康記粥店 (已搬遷) 新店位置

吃過"人氣"拉麵後, 我倆在大坑遊盪, 順道找些甜的。 途中見到一位伯伯在拉腸粉。雖然當街當巷弄吃的可能構成衛生問題, 但是他的一倒一拉著實有宣傳功效! 至少我以及我樓下的諸位, 都有吃腸粉炸兩。夜媽媽, 蝦米腸比炸兩穩陣一點。 只見阿叔一畢一焗, 三爬兩撥就做好幾碟腸粉了。 腸粉油亮亮的, 很是吸引。 吃落口是比想像中厚, 略嫌蔥花蝦米孤寒了點... 不過, 熱辣辣的腸粉是差極有譜的~ 腸粉是兒時的味道, 不造作, 是我喜歡的味道, 更是我喜歡的風味。 見阿叔拉到冇停手, 証明佢呢招都幾work喎。 臨走時見到即拉牛腸, 樣子甚得... 到而家都仲後悔緊。 希望有緣人分享一下食感...

其實黎過康記好多好多次,,,,,不過一直都冇寫.....之前個幾次獨沽一味------豬潤粥!!!大大舊!!!! 用料非常好!!! 勁新鮮!!!粥好綿好香 !!!!真係好好食!!!!最近又去食粥,,,今次轉左 ,,,要魚片粥,,,,都好好食呀 ,,,魚都係好新鮮!!!! 一D都唔sang!好食呀!仲食左蝦米腸 都好滑!!! 加豉油已經好好食!!!之前食過呢到既炸兩 皮好薄,,,, 油炸鬼都好脆,,,, 好食!呢到既炒麵都唔差,,,,好食!!!呢間野全部野食都好抵食添!!!!!!!!!!!!!!!!!!不過衛生真係有待改善LAH.....見到整腸粉既伯伯 ,,,,整完腸粉,,,,, 就去收錢....手都冇洗......仲有個條有黎整腸粉既布,,,,, 都變曬咖啡色......都係叫粥有保証!!!!!比心機改善衛生!

一大早入大坑找吃的, 走了一圈, 順興周一沒開門, 個胃頂住頂住又未能去炳記大戰豬扒麵, 最後選了來康記吃粥。此時人多到坐出店外的, 有點舊時在西環卓記吃粥的風味。顧客多是附近的裝修工人 (因為有很多新店即將誕生了), 還有巴士司機和應是在附近酒店住的遊客等等...有不少已是熟客仔了。也有很多名車經過, 車裡人向店裡的伯伯落單後, 兜個圈回來便可以拿食物。而到店買外賣的人絡繹不絕, 有人甚至邊等邊拿著個牛脷酥在吃著了!我知來康記應該吃炸兩 (事實上這也是最熱門的選擇), 無奈是日腸胃不好, 只好吃豬膶腸粉 ($10), 再來一碗白粥 ($6)。伯伯 (看店內雜誌剪報介紹, 該是第一代店主, 八十多歲了), 在店面即拉腸粉, 不久已有得吃。腸粉厚薄適中, 不是很滑溜但勝在夠飽肚, 腸粉豉油不太鹹; 裡面的切條豬膶有點老了。白粥綿軟清香, 沒有濃厚起膠的質感, 換來的是清甜的米香, 吃得舒服。其實吃在大坑的老店, 味道已不是最主要的因素, 反而暖暖的人情味更值得珍惜。

十一月下旬‧晴都說過，如果粥店賣的是即叫即拉的腸粉，水準該是會高一點的，至少有誠意。在附近跟人喝酒，離開的時候但見這裡燈光火著，有煙飄出來的，原來還有即拉腸粉賣，來吃個炸兩才歸家，也不錯。炸兩即拉，腸粉夠熱，也滑溜，很不錯。內裡的油條當然表現一般，畢竟已放了一天，非戰之罪。而我叫這一味，已經有心理準備了。天黑黑還可以在這裡附近吃到即拉腸粉，不苛求了。也來一碗白粥，清清的，沒有什麼腐竹及白果味，幾有米香，老老實實的。埋單12蚊，夠經濟，也吃得滿足。

