店小二(東寶) (已搬遷) 新店位置

今晚又去東寶啦，兩條友少少地叫左個糯米飯同xo醬炒鱔片送酒飲。如圖所見，XO醬炒鱔片無論係鑊氣，顏色都好出色，鱔片同西芹都夠爽脆。今晚光頭老細照常9點dancing time娛賓，真開心。

朋友從外國返嚟，話想食地道風味嘢，有人食過推介依間。由於係大排檔，環境比較嘈，所以早幾星期前已訂 VIP 房，可以有私人空間傾下食下，我哋一班人叫咗好多嘢前菜青芥辣八瓜魚沙律-清新又開胃，唔會好辣日本醋番茄沙律-無咩特別，但有日本醋汁，就覺番茄好食炸大腸-脆口似乳豬皮，加上配鮮菠蘿吾覺油膩花鵰荷葉蒸花甲-花甲鮮味十足配上荷葉更顯出味道燒牛仔骨肉質吾硬，配上秘製辣汁，值得推介香草炸豆腐外脆內滑配上香草，正酥炸生蠔-蠔好大隻，有口感蒸黃花魚-肉質嫩滑好新鮮咖哩牛筋腩-咖哩香濃，辣道適中，牛腩軟又入味與麵包夾在一起，絕配鼓油王炒麵-麵質較爽，鑊氣十足，乾而不膩

今晚有親戚由外國來港，帶他們到來此店晚餐，但食物就吃不到！但吃了一肚子氣😡! 我們共點了六道小菜！但衹來了沙律！足足等了個半小時！催單，店員 敷衍應對😠!最後衹好叫埋單走人！店員衹顧拖延！抱歉一句都沒有😡！難道出名了就沒有了對客人基本的服務態度了嗎？！👎👎👎👎👎👎👎👎

今日有朋友在星加坡返嚟，佢哋話要去店小二，佢地上次來過食完後，就愛上了呢間嘢😅例牌，佢地都會送一碟前菜俾客人今日送嘅係，梅菜蒸茄子其實大排檔黎講，佢哋價錢一啲都唔平，不過好食都ok嘅！青芥辣八爪魚🐙沙律🥗，wasabi 夠哂攻鼻蒸花甲，大大隻，好厚肉，火候蒸得啱啱好鮮鳳梨古嚕肉，汁分開上，炸粉唔厚，個汁酸甜都適中燒牛仔骨，呢個真係值得推介，燒起身d肉唔硬，有肉汁，軟身炒飯到！啲飯炒到一粒粒，好少地方可以炒到咁乾身！雖然價錢比起一般大排檔貴，但係佢地嘅食才，味道都達到標準！所以真係一分錢一貨呢！

今日父親節就黎左呢度食BOOK左台6點東寶已經坐滿八成..店小二(東寶)同東寶小館的餐牌係一樣東寶小館的伙記話大家都係一樣但廚房的大廚應該唔同吧...有人食過東寶小館比較好食我諗係大廚的火口問題其實呢度小菜的價錢係好貴...炒一個小菜都起碼$100以上...我地叫左以下幾個小菜::- 青芥辣八爪魚沙律青芥辣用係沙律度係幾特別呢可推介大家可試下, 唔會好辣- 南乳炸豬手:: 炸得幾香口, 不過豬手真係食皮, 無肉可言- 荷葉花雕蒸花甲:: 其實唔係幾食到荷葉味...- 椒鹽九肚魚:: 一D椒鹽味都無...仲差過出面大排檔- 豆豉蒸大鱔(豆腐底) :: 鱔起埋骨,呢樣出色, 食得方面- 燒牛仔骨:: 得四條牛仔骨,,賣到$188一碟.. 唔值囉!!- 大蝦伴西蘭花:: 10隻大蝦伴菜.. 計返成$10/隻蝦- 煎肉餅配麵包:: 肉飯煎得太燶...黑哂-__-- 炸榴槤:: 皮十分之厚,, 根本只會食入面的榴槤埋單都要$1600~~ 真心係貴又唔係十分好食囉

