫到我男人陪我一起去平成, 因為他唔鐘意放題, 他成日都覺得放題係俾D唔好quality的野食, 同埋佢又唔太o係香港食刺身, 所以寧願去好d的日式餐廳續碟叫, 之但係續碟叫好難先可以滿足到我的三文魚鯨吞慾望, 同埋其實我自己係一個放題的粉絲, 咁咁o岩見到平成而家可以任飲orion 啤酒同埋凍/熱sake, 所先就用喱一點去引佢陪我去book左8點30分2位, 由於我地平時鐘意坐吧枱, 所以去o個日的下午都特登打去平成請佢地幫手安排吧枱, 可惜, 我地雖然準時去到, 但佢地已經俾左人地坐吧枱位, 係有d 美中不足, 不過佢都安排左一張比較靜的枱我地, 所以都OK啦而家佢地做緊2人同行, 就會送一板韓國的海膽, 雖然係好mini size但味道都ok, 赤蝦超大隻, 成隻手咁大都有, 我男人都睇到眼凸, 唯一唔太好係三文魚切得有d 細塊, 我食得唔夠過癮任飲方面, Orion 啤酒係需要自己行出去斟ge, 雖然個啤酒杯好細, 不過都幾得意呀, 可以自己過下手癮做啤酒妹, D 員工都有教我點樣斟先唔會斟到成杯都係泡

媽媽講起想食放題，於是我上網睇睇，見到平成二十二好像不錯，所以帶媽媽去試下！好彩一早訂位，全部都滿座，人客滿滿！雖然地方不算很大，但應有盡有，汽水飲料、Orion啤酒、甜品櫃、雪糕櫃都齊！食放題第一round少不了點刺身，現在只要二人同行，就會送上一板海膽，馬糞海膽好鮮甜，絕無腥味，而且份量十足！刺身質素很好，我點了帶子、三文魚、希靈魚等，三文魚竟然是腩位，好肥美！還有超大隻的牡丹蝦，很爽很彈牙！鰻魚壽司不錯！這裡的炸物特別好，好驚喜有炸軟殻蟹，很香口，我encore了三轉！很喜歡一口炸芝士，半溶的芝士，正！媽咪特別鍾情榴槤炸彈！炸蝦天婦羅的蝦很彈牙！想不到清酒煮蠔的蠔也挺大的，很creamy！燒物也不錯，羊架很嫩，牛舌爽口！牛柳粒很惹味，比較有咬口！燒菠蘿很甜！甜品有木糠布丁和泡芙。凍櫃竟然會有韓國雪條！還有我最愛的椰子味！真的吃到撐不下了！

放題呢幾年好盛行，放題餐廳開到成行成市。要突圍而出，重點都係要靠質素取勝。今次要介紹俾大家既係喺尖沙咀山林道的平成二十二日本料理，絕對值得推薦。晚市放題時間分兩場，入場時間分別6:00/8:30。8:20到達餐廳的門口，門外已經有十幾人排隊等入場，入到去之後，更發現全場爆滿，好彩有預早訂定位，如果唔係真係會失望而回。之後就開始落order點食物，食物的種類都算OK多。刺身、壽司、軍艦及沙律，樣樣齊。值得一提的係刺身有特大隻的甘海老🦐🦐，隻隻都大約有10cm長，而且好新鮮，所以要Encore。另外一樣驚喜係象拔蚌刺身，呢款刺身唔係度度都有，估唔到食放題都會有得食，仲要好新鮮。一定要一點再點呀。熟食方面，有天婦羅、烏冬、拉麵及飯。每樣的份量都剛剛好，所以可以試晒所有食物，鍾意的款式就Encore。另外，有雪櫃專放飲品，自助形式去拎，仲有啤酒、清酒供應。另外分別有甜品、雪條係自助的。整體黎講，食物質素都係高上的水平，完全無浪費到Quota，每樣食物都值得一試。所以真係好滿足呀😋。

原想跟女友好好吃一頓放題，可惜事與願遺。廣告、食評，不可信。剌身種類少，也不算鮮味，海膽既是送的，也就不好多評了。蝦算大，但不鮮甜; 象拔蚌不是平日大的一種，夠爽，但也是無鮮可言; 三文魚夠厚但不肥美。壽司飯完全不及格，只是一團普通飯，所配刺身欠鮮美。他類食品，不論款式，味道，都是一般。連加一290，是强差人意。一大伙人倒是勉强可以，因為主觀歡樂搭救一下。可以一提的就是那位高，黑男侍應算是待客熱誠; 清酒，啤酒也可以。對食物有要求的，想留下美好回憶的，不建議。

