庭軒一敍

營業中

休息中

食物的擺盤，種類款式都有心機，飲品好大杯，經過時就是俾這杯飲品吸引了！大熱天時大杯凍飲好重要！用牌子糖和黑白淡奶。見到黑白淡奶熱杯，原來仲有黑白淡奶冷飲杯!店面有一點點的小，只有20個位左右，但都算長期滿座，望著對面PHD冇人都幾相映成趣。鮮牛肉咖哩湯底烏冬，橙色的咖喱湯有七味粉，唔係想像的黃色咖喱湯，但都好飲，配菜有粟米粒及金菇，生菜絲，食時伴著爽口的生菜絲，是會更爽快的，這些就是我形容的有心思食店，多配菜增加味道營養口感及賣相好。烏冬都係普通烏冬，很軟淋。店小但見弓廚房，仲見到絲襪拉茶。附近仲有所剩無幾的仙桃園，是青春的記憶，可惜今日唔想飲珍奶。

根本租這裡比餐廳就超錯。就算食物質素幾好，如果連基本食的空間都無，我唔知佢地想有咩正評。其實我唔係第一次光顧，但前幾次因爲停留的時候都唔係太想，所以根本唔會相機食先和想寫食評，今次因爲我要等朋友Y所以我拎位先和點食品先，所以就有時間認真留意這食店。以下是今次點選的食品：因為等陣要出遠門，所以唔想食得太Full.點了這個餐，老實說這間餐廳點粉麵餐最抵，大約30蚊左右。我這個要27蚊，其實價錢都可以接受。我的這個飛碟即製的關係，非常熱騰騰，都幾好食，那些吞拿魚都幾多，多到出曬麵包外，其實都幾論盡。不過如果因爲太多，我都唔介意，哈哈🤩那個熱柯華田都幾抵贊，佢夠熱和那些粉唔會搞極都唔散，但又保持到那些柯華田味。朋友點選了普通麵餐，佢表達說因爲喜歡那些牛肉，原來是新鮮牛肉，佢想食烏冬，但要加4蚊，最後放棄。Anyway.如果只講食物這間店可以好高質，但好抱歉，香港食店講求服務，所以係我心中，這間食店還有很大改善空間。

今日下午我們去咗粉嶺帝庭軒商場嘅「庭軒一敍」食下午茶！我們叫咗新鮮豬膶窩蛋湯烏冬嘅湯底味道都算幾清甜，豬膶煮到過咗火，所以質感好硬質，而烏冬嘅麵質就極之腍身！鮮牛肉湯烏冬拼火腿炒蛋牛油多士一開始落單嗰陣我們話要轉太陽蛋，但店員竟然話：「我們呢度煎唔到蛋，因無人識煎！」，仲要用啲比較差嘅語氣態度嚟講！吓！開得門做食店嘅，竟然煎唔到太陽蛋！真係令我們覺得超級失望呀！無太陽蛋我們唯有要炒蛋，出嚟效果都幾好，炒得都幾滑溜！鮮茄牛肉湯米粉初頭以為係鮮茄濃湯，但嚟到嘅係將幾嚿鮮茄放喺碗清湯米粉上面，湯底嘅味道係淡而無味，而牛肉嘅肉質亦都係比較硬實，而且肉味亦唔係好濃郁！

人多要等位，我朋友同女侍應話两位，個侍應由頭望到佢落腳然後無回應，我再重複同侍應話两位，又係比佢由頭到腳scan一次，然後話 "等等囉" (態度可想而知)。。。之後決定唔食，同埋唔覺得呢間野有咩值得去幫襯。。。。。。服務評分比左1，如果可以，我會比0 (我估係OpenRice 設定問題)

聽聞呢度啲蛋包飯好食，特登黎到一試。原來間舖超細，長方形狀，只有十幾個位。黎到有吉枱，但未執，侍應叫企門口等佢執左先，唔比我地行入去住。點知跟住有熟客到，二話不說自己就走左入去坐，我地鼓譟，侍應好唔客氣話就有枱走，唔想等就算數…橫掂都黎到，食下啦，最後撘左張大枱，迫到腳都無位擺。叫左兩份午餐，三十幾蚊，包一杯熱飲。惹味沙茶牛肉湯烏冬，湯底的確有沙茶醬味，但偏淡，望落好大碗，但原來係湯多粉少，食完唔飽。芝士火腿蟹柳粟米蛋包飯，飯用左以上食材切粉炒過，再用蛋包成正方形，味道幾好，但茄汁十分甜，甜到有啲怪，我估呢樣好啱小朋友食。份量大概有一碗飯左右，又係唔飽。熱檸賓，特飲加三，香檸味，ok。熱檸茶，同樣好香檸味，但茶略淡。態度差，又迫，食物一般，暫時應該無下次。

前排考試既時間成日都去聯和墟溫書....都會成日去庭軒一敍食野我多數都係食個蛋包飯芝士火腿蛋包飯+凍朱古力個芝士火腿蛋包飯賣相好好......又好食....個凍朱古力都好夠味仲有個湯...一個月都係三十幾蚊....真係唔係好貴...冇人等位既時候仲可以座耐d吹下水...真係唔錯