平靚正西餐 (已結業)

早兩日入咗調景嶺做嘢，到晚飯時間有啲肚餓就係open rice 到搵吓附近有咩好食嘅餐廳！ 點知喺附近搵正呢一間叫平靚正西餐就係附近，見到餐廳裝修得幾得意，就入去試吓！點知真係有驚喜，餐廳走平價路線，但係同出邊食啲西餐其實都冇乜分別。 一入到去餐廳就有一個好friendly既姐姐介紹今日有咩野好食。咁我不嬲都鍾意食蒜蓉味嘅嘢，所以就叫咗個香蒜肉粒炒扁意粉餐啦。呢個餐之外，我仲叫咗個蒜蓉包同埋湯加埋柚子雞翼一齊食。個忌廉雞蓉湯配埋個蒜蓉包一齊食好好食，特別一讚嘅係呢度嘅蒜蓉包係即叫即整。個包熱辣辣充滿蒜蓉味，食落口感好鬆軟。呢個配搭作為開胃菜一流。呢個炒意粉夠晒惹味，除咗蒜蓉之外仲加埋啲洋蔥一齊去炒。味道十分豐富，小朋友食就啱晒啦。最後同時係覺得最好食嘅就係呢個柚子雞翼，雞翼層皮炸過之後更加香口。雖然炸過，但係加埋柚子醬汁一齊食一啲都唔油膩。酸酸地咁樣夏天食都幾開胃架。👍原來除咗堂食之外仲有好多人喺呢度買外賣㗎，附近嘅街坊如果唔想煮飯嘅平平哋去呢度買個西餐同屋企人食都唔錯。

話時話一段時間真係好耐冇約朋友食野，今次就揀左，一間名幾得意又幾好聽的餐廳食野，一入到去，見到有個下午茶餐一款意粉二個小食，就叫左黎試，一個小食係柚子雞翼，雞翼又香又脆但唔會熱氣，重點係柚子味好出，大大隻又多肉。，再叫左個小食煎餅入面既感覺唔油，入邊有香蔥，份量啱啱好唔大又唔使唔驚食唔晒呀，再加上帶咗個黑松露沙律醬配薯角，薯角好新鮮，再加上黑松露份量好多好抵食呀真係又平又靚又好食。仲有仲有係一個好特別既蛋餅，入面加左雞蛋加栗米真係好正好正好香，皮又滑又飽肚真係可以當飯食，加上店員推介香脆蒜蓉包大大個食到停唔到呀最後當然要叫杯野飲啦就叫左杯蜂蜜茶好潤喉呀，感覺又唔會太甜，咁快唔係太鍾意飲甜野嘅你

平靚正西餐今日嚟到調景嶺彩明街市入面買晚餐，見到呢間裝修得好特別嘅餐廳。我今次係叫外賣嘅，冇諗過佢哋連外賣都整到色香味俱全，而且食物CP值極高！忌廉湯($15)呢個湯同出面西餐廳飲到嘅冇分別，但係價錢就平咁多，CP值超高！蜂蜜柚子雞翼（$14）只係$14就有四隻雞翼！而且味道都好好，甜甜酸酸嘅醬汁同炸雞都好夾。香脆蒜蓉包($12)外皮香脆，包心鬆軟，呢個蒜蓉包熱辣辣非常香，配埋忌廉湯超夾！香辣咖喱雞扒扁意粉（$58）呢個意粉辣辣地，有好香嘅咖喱味，但係咖喱汁唔多，唔係嗰啲濃稠嘅咖喱汁，味道都唔錯！香蒜肉粒扁意粉（$48）超級推薦呢個意粉，佢嘅醬汁同意粉非常配搭，而且好香，食極都唔厭！黑松露薯角（$12）要趁熱食，味道好好加埋啲芝士一齊食，完全係最邪惡嘅配搭！

住附近見到新開嘅呢間餐廳～隱藏喺街市入面～佢裝修好特別，簡單得來又好動感，喺入面食嘢會覺得好開心 🥳佢呢度啲意粉大部份都係30至50幾蚊～好平～平過一啲茶餐廳👍🏻 5星星推介必試忌廉蘑菇湯 ～ 老闆娘話係每日新鮮煲嘅👍🏻 每天不過夜，晚市時間會送湯🥣 送完即止，飲得出唔係罐頭湯蒜蓉包 ～ 亦是配忌廉蘑菇湯必備香辣肉粒炒扁意粉 ～ 聞落去好香～扁意粉都軟硬適中，唔唔會話太淋，仲有啲香草🌿 枱面有芝士粉可以任加👍🏻 我比較鍾意食辣，就覺得可以再辣啲🌶️經典卡幫尼 ～ 食意粉就食得多 今次試吓長通粉 ～都好夾～好creamy 我覺得意粉份量細食嘅女仔就啱啱好～ 如果男仔可能要加底先夠飽黑松露雜菌扁意粉 ～ 濃濃嘅黑松露，鍾意黑松露嘅朋友必試！而且仲可以加帶子都係加$10我係意粉控 🤣 相信呢間食足一個禮拜都唔會厭

