座銀

營業中

休息中

座銀@中環最好食的拉麵都在中環！-<○de▽ 鯛白湯らーめん> 魚湯拉麵<Next Shikaku> 蠔湯拉麵<座銀> 雞湯拉麵-三間拉麵姐妹店 距離50米內各自主打不同口味湯底每間都長期排長龍今日就試應該最多人識嘅 <座銀> 雞湯底拉麵-Menu 選擇只有幾款因為專注所以專業？真係好出色-<雞白湯拉麵> $148雞湯利用泡沫咖啡打法打出一層層泡沫 口感豐富綿滑-148碗拉麵仲要排隊 但絕對會再嚟食靈魂係個湯底 好creamy配料叉燒雞胸片各一 紫洋蔥視覺味覺增加層次炸牛蒡浸湯都好好食 有口感天氣凍或小小落雨嚟件事再錦上添花🥹好滿足

幾年前嚐過跑馬地店（當時還沒有中環分店）覺得驚為天人😱刷新了我對雞白湯的認知，一度感覺在日本本地吃的雞白湯拉麵都未必能與其一戰🤔 可是最近到訪了座銀中環店，感覺不但食物水準本身大大退步，服務也是十分差🥵 難道都逃不過開分店就水準不穩的永恆定律嗎？😓雞白湯拉麵($148)雞沾麵($168)座銀拉麵價錢一向進取，加糖心蛋及加一服務費後近$200的價錢，當然會有預料較高的質素，可是不論從進店後的冷漠招呼、到要下單時的無人理睬😰、再到湯底太鹹需要加水服務時舉手店員視而不見🤯均可見雞白湯湯底附上的光環已黯然褪色，換來的只有湯底死鹹以及雞肉的不嫩滑😣…實在令人唏噓，當初的濃厚而不帶膩感的雞白湯、充滿嚼勁的沾麵、香脆可口的炸牛蒡已不復從前。埋單都是充滿失望而去，需要匆匆忙忙尋找甜品的蹤影以求慰藉，去消除當餐的不愉快！整體而言在現今雞白湯越來越盛行的景況下座銀已成為一間不值得回訪的餐廳，更加找不到日本拉麵店的任何影子。👋

工作日12:30到達岩岩好最後兩個位，建議想食/ 想坐bar 檯要早d到！ 拉麵控嘅友人講左好耐佢覺得香港最好味，根據佢講法就係多年黎無退步嘅味道（價錢就 lol）。 個白雞湯拉麵($148) 第一啖湯頭簡直濃郁到好似飲忌廉湯，有雞湯香，好味  同埋湯濃稠得黎幾掛麵，麵口感適中有勁，係好味嘅。 拉麵附送一片薄叉燒同埋雞肉片，後者濕潤軟熟我幾中意，為左補番d蛋白質叫左卡拉啊嘅炸雞，脆口同埋食到醃肉嘅酒香，不過總括而言蛋白質類無咩特別發揮，下次encore 我都係會因為湯底而戰。我唔中意牛蒡，炸牛蒡我無野講

每次與同事談到拉麵，座銀常常出現在推薦名單。今天終於有機會一嚐他們的雞白湯拉麵！晚餐時段等候人數不少，更有外地旅客慕名而來。進入餐廳後，店家在門口附近提供了座位予客人等待入座。菜單主要提供兩款拉麵和一款沾麵作主食，我和男友均挑選了招牌的雞白湯拉麵。餐廳右邊設有L型吧枱，左邊是普通座位，尚算舒適。下單後，店員會奉上熱茶或冰茶。約十分鐘後，餐點亦陸續送上。拉麵賣相獨特，碗的設計有點難舀湯。先喝一口湯底，雞白湯味道濃厚豐富，香氣十足，惟略嫌湯底份量偏少。麵條雖可掛湯汁，但鹼水味頗重，使拉麵失色不少。配菜方面，有一片薄瘦叉燒、一塊黑胡椒雞胸肉、炸牛蒡絲、筍乾及其他洋蔥香葉等作點綴。叉燒味道不俗，但雞胸肉與便利店的即食雞胸分別不大，感覺與拉麵有點格格不入。整體而言，雞白湯拉麵性價比不高，雖然湯底出色，其他配菜也沒有太大扣分的地方，但麵條卻是敗筆之處。

