康和車仔麵茶餐廳

營業中

休息中

為大家介紹一下呢間食魷魚同車仔麵既舖頭啦如果提到大圍大家多數都係講呢個手撕雞腸粉掃街，但如果講到想食多少少，又好似無乜選擇咁？所以今次為大家黎介紹呢間舖頭。呢間舖頭既環境同衛生都係比較舊式個啲舖頭。要評既都係評食物質素...康和車仔麵茶餐廳既蜜汁龍鬚$34雖然有少少貴但味道真係好夠又香又濃郁另外小篇仲有嗌車仔麵粗麵麵質夠爽有咬口唔係發漲晒預先煮定既最後仲嗌左豬頸肉相當可口唔會切得太厚配埋泰式辣醬真係唔錯！不過涼拌三寶就差少少喇我個人覺得辣味太重太多辣油無左涼拌清爽既感覺好味指數⭐️⭐️⭐️⭐️⭐️⭐️⭐️價格指數⭐️⭐️⭐️⭐️⭐️⭐️抵食指數⭐️⭐️⭐️⭐️⭐️⭐️

有時都會想食車仔面⋯今日依舊係大圍蒲頭。呢間康和既坐位真係逼到無朋友，未食完都想拿拿聲走🤔地下都麻麻地衛生⋯叫左碗辣既，真係辣到痴左線，但我只係叫左一粒辣椒既辣度😂 睇到成碗湯既面都係油。唔緊要⋯叫可樂飲可樂冰底要加$2⋯我想問如果叫可樂唔凍咁叫黎做咩😂😂 非常無奈，黎到個可樂真係唔凍😂😂😂我諗未必有下次⋯

呢間餐廳可以話係大圍知名度勁高下 👐🏻小編食完之後只可以話伏味濃🤢 先係湯底冇味 毫無半點鮮味 材料唔係幾靚 丸似白焯多 炸魚皮仲有d腥😂連小編至愛既紅腸 只係純屬一般😩

好多年無返過嚟大圍，今日難得經過，老婆即刻話陪我食我最喜愛嘅車仔麵。以前住大圍，最少同細佬一個星期食一次。所以今次過嚟大圍一定要食，不過原來冇咗我最喜愛嘅螺肉。所以我叫咗牛肉，麻辣豬肚，韭菜餃同豆卜米線。佢哋啲韭菜餃又多餡皮又薄，豆卜又索晒啲麻辣汁，一流。希望下次過嚟食唔好再等幾年先再嚟

今日又係大圍上堂。今次醒左，上堂前搵定附近有咩食tea time時間, 好多選擇。不過吾想食得咁 heavy。最後揀左車仔麵🍲入到去，環境一般，不過正常嘅。因為呢啲先係港式格局本來想自選餸；但見到menu有個叫麻辣雙脆米線，然後問阿姐，哦～原來係🐷👂加🐷腸~即刻吾洗諗，就呢個 😆湯底~如題米線~吾夠淋（本人偏向中意食淋啲）🐷👂~中間白色軟骨係夠爽脆，但肉部份一般🐷腸~入味但吾夠淋 （因為又係中意食淋）跟餐豆漿~食辣配呢個感覺幾正另外，阿姐執完枱應該無抹，因為我坐個位嘅左邊角落有一大噠漬，所以枱面吾太乾淨

剛剛吃完，感覺好貴。豬腸 4 件，蘿蔔 4 件，鮮菜雲呑 2 粒，雞腳 2 小只，墨魚片 2 小片，菜底，成為＄45。另加 ＄8 菊花綠茶，一啲綠茶味都冇，再加菊花精，勁甜之餘成半杯冰。啜左幾啖走人。。。呢到仲要夠 200 字，至可以比扺食分 🙄 奇怪

住大圍區的關係，由女兒小學階段至家陣升上中學多年，間中都會來康和車仔麵幫襯，食物款式尚算多，但相信每間店舖，也不太可能每款食物都能夠做到很出色，這店也一樣。但如果問到我，有甚麼絕對不會再吃的?我會答:我絕對不會再叫柚皮。因為試過兩次，都達唔到我的基本要求。至於其他車仔麵餸菜，大致上都Ok的。而湯底，如果喜歡食辣的，可以選擇大辣，他們的辣味，都合格架。以$40鬆少少的四餸麵，有埋凍飲，這店已經算唔錯的了。

每次ot完都黎呢度食, 今次例外, 帶左女朋友黎。嗌左雞扒芝士撈, 蜜汁魷魚 同 魚翅撈麵。非常好食。增肥之選。邪惡到無朋友。 魷魚其實好食 蜜汁味道好濃。芝士撈係人間極品。兩個人share岩岩好。魚翅撈麵d麵係魚麵,都係賣點。兩個人食左150蚊就勁飽。去相~~。

