康和車仔麵茶餐廳

營業中

休息中

吃過幾次，我覺得不能說這裡是非常好吃，只是夠平又夠大碗吧，因為在大圍沒太多車仔麵店的選擇。這次要寫食評的原因是個人在這店有點不愉快經驗（不外乎那幾樣事，不想多說，因為未必每個也經歷到）。不過要說整體的話還是不過不失，但我應該不會再來。

其實中學時期已經好鐘意食，今日經過又引唔住食下豬頸肉芝士撈麵呢個芝士撈麵唔會好黏，所以唔會好濟個豬頸肉好特別！有d燒汁味，唔會好dry呀！而且有dd辣辣地，好正好開胃豬頸肉分量都好夠，唔會好孤寒煙鴨胸芝士撈麵唔係幾知點解煙鴨胸會平過豬頸肉不過呢一個撈麵都好好食既！但係個人黎講就會推介豬頸肉多d，因為呢個鴨胸無咩特別

記得中學時期會同同學仔去康和食車仔麵，有次唔想食咁熱既野就叫左豬頸肉芝士撈麵黎食。一試就愛上，以後經開大圍都會入去食。哩個芝士撈比我想像中好，芝士好香，豬頸肉脆既，辣辣地好入味！不過公仔麵既麵質就一般啦，偏硬，但都okay, 因芝士味係緊要過個質地（我覺得）。

大圍看似小社區，但原來也有不少食店，途經看到店外餐牌有特色的麵食配搭名稱，好奇地查詢，覺得很有趣，亦想吃。進去要了鹵肉蛋烏冬，加配熱華田。有時候也想吃烏冬，這店配搭鹵肉和鹵蛋，既有台式風味，又有日式配搭。嚐過後覺得這配搭也不錯，烏冬幼滑柔軟，鹵味足不肥膩。另可惜豆漿只有凍豆漿，選了熱華田，標準之作。是合理價格，而選擇略有新意和彈性的車仔麵茶餐。

都好耐無幫襯過依間車仔麵今日下午同細佬去食店地方唔大，但都算乾淨隱隱陣陣叫啲車仔麵大路野點個蘿蔔.豬皮,豬腸,豬紅配油麵細佬亦叫油麵，啲餸同我完全吾同湯底味道夠濃，蘿蔔好甜又淋豬腸滷得好味而且無肥膏好乾淨豬紅味道就一般，質感有d粉淋豬皮爽口吸咗辣湯味更好食油麵份量多且軟滑，加辣汁..辣汁唔算好辣加罐汽水埋單三十多卻不平整體都ok，順路都會食過

是日青蛙與豬大人難得來到大圍打算踏單車,事前當然要先餵飽肚仔才能出發啦~由於時間太早, 最想試的''屋子咖啡''未營業,唯有到不遠處的''康和車仔麵茶餐廳''吃個車仔麵吧~點食紙上的食物選擇挺多,有些如: 麵筋、柚皮、酸菜蝦米等, 在其他地方比較少見。青蛙見既可選湯麵, 亦可選撈麵,一於跟豬大人一人點一款來試 ^^大家有見到碗中的辣醬嗎?豬大人要了大辣喔,初入口還未滲出辣味, 但在口腔徘徊一會就會覺得辣~豬大人的麵中, 青蛙只試了外表金黃,食落又幾甜的炸蝦條~~到青蛙的乾撈麵喇~青蛙要了炸蟹子包、雞翼、蘿蔔及麻辣豬肚!!除了麻辣豬肚非常咸而不覺麻辣之外, 炸蟹子包及雞翼都質素平均~但不得不叫它家的蘿蔔, 清甜可口又夠腍 不過乾撈整體上比較咸, 還是要湯麵比較好!跟餐配豆漿, 味道正正常常。