朋友想飲沖繩生啤，訂左位食最後九點半至十一點半，飲生啤唔係比生啤杯，刺身可以（象拔蚌係唔錯），送果版海膽比較..細粒，放太耐吸左陣木味，燒物正常，天婦羅唔熱又厚粉完全唔得，戲玉泥喇，十點九叫十一點last order可以接受，十一點阿姐開始洗地噴漂白水，其實無客既話，當然你落閘都無問題，趕住收工就唔好做到十一點半，仲食緊既咩胃口都無哂，咁趕客，現場環境衛生差，地下油淋淋，燈光又暗，賣廣告食你一次半次，真係無下次..

幾個月一次的家庭聚會，大大小小咁多人，有時真係諗唔到食咩。中菜西菜樣樣都試過晒，想滿足晒咁多人的要求、口味真係唔係咁容易。好彩有日式放題的出現，今次㨂左喺TST的平成二十二。由剌身、壽司、天婦羅、飯麵、燒物、沙律和小食一應俱全，仲有飲品，雪糕，同埋甜品無限量供應。我地一班人都好著重食物的質素，果然無令我地失望。大部分的食物水準都係高水平，特別要一提的係刺身同埋壽司，真係一個字‘鮮’，佢的特大甘海老真係要encore, encore再encore，另外象拔蚌，三文魚都好新鮮。仲送左一板鮮甜的海膽。其他熟食都好有質素，份量亦都啱啱好，食得出餐廳真係有心去做好的食物。飲品的選擇有好多，汽水之外，仲有啤酒sake。真係好滿足的一餐呀。最後值得一提的係員工的服務態度，好helpful，每次上菜都好細心咁將枱面整理，服務週到。

被朋友相約去呢度食放題，因為有二人同行優惠-送海膽板，夾好時間，得兩個人都立即去試一試。刺身種類不小，size適中，海膽板會跟第一次order的刺身一齊送上，海膽都幾鮮甜，但吞拿魚魚味不夠（本人對吞拿魚比較高要求🙈）。壽司、手卷。份量剛剛好一啖一個，唔會2舊就食飽左，手卷既紫菜好脆但真係要快啲食。燒物，熟食。即叫即整，上枱全部熱辣辣，加分。款式都不少，但今次得2個人食，叫唔哂全部野黎試。相信一大班黎應該個個都有野岩食。

諗住打電話去訂位，點知一打去響左幾下無 聲，之後我‘喂’左2下就聽到2下滴滴聲，再 過多幾秒就有位女士講野，我講左“你好”之 後，個女人應該聽唔到，我又再“喂”多2 下，之後個女士有點不禮貌語氣話“你講 啦，我岩岩打緊電話你又打黎咪會咁。”🙁 雖然我知道普通一間放題都不能要求太多。 但我真係唔知道原來我咁岩打電話去訂位都 會阻到佢打電話比人。結果懷住唔開心既心 情同佢講唔好意思阻到你打電話。之後就收 左線。🙁

放題呢家野我都好奈無食過，因為根本食唔到幾多⋯今次為了板海膽，好吧我再挑戰！兩位入座即送一板海膽，仲有好多刺身揀，食到你癲都得～不過姐還是比較愛壽司，那火炙三文魚～入口即融的幸福感。令人意外既係個手卷，飯唔會太多，你知道有很多放題都唔知點咁架啦d紫菜，又淋晒又濕咁，都唔知放左幾奈，而呢個入面帶子算新鮮喔～不會有冰感，即叫即整的。咸食在水準以上喔～特別係燒物同炸物，即叫即整，店員仲好貼心咁叫我地快d食，凍左會唔好食～餃子是手製的喔～好有心思！而且皮薄又多餡。見到個綠茶麵好似幾得意就叫左，雖然感受唔到好濃郁的綠茶味，不過個擺盤好靚，食左咁多魚生，男士到最後食返碗麵就應該夠飽。除左魚生，sake都係任飲，呢個機器幾好玩，店員仲會好細心講解點用～甜品都有好多款，雪條啦、cream cup啦，不過到最後真係食到好飽了，只吃了一杯cream cup。用餐時間90分鐘，包你飽到喊，不錯。

