康瑞涼茶 (已結業)

呢間鋪本身係做涼茶機緣巧合下老板個朋友介紹佢做仙草芋圓咁先開始呢間涼茶糖水鋪咁呢間最出名就係特式仙草百配有薏米，西米，紅豆，仙草，芋圓，小丸子同珍珠有凍有熱其他糖水都多人揀既例如腐竹蓮子，酒釀桂花同埋椰汁西米露今日我得一個人就食左仙草百配上次試過酒釀桂花都好唔錯另外一提呢到有涼茶賣功效非常唔錯上次打完邊爐喉嚨痛飲完冇糖菊花茶 夜晚就冇事喇今次就外賣左一枝解毒清肝茶 特別適合捱夜 劈酒 食煙既人飲大家可以試試

之前見過雜誌介紹「康瑞甜品」，所以特別到荔枝角道一遊。店鋪下午4點先開始營業，至到晚黑12點～所以唔好太早嚟。而4點過少少到達，店內已經坐滿八成人，實在太旺場喇！既然沖朝著芋圓而嚟，當然要選擇人氣超強嘅「特式仙草百搭」，盛惠$25！非常抵食！材料好豐富，有芋圓、地瓜圓、西米、紅豆、黑珍珠、小丸子、仙草...可揀凍食或熱食，圖中為熱食。熱食嘅芋圓、地瓜圓口感特別煙韌，QQ彈！粒粒獨立分明，仙草特別滑溜、輕盈，其他配材都製作得好好，好好味！！當每樣都做到好好嘅時候，配埋一齊就變得天衣無縫喇！絕對可以重拾去台灣初嚐芋圓嘅驚喜感覺！大愛！心中喜愛嘅甜品名單又多一間喇

深水埗好多出名湯水店，這間我好支持它，由街檔做到入店鋪內環境舒服，不用坐街啦仙草即是涼粉，滑溜溜，滑入口腔直入喉嚨，好好味，有淡奶調色，竽圓彈牙爽口，地瓜丸黃金色有咬口，小丸子細細粒，西米露清瑩透明紅豆湯好香，滋潤養顏，配圓子超好味雪耳超口滋潤，加入紅棗配丸子，嘩，養生好抵食，價錢合理

最近天氣涼左,又乾燥要去食返d糖水滋潤下搬左入鋪後第一次食..叫左個熱既<紅棗雪耳配芋圓>芋圓口感夠煙韌,可惜蕃薯芋頭味唔重不過天氣凍食碗暖既糖水,真係好滋潤同溫暖

係深水埗食完晚餐之後就特登行過嚟 諗住試下近排好hit既糖水 夜晚9點半 係門口等左十分鐘左右就可以入座糖水既種類唔多 但勝在夠多花款我就揀咗最出名嘅特色仙草百配 ($25) 一擺上台見到係雲石紋就覺得好治癒 我就係為咗呢個紋理而來的除左芋圓.地瓜圓.小丸子.西米.珍珠 仲有紅豆.薏米等等 總之就係一碗滿滿好足料 芋圓煙煙韌韌 仙草滑溜溜 拉番岀個平衡點 唔會太甜 感覺好健康男朋友就揀咗椰汁西米露配芋圓 ($25) 因為佢聽日要返工 所以要揀白雪雪既糖水 寓意white call喎一放上枱就係見到一碗雪白既椰汁 但係用隻匙羹一舀起就好有驚喜 又係粒粒既丸子 熱辣辣好滿足啊 呢碗就相對甜少少 但一樣咁高質

見證住呢間鋪頭由中醫館小小一角，變到依家自成一鋪。鋪內環境寬敞舒適，幾乎每次夜晚黎到都座無虛席。-餐牌有十二款選擇。試過唔同款式之後，我同朋友一致認為特式仙草百配最出色😋價錢親民，大大碗，配料豐富。撈匀煉奶後就可以開動！芋圓同地瓜圓份量頗多，煙煙韌韌，有淡淡既芋頭同地瓜香。每一啖都有齊紅豆，西米，薏米，黑珍珠同仙草，口感豐富，又唔會好甜，好滿足。食完晚餐再食呢碗甜品，真係超級飽呀！-味道未必出色到令人驚艷，但勝在價錢親民，用料豐富，每食一啖都有滿滿既幸福感，極度推薦👍🏻

我次次食特色仙草百配都唔會厭倦,每碗都有好多芋圓,地瓜圓,小丸子,涼粉等等😀 好足料,食一碗即飽😜每碗特色仙草百配有大量仙草😀，仙草有滑, 仲帶有淡淡甘香😊芋圓、地瓜圓、小丸子都好煙韌😜、彈牙，口感非常好, 甜度適中😍！每碗仲有好多西米、紅豆、薏米、珍珠😋~ 平價價錢能夠食到咁多款材料、又高質👍真係好抵食💟我地夜晚8點去,唔洗排隊就即刻可以入去堂食,到左夜晚9點開始,就要排長龍,等位先入到去食😜想食就要早d去啦😀～

