康蘭餅店

營業中

休息中

康蘭餅店 香滑一口蛋撻每次去長洲，都一定要買 #康蘭餅店 嘅糕點，以前Zaza會揀葡撻同椰撻，但今次咕吱話事，落Order要試試蛋撻😋蛋撻$3一個，唔貴，好抵食😍 而且，Size小巧精緻，好啱小朋友食，大人仲可以一啖食哂添～講返味道，啱啱出爐嘅蛋撻，唔止熱辣辣，聞到牛油香都食指大動；蛋撻皮焗得酥脆，滿滿牛油香，餡料香口又滑，唔太甜，食多幾個都唔覺膩😛最重要係，竟然唔使排隊就買到，真係幸運👍♦️♦️♦️♦️♦️♦️♦️♦️📍地址 ：長洲大新海傍路91B號地舖⏰營業時間：星期一至日：06:00 - 19:30☎️電話：29815218

2點半到，有啱啱新鮮出爐嘅迷你蛋撻同椰撻，$3一個，$18/6個，其實姐係買多啲都冇平啲，好似加左價，之前係$10/4個，不過而家都仲係好抵食🤣大排長龍，不過店員速度都好快，排咗大概5分鐘就買到。各買左一個試下，啱啱出爐熱辣辣，牛油皮焗得好脆好好食，我覺得蛋撻比椰撻出色。細細地一個，可以一啖食一個。本身打算離開長洲之前買平安包返去，可惜4點再返到餅店嘅時候，平安包已經全部賣晒。.康蘭餅店 (長洲)長洲大新海傍路91B號地舖

Searched for Pangan Bun before going to cheung chau and i found two popular bakery one is hong lan bakery, one is Kwok Kam Kee having history 50years+, because wanna try some portuguese tart, egg tart, and coconut tart here so picked this Hong alan Bakery and it didn’t disappoint usPangan Bun with red bean flavor, only one left when i go to buy sosad, luckily still got one haaa pingpinganan everyone(;Small egg tart is yummy, even not as rich as Portuguese tart though the taste is good with smoot

去到呢家店，我嘅目標只有一樣 - 搵尋最正嘅葡撻。望落，個葡撻嘅焦糖層閃閃發亮，外皮香酥得嚟唔會過份油膩，咬落去正！蛋撻餡滑得嚟唔會太甜，好似奶香四溢嘅雲呢喃一樣，融化喺口裏，留住淡淡嘅焦香。吓，椰撻都唔錯喎，賣相普通但食落個心口感真係出晒意料，餡料香口得黎又唔膩，皮脆餡幼嘅口感實在太正！🥥椰撻嘅椰絲甜而不膩，細細個一啖啖，每啖都係享受。蛋撻皮酥脆入味，小巧精緻嘅size正好一次過嗌兩隻。🍮 每啲甜品都好有自己嘅風格，令人食一啖仲想多一啖。總之，下次見到呢家店，記得撲個葡撻試下，唔好錯過咗呢個簡直係甜品裏嘅瑰寶！👑

每次牙痛，腦海中都會彈出兩個字! 長洲!因為長洲牙醫質數極高，當年住長洲幫襯過之後就搵唔到比佢好嘅牙醫，今之又返嚟長洲因為牙肉腫痛! 攪到臉腫腫唔令仔㖭!睇完醫生之後，女友小熊嗌肚餓，於是同佢去寬就食碗河粉先，食完都未多夠喉，於是再去康蘭餅店買細細個嘅蛋撻仔.但凡啱啱出爐，不論麵包定 pizza 定蛋撻, 必然好食! 我食到個蛋撻心係辣咀! 救命! 我牙肉腫痛仲要辣親個咀! 蛋撻細細個夠可愛可以一啖食哂，長洲必食!轉頭已經賣哂了! 唉..... 當年嘅長洲人傑地靈，依家嘅餐廳數量多出3倍! 邊會想到咁熱鬧呀!

东西好吃，价格便宜，非常棒呀～看上去很多都是周边的居民在光顾🍃环境：环境非常普通主打一个接地气💰性价比：性价比非常高啊都挺便宜的…可以说的香港消费洼池🫣🍙口味：🥚 小蛋挞 💰1515块💰🈶️6个小蛋挞蛋挞和椰挞混装两口一个，相当好吃也不会过于甜腻，奶香味浓郁🥠 奶黄平安包 💰10平安包都是10元一个的各种口味～实在是太大了，有被正经到关键味道也不错耶..总体不错，后悔买少了，下次还要多买些，物美价廉

話說嗰日我想黎呢度買個平安包啦我淨係講左句 唔該 我想…個阿伯已經好惡咁咆哮：咩啊？🤬問完之後 佢又係咁：賣哂啦喎！ 我即刻走左 你咁既服務態度 唔趕客至奇😑我記得上次黎 係一個婆婆 態度一樣差 生意好 巴屎閉 呢句說話果然係真的

