康年餐廳 (已結業)

旺角行街經常會到花園街附近行吓同家人一行三人行行吓覺得有點肚餓是時候吃下午茶☕️忽然經過康年餐廳門口，平常我多數都在門口買蛋撻同埋麵包回家吃，因為今日天氣實在太過炎熱，家人都想坐在餐廳內涼吓冷氣飲杯凍奶茶🥤我就叫咗$32紅豆冰配菠蘿油，菠蘿油如果外賣嘅話其實只係需要$12，坐低食嘅話要$32即係變相紅豆冰需要$20，感覺有啲唔係好化算，不過冇辦法啦坐低食嘅話價錢係相對比較貴啲，菠蘿包新鮮出爐新鮮熱辣，加上香滑嘅牛油，好好吃，牛油係冰凍嘅，熱同埋凍嘅口感令人覺得好好味，不過以下午茶來講我覺得有啲乾，飲啖紅豆冰就啱啱好屋企人叫咗兩碗牛腩魚角，我都覺得食啲濕濕地有湯嘅嘢個人都舒服啲，牛腩份量唔算少都有三舊，魚角就有兩嚿，好好味，湯底亦都好唔錯，又夠熱，面嘅質地亦都彈牙，我哋食完之後 意猶未盡所以嗌左三個蛋撻，新鮮出爐嘅蛋撻特別好食😋餐廳有好多客人出入所以門口成日又開又關，令到坐喺門口附近嘅我覺得好鬼熱，不過職員已經盡量安排座位，餐廳設有2樓，不過屋企人因為行動不便所以我哋焗住坐一樓，間茶餐廳嘅座位都算多嘅，而且職員態度親切有禮，出菜嘅速度亦都好快速相信我好快就會下一次再幫襯因為價錢好大眾化！如

上星期好凍好想食/飲熱野同朋友就去左食個港式早餐 叫左一個沙爹牛麵加奶油豬 奶油豬係新鮮熱辣辣同好脆 奶油醬都好足夠 好香口沙爹味道濃，牛肉軟度不錯， 麵既軟硬度適中。另外叫左羅宋湯螺絲粉加餐包腸仔煎蛋羅宋湯味道略有少少淡味， 螺絲粉麵軟硬適中， 餐包腸仔煎蛋味道正常早餐都有包飲品， 叫左熱咖啡同熱菜蜜。 熱咖啡一般， 熱菜蜜正常由於天氣太凍， 胃口特別好， 叫多左兩個蛋撻同新鮮出爐菠蘿包。 個菠蘿包真係好脆 好好食 蛋撻雖然係暖既～ 但味道都幾好 食完成個人暖番晒 ， 充滿能量！

行街行到餓餓哋～就入咗康年食個下午茶～平時去茶餐廳hightea都鍾意食西多士！見呢間嘅西多士係有加芝士～就試吓呢個【多芝味西多士】啦！等咗一陣，西多士上枱喇，望落煎得好金黃，好吸引！但佢係幫你落埋糖漿，加上西多士嘅溫度唔熱，暖暖偏涼，所以舊牛油唔融，要俾啲耐性去搽勻個面。到切西多士喇～慣咗切4x4，16舊細細粒咁食。第一刀切落去，除咗見到啲糖漿順住切口湧晒落碟外，UM⋯⋯芝士在哪裡？切晒4x4後，發覺喺中心嘅2x2係有一層芝士，似係平時卡夫片裝芝士，認真講，呢個【多芝味西多士】就唔多芝士味喇。雖然本身都唔多期望，但可能都係個西多士嘅溫度影響，送到嚟已經室溫，室溫又唔融嘅片裝芝士唔凍唔熱咁，可以好食到去邊？難食又未至於～不過熱少少同加多少少芝士應該會幾唔錯的！

做完嘢返屋企先食又太晏，加上要同同事傾公事，決定響旺角解決,見到有常餐立刻走入去，趕時間嘛。響我9秒9揀左個常餐嘅同時，同事叫左個晚餐，牛尾？佢話呢度嘅牛尾好食，等左一輪，視覺上佢d 牛尾又唔算太 hea ,不過同事覺得味道未夠濃郁，但牛尾算炆得幾淋，分量黎講都算多～我就欣賞佢幾多蔬菜。至於我個常餐，只能用一個字：飽！黎形容。叫左番茄牛通嘅我見到個分量開始是後悔😂太多啦。不過蕃茄湯底都幾甜，可惜通粉太粉，食多兩啖會飽，牛肉都難咬左D.佢個多士唔空氣，放一陣都係脆的，唔錯唔錯，但個炒蛋有點兒hea, 好似求其塞飽你咁。嘢飲我覺得唔算好飲，所以要講嘅話有得選擇當然唔選擇，但夜媽媽唔想再搵地方就無辦法 粗粗地食住先啦。

