康樂茶居

營業中

休息中

話說2022年第一餐居然食咗啲唔知食唔食得落肚嘅嘢，叫咗個鮮茄豬扒飯，嚟到一路食一個吐啲一粒粒硬米出嚟，好似未煮熟咁！大佬！而家我唔係嚟食煲仔飯呀！豬扒好夠淋，好易咬，梗係，因為搵嘢嗱到完全無晒豬扒味，入口食到陣嗱喉嚨嘅味道！食完唔知駛唔駛睇醫生！疫情其間啲侍應姐姐連口罩都帶唔好就周圍行嚟行去遞餐比人！人哋食緊飯仲響周圍掃地！極差！！！點解會有啲咁低質素嘅餐？！平時食嘢比較少留意價錢，聽朋友講話呢間嘢今日仲要加價，哈！香港多幾間呢啲餐廳簡直係飲食業嘅悲哀！！！

要趕去郵輪碼頭接船。所以一早就到達九龍灣工業區準備。但因為時間太早，那邊餐廳和設施都未開。所以就選擇在附近九龍灣食點東西。慶幸還有這間餐廳。這間餐廳我當日去到時大約6點左右。那時其實已經有食客在食早餐中。係咪24小時我就唔太清楚了。因為那時有兩個姐姐，一個是新人，一個就好嚴肅工作中。唔太方便打擾佢哋。講返食物：鳳爪排骨飯早市只有這個Size。但對終一個大人來說都夠食。如果唔夠食都可以令加點心。點心價格有平有貴。自己選擇和衡量。鳳爪只有一隻。當日試過後都覺得幾好。排骨比較「淋」身。好似比老友記食到那種質素。那個飯都算熱。豉油自己落。本人唔建議落太多。因為本身都夠味道。當日一個人只點選了一個飯。因為放點心位離自己太遠。這裡好似大部分人都自肋餐。我拎杯和茶都自己落手落腳做。但我又唔太介意。因為我喜歡濃一點又可以淡一點又可以。這裡又唔需要收加一，只需要收4蚊茶錢。我在這裡坐了差不多四十分鐘。大部分人都點西餐早餐。可能因為比較快。其實飲茶都快。沖完茶後任飲。比飲西茶更抵。下次如果再那麼早到九龍灣。都可以再去試。這裡坐得舒服，無咩人會打擾自己。

公司係九龍灣，有時都會行去工廠區個邊食，因為價錢相對親民。康樂茶居係區內算係老字號餐廳，唔少係九龍灣返過工既人都知道依間茶居。餐廳環境雖然比較舊，唔算坐得舒服，但勝在食物價廉物美，唔洗去酒樓都可以食到一盅兩件！今日同一班同事黎食，叫左蒸飯同點心一齊食。蒸飯原本想叫鳳爪排骨飯，但賣晒，所以就叫左臘腸滑雞飯同鹹魚肉餅飯，雞肉幾滑而且已經去左骨，肉餅肥瘦適中，配埋豉油一齊撈黎食，好好食！點心款式都幾多，一般酒樓有既點心都有，而今日叫既點心，我最推介义燒包，因為佢個义燒醬汁整得好好食！最後埋單一人都係35蚊，係九龍灣黎講真係好抵食，野食又好食，價錢又唔貴，所以真係物超所值！

本身見到依間餐廳好似好舊咁，都無乜吸引到入去幫襯！但聽同事講好抵食，而且啲野食仲要唔差，所以就搵日lunch去試下！佢啲蒸飯好好食，仲有好多款揀！今次淨係影左鳳爪排骨飯同臘腸滑雞飯！兩個都好好食鳳爪排骨飯係連個飯都好香排骨味，入哂味！至於個滑雞飯個雞都好滑～加埋豉油真係好好食！一個飯再配埋一壺茶都係三十幾蚊，超平！另外都可以拎點心食，燒賣蝦餃牛肉球馬拉糕依啲傳統點心都有，熱辣辣可以自己去揀，味道同酒樓差唔多但價錢就平好多！今日七個同事嗌左4個蒸飯同4個點心埋單每人$33！間中食餐咁平仲要好食嘅真係好開心環境當然相對地坐得咁無舒服同嘈啲，但一餐半餐絕對無問題啦！