晨早落街吃早餐，雙腿自動又向大坑那邊走去。其實這次已是我回港一星期內第三次到康記食粥了。我喜歡吃粥，回港前已查清楚住處附近有甚麼好粥店。店子在內街轉角處，不難找。鋪面很舊，就連拉腸粉的竹架也很舊，告訴人們這是一家老店，在這裏吃粥的感覺，像是回到三十年前一樣。粥是明火煲的，粒粒米花開得燦爛。我最欣賞的是這店的豬腸粉，滑、軟，但有質感，含在咀裏慢慢嘴嚼，真不捨得立即把它吞掉。今朝我叫了豬紅粥和炸兩，可能漏了單的原因，炸兩來到我已把粥吃光了，掌店的爺爺堅持給我添了半碗白粥，免我光吃炸兩太乾。這裏食品的味道純樸不花巧，人情的味道何嘗不是？離去時心和胃都覺得很暖。雖說「像是回到三十年前」，但到底時間對它仍有些少改變，你知道是怎麽？就是公雞碗已不知不覺被三聚青胺塑膠碗取代了。

我一星期起碼有3~4餐o係度食...但竟然一篇食評都無...ok, 依家寫!我首推魚腩粥! 魚腩大大舊無欺場!!幫襯咁耐無食過一次d魚腩係唔新鮮o既!!其實我覺得佢個粥底真係好得, 唔似得海X咁用勁多茨粉煮粥(過份可惡), 康記d粥棉係真係用米煲(唔知有無茨粉,不過我食唔到有).d米仲一定係珍珠米先可以有咁棉o既效果(雖然我唔知o係咩珍珠米) 而且有白果香, 真係煲得有心機. 而且食完唔覺口乾, 好明顯無落味精(or好少我唔知). 出面已經好難搵到咁"樸實有內涵"o既粥底.佢用o既其他粥料就可能真係一般般, 牛肉片唔係好得(太多梳打粉), 但豬紅, 豬膶新鮮爽口好好食. 其他食物方面, 想食好正o既炸品一定要早上/下午一點去, 遲o左就唔好叫喇. 我都ok鐘意個豆漿, 唔係太甜. 好多人唔滿意佢d腸粉係因為佢太厚身(我都同意), 但即叫即整, 好新鮮!價錢方面...無一次用多過$30, $26已經有(生滾魚腩粥+炒麵/炸品+豆漿). 都係好愛佢個粥底

每次光顧都時上十時多, 但人流仍不少, 還有很多人是專程駕車來買粥的今晚仍是叫了我至愛的豬紅粥+腸粉, 粥底軟軟, 腸粉即叫即做,好好味. 合共只是15蚊.粥店家庭式經營, 看見他們一家人齊心合力打理鋪頭, 小朋友又很聽話精乖可愛, 很有親切感,是使我多次光顧的原因之一....

某一天在yahoo網站見到, 有人介紹大坑 康記既粥以家庭式作賣點, 價錢亦平宜亦在openrice 看過別人的評論, 好壞參半. 最近天氣涼涼地, 一於和男朋友一齊來食粥我們由銅鑼灣一直行去 大坑, 找了一會 終於找到了一間老店子, 只有二張枱在店內, 舖內只有二個人,這二個人就是二公婆呀~ (還有四個小孩子添)一家六口 (若我無估錯的話) , 我和男友找個位子坐下, 然後叫了炸二兩, 蝦米腸, 及第粥, 皮蛋瘦肉粥及豆槳一杯平時我在西環食粥的, 今次專登來這兒品嚐家庭式的味道不多不少也抱點期望# 皮蛋瘦肉粥 $12 比起西環哪間平了, 為什麼? 一食就知... 因為呢度既瘦肉不是鮮瘦肉所以比西環平囉, 但呢度既皮蛋好味過西環但粥底就稀咗少少呀# 及第粥 $17 呢碗粥好味得多, 因為呢碗粥比我個碗粥"綿" , 男友話係綿果種感覺, 佢覺得好味, 而我亦試過他的粥底真的比我個碗好味及綿, 原本我想食豬潤粥架, 但又怕不新鮮, 幸好男友呢有者, 我食咗二件都好好味呀, 瘦肉亦入味, good, 下次一定要試豬潤粥.# 炸二兩, 其實係代表炸二條油炸鬼既炸兩咋, 但一點也不好味,