由於要去大學站辦點事，回程時便選擇了在大圍站吃下午餐。大圍有很多不同類型的餐廳，最後因為在食評裡看見這裡的撈麵挺吸引的，所以便選擇了這裡。在港鐵站A出口轉左，過馬路直行大約2分鐘左右便可以在右手邊的後巷看見這間餐廳。我叫了個下午茶套餐跟一杯豆漿，只是24元，非常之抵！選擇實在太多，最後選了鮮蝦雲吞跟牛肉粗麵。其實我一開始以為是沙嗲牛肉的那一種肉，但麵一上到時才知道是肥牛，早知道是肥牛我便不會叫的了...鮮蝦雲吞著實是夠大粒，而且蝦料多。鮮蝦雖然是細隻，但夠哂彈牙及鮮味，每粒雲吞都有大約兩隻鮮蝦；除了鮮蝦以外，肥豬肉夠哂多。所以選擇鮮蝦雲吞就真係非常抵食！除了雲吞以外還有肥牛，肥牛便還可以吧，起碼不是那些平價打邊爐肥到只有肥油的肥牛。湯底則只是一般的湯，而粗麵則不錯，尚算彈牙！

已經係第2次幫襯~~名物：豬頸肉芝士撈公仔麵收你$36但人人食過都話抵滿滿豬頸肉，有大約8塊~~塊塊大大件~~入口甜甜地~~ 正！！芝士汁份量唔算多，但一定夠撈太多汁反而濟~~依家每一啖麵都好滋味！同新記個芝士撈丁唔同~~康和多d奶味~~ 唔通落左全脂奶粉？每次食完都大滿足！推介大家！

接近下午餐時間我地先出動搵食，又唔想食太飽，一於一齊食車仔面！呀Q話呢間又有芝士汁又有出前一丁岩哂我，就帶左我黎。豬頸肉芝士面成碗面都鋪滿哂豬頸肉，好大塊，有成7塊咁多，厚度適中，唔肥唔瘦有咬口，燒汁同芝士汁都偏甜，但唔會溜。車仔面係自選4送，牛根髀好林，豬紅爽而不散，麻辣豬肚真係好麻辣，蝦雲吞就麻麻啦，無咩味，只有2粒。鍾意食甜d既可以黎食芝士面。

今天是終於輪到我的畢業拍照日為答謝老婆仔辛苦幫我拿相機拍影在正在儲錢的情況下仍要破費請老婆仔吃一餐好的老婆仔選擇了吃甜品所以我們打算先吃一餐普通的晚餐便選擇了茶餐廳看到這間茶餐廳的招牌菜是芝士撈麵便毫不猶疑地進來了老婆仔說芝士撈麵和豆漿是最適合的配搭加上還是下午茶時間所以便要了一個36元的豬頸肉芝士撈麵和一個22元的2餸麵加豆漿這個看起來一般的芝士撈麵沒想到芝士非常美味是非常配合撈麵的那種芝士而且無論麵還是芝士份量都十分充足只是老婆仔今天消耗了太多體力而還未吃得飽另外豬頸肉也不錯煎得很香脆是非常值得一試的推介至於相對較普通的2餸麵我選擇了豆卜和墨魚丸以這個價錢來說算是不錯了起碼墨魚丸也算彈牙麵也沒有太軟這茶餐廳也算是一間小店加上這個時間人流不多坐在這裡也十分舒適又不怕被人趕走所以我和老婆仔都坐著傾談了一會說著生活說著旅行是令人驚喜的地方還是只是因為老婆仔在才特別令我驚喜呢?

如果不是男朋友帶路，相信也不知道這間小店，原來他在這裡送去了不少中學時光。看店名，都猜到這裡出名車仔麵，但baka所推介的是芝士撈丁。都不用看餐牌，baka就決定了點豬頸肉芝士撈麵，再加多一杯豆漿。豬頸肉芝士撈麵 其實有生以來我都未吃過芝士撈丁 ，因為光聽名字已經覺得很重口味，而且以前都見過其賣相，留下了不好的印象。不過這次卻徹徹底底改變了我的想法！芝士撈丁，就是說將芝士混丁麵，看似簡單但如果芝士醬的份量和味道控制不宜，便會弄得很肥膩。芝士醬的味道十分香口，帶甜，而那種甜味更令人上癮 　每根麵條都滲有芝士的味道，很好吃。 當然芝士也滲透於豬頸肉中 　整體配搭份量適中。經過今次真的令我深深地愛上芝士撈丁，尤其是那種略帶甜味的芝士醬，有時真的需要多踏出一步試試一些自己平時不會吃的食物呢。 應該很快會有下一次 雖然這裡有名車仔麵，但相信下次來時我還是會忍不住叫這款芝士撈丁。