朋友生日，指定想食日本放題，諗起好耐之前食過呢間平成22，記得味道都OK ，幾年冇試不如再食下啦！晚餐分兩個時段，一個六點半，另一個八點半。我地book左八點半準時到岩岩好有位，個場都幾full。我哋叫得最多嘅就係火炙三文魚壽司，壽司啲飯相對比較少，可以食多幾件！刺身除左指定動作叫左好多三文魚之外，仲有叫象拔蚌同北海道帶子。象拔蚌我本人就唔食，不過朋友話都新鮮，唔錯。帶子大大隻啖啖肉都幾鮮甜。餐廳做緊promotion，只要二人同行就送一板海膽，叫刺身時會自動送上，不過就可能我對啲腥味好感敏，覺得有啲腥。有樣野食幾失望，就係呢個係溫泉玉子豆腐，以為會幾正咁啦，點知黎到，個溫泉蛋其實過熟，做唔到流心嘅效果，仲要面頭有啲味似漁香茄子入面會食到嘅肉醬，有啲唔太識欣賞😅其實成餐放題最出色嘅可以話係壽司同刺身，可能下次黎我地會淨係狂嗌火炙三文魚同三文魚刺身哈哈哈！

老公生日前夕話要食放題，他話要呢間，訂了枱六點半，來到已有十多枱客人。今個月做緊八週年紀念，二人同行送一板海膽，另外仲有象拔蚌刺身任食😍😍，仲可以任飲清酒😍😍😍今晚可以盡情飲👍👍👍我們點刺身，包括赤蝦、三文魚、帶子、油甘魚、拖羅、象拔蚌。上枱時見到赤蝦特別大，我諗都算jumbo 級👍，肉質爽口、彈牙、鮮甜，老公吃了幾隻，都話物有所值。帶子刺身本身係好厚而且新鮮、甜美👍👍，師傅沒有將它薄切(外面好多放題將一隻切薄，口感沒有原隻咁正)拖羅都係厚切，魚味濃郁😋😋😋而加送的海膽更加是我的至愛，雖然唔係加拿大海膽而係馬糞海膽，不過味道鮮甜，加埋紫菜就更加好味。象拔蚌係爽脆鮮甜，好新鮮呀，正👍👍淨係食刺身都已經返本啦😉😉而我最愛是熱的清酒，要在壽司枱附近的清酒機內，，吃一件刺身，飲一口清酒，真係人生一大享受，我不知不覺飲了五瓶。另外點了燒菠蘿、燒蝦、雞翼、蒜片牛粒、冷麵，全部都好好味。食到差不多，就是吃甜品，雖然選擇唔算，不過所有都好味。至於侍應的態度好好，換碟又快又有禮貌😀😀😀，下次再來❤️❤️❤️

今年生日前一天又想吃放題，不過唔去大集團旗下的放題，其實一路看Openrice 都知道呢間口碑不錯，所以訂了六點半，諗住咁早無咁多人，點知來到已經有十幾枱客，雖然地方唔算好大，不過都唔會好似旺角D放題咁迫。原來做緊八週年紀念，二人同行送一板海膽，另外仲有象拔蚌刺身任食😋😄第一時間梗係點刺身，叫了赤蝦、三文魚、帶子、油甘魚、拖羅、象拔蚌。而老婆就去拿清酒同啤酒，因為係任飲🤣🤣赤蝦有手掌咁長，雖然未脫売，不過肉質爽甜新鮮，而且蝦頭有糕，好少放題有呢個級數的赤蝦，我極力推薦👍👍👍象拔蚌唔係大隻，而係細象拔蚌，而係味道比大隻更鮮甜及爽脆😋😋😋帶子係原隻，屬於中至大級質，不過比起外面放題將一隻開幾片好好多，而肉質鮮美好有帶子味👏👏👏海膽就好新鮮，沒有苦澀味，雖然免費，不過質素好好，仲有紫菜附上一起食😋😋，有誠意。而其他刺身都很新鮮及沒有雪味👍，順便一提這裡是用包裝芥辣，味道都幾好。食完兩轉刺身，就叫了些熱食。味噌湯好熱，除了正常味道之味，仲發現碗裏有件三文魚來提升鮮味。蒜片牛粒味道就好香，牛粒都幾淋身有牛味。清酒煮蠔，酒味不濃，蠔身爽口鮮味。燒菠蘿燒得剛剛好，味道好鮮甜，叫了兩轉。最後就梗係甜品