雖然之前來過這區大掃特掃，但當然還有很多地方未吃過，所以今天在吃午飯前，來這兒來點輕吃，吃一碗粥一碟腸粉，試試究竟是什麼龍與鳳。在午餐前的時段，店內只有四五名食客，但似乎以家庭式運作的粥店，樓面加廚房也不只這個數目，而點吃的，個人粥喜歡魚片粥，因為魚之鮮真的非筆墨可形容，而腸粉就較喜歡炸兩，所以為何蓮園會是我的心水餐廳也是這個原因。先來碗魚片粥，十二元一大碗，也可分到三小碗的份量，一舀起來已知出事，粥底偏稀而不太綿，不太有米香，加上吃起來像極白粥，為何魚片粥的粥底不是有味粥呢？感覺奇妙！魚片切得很薄，幸好也不多，不足十片，因為那魚片真的不大好吃，吃起來沒有魚香，其肉質偏霉而似魚渣，真的不知道是它霉還是我倒霉了。另外見門口伯伯努力的在拉腸粒，但好像拉得不太順利吧，塊腸粉皮好像是毀了容一樣，按道理拉腸粉應該是用一塊金屬的鈍刀片，輔助那腸粉皮離開那塊拉布的，為何今天會是用手的呢？另外值得一提的是，此處的炸兩也有三款，有炸一、炸兩及炸二腸，炸二腸要八元一碟，問了店員其跟炸一及炸兩的分別，店員說只不過是份量的分別，做法吃法完全相同，在半信半疑的形勢下吃了最貴的炸二腸，比炸一的五元及炸兩的六元貴得

2009年10月04日，, 21:00多年沒有看火龍，今年趁趁熱鬧。19:30才到達大坑，佔不到好位置，不爽。近主禮臺，各方主禮人致詞、插香、點香、掛彩：花了一小時，火龍才擦身而過。肚餓極，先要補能量，才能再戰江湖在橫街小巷穿插，見店外站滿人，店內疑似有座位，便進店攝位。(嘿嘿！看！獨食的優勢)看牆上菜單，好便宜啊！便要了生滾魚腩粥- 綿厚滑粥底- 魚腩未經油爆，但亦夠鮮甜，夠肥美，- 充滿奧米加3能量。當吃得七七八八時，見同檯食力強的女士，接連加追腸粉。便忍不住要了炸兩，結果出事了。追月夜，有大量睇火龍的過客。店主不停地拉腸粉，仍不停漏單^m^- 潤腸 - 牛腸- 齋腸紛紛上檯，獨欠炸兩，結果鄰桌客人放棄炸兩，搶了碟牛腸。等了廿分鐘才到位- 皮軟滑中帶點米香- 炸麵無火氣，練牙力呀當晚未見三歲孩兒當收銀。莫非她參加了，蓮花仙女的行列題外話：大坑火龍，十年前看過一次。難得的是舞龍的健兒，比年前的更年輕，更有活力。後繼有人在開始前，鼓車剛好停在我身旁。那年長的鼓鈸手們，像樂隊一樣，互相呼應，眼神交流不斷。鼓樂聲牽動了觀眾的心。我愛粥以下連結是我的粥跡：http://www.faceboo

銅鑼灣同大坑盡是富貴人地方卻有一間平凡食店.無冷氣.地方有點似大陸落後地方全店店員都係一家人.可悲的是收銀是一個大約3歲的小孩食物艇仔粥.味道很淡...肉都不是太多.令人驚喜是煮粥的米食落口很滑同碗粥很夾豆漿只是普通貨色....我估店主有4個仔女...一路食一路聽到罵仔女聲....對人客都叫好好...的小孩都好得意我的心情好差.去完我又學到一些道理......價錢很平只是16元....