慶祝朋友生日食飯一行四人再次嚟到店小二。我哋點嘅菜式都係我哋鍾意食嘅：前菜：🍅荷蘭番茄酸汁沙律、🦑Wasabi青瓜魷魚。🐚荷葉花雕蒸花甲🐮燒牛仔骨配秘製辣汁👅燒牛脷配岩鹽🍴豉油王炒麵 （每次都必叫）🐟燒魚配泰式醬汁🌱混醬炒通菜四個人，盛惠$1268，冇飲酒以大排檔來講，其實真係幾貴，食物質素係有嘅，但係值唔值得就真係見仁見智。家庭飯就未必喺度開，不過一班人慶祝或reunion有氣氛，又可以食到好多鑊氣小菜及海鮮, 所以都會再嚟！提提大家一定要book位！

平時一大班人黎食，從來無留意價錢，今晚2個人黎食，先發現貴到離曬譜。2個人叫左青瓜沙律、蒸花甲、牛仔骨、九肚魚、炒豆苗加兩枝可樂，埋單$725，其實真係幾貴。蒸花甲$168，其實係好好味既，甘海鮮貴點都正常，但牛仔骨$188 有點過份，九肚魚都要$138，直頭誇張！評心而論，食物真係唔差，蒸花甲真係無得頂，但呢個價錢值唔值就見人見智喇。甘有心理準備知道貴但想食好野都可以照黎既。

揚名國際的東寶小廚總算第一次去了，食物整體都幾失望，不過氣氛算幾好，可能係因為遇到班幾玩得的隔離枱😂前菜之一荷蘭蕃茄，味道只係普通蕃茄加䜴油，感覺無咩特別......特色之一用碗飲啤酒，係幾特別呀！個碗清酒蒸花蛤，好清的味道，基本上似白烚蛤啦，沙同腥味就無既，只係無乜驚喜黑松露帶子炒蛋白，都幾肯定帶子係急凍個d，既然係急凍既就唔好放個殻上去啦...唔係好衛生最好食係呢個牛仔骨，味道正常肉質鮮嫩不錯但都未至於好好食...份量少而且貴時菜炸豆腐賣相真心差😂好似百潔布，味道就同外表一樣啦百思不解之點解咕嚕肉舊肉同個汁會分開上？係咪我見識少。。。 肉係唸的。。。應該都炸左一段時間

有好多朋友都誤會以為店小二係一個翻版嘅東寶。其實店小二同東寶係姊妹舗，並唔係一個A貨。有幾味佳餚可以推薦比大家嘅。咕嚕肉無錯，係咕嚕肉。一味好普遍嘅菜式。就連茶餐廳都會有做。店小二嘅咕嚕肉有咩特別？特別在佢個汁係另外上㗎。換言之當你食舊咕嚕肉嘅時候你係自己點汁嘅，所以炸過嘅肉仍然香脆。真細心。凍馬友我哋嗰晚點左一條凍馬友。食法同潮州打冷舖嘅一樣。其實只要條馬友新鮮就一定無錯，安全達壘。咁究竟店小二嘅馬友又有啲咩咁特別呢？條魚勁新鮮就唔使講啦，特別在店員放低碟馬友嘅時候，會叮囑你千祈唔好整難塊皮，因為你食晒啲魚肉之後，店員會幫你將剩返嘅魚皮拎入廚房烤焗到脆卜卜再令返嚟俾你食埋佢。真窩心。雞肝，鴨下巴，燒大鱔，牛仔骨都做得非常出色，非常好味。最後一味想同大家分享嘅係「黃金蠔」。因為特別啲，所以有相我估廚師係有將蠔特別處理過嘅，因為冇平時桶蠔嗰種潺味。除咗鹹蛋黃之外，仲有生菜包住嚟食… 極品呀！記住記住記住下次去東寶或者店小二嘅時候唔好唔記得有一味「黃金戰士」- 黃金蠔。

東寶多人吃所以就帶朋友來遠一點（就多走了20步）的店小二。大排檔坐的比較擁擠，但店小二的座位較為寬鬆，所以大家就可以張開手臂坐啦。小牛骨陪青椒紅椒黃椒，鑊氣很夠，牛肉鮮嫩，看得出大廚有一定功架。平常我對甜的調味料不大感冒，但這道菜的甜鹹比例剛剛好，吃著一塊又一塊，送飯一流。這位炸豆腐可以說是我在香港最愛的豆腐，外面炸的酥酥脆脆，內裏嫩到出汁，滑不溜「口」，上面香草，配上特製的醬料簡直絕配。每一次來都必點！你也可以試試！