#chowweisik鹹#chowweisik長洲有一次咁啱落船嘅時候經過見到新鮮出爐而且有幾個街坊幫襯就試過去嘅蛋撻，同椰撻之後基本上每次落船都會行過嚟睇吓有冇新鮮出爐如果有嘅都會買🤭❤️‍🔥一🐾 椰撻｜$10外脆內酥嘅口感椰絲都好足料🥳依個推薦啲！！平時甚少食椰撻嘅我都會忍唔住食幾個一🐾 蛋撻｜$10係曲奇皮嘅蛋撻好鬆脆 蛋醬唔會過實一口過好方便一 🚏 康蘭餅店 (長洲)長洲海傍道91號B地下

以前入長洲一定會搵芒果糯米糍同埋魚蛋😂 但係現加係市區太易揾到代替品，所以都無再特登走入嚟食😂 行下行下見到一堆人圍住呢間麵包舖，見到好多一個個好細嘅蛋撻仔覺得好得意，但由於未肚餓😂 所以諗住一陣返轉頭先買🤭 原來會好快賣哂🥲 講緊我係平日晏晝去‼️ 之後我決定等佢出爐‼️ 等咗五分鐘左右就有，不過先拎出嚟係椰撻，由於佢新鮮出爐嘅關係，所以先決定兩款都要🤭 喜出望外嘅係椰撻‼️仲好食過蛋撻🤤 絕對係外脆內軟，仲好香椰味🤭 反而蛋撻食落去無乜特別，但都ok嘅，細細嗰易入口，唔使食到咁論盡😂$10/4個，絕對值得你過下口癮🤭 我會列佢入長洲必食，勝在夠平，又細嚿😂 唔驚食咗佢食唔到其他嘢🤓

媽媽知道我入長州，千叮萬囑我買個平安包番屋企🤣🤣🤣應該想求個意頭，平平安安，順順利利，個包番蒸番都ok，好軟熟，裡面係蓮蓉，好似食緊壽包咁😆😆😆😆

今次去長洲經過呢間康蘭餅舖，見到佢啱啱新鮮出爐迷你蛋撻同埋迷你椰撻立即排隊買泥試一試先，另外我見到佢仲有葡撻同埋其他麵包買嘅好彩佢一出爐我即刻排咗隊，估唔到2分鐘都冇條隊咁多人排🤣🤣🤣我叫咗三個迷你蛋撻同埋呢一個迷你椰撻試下🙈🙈🙈$10/4個自選迷你蛋撻或者迷你椰撻，非常之抵食👍🏻👍🏻👍🏻啱啱一拎上手仲係勁熱辣辣，講咗蛋撻先啦🙈外層係牛油皮，尚算薄身，蛋漿蛋味好濃郁又滑身，食落淡淡蛋香味😋😋😋牛油皮好脆身似曲奇咁樣🍪🍪🍪迷你椰撻本身麻麻地，所以叫左一個，點知都好有驚喜，椰香味好出🔥🔥🔥質感有少少似蛋糕仔，下面都係有層牛油撻皮。性價比極高， $10有四件食，Size大約係一口一件

每次黎長洲都必去幫襯下，今日聖誕假期，遊客多大排長龍，大家都係為左買小蛋撻同椰撻。小蛋撻/椰撻，$10/4個，非常抵食。小蛋撻下午新鮮出爐，拎上手仲係熱辣辣，蛋味好滑配上我最愛既牛油皮，真係一口一個食唔停😋

上網介紹，來長洲要食呢一間迷你蛋撻仔，心諗真係咁好食！蛋撻係我喜歡食物嘅其中之一，於是便一試，口感，味道，皮嘅厚薄，感覺同其他蛋撻沒有分別，只是mini 版，10蚊4件，經過可以買來一試，但不要有過高的期待。

環境📍4/5 易揾 落船行5分鐘左右就到食物🥧 4.5/5蛋撻葡撻椰撻都好好食🥰蛋撻同椰撻都係$10@4個 勁抵係mini size黎好啱我呢啲咩都想試嘅人蛋撻勁滑 有蛋香個皮係牛油皮(?) 食落有啲似曲奇 幾脆 有驚喜！椰撻都幾香 麻麻哋椰撻都我都覺得可以一試 如果佢再大個啲 我就覺得甜得濟 有啲過左同膩而葡撻就正常size $8@1個一樣好香 甜到啱啱好 個皮同蛋撻一樣 🥇蛋撻 🥈葡撻🥉椰撻價錢💰 5/5性價比高 冇得輸服務🙋🏻‍♀️3/5正常啦⭐️提提大家佢3點左右出爐 要排隊架

我每次入到長洲一定要買個平安包，寓意平平安安，順順利利。買平安包肯定去康蘭餅店。💫平安包有4款：芝麻蓉，黑芝麻，蓮蓉同豆沙，今次買左豆沙，豆沙好滑，個包好煙韌，系一個好食的豆沙包。全部都系10蚊個。買平安包的時候，剛剛撞正蛋撻出爐，熱辣辣，香氣十足，10蚊有4個，咁抵肯定要買來試下啦。蛋撻比平時細，系曲奇餅底，蛋香好濃，甜度偏甜，系我細細個時候食的味道。員工服務態度都真寫好麻麻，問下蛋撻系唔系就來出爐，就已經好唔耐煩都唔想答你咁😩