康樂茶居

營業中

休息中

本身見到依間餐廳好似好舊咁，都無乜吸引到入去幫襯！但聽同事講好抵食，而且啲野食仲要唔差，所以就搵日lunch去試下！佢啲蒸飯好好食，仲有好多款揀！今次淨係影左鳳爪排骨飯同臘腸滑雞飯！兩個都好好食鳳爪排骨飯係連個飯都好香排骨味，入哂味！至於個滑雞飯個雞都好滑～加埋豉油真係好好食！一個飯再配埋一壺茶都係三十幾蚊，超平！另外都可以拎點心食，燒賣蝦餃牛肉球馬拉糕依啲傳統點心都有，熱辣辣可以自己去揀，味道同酒樓差唔多但價錢就平好多！今日七個同事嗌左4個蒸飯同4個點心埋單每人$33！間中食餐咁平仲要好食嘅真係好開心環境當然相對地坐得咁無舒服同嘈啲，但一餐半餐絕對無問題啦！