去呢間餐廳可以用「朝聖」呢兩個字嚟形容！果然無令我失望❤️～佢嘅等級係直逼日本東京一間好出名嘅雞白湯拉麵嘅級數👍🏻👍🏻👍🏻而且個擺盤又fancy！食完之後係覺得很滿足了⋯我哋一個嗌咗一個沾麵同埋一個拉麵，我自己就覺得拉麵好食啲！同埋拉麵嘅質地都係我鍾意嘅質地，比較粗少少同硬身嘅！🍜另外值得一讚嘅係佢哋服務都真係唔差，每一台都有一條獨立包裝嘅濕紙巾俾我哋抹手！真係有一種去到日本🇯🇵嘅感覺🤤依家集團好多唔同味嘅拉麵都非常值得一試！下次都要逐間去打卡先得！不過由於舖位真係比較細，同埋佢都真係好出名，所以大家最好就係早啲去排隊或者平日下晝去食嘅話就會比較唔使等咁耐啦！

來自大阪嘅座銀主打雞白湯🐓，於中環一直都極具人氣，不論係拉麵或沾麵亦同樣出色。▫️招牌雞白湯拉麵 🍜 $138雞白湯喺出餐前會輕微打泡，令質感變為輕身，減輕油膩感。每一啖都感受到濃郁嘅鮮味，拉麵煙靭有咬口，份量適中。Zagin Soba, an Osaka gem, specializes in creamy white chicken broth, offering a rich umami experience that's both comforting and delicious. Is one of the most popular ramen among Central. ▫️ 𝑾𝒉𝒊𝒕𝒆 𝑪𝒉𝒊𝒄𝒌𝒆𝒏 𝑹𝒂𝒎𝒆𝒏 🍜 $138A lusciously rich broth, delivers creamy delight with every slurp, an irresistibly delicious harmony of flavors.

久聞座銀雞白河好好味而且都唔少人排隊今日經過中環本身想同女友食勝香園見到座銀無人排直接入左 超級lucky落左單就見到出面人滿為患😂😂我地都叫左雞白湯拉麵 炸雞 同玉子雞白湯非常濃郁 而且沒有過咸死咸

I have seen this place for a long time, and I just tried it finally. I ordered the regular chicken noddle ramen. Taste are ok. Soup and noddle temperature is not very hot. I don’t know is that good or bad. I think comparing to a lot of good ramen place in HK. This one is overrated! 每次見到呢度咁多人排隊，我都有啲衝動想試吓啊？今日終於試咗。原來佢係附近嗰間魚湯拉麵嘅friend。咁其實呢度都係得三種拉麵🍜揀，我要最傳統嘅白雞湯拉麵。上菜速度好快，5-10分鐘，裏面有一片雞肉同埋1片豚肉，仲有一啲好靚嘅牛蒡。我覺得麵同埋啲肉都只係Standard,，係個湯比較好，好濃，但D湯嘅份量唔多。個麵同湯嚟嘅時候都唔係最熱，同其他嘅拉麵舖頭有分別，我唔知係好定唔好！名氣同埋呢個真正嘅感受，似乎名氣Over咗！$148仲

日本🇯🇵過江龍雞白湯沾麵，聽人講呢間餐廳好岀名。所以我係佢開門前十分鐘就到。都有幾個人排緊😯 估唔到其他人都會早到第一次黎叫咗佢地最岀名既雞白湯沾麵😛沾麵用上粗麵，非常掛湯👍🏻麵嘅質地好有彈牙。雞白湯湯底好濃郁，帶有淡淡忌廉味，食得岀係真材實料👍🏻加埋嫩滑嘅慢煮叉燒，炸牛蒡，同埋半熟煙燻溫泉蛋，令味道更加豐富😋雖然呢一間價錢比較貴💸，但係真係一分錢一分貨，都明白點解呢間餐廳會大排長龍🫢

•雞白湯沾麵終於試到「香港沾麵關注組」熱捧嘅雞白湯沾麵😆!!!雞白湯好濃郁偏鹹 但又唔係感到太膩🍜🍢 放喺拉麵上面嘅雞肉片就好嫩滑🐔 拉麵好煙韌好掛湯同彈牙💯 扣分嘅位係沾麵汁好快凍哂同湯入面有幾舊雞肉偏鞋🤏🏼•座銀炸雞雞肉炸得好香脆好多汁，炸皮好薄，完全唔油膩，好食好食🥰🥢價位相對比其他沾麵餐廳更高 但係真心服 佢哋會圍巾、濕紙巾、 凍或熱茶、漱口水、牙膏牙刷比客人作清潔 好貼心👍🏻🧡📍 座銀 •中環歌賦街7號地舖