係旺角食早餐通常都會黎康年食既，食既係佢地既人情味，康年係旺角有兩間店，兩間都係由兩嗰舖位組成既，我就遍愛去哩間度食，因為新小小，前排黎食早餐，啲姐姐話做到今嗰星期，哩間舖頭就唔做啦，旺角得番一間架乍🤫🤫🤫好啦，我唯有哩嗰星期日日都黎食早餐啦以後就要去舊嗰間嚕旺角租金不嬲都係貴租既，眼見唔少餐廳開完又執，不停loop😢😢不過我相信康年做得住既，話哂係旺角做左咁耐💪💪💪💪講起康年不得不提奶茶同埋新鮮出鑪既墨西哥包，每次下午茶黎到都一定會食，今日早餐就嗌番傳統既火腿通，炒蛋三文治啦，唔係度度都有得轉蛋治架

#double_港式 #double_旺角.早幾天食左個下午茶($價錢忘了🙈)蛋撻💕 酥皮鬆脆 🥚蛋好滑喔 不過比以前退步了一些 茶走香滑🤣－－－－－－－－－🍴餐廳名稱：康年餐廳 (旺角)📍地址：旺角西洋菜南街103-105號地舖.#double_甜.#double_official #double_兩姐妹#double_mango #double_apple #doubleig #doublefood #相機食先 #hkig #hkgirl#hkfood #hkfoodieblogger #hkfoodie #hklife #hk#hk852#蛋撻#酥皮#茶走#茶餐廳#旺角#康年餐廳

每次經過康年，必定幫襯它大大個香噴噴的麵包。因為明天七一要去昂船洲軍營開放日，一大清早要起行，我們要買定兩個芝麻豬仔包($6一個)，及一個流沙雞尾包($6一個)做明天早餐。咦～冇囇雞尾包㖭，點算好。。。放棄改買其他包? 正在苦惱時，有一陣甜絲絲的麵包味傳出，原來一盤熱辣辣的流沙雞尾包出爐，我們真幸運有口福。買完麵包，發現原來康年不只有樽仔奶茶，還有樽仔咖啡及樽仔鴛鴦，每枝$22。我以前試過它的樽仔奶茶，但我認為還是在康年嘆它的熱奶茶最有風味。

以前我屋企樓下有間康年餐廳，差唔多買親麵包都係幫襯康年，最喜愛佢哋啲新鮮出爐傳統麵包。早幾年樓下間康年結業後，我住所附近再沒有咁正啲出爐麵包。今日下午出去旺角西洋菜街康年，雖然不肚餓，但忍不住入去食個菠蘿油。熱辣辣菠蘿包，加埋鮮牛油，真係好正。跟著食杯紅豆冰，簡直好過去洒店食自助餐。

華星、康年、太興、民華、翠華、金華、樂園、瑞華、明棧在旺角太子都算是數一數二的本土餐廳。食盡這麼多家之後，真心覺得康年的質素最高！！！CP值最好！首先十級推介：⭐️⭐️⭐️⭐️⭐️凍鴛鴦/凍咖啡一般茶餐廳奶茶是用配方茶葉，以2-3款不同的茶葉碎混合，做出色、香、味三方面的混合。要做出茶味濃郁並能夠保留茶香這已經不是普遍茶餐廳可以做好，但康年做到之餘，加入極濃郁的咖啡膽之後，完全做到了茶味濃郁、奶香幼滑，真的是很高質素！第二推介：⭐️⭐️⭐️⭐️多芝味西多士（光線問題，我醜化了這西多士，對不起。實物色澤好很多。）西多士一上碟就已經很加分，比平常看到的更厚，而且因爲是新鮮油，西多士的色澤完全是金黃色，一點油膱味都沒有。切開一看，之所以比一般更厚是因為有3片白麵包，一層塗上芝士醬、一層塗上傳統顆粒裝的花生醬，雖然好邪惡，但很值得一試。雞脾雜菜沙津炸雞脾反而遜色不少，皮夠脆但肉太乾。暫時來說，我覺得康年的咖啡最能代表香港茶餐廳飲料😋