第1次試左芝士豬頸肉撈麵..一黎到碗野完全唔見有芝士..以為中伏..原來寶物沉碗底..咁唔緊要食下面層鋪滿哂面的豬頸肉先..正..好味入味..仲有黑色的是脆定隆呢?分唔清..總之就係岩我口味..再配埋d芝士..一流..當然不忘撈麵先係重點..最中意芝士汁..平時酒樓有幸食芝士龍蝦都想食哂d汁..配飯配伊麵等...今次一樣撈盡每一滴..一定會再去..第2次就試左車仔麵..但好耐之前唔記得哂送了..但普遍記得全部都合格..但唔會有驚喜囉..豆漿就都係咁..有味就ok嫁啦..環境上如果唔係咁奇怪要人好似台底交易咁伸手入去拎d野上台的話會有返3分既..哈..

看過Liz’s Taste的文章，對大圍的車仔麵店有點興趣，那就坐言起行，找天來試。來到，竟然沒吃車仔麵，因為我更想吃撈丁，就點了豬頸肉芝士撈丁。其實，丁麵配上芝士，定必好吃，只是太漏。同樣地，芝士跟豬頸肉又是合拍，而這裡的豬頸肉口感不俗，既香又帶點辣，可以收貨。凍奶茶就只是一般，奶太多，茶味不濃。實在太漏，否則會過對面吃腸粉。

相信大部份香港人對「車仔麵」這名詞不感陌生，雖說時代正在急速進步，但並沒有將這通俗的飲食文化一併淘汰。原因眾多，但一點不變是人們對這份陪伴成長的味道必然有著深厚情感。而從前在街邊擺賣的小販檔，如今已搖身一變成為大眾茶餐廳或食堂的固有菜式了。筆者其實對「車仔麵」沒有太多研究和心得，只是偶爾為午飯地點傷腦筋時，總會想到來一碗熱辣辣的。今天陪伴母親大人到大圍作牙科檢查，因比預約時間早到，便選擇到康和車仔麵吃個簡便午餐，這裡的格局是一般的茶餐廳佈置，衞生情況尚可，地方有點狹小，畢竟做生意的總想利用每點空間去賺取最多，這點絕對理解。牆上圖文並茂地張貼了店方推介，方便顧客落單，這時手中持著點菜紙，真得讚賞食店們的生意頭腦確實靈巧，單是餸料口味已達55款之多，再配搭11種粉麵與不同湯底，必定令您的選擇困難症再次發作。午飯時段座無虛席，店員已站在我們的餐桌附近，似乎打算以無形壓力催促下單，這點倒明白的亦務必配合，衝忙下點了兩款4餸的車仔麵食跟餐飲和一份蜜汁龍鬚： HK$33頗驚喜在這裡找到坊間較少見的柚皮，原因是功夫多又不好賺錢，這柚皮炆得十分入味，咬一口鬆化沒帶渣；豬腸帶點油脂羶香，口感也夠軟腍；兩

今日又黎到大圍打白鴿轉喇，經過呢間車仔麵舖見到門口貼住必食推介，再睇清楚d就好有興趣想試下，卜鎚叫左個豬頸肉芝士撈麵，外賣加$1跟餐加$4有罐裝汽水 , total$37 價錢合理   打開蓋令我好驚喜，除左眼見豬頸肉份量多，仲見到芝士慢慢溶化流在豬頸肉面同流入麵中   急不及待先黎一塊熱辣辣o既豬頸肉，除左肉質鬆軟有嚼勁外，溫度夠熱令芝士溶化滿整塊豬頸肉，兩種味道在口中縱橫交錯  芝士味道香而不濃，同時溶化成液體流入麵中，令每一口麵都有芝士o既味道，絕對配合名稱所講o既芝士撈麵，麵條在煮o既過程中處理得岩岩好，煙韌而不覺過淋過硬   呢碗麵贈送幾條生菜令到唔會覺得好寡，生菜爽口且可以沖淡芝士味食落無咁膩   ## 呢度除左有芝士撈麵食之外，仲有車仔麵檔，企係度等外賣o既過程中傳來陣陣腩香味，仲見到比較少地方有得食o既豬耳，有機會都要黎試下先得