記得從前讀中學，偶爾會一伙人去街市的熟食中心吃午飯，畢業後已很久沒有去過了。比起一般的餐廳，那裡的環境自然算不上好，但貴在鑊氣夠，菜色特別香，份外親民，一幫子人聚起來，很熱鬧。今次去了北角街市的店小二，它又比其他的熟食中心菜館多了一個賣點，是特色。東寶菜館坐落北角街市多年，向來好評如潮，它有些特式菜，可謂只此一家。我們事前訂好了位置，普坐下，環境尚算敞亮干淨，時間雖早，卻已坐滿了幾張大圓桌，氣氛慢慢就熱鬧起來。前菜選了芥末章魚沙律，沙律醬的味道很淡，芥末卻很濃，青瓜爽脆，配上芝麻，作為開胃菜尚可，對喜歡芥辣的朋友來說是個不錯的選擇。另叫了四餸，首推香草豆腐。賣相已是很有特色，豆腐的最上層鋪了厚厚的香草，口感更像是曬乾的茶葉，既有淡香，又脆口，外層炸得金香鬆脆，內層仍保有豆腐的嫩滑，水份沒有流失這是上等炸豆腐的效果。風沙雞可說是店小二的招牌菜之一，看上去和一般的燒雞很像，味道上卻少了燒雞的香脆，多了肉汁和醬汁的濃味，淋上獨特的碎材，做就“風沙”的豐富口感，味道很足，還加了特色配醬，只是價錢抬得有點高，可能會感覺不及期望。咕嚕肉是很傳統的，炸排、酸甜醬另上，這可說是咕嚕肉最原始的模樣。酸汁

《東寶小館》姊妹店 《店小二》，青出於藍，味味都啱送酒，超Evil🍻荷葉花鵰蒸花蛤蜆，一枱10位，要兩籠先夠，因為要encore😋蒸馬友，油香四溢🤗煎馬友，香脆到骨都食埋🤣乾煎大蝦粉絲煲，乾爽香口🦐酥炸美國桶蠔，鬆化juicy🍾（東寶）名物 風沙雞，keep到👌雜菜天婦羅，食到停唔到口😝一口羊，上面啲黃芥末好正，做到提味的重要性👍燒牛仔骨，中間仲pink pink🤗泰仔尖椒炒雞雜，冇得唔辣🤘豉油王炒麵梗係要加XO醬啦😬嘩個荷葉飯不得了（個人喜好係加余均益）😵（仲有 頭盆 炸大腸（冰鎮鳳梨底）、鬆化鮮雞瞤、蒜泥白肉、麻辣豬皮🍱主菜 南乳炸豬手、椒絲腐乳炒通菜、咕嚕肉（酸甜汁、沙拉醬另上）；甜品 薑汁涼粉 都正👍😆）之後要去唱K先幫助到消化😅

Prices was at least two times more expensive than dining in a similar food center or a restaurant. Food was tasty but not out of the world, you can find similar quality food elsewhere in HK for a better price. This one feels like a rip off. Won't be returning for sure.

真係唔需要多講，店小二小菜出名，環境差（係街市，你想點？），周圍環境嘈雜，到9點爆機 ，但是開心朋友聚會的好地方（唔係談心）。我嘅最愛花鵰荷葉蒸花甲，花甲鮮味十足，花鵰荷葉嘅香味很配合，蒸得唔會老，時間每次都是最好嘅。黃金雞腎，香口配啤酒一流。奶油蝦，係咖喱嚟嘅，蝦頭係啲咖喱汁裡面，汁底椰漿味濃，迷你硬豬包係附上嘅，點咖喱汁，係好正！(迷你硬豬包唔係求其嘅，係熱騰騰嘅麵包)蒜泥白肉，好野味，又係配啤酒嘅耗選擇。

Finally a girls' night out! As a friend is in town for the Golden Week and craving some "Hongkongese" food we decide to go local local  and dived straight into this sister shop of the famous Tung Bo Kitchen.We chose this as it was in fact reasonably easy to book a table and according to the reviews on Openrice, in par with the kitchens of Tung Bo.  FOOD: - Crispy pig intestines served with sweet plum sauce: not sure if it was because I was late but this was already cold when I tasted it. The ski