第五次到訪，個人認為係香港數一數二的拉麵店～✦ 雞白湯底拉麵 $138賣點係出餐前將濃厚雞湯底打泡✨，湯頭偏濃味但唔會油膩，口感creamy有膠質感。麵身掛湯彈牙有水準，加上酥脆的炸牛蒡豐富咗口感層次。配菜有一塊慢煮雞胸一塊慢煮豚肉都算嫩滑，肉味濃郁。*留意叫麵不包糖心蛋，要另加錢👀

🐱有朋友推薦座銀，於是上網搵資料，發現佢係一間來自大阪的拉麵店，以雞白湯拉麵為主打，喺上環同跑馬地都有分店🍜來自日本，當然有返咁上下期望啦🤨雞白湯拉麵 $148：🌕🌕/5 拉麵碗有一塊薄雞肉、一塊薄叉燒同少量炸牛蒡，糖心蛋是另外加配的。湯底方面，味道好濃郁，有少少清雞湯味道。不過冇話好驚喜，飲幾啖後覺得味道偏鹹，好想飲水💦拉麵係屬於幼身的，食落好煙韌，口感不錯👌牛蒡卜卜脆都算香口😚而全碗拉麵最好食係塊慢煮雞肉，係凍既，少少鹹香，幾開胃，好想食多兩塊😇糖心蛋 $18 : 🌕🌕🌗/5蛋黃有點過熟，唔夠流心，味道就同出面食的差不多，冇咩特別，食唔到有特別既醬料味道🫣總括嚟講，呢間餐廳既性價比唔高。如果要比接近$200食一碗拉麵，自然期望有返對應的質素。我當日係平日下晝大約1點半去食，好彩唔多人排隊，等左大約10分鐘就可以入座。備注：有加一服務費

終於經過座銀是沒有排長龍二話不說衝左入去吃 終於一試😋—🍜 雞白湯拉麵🐔 座銀炸雞—個雞白湯拉麵真係幾好食 難怪成日長期要排隊🥹同其他的雞白湯拉麵相比 座銀真是完勝🫶麵條掛汁 雞白湯香濃沒有過稠 炸牛蒡更是亮點!而且一碗份量剛剛好 再多就太膩了😛有驚喜地這間的炸雞亦非常出色 即炸熱辣辣上出哂煙 好食☺️可惜成日都見到要排隊吾洗排的話的我一定會再訪的🥲

今日是個好日子～ 食到我最愛嘅雞白湯拉麵 —— 座銀🍜 呢個味真係食幾多次都唔會厭😭❤️• 雞白湯拉麵 $138 🍜 4.9/5打起咗泡泡嘅雞白湯好濃好滑 最中意佢個種好濃縮嘅感覺但一啲油膩感都冇 同埋唔會過咸（好多拉麵食完好咸架嘛！炸牛蒡 脆卜卜 無論就咁食定係浸湯食都好正！ 雞胸好滑 而叉燒我就中意浸落湯 等熱力令佢啲脂肪融咁啲就會好好味架啦！拉麵入面啲蔥同筍都好正哈哈😆💖 • 雞沾麵 $148 🥣 4.5/5發現好多人叫沾麵呢 隔離左右八個人都係食緊沾麵LOL 其實就係超級濃縮嘅雞白湯湯底 沾麵湯入面嘅雞肉都好正好滑 麵質較拉麵粗啲 彈牙啲 唯一可惜嘅係凍得比較快• 棵木煙熏溏心蛋 $15 🥚 4.5/5今次溏心蛋煙熏味好出 做到流心效果 好味！• 座銀炸雞 $48 🐓 3.8/5今次炸雞一般 三大件 肉質厚實 但係偏咸！冇乜驚喜總結：非常推介！係食完會有幸福感嘅拉麵～💞 4.7/5P.S. 我地今日（星期二）12點前到唔使排隊 過咗就要排陣隊先入到啦

Came here with 5 other people. I got the standard chicken ramen and some fried chicken karage. The broth was good but nothing spectacular. The noodles however were one of the best I've had in Hong Kong; yellow, slightly thicker, and very firm. The toppings of a chicken breast and a very slicely thin char siu were only okay, the char siu was way too thin, and the chicken breast felt out of place and didn't enjoy it at all. But there was this fried 'greater burdock' on top of the ramen that was de