康姨小廚

營業中

休息中

朋友介紹康姨小廚開張，環境優雅，價錢合理，於是同太太去試下，小菜味道吾錯，不會太味濃，餐具有特色，員工有禮，午餐時段容易搵位，用餐有種遠離繁囂嘅舒適感，是一個繁忙工作後充電的好地方。

今日去黃埔買嘢後，唸起上次晏晝去高山劇場食飯，環境唔錯又抵食，所以今晚又去試吓今晚叫咗全部都係好邪惡菜式，包括生炒糯米飯、脆奶京都骨、椒鹽鮮魷同燉湯。淮山蟲草花烏雞燉湯，全晚最好味！餸菜精緻，價錢唔貴，又無加一，好抵食。椒鹽鲜魷應該用新鮮鮮魷炸，仲加咗七味粉，好好味。全晚唯一係我老公話，如果糯米飯乾身的，多啲花生，少啲芫茜會更加好。最後食唔晒打包返屋企，阿女剛剛回家，用焗爐焗返啲炸奶畀佢食，佢話好好味，尤其炸奶係蜜瓜味，問可唔可以留啲第日再食。

awesome foodeverything carefully prepared, from lobster to abalone, my favourite was the chickenthe set meal was a very reasonable priceand to cap it all it's a social enterprise, so you know you're helping others while you enjoy yourselfwell worth finding it

從朋友口中得知位於高山劇場的康姨小廚開幕，對小菜讃不絕口，抱著一試的心態約同三五知己吃晚飯。走進餐廳內雖然地方不大，須知他們屬於扶康會轄下的社企中菜餐廳，聘用殘疾人士，初見到他們在樓面工作有板有眼。甫坐下即點了幾個朋友介紹的小菜享用，先來一個冰梅骨，那種味道好像很熟悉，向店員查詢原來用燒鵝的冰梅醬製作，怪不得酸酸甜甜格外開胃醒神，再來的就是我最喜愛的生炒糯米飯，剛遇著他們轉換秋冬菜式，先說份量估不到$88的價錢，可有如此大的份量，放入口中糯米粒粒分明軟硬適中，但油份不太多，不會有飽滯感覺，再試飯中的配料，他們選用的臘腸味道充斥著玫瑰露酒的味道，完全滿足我喜愛糯米飯的原因。還有一個要推介的就是菜甫涼瓜煎蛋角，味道清淡不油膩，因為地方有限的關係，大家最好先訂座比較穩陣。

姐夫推介一個我好日都唔去既地方食飯 - 高山劇場，我除左諗起個度買演唱會飛無人排隊之外，無事都唔會去囉...但原來觀塘去都唔遠，有小巴。應該新裝修，因為場地都好新。以粵劇為主題，好簡潔的佈置。一行8人，叫左一些例牌小菜豬、牛、雞、魚樣樣一款，再加椒鹽鮮魷及涼拌，價錢也中規中舉。先來生炒骨，有些喜出望外，好味！比起方間好多中餐小廚好味得多；再來的幾款小菜，連麻煩家姐都話好，估唔到重好味過依家啲酒樓水準，唔係話好高質數，但幾十蚊一蝶餸，真係勝價比高架。愈食愈想再食，又叫多個蒸水蛋、豉油炒麵，都好高水準，尤其個炒麵，好耐無食過咁乾身既炒麵，又夠火喉，食得出猛火煮過既豉油香味，無得頂！埋單每人唔洗$100...原來7:30後有85折，重唔加一，真係估佢唔到，賺左！重之叫多啲野食啦！會再嚟多好多次，希望保持水準啦！

朋友介紹，高山劇場新開了一間社企中菜餐廳，星期日午餐特別抽時間去試吓。大家對社企餐廳，都抱有不太高的期望。但是今次係第一次有食完想再食的感覺。首先，餐廳環境舒服，佈置配合粵劇主題，食物質素唔錯，生炒骨、梅菜鯇魚、椒鹽鮮尤、魚香茄子、豉油王炒麵都好好食，尤其鯇魚，我本身唔多食魚，估唔到一D都唔腥，好好味。而炒麵炒得乾身無油，有別一般餐廳。魚香茄子就真係有咸魚，好耐冇見過。菜牌上仲有周中推介菜式，但係9個人，已經叫到成枱餸，惟有一下再嚟。埋單每人约＄60蚊，唔洗加一，抵過食連鎖快餐店多多聲。

一向咀刁的朋友介紹話高山劇場舊翼1/F開左間中菜館, 叫《康姨小廚》裝修以中國曲藝為主題, 雅緻舒適, 加上食物味道一流, 價錢又吾貴, 所以約埋3、5知己，慕名一試。《康姨小廚》一D都吾難搵，就在高山劇場舊翼的1樓, 一眼就見到。 我們約7時到, 餐廳十分旺場, 等左一陣才能入座,到7:15pm過後, 睇show趕入場既食客陸續埋單, 餐廳更覺舒適好座。我們點左周中師父推介既當歸紅棗蒸雞(d雞係鮮雞, 好嫰滑, 當歸味又岩岩好)、鮮蝦帶子蒸水蛋 (d蛋好滑，送飯一流)、椒鹽鮮魷(好有驚喜, 惹味又鮮味)，咀刁朋友確實無介紹錯。美中不足是餐廳暫時未有太多甜品選擇, 對我呢個甜品控來說是有少少失望。 聽餐廳職員講, 話遲d先會推出甜品, 叫我下次來試。飯後仲有驚喜, 朋友本月生日, 有特別折扣兼送生日禮物(要在預定時說明),驚喜之餘, 更覺餐廳有人情味。 禮物是同屬《康姨》系列的康姨曲奇, 聽講是手造的，兼無防腐劑, 雖然份量不大, 但亦使我們食吾停口, 破壞了我個friend 既on-diet大計。