好耐都冇行去彩明商場，趁住今日放假，便出去行下，順便睇下邊到有好野食。🤤行到彩明街市，發現呢間隱世小店😀，＜平靚正西餐＞。餐廳裏面只有幾張枱，然後睇睇餐牌。餐牌既選擇唔多，最後簡左 F ＜黑松露雜菌扁意粉＞，另外加多一個小食＜宜蘭三星蔥餡餅＞。😋😛🤪＜黑松露雜菌扁意粉＞首先，未食之前已經聞到好香既黑松露同埋菇既香味，裏面有磨菇、青椒、黃椒、紅椒、洋蔥，當然還有黑松露和一些香草加埋它們的醬汁。食落菇有菇味，洋蔥有好香既洋蔥味，至於意粉食落很有口感，😋😋😋份量都好多。＜宜蘭三星蔥餡餅＞加左呢一款小食，蔥餡餅裏面有適量既蔥同豬肉，好似煎餃子/菜肉包既餡一樣，小小咸，味道唔錯。😙下次一定要試下其他既野食😋

喺調景嶺地鐵站🚉附近嘅彩明街市, 有間餐廳真心平•靚•正! 而且仲係對面IVE無人不曉嘅lunch spot🎒呢. 今日工人姐姐Off就外賣返去晚餐先, 店內由兩位姨姨主理, order即叫即做, 所以我趁等嘅時間影下相預告俾老公知今晚食乜餸🥢.>香辣咖哩雞扒扁意粉 (HKD58)嗜辣嘅us勁鐘意li款咖哩嘅剌激感, 拎到返屋企完全無乾哂水, 一樣咁juicy, 雞扒大件厚切, 扁意粉當中亦有大量燈籠椒條, 菇類, 味道非常豐富.>香蒜肉粒炒扁意粉 (HKD48)推介🤩🤩!!! 蒜香撲鼻而來味道滲滿每一吋扁意粉, 口感彈牙本身意粉好有蛋香, 每一啖都係炒得香噴噴嘅切粒辣味腸, 唔係hea揀普通嗰隻腸仔. 除左鋪天蓋地嘅粒粒肉, 香草, 洋葱粒, 蒜粒嘅份量已經speaks itself, 色香味俱全👍🏻.>卡邦尼帶子大通粉 (HKD48)除左扁意粉, 仲有得選配大通粉同飯, carbonara x 大通粉係好味der, 每粒大通粉都掛有濃稠芝士醬汁, 帶子雖然唔算大粒但好多粒, 最正係煙肉明顯比坊間大塊好多, YummY!>忌廉粟米蘑菇湯 (HKD15)

去附近學校探朋友，見到openrice推介既呢間平價西餐，於是入黎trytry可惜入黎遲左，下午茶一個主食+小食+飲品先$32！最後叫左黑松露扇貝扁意粉同埋辣肉炒扁意粉，再加蜂蜜柚子雞翼，黑松露薯角同埋蘑菇湯。黑松露扇貝扁意粉非常抵食，個人比較鍾意。野菌味夠濃！柚子雞翼非常開胃，但有少少酸，食得酸既朋友會好鍾意。蘑菇湯則較為淡身。值得一提，上菜速度極快！

The wet market has been revamped so it is much nicer than before.A few weeks ago, discovered Penny Jeng when I was trying the dimsum shop and this other roast shop nearby.I thought Penny Jeng was the owner as there are some people called Penelope and Penny for short but it turns out that PJ is the English for peng leng jeng!Went here for dinner after getting some vegetables.There are so many pastas to choose from and most are under HKD50 which is a bargain.Had the fried fish as a starter.It was

成日陪女朋友喺將軍澳附近，今次佢話要試吓呢間平靚正西餐，所以同佢屋企人一齊試！卡邦尼帶子扁意粉 $48.味道適中唔會漏，$48份量大之餘仲有好多帶子，真心呢到性價比超高！黑松露雜菌帶子扁意粉 ..試左一啖，充滿黑松露味！ 而且有好多菇，呢度嘅扁意粉呢可以轉成大通粉，任你揀！香蒜肉粒炒扁意粉 ..炒得乾身，蒜香味重！香脆蒜蓉包 ..$12有四小塊，好香口好香蒜味，金黃色！睇到都令人垂涎欲滴！脆薯角.薯角係女朋友至愛話要叫，香口，再配埋黑松露沙律醬！📍將軍澳調景嶺彩明街1號彩明商場一期1樓彩明街市16號舖