今次已經係本月第二次光顧，同事本來唔願意帶我嚟，因為我怕汚糟。但其實還可以，想像中滿地油汚或枱面污糟嘅情況都無。食物質素及價格絕對區內抵食之選，午飯食得愉快又飽足，選擇又多！點心自取，見到喜歡嘅便自取。最傳統嘅蝦餃、燒賣、牛肉、叉燒包、雞扎、牛肚及蒸飯，蒸飯有多款，只欠炒粉麵飯同腸粉，另外有湯粉麵部。各式腸粉只在早上供應，午市未能食到好可惜，可能因為午市比較忙碌。如果時間有限但又想飲茶，此處實在可滿足大家要求。請留意，餐廳只收現金。

今日系星期五，要返工感覺麻麻，甘耐冇飲茶，又難得早左返公司，平日朝朝都茶餐廳甘悶，今日決定要吾同d,去飲茶 依間聽同事講，已經開左好多年，我心諗，開得甘多年一定有吾錯的地方我叫左2樣野，燒賣及叉燒腸，坦白講，質素一般，但勝在入面環境有d懷舊，有暗黄的光綫，舊式大排擋个d圆桌擺系酒楼入面，出面仲有2張桌子for 煲煙客邊煲邊吃，好自由！廢話小講，去相先!!系九龍灣工業区依d地方冇乜好食，其實都算系甘，始終有時都要支持下舊式食店，否則香港等時就會變到只有大企業經營，冇曬小店！

估吾到九龍灣工商區都有早茶飲好有大陸Feel入到去看到有位自己坐底之後啊姐行埋黎問食西式早餐？定系點心？飲咩茶？ 我話點心 溶普洱吾該! 見到糯米雞$20 想叫雞點個啊姐話雞賣曬為有食其他…望左望墻上面既餐牌叫左籠鵪鶉蛋燒賣$17整體上都OK，梅菜肉餅飯$32梅菜系甜梅菜好味不過D肉餅就好多肥肉，叫多個燒賣$15味道OK不過又系超多肥肉同鮮竹卷$15蒸到淋曬完全無味…試過就算…

發現在公司附近有間茶居，除了茶餐廳都有提供的早餐外，最重要的是有一盅兩件，可以回味一下兒時早茶的感覺。這個鳳爪排骨飯雖然好像小了一點，但對於早荼之後還要返工的茶客來說是可以的。除了夠熱之外，飯也很綿，排骨與鳳爪也很易入口，是經典荼居的風味。另外還加了一件點心，就是燒賣了。一籠有四件，大小適中，味道也很好，沒有太多的肥肉。在晨早來一籠真的很滿足。然而因為只是一人獨享，所以只能來一盅一件。如有機會，下次才選多一點來吃吧。

沒想到係工廠區搵到一間可以飲茶既餐廳因為太餓,所以沒拍照,不消十分鐘就被我食哂裡面可以飲茶食點心,都可以叫碟頭飯食。我叫左一籠蝦餃($15)同一盅鳳爪排骨飯($29)鳳爪排骨飯比酒樓既size大一倍,但價錢相對地貴一倍食物方面算係中規中矩。但蝦餃皮就略為厚少少,美中不足不過我覺得係工廠區可以飲到茶都唔錯架啦。附近上班既朋友們可以一試,如果吸煙既朋友都唔駛驚,出面都有位置方便吸煙人士一個人去會略貴,最好叫埋幾位同事或朋友去食

於九龍灣這麼歷史悠久的康樂茶居竟然還沒有人寫過食評於附近如想午間享受一盅兩件, 不計較環境的話, 其實這裡是一個很好的選擇, 價格比上酒樓要平一半, 食物有過之而無不及, 只是環境較為嘈雜及迫狹最令人感動的是這個鵪鶉蛋燒賣, 現在香港人講求健康, 已經很少地方會供應如此邪惡的點心(但剛翻查維基, 才知一隻鵪鶉蛋的膽固醇和卡路里成分大約是一隻雞蛋的三分之一，並不特別高)鵪鶉蛋獨特的香雞蛋是完全趕不上的燒賣皮薄而滑, 但包得不是太好, 夾上去很容易令鵪鶉蛋及豬肉散成兩截豬肉沒有太濃, 整體清淡點反而更好, 沒有蓋過鵪鶉蛋味道其他點心亦沒有令人失望的, 附近上班的同工絕對值得一試