去茶餐廳食下午茶，嘆菠蘿油和茶走，實在係一件賞心樂事。尤其是新鮮出爐的菠蘿包，再加一片厚切的鮮牛油和一杯熱辣辣茶走真係諗起就想食。剛好身處旺角，知道附近的「康年餐廳」有新鮮菠蘿油，一於帶埋朋友一齊入去嘆一嘆。一行入門口，即刻聽到有伙記大叫［蛋撻新鮮出爐］咁就梗係叫返個試下啦。果然係新鮮出爐，一啖咬入口俾佢辣親個咀添蛋撻皮很酥脆，食完成咀都有皮碎痴住。個餡很滑，不過略嫌唔夠甜，淡口少少。菠蘿油真係一流同樣新鮮，而且菠蘿皮勁脆。入面一塊厚牛油，溶在個包裡面，食落充滿牛油香味，好食！同埋佢size都唔細，食完都飽飽地。至於雞尾包，味道都唔錯，但不及菠蘿油和蛋撻。佢比出面麵包店賣的更大個。之但係我覺得入面的餡未夠濕潤，食落去有點口乾。至於杯茶走，茶味都頗香濃，不過口感唔夠滑溜，尚有進步空間。有時大家行開旺角，口痕想食少少野的話，都不妨來這間茶餐廳食個新鮮出爐麵包。

今日出到街，有啲肚餓，入咗間茶記，叫咗隻，有奶黃的墨西哥包，隻包入口幾柔軟，個面小小脆。個心啲奶黃，唔太甜，流心感都十足，有淡淡的奶油香，如果再配杯，走糖的熱奶茶，禁就真係優質配搭。真係飲啖茶，食個包，慢慢坐。熱奶茶，就覺得茶味唔夠，奶味就ok ,由於我就比較鐘意，茶葉味重的，要茶味濃，先夠香。總結，30蚊左右，有包食，有茶飲，重可以坐一坐，係油尖旺，係禁上吓，逛完街，回一回氣，再逛過街，是常識吧。

栗米肉粒飯ok 但服務態度勁差 特別係某個男侍應明明叫咗杯紅豆冰又黎咗杯凍啡 佢話要加錢 我咪話加囉 佢又鬧 有個女人食牛腩飯都聽到佢鬧個女人 咁嘅態度叫人下次點幫襯 唔係肚餓都唔去呢間！

適逢今日同成兩年無見既朋友聚舊還掂近旺角呢頭大家又係食肉獸一於帶佢去据塊靚排先！其實呢間早喺前年同迪士尼班舊同事食過由其係呢間啲排的確做得幾出色有令人回味之處所以一於就帶埋朋友黎覓食下啦！我地9點度黎到都唔算好多人所以有卡位坐一坐底二話不說即刻拎個排類Menu睇 XD我就叫左荷蘭牛柳5成熟5成熟放落鐵板度熟度剛剛好另外呢款有煙肉包住牛柳顯得菜式既心思食落唔會話有渣而且脂肪比例剛剛好抵讚另外有包埋焗薯焗薯配上煙肉碎沙律而且焗得剛剛好薯仔唔會話好乾套餐有包埋餐湯餐包同野飲140蚊買返個回憶絕對值得！

雖然旺角茶餐廳眾多，但可能臨近新年，所以到夜晚11點仍然好多人～眼見平時食開果間坐滿人，想坐得稍為無咁逼，所以黎左呢間康年！雖然都9成滿坐，但都有個卡位坐下叫左個瑞士汁雞翼撈出前一丁、一個就撈天使麵～因為怕肥所以揀天使麵，但我錯了🤦‍♀️撈一丁係好味好多，天使麵本身陣味有點怪，撈埋瑞士汁都蓋唔到～而雞翼，望落好靚好吸引，味道是不錯的，但.......肉質淋到有點過火，6隻都好淋🙄凍好立克，好甜，甜唔代表濃，係因為落得粉少而加多左糖，失敗

本身諗住食附近既冰室但大排長龍，所以揀左食旁旁既康年，$43蚊有多士；炒蛋；叉燒公仔面或者牛肉通粉！多士熱得黎好脆，炒蛋好滑不過無咩味，叉燒偏甜，通粉大大份！會encore