大圍其實有好 多嘢食，今日去完踩單車之後，非常之攰，又非常之肚餓，就不如去附近搵搵食啦 ! 經過一個車仔麵，裏面都有唔少人，再望一望餐牌，下午茶都係32蚊起，就一於去食啦叫咗個車仔麵，幼麵底，再另外叫紅腸同埋魚片，再加腩汁，另外再叫一杯凍檸水，都係32蚊，這個價錢，我相信平過大家樂湯底加左腩汁之後，份外滋味，另外紅腸嘅質素都算不錯，咬落去無渣，另外魚片口感都ok，簡簡單單係我嘅生活態度味道4分抵食4分！！

今日係大圍放lunch ，孖個同事去左康和車仔麵茶餐廳度食。雖然舖頭細細，但都容納到大約30人，可能係lunch 時間喇，已經座無虛席，不過唔駛等好耐就有位了。同同事叫左兩碗車仔麵。「牛栢葉+牛筋腩+炸墨魚條+冬菇+米粉」牛栢葉好爽口，唔會太韌；不過牛筋腩就好似牛肉乾咁，而且好細舊，扣小小分；而個炸墨魚條其實味道幾好，不過佢係一條墨魚條切片一開四片，我嗰碗嘅份量就大概係得到兩片，咁就會覺得有d太少喇「扎肉+牛筋腩+豬大腸+炸海鮮球+油麵」見到同事個塊扎肉，比想像中大塊。佢仲請左塊我食添$38四餸一麵都算係咁，仲有豆漿送，而且啲豆漿又真係有黃豆味整體黎講，都ok啦，雖然談唔上係人間極品，但算係街坊價得嚟又飽肚

身為資深車仔麵食家，除了心中第一位灣仔車仔麵之家外，這位於大圍之康和車仔麵茶餐廳是本人另一心水推介。最常點是四餸車仔麵+豆漿，但通常晚上八時左右都會沽清。姐姐話豆漿係自家制所以賣完就無，唯有下次早啲幫襯。 其實奶茶亦對味但略嫌不夠熱。車仔麵餸種類超多要試匀全部都要花啲時間😅今日唔太餓沒有選麵，只配菜底。 其實差不多每次都點某幾樣餸皆因真係幾好味😋麻辣豬耳 - 爽脆帶麻辣味豬紅 - 夠煙靱咖哩魚蛋 - 味道好香及魚蛋質地彈牙牛筋腩 - 超淋肉味香牛肚 - 用上金錢肚，有八角香味冬菇 - 細細隻好入味滷蛋 - 同樣是十分入味可以食辣的朋友別忘加辣汁， 這就是車仔麵精髓所在。 但切記不能吃太辣的話最多只建議加✔️辣汁， 如✔️✔️的話我怕你會吃不下去😂😂😂

特別推薦鳯爪、紫菜，同炸墨魚條！我本身係一個細食既人，但去親都會叫5餸尼食，次次食得哂！d姐姐又勁有人情味。佢個麻辣豬耳最好另上！因為真係好辣，再加麻辣湯，自己食吾落。。。。

呢間芝士撈丁係大圍好似幾有名架😍所以拉埋朋友去試下一入到鋪頭老闆就叫我地試吓豬頸肉芝士撈丁 佢話係鋪頭嘅招牌菜😆 試完都覺得唔錯 豬頸肉辣辣地勁入味 而且好足料有成八件架😝不過麵既芝士味唔夠重反正好重奶味 而且有d稀😳食完一次覺得 試過一次就夠了😁

蟹籽包魚腐芝士麵$40+10配凍檸樂蟹籽丸(爆出多汁蟹籽)口味不錯(唔鹹)魚腐爽口彈牙芝士好多(拌匀個麵，底仲有d芝士汁)😍味道有少少甜，芝士雖然不夠糊，但勝在多芝士拌勻個麵，味道有芝士的香味，車仔麵選蘿蔔，麵根，豆卜，麵底(一杯凍奶茶)$41白蘿蔔不夠淋，但鮮甜麵根，淋身夠入口豆卜(新鲜！)麵煮得剛好！，不會太淋

康和車仔麵位於大圍火車站附近步行大約5分鐘左右便可到達我與友人到達已經是下午茶時段~4:45有下午茶餐牌 可以吃車仔麵但是一場來到沒有理由不試試招牌菜豬頸肉芝士撈公仔麵吧康和車仔麵的豬頸肉芝士撈公仔麵十分足料足足有8塊大大塊的豬頸肉而芝士完全與公仔麵透徹地混合在一起與其他店鋪的味道很不一樣奶味偏重 芝士較稀正正對上了我的胃口我滿足地吃完整整一碗也不覺得膩。