影片
以上資料只供參考, 請與餐廳確認詳情
同朋友通宵玩完， 大慨６ 點零鐘， 好少食店有開。 所以飲茶係一個好好既早餐選擇平湖閣就係舊式食點心地方，好傳統食店分兩層， 兩層陳設一樣樣。 所有點心都方在門口， 你想食就自己去拎， 茶葉亦都係， 你想飲邊Ｄ就自己走去用熱水沖。 所以佢都算吾慳皮，而市區接近吾會再有呢種形式！食物味道真係好舊式好好味， 而且落料好足， 全部野都好大舊， 好似牛肉， 燒賣， 牛仔骨， 豬潤腸粉等等！食得出啖啖肉， 例如燒賣隻蝦大Ｄ豬肉都特別多， 所以你會見到比起市區出面既燒賣多１。５倍！， 排骨既汁濃度剛好，個豬肉肥瘦適中，而估吾到芋頭都蒸到剛剛好，林林地幾好味！， 牛仔骨牛肉滑而且有少少辣椒吊味都不錯！假錢方面好平， 三個人食５個點心， 連埋茶都係３５蚊， 真係冇得輸！
繼續閱讀
我地去到, 即上2樓, 2樓係好隱藏, 不過成日黎, 一定知2樓大把位, 我地7個人, 坐張10人大台, 正!!!!黎呢度, 我會話, 你千祈唔好諗住有大把人服待, 我黎呢度, 水自己倒茶佢開, 但之後想加水加茶葉, 自便, 冇人會阻你, 好家庭FEEL碗碟餐具一早放晒O係桌上, 自便而食野方面, 牛肉就係牛肉咋, 蝦餃就係蝦餃味, 唔會有咩特別最吸引我的, 就係平!!!!!!!!!!!!!!!!!!!一桌都係, 雞紮係舊式的, 用腐皮, 內有雞亦, 依家好多店唔用腐皮雞亦, 為SAVE $ 燒賣 , X春旦燒賣, 蝦餃, 山竹牛肉, 樣樣都係OK!!最特別係一個叫砵仔飯, 呢個"砵仔飯", 個阿姐介紹我地食, 我地一心以為真係一個"砵仔"到黎到O既時間, 我同阿姐講, 呢個係"缸仔"黎喎咁大砵野, 3碟牛肉咁滯, 仲要有菜跟 !!!!! 都係28蚊, 抵到呢...呢間茶樓不算舊式, 但行的制度也偏向小本鄉村式經營, 人人自己服務自己, 但換黎平價美味大件食品實在為我地居民帶黎一個好好的飲茶地方!!!!!
繼續閱讀
本人愛吃雞扎程度係crazy 可惜而家巳經少有酒樓會做雞扎! 其實雞扎只不過要有腐皮包住芋頭.豬肚.棉花.雞柳同一條火腿o者...乜咁難?? 幸好長洲仲有靚雞扎...腐皮軟身;芋頭夠淋夠'粉'; 豬肚唔會太淋或太'un';棉花唔會用豬皮;難柳嫩滑唔'鞋'口...雖然今次發覺少左條火腿....不過佢香滑多汁,就算佢啦!曰曰早餐一件我都唔會悶
繼續閱讀
吃過甜品後, 本身親愛的已經準備了行程去看看大自然不過實在太熱啦, 在內街看看長洲的面貌已經很辛苦了大家又想休息一會, 如如當時又想飲茶所以就誤打誤撞進來了內裡不大兩三張檯, 這裡服務不錯好似如如坐坐下覺凍, 店員幫我地熄左風扇又頻加水聽親愛的說係出面揀點心時,該名女店員幫她揀靚的一籠, 唔靚都唔俾叫了蒸排骨, 鵪鶉燒賣, 同埋鯪魚球果然點心係幾靚bor又大件bor,排骨多肉味道調得幾好, 如如最愛鯪魚球有芫莤味如如不喜歡呢, 我同親愛的就幾喜歡啦鵪鶉燒賣已買少見少, 回味一番也是好的加$2有一個蒸飯, 食完都飽飽啦!順帶這裡的香片開頭不錯, 不過加水過幾次變淡了不過食食下轉頭一看, 見到燒臘鐵櫃有d小強爬爬啊!! 驚!!!
繼續閱讀