平靚正西餐 (將軍澳).住係將軍澳嘅我，係將軍澳覓食都覓得耐，今日行遠少少，過左位於將軍澳調景嶺之間嘅彩明商場，尋找隱世餐廳！聽講真係平靚正！. ⚜️意式肉醬雞扒扁意粉⚜️ $47.肉醬意粉再配上煎得好靚嘅雞扒，份量又好大份，酸酸甜甜！.⚜️黑松露雜菌帶子扁意粉⚜️ ..一入口就食到好濃郁黑松露味！ 仲配上好多菇同埋勁多粒小帶子！ $48真係平到爆！ ！.⚜️香蒜肉粒炒扁意粉⚜️ ..呢個意粉係爸爸嘅至愛，貪佢吵得乾身又夠香口！份量又大，爸爸食都食到好飽！.⚜️香脆蒜蓉包⚜️ .呢個蒜蓉包我真係十分之推薦，$12一份有四舊，每舊上面都係金黃色而且佈滿蒜茸，好香好脆！.⚜️香脆雞翼及脆薯角⚜️ .香脆雞翼$12有兩隻，呢度嘅小食基本上均一價都係$12，香口野冇得輸呀！薯角係配上黑松露沙律醬，正！—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌平靚正西餐 (將軍澳)將軍澳調景嶺彩明街1號彩明商場一期1樓彩明街市16號舖.—————————————————————-#hkig#hkigfood#hkfoodie#foodie#food#food#foo

朋友話我哋屋企附近開咗間新嘅西餐廳 個位置喺彩明街市入邊 價錢又平食物質素又好🤔今晚媽咪冇煮到飯 我同細佬就落左去買外賣返上屋企食！眾所周知 彩明街市嘅環境係不嬲唔錯 好整潔 又有冷氣～ 行到入去會發現一間裝修新潮嘅餐廳 佢size唔大 只係得四張堂食嘅枱 牆上面就貼左啲嘢食圖 見到都好吸引呀！ 我哋嗌左三個pasta同埋一啲小食～價錢都係$200內好抵！首先 係蘑菇野菌扁意粉 一打開佢好香 有好多汁同埋有超多菇！好正！個扁意粉好吸汁！跟住就係黑松露野菌帶子長通粉 一打開就聞到好香嘅黑松露味 有好多菇同帶子 一啲都唔慳皮㗎！個汁同上天個有啲似 不過依個再香啲 美中不足係長通粉冇意粉咁吸汁 如果去食我建議嗌返意粉 會入味啲～ 最後係卡邦尼帶子長通粉 佢入邊有好多煙肉同埋帶子！佢個白汁都幾好味！不過都係因為長通粉而冇咁入味～我哋仲叫咗黑松露薯角 佢個醬好香呀！炸魚柳都幾新鮮～柚子雞翼就好似西檸雞翼咁 炸得好香上面再有有埋柚子醬～ 好夾啊！不得不提佢啲嘢食全部都係新鮮即整 返到屋企都仲熱辣辣！價錢又抵又好味！

呢一日屋企唔想煮飯，想買啲唔同嘅嘢做外賣， 漫無目的周圍行嘅時候，見到平靚正餐西餐， 價錢相宜，畀個機會佢啦。本身支持環保，因為預咗外賣，所以我帶定幾個盒。見到店舖都有宣傳：如果自備餐盒、餐具等所有嘢，可以減兩蚊！欣賞佢哋鼓勵環保！叫咗好多小食，包括香脆雞翼、宜蘭蔥肉餡餅、黑松露薯角、蛋餅（芝士+肉鬆），唔夠盒所以佢哋張幾樣小食同我裝落一個盒到，都幾好呀咁樣。雞翼好大隻！脆卜卜，黑椒味為主，今次小食s中我最鐘意佢~ 餡餅係其他地方都未食過，似煎迷你菜肉包，餡料整得幾惹味；薯角會伴隨沙律醬同黑松露醬，好香；蛋餅嘅份量好適合做下午茶，做正餐又細件咗，做小食又多咗啲，芝士肉鬆量平均。主菜就叫咗卡邦尼帶子轉大通粉、肉醬雞扒扁意粉，另外加忌廉湯同蒜蓉包。 要重點提及蒜蓉包，超香！我忍唔住係舖頭就即刻食咗件，應該係用長條法包整，切開四件，外層微脆，中間軟熟，蒜蓉醬厚厚一層，推薦大家必order！蒜蓉迷一定很滿意！ 卡邦尼嗰碟我就冇試，不過屋企人話帶子幾好食。我自己就滿意肉醬，酸甜度正好。總括黎講對得住餐廳名，又平又幾靚！