看過食評，想試試此店的粥點好，即使地方不見企理，也期望食物質素可彌補不足。今天早上專程去到，叫了皮蛋魚片粥、碎牛肉粥和炸兩。炸兩還可以，那粥嗎？非常之普通，用料差又有雪味，和食評上看到的是兩回事。唯一可說是價錢便宜。不過我就不會因為價錢便宜而再去了。

現時在街上的店舖，想食一碗正正常常的粥，經已越來越難。都唔知試過幾多次，出街食完粥，個口會好鹹，或者喉嚨唔舒服，又或者係上下嘴唇邊有一種火燒的感覺。無他，因為有味精，或者係硼砂。周不時會到此小店食粥，因為食完除左冇以上的感覺之外，仲有一種舒服的感覺。店子的地方淺窄，舖內得三張抬，其他的都在舖外；又冇冷氣，冬天仲好一點，夏天其實係食到一身汗。但點解都會來食？因為我真係來食粥。粥底係心機之作，綿度適中，食完的感覺真係好舒服，老闆係一早天未光就開始煲，淨係呢一點，而家都越來越少。其中，白粥、豬潤、豬肚、艇仔、碎牛等，都食過，好。至於其他的食品，腸粉是有特色的，值得試；炒面唔會落太多豉油，我比較鍾意。其他仲有豆漿、炒米、蘿蔔糕、油墨菜都試過，OK。油器則睇你啱唔啱時間喇。最後係價錢，老實講，係超值。同我老婆兩個人食到捧住肚，都係每人三、四十蚊。老闆兩兄弟兩家人同老爹都會幫手，其實係有家庭感覺。但係舖租昂貴，又賣得平，真係唔知佢地頂唔頂得順。未來過，一定要來試試。

　　今日因為要去銅鑼灣攞贈品關係，所以便諗住出去食完野再行一陣先去拎野，出門前家姐提議我黎這裡食粥，因為佢之前黎食過，話d粥品幾好，而且佢因為今日得閒便陪同我與老媽子黎這裡試下‧‧　　 黎到門前，給我感覺係一間很舊式既店子，入到店內見到一些很簡陋既桌子同格局，我地同女店員叫了３碗粥（牛肉粥、艇仔粥、白粥)，此外也叫了炸兩、豬潤腸及蘿蔔糕。　　我既牛肉粥，食落去牛肉味雖然唔係咁強烈，但配合埋個粥拉暈晒味道都感覺唔錯。炸兩，ok，配d豉油辣醬都幾好味。豬潤腸，佢d豬潤係切到一片片的，食落都有豬潤味，都可以‧‧但老媽子覺得豬潤一塊塊會比較好d。蘿蔔糕，好像差小小‧‧可能煎得未夠香卦。　　題外話，這裡店主既小朋友百厭得黎又幾得意，常常拿住個地拖拖住個地下黎玩，雖然猛咁俾伯伯同媽媽（我估）話，但睇他們都是笑笑口的‧‧

　　　　平時間中都會黎大坑食野,不過從來都未食過這間粥店,今次就黎試吓啦...我既白粥味道唔杰,,很合我心意..老公既魚片牛肉粥,,粥底幾好,魚也不錯,只是牛肉比較無味...炸兩唔錯,油炸鬼即叫即做.幾脆...牛腸,腸皮未夠滑,而牛肉則無味.但蘿蔔糕幾好味,是人手刨絲的,即叫即煎...另外,看這間店應該是一家人開的,而店中的爺爺專門即叫即拉腸粉...