上Openrice 睇評語幾好，便相約有人黎試下...點知，有輕微中伏的感覺。先講環境，一行入間舖，昏昏暗暗，地下好滑（明顯係油跡），有陣舊舊的up味☹️，仲有好多蚊支飛來飛去，未見到野食已經有點到胃。講番食物，值得推薦大赤蝦刺身，鮮甜好味👍🏼其他刺身有象拔蚌，三文魚，帶子等質量都不俗。熟食就無咩驚喜，除了牛利，牛油粟米，炸榴蓮唔錯，其他我都覺得好麻麻，選擇亦很少甜品就更不值一提，得雀巢雪糕之類的。值得一讚，有生啤，清酒任飲👍🏼這個環境實在難以開懷大食，真係無下次了！

 位於山林道既平成二十二日本料理，食材每日都新鮮運到！為左慶祝開業八周年，最近更加推活象拔蚌刺食任食，同生啤清酒任飲！而且2位送1板原板韓國紫膽！海膽係叫刺身時自動送上，無須要填紙～海膽十分鮮甜而且唔腥，讚！係佢地專頁上面見過一張圖，隻隻蝦都長過手掌！我地都叫左黎試下，真係有8寸長既赤蝦，鮮甜彈牙！正呀！烏賊，即係魷魚，好新鮮煙韌！新鮮直送象拔蚌，師傅將佢切成條狀，而唔係一段既片狀，口感更厚。呢度既北海道帶子一D都唔吝嗇，原粒上，勁厚肉！十分之甜美！醋鯖花魚，少少酸，都幾好食！我全部刺身都有點，真係好新鮮！味付螺肉同蟹子沙律前者醬就多左少少，不過都幾好味。兩碟都細細碟咁，幾好，可以過下口癮之餘又唔會浪費！蒜片牛柳粒 火喉剛剛好，鬆軟唔韌冇渣！清酒煮石蠔 清酒味濃，蠔有DD腥，可接受。燒菠蘿 件菠蘿超甜，燒過之後汁好濃，要encore！揚物！真係比足一百分，真係好好食！唔油膩、即叫即炸，最緊要係冇用千年油！雞軟骨超正！一定要試！！！軟殼蟹天婦羅！Yummy! 榴連炸彈！超勁呀陣味！一口炸芝士 好好食，雖然未拉到絲，不過隻芝士好好食！燒一口番薯 一串四粒，好甜呀～！鰻魚 、松葉蟹腳壽司鰻魚

近年放題已開始重質不重量, 雖然仍有部分食客認為放題種類一定要多! 但事實上食客都開始追求質素, 而不是填肚.食客在刺身方面的要求特別高, 不過市面上有不少餐廳的第一轉刺身的確上乘, 但第二轉質素明顯下跌, 枉說想吃第三轉但位於尖沙咀山林道的平成二十二, 放題刺身一直保持水準, 兩位入座送上一板海膽之餘還有沖繩生啤任飲!!!對我來說生啤才是重點啊走到門前, 仿如站於一所博物館外, 充滿歷史氣息拉開趟門, 餐廳內燈光偏陰暗, 牆上掛有日式燈籠, 全場裝潢桌椅都以木為主的平成二十二, 讓食客感覺置生於日本居酒屋限時兩小時任飲任食,當然先入紙order 刺身, 熱食後話.我們幾乎劃滿所有刺身, 每樣都想一試三文魚 • 吞拿魚 • 希靈魚 • 油甘魚 • 赤海蝦 • 凡立貝 •魷魚 • 花螺 • 象拔蚌當中最為出有名氣的是赤海蝦, 亦是名副其實足八吋長! 肉質爽彈味道鮮甜, 一定一定要encore其次凡立貝也是必選, 雖然不是很大隻但有一定厚度很鮮甜而不帶半點雪腥味比市面放題把凡立貝切成薄片, 入口無味無口感的完美得多還有來自北海道的象拔蚌, 新鮮切片, 質感爽而甜, 口感極佳試完第一輪, 再