今日好開心呀 我哋去咗呢間超值嘅西餐廳食嘢 我好朋友住觀塘嘅 我就住紅色線嘅 之前同佢係OpenRice見到呢間西餐一直都好想試 睇吓係咪真係好似佢個名咁平靚正西餐廳 同埋本身近排好想食意粉影咗好多相 啲食物全部都超吸引 所以我哋叫到成枱都係野咁 我哋去嗰陣時係下午茶時間所以叫咗一個下午茶餐佢個下午茶餐相當抵食 $32 有一款主食 兩款小食 一杯凍/熱飲品 佢個份量真係唔止下午茶攝牙啦嘅份量 分量足以食到好飽！😆跟住再叫咗個意粉嘅餐香辣番茄肉丸扁意粉 $48 加一杯豆漿$7再加配小食呢我就揀咗柚子雞翼見到佢有好多唔同嘅食物都好吸引又好平喎所以就叫埋啦🤣一人一份餐之外 我哋每人再叫多咗一碗忌廉粟米蘑菇湯 $15一碗 同埋$12一份香脆蒜蓉包呢個份量已經超越左女仔嘅極限😂😂😂但真係好好食 會食唔停口下次諗住仲會試雙料蛋餅佢有勁多款可以揀 有煙肉 肉鬆 芝士 午餐肉 吞拿魚 粟米 香蔥 鰻魚 🤤🤤🤤呢間西餐真係冇得頂 下面呢個係柚子雞翼 佢啲柚子醬汁一啲都唔少 酸酸甜甜好清新 配落個炸雞翼到 係必食 如果可以想叫五六隻咁食 當去食炸雞🤔😍😍😂呢個係香辣番茄肉丸扁意粉 佢啲扁意粉麵身 口感適

終於都唔使淨係食米線，麥當勞大家樂嗰啲快餐！估唔到喺街市都可以搵到呢個價錢嘅西餐！佢嘅裝修都幾骨子，位置唔係太大，坐得落三四台。但見佢唔少人都係黎買外賣，真係好方便住喺附近嘅人！佢都有唔少款嘅意粉可以揀，最基本嘅肉醬意粉去到高級啲嘅黑松露帶子意粉都有！佢仲會有唔同嘅小食，例如雞翼，魚柳，薯角。呢個係香辣番茄肉丸意粉。佢用咗扁意粉，口感彈牙。個汁用咗鮮番茄同埋墨西哥辣椒汁做，都幾辣。最有驚喜嘅就係肉丸，食落超juicy，好好味！40幾蚊竟然有呢個嘅分量真係好抵。黑松露帶子意粉都好正！睇嚟廚師毫不吝嗇咁放咗好多黑松露落去，味道濃郁，食落都幾creamy。佢有唔同嘅菇類，都幾鮮味！帶子比較細粒但都有四至五粒！真係超級抵食！另外叫咗啲炸物，全部都炸到外脆內軟，尤其欣賞炸雞翼，雞翼大隻，外皮炸到好脆，但又可以保留左啲肉汁！

屋企人去左遊行，得翻啊三姐妹係屋企，唔想煮就落街睇有咩食，之前路過呢間好想試，價錢唔貴就黎試吓。個裝修好型幾吸睛，稍夜都見到唔少人買外賣同堂食，應該真係平民之選。我總共叫咗三個意粉一個湯兩個小食，食到好飽，二百蚊有找卡邦尼意粉 - 拎到翻屋企賣相依然不錯，材料都幾足，意粉煮得岩岩好，如果個醬汁再濃味少少就完美喇咖哩雞扒意粉 - 呢個有驚喜，味道足，雞扒亦夠大，食物辣辣地好惹味啊，推呢個小食係今餐MVP，柚子雞翼非常好食，下次必點，另一個係比較中式點心嚟嘅，味道濃，不過相信熱食會仲好食！最後仲有個忌廉粟米湯，拎到返屋企再叮翻熱飲就好好味啦，如果再多啲粟米會在滿足d 。三個人食到咁飽真係好滿足，希望小店會不斷進步，再翻黎食！