每次經過呢頭，都會心思思食康瑞芋圓。呢度嘅芋圓好足料，除咗仙草、珍珠、紅酒、薏米、西米等等，仲有地瓜圓添。地瓜圓都幾重番薯味，食落好煙韌，仙草又好順口滑溜，有陣陣甜味，好似食好多都唔夠咁。加左奶之後，都幾中意milky taste, 仲滑左添！

經常都會有一種迷思，一間鋪頭出名後， 或搬離舊舖,或充營業之後,啲嘢食是否都會變差？ 而呢個迷思亦正正可以應用喺康瑞涼茶。自從兩年前食咗之後就覺得好食，中間都幫襯過一，兩個月，但佢搬之後食過兩次，兩次都覺得有越嚟越差嘅傾向。一向都係食開佢嘅仙草芋圓， 以前覺得芋圓煮得好 煙韌 柔軟, 奶的比例好好，一上枱已經令人好有食慾。 但最近兩次芋圓好似因為時間關係，煮得唔夠淋， 而且草草將d涼粉舖上面, 我以為自己叫咗碗涼粉食, 而且奶份量偏少，雖然伙計話都係用一粒份量的奶落去， 但感覺唔通，可能係太多涼粉的關係？

一大班人係深水埗食完飯想食多個甜品吹多陣水友人推仲呢間仲話成日特登黎食去到未夠9點都要等位好彩等左10分鐘左右就有位簡直便宜物美25蚊左右仲要足料大碗正紅豆沙配上 芋圓小丸子味道一流煙煙靭靭

第一次去食康瑞嘅時候無做足功課😿😿搞到撞門釘 未開門無得食😕所以大家要記得記得 佢哋係16:00先開門❗️今次第一次去 食完飯本身飽到痴線但女人嘛 食甜品緊係有第二個胃🙈去到嘅時候係差唔多8點 唔使等位不過入面啲員工都唔會太理你所以多數見到有位就自己坐坐低咗就望一望餐牌唔係太多選擇 但都係佢嘅招牌—芋圓 地瓜圓我叫咗個暖胃嘅薑汁配 唔知點解真係好鍾情於薑汁嘅嘢😹嚟到嘅時候估唔到佢有啲蛋花喺面都幾好食芋圓同地瓜圓都幾煙韌 有咬口亦都食得出真材實料整嘅味道唔會好假最好飲都係薑汁 雖然嗰日唔算好凍 有啲風但飲完薑汁個胃真係好暖好舒服男朋友叫咗特色仙草百配佢食完第一啖就話 咦 都唔凍嘅碗仙草百配入面係無冰嘅所以應該係本身啲材料擺咗入雪櫃有人叫先整出嚟畀客人所以入口唔會太冰太凍☺️☺️總括嚟講 呢次體驗都唔錯嘅店員唔會趕人走 環境亦都幾乾淨衛生男朋友仲買咗支涼茶 都幾好飲咖大家都食開都可以買嚟試下

聽人講深水埗有一間一間涼茶舖話有芋圓食，好似好出名又平，放假既時候，食完晚飯就同朋友聚會，然後去試吓呢間糖水店，最出名當然係仙草百配啦， 一碗只係＄25， 價錢真係算幾平，其實糖水來講都算可以接受價錢， 入邊有好多種配料，加埋一齊食都幾好食， 整體感覺好有口感另外，配料又多又唔同種類， 芋圓就比較細粒，但係由於好多配料嘅關係，都可以一試！ 但最大問題係好多人等位到夜晚嘅時候，所以你食完嘅話佢會好快收走你嘅嘢， 想坐啲傾計嘅朋友就諗下先好入去食但都可以一試既

食完晚飯，朋友介紹去食人氣糖水鋪：康瑞！一行7人中的6人都叫咗no.1的特式仙草百配芋圓、地瓜圓、小丸子。一碗$25，份量好足，超級抵食！糖水唔會太甜，除咗芋圓、地瓜圓、小丸子、仙草，入面仲有紅豆和蒠米。頭三樣煙韌彈牙，好有咬口；第四樣清新滑溜。轉眼間食晒一碗，好滿足！

聽就聽得多啦行開ssp 就黎食下估唔到4點一開鋪就已經有人等位康瑞好好有椅子比等既人係門口坐下😌等左15分鐘就到我啦今次叫左 「椰汁西米配」同埋「特色仙草百配」Order 左5分鐘糖水就黎到☺️仙草清新唔會太甜芋圓超有咬口♥️一定會再黎食嫁走既時候重外賣左個番屋企encoure 外賣包裝會有埋奶精（是用ucc 的獨立包裝）表示欣賞，住得遠都唔驚會變壞。2個人成為$100 4碗糖水🤗 抵食 下次去ssp 必定encore 的☺️**另外 鋪頭環境好乾淨衛生食得安心又有效率

食芋圓都係呢間最好味，樓面係以前個中醫師。叫左兩碗三個人食，好好味又唔貴，芋圓軟熟又夠味，大量仙草喺底，食完心理上覺得會無咁熱氣，做飯後甜品好滿足，下次要一人一碗先夠。