廉記冰室 (春園街) (已結業)

今日下午要去灣仔攞貨攞完貨餓餓地，見到間餐廳有蛋撻食（其實我真係好鍾意食蛋撻😆）就咁俾佢吸引咗我入去，入到去睇吓餐牌見到個常餐好似幾抵食，咁就叫咗了菠蘿油配奄列，呢個組合我都係第一次見，個菠蘿油好大個，嗰片牛油好邪惡😆雞扒腸仔福字麵，雞扒都算幾大塊，用福字麵唔係間間餐廳有，其實覺得食咗公仔麵咁耐，食下福字麵其實都幾好食㗎，見到菠蘿包喺度新鮮出爐，其實已經好少餐廳自己有地方焗麵包焗蛋撻，睇來以後有多一個有質素嘅地方選擇了

第二次食這間茶記，之前食佢個茶餐也算ok，今日打算再去，見不用排隊，入去坐低睇吓個餐牌，個女人的浪漫好似幾豐富咁又煙三文魚、又黑松露炒蛋又多士、又沙律菜、又蟹棒烏冬加餐飲，見佢張相個份量幾足，雖然索價$72，都決定食佢，一上枱。。以為上錯餐，差咁遠嘅😱相中明明起碼有三舊煙三文魚、四塊大多士，好多沙律菜。。上到枱得返一舊煙三文魚，一塊方包上放了黑松露炒蛋、沙律菜得幾條。。會否差太遠。。😨D炒蛋又唔滑、沙律菜好似人哋食淨。。墊底果啲菜。。真係覺得自己中了伏，可能有人覺得相同真實不嬲有差別，但佢張相真係會令人以為份量豐富，放位唔同也算，起碼俾返差唔多份量呀嘛，咁嘅份量、質素，我五十幾蚊叫個茶餐也豐富過佢，個收銀阿姐又無禮貌，無下次.

今日同朋友搵地方食下午茶，諗住搵個坐得舒服D嘅地方，經過廉記，比佢嘅落地玻璃同tiffany blue 窗框吸引住，就去試試啦！朋友食星州炒米，我見麵包櫃嘅菠蘿包好吸引，就叫咗菠蘿油，果然菠蘿油係好好食嘅，外皮好脆，麵包鬆軟，加埋塊牛油真係無得輸！朋友對星州炒米要求好高，但佢對廉記呢個星州炒米都表示滿意，首先係米粉炒得夠乾身，咖哩香味控制得啱啱好，至於配料方面份量都比足，以一般茶記嚟講水準算係中上。可能係餐廳太好生意，其實由落單到我地食完嘢侍應嚟收碟，成個感覺都係好趕咁，如果想嘆悠閒下午茶，廉記未必係一個好選擇。

標準嘅茶餐廳又講唔岀有咩好食到爆炸嘅菜式喎，叫咗炒蛋腸仔，餐包，雪菜公仔面，奶茶。奶茶夠香，偏清香嗰種，有啲茶記奶茶太creamy 我反而覺得太膩。菜式味道唔錯，唔會太咸，用料算幾新鮮，炒蛋偏油咗少少。食物唔會有投訴又坐得好舒服。

難食我叫了雪菜肉麵，煎蛋腸仔，凍檸茶凍檸茶出奇地好好飲麵冧，雪菜多肉好少，煎蛋細到好似蛋撻大，腸仔超鹹，環境比較污糟，比起一般茶餐廳，以為大間啲，質素會好點。點知估錯，我就一定吾會再去。

第一次外賣這間冰室的下午茶，同事親自自取，試一下吧點知，太失望啦外表好耐看，超靚，看了想吃但是可能疫情嚴重，魚柳厚身，外皮硬，魚柳不鮮味之餘，薯條炸到好硬，完全系咬柴枝唉，好看不好吃平時很多人排隊食這冰室為什麼，不知道🤷‍♀️

We ordered takeaway from here maybe once every 3 weeks. I like their baked rice but their daily lunch menus are pretty good. Value for money, the pork chop rice is fair, with two big pieces of fried pork chop, tomato sauce and egg fried rice (on the soft side). The place is packed and usually there is a line, even at this time.  Their pineapple buns in the window look great and I always look but never try!Revisit rate: 90% and high only because I like cha chan teng food.

中午時分想喺灣仔搵食，都有啲難度， 就算好唔好食都好，每間餐廳都會大排長龍， 今日見條人龍短咗d，只係有两張二人枱等緊😂😂所以走咗入去試下，如果响灣仔嚟講呢個價錢食個lunch真係唔算貴，而且份量亦相當多，一個女仔真係未必食得哂😂😂至於佢嘅味道就係普通茶記甘，無咩特別，只係cp值唔錯👍不過佢嘅位都幾窄，坐得唔係好舒服，同埋侍應態度唔係甘好，可能係繁忙時間嘅關係嗱，得两三個人侍候四五十人😂😂 但撇除呢侍應態度問題，整體呢間茶餐廳cp值好高可以一試👍

今日經過灣仔肚餓開OpenRice搵下附近有乜食見呢間廉記冰室多正評裝修幾靚望入去又幾多人食緊就入左去食叫左個雞扒撈丁+奶茶四個字 大失所望塊雞扒又細塊又油膩咬兩啖就食完 完全唔夠飽隔離個阿叔食油脾係我塊雞扒嘅兩倍大...杯奶茶一拎嚟睇個顏色已經唔對路淺色到好似珍珠奶茶咁一飲果然冇茶味得奶味成杯野好似奶溝水咁完全唔明啲正評點嚟仲要排隊等位先入到侍應態度都好一般以茶餐廳嚟講算係過得去但啲野食真係好唔掂冇下次

今日有事出左灣仔做野, 所以順便係果頭食lunch。本身都唔知食咩好, 因為唔係好熟路, 但行行下見到有一間餐廳好多人排隊, 心諗應該唔會伏掛😛, 所以就去一齊排隊。排緊隊既時候望到餐廳既招牌既英文寫住「Lim Kee Bing Sutt」😂 幾搞笑, 係幫人學廣東話既途徑之一。我同同事等左5分鐘左右就入得 (因為人齊會比較快), 餐廳面積都幾大, 加上四四方方, 放到好多坐位, 難怪咁快有位。坐低左之後見到個餐牌, 有少少驚喜, 因為餐牌上部分食物名都幾特別, 例如: 男人最愛, 女人的浪漫… (雖然最後我點左廉記茶餐, 因為$58好似抵食D🤭)肉醬腸仔奄列 + 蒜茸法式多士平時係茶餐廳食到既奄列, 入面通常只有火腿, 但呢個奄列係有醬既, 幾特別。一上枱時見到個奄列漲卜卜, 都知道入面幾足料。果然, 一切開, D肉醬就必哂出黎! 😏 肉醬其實就係平時食肉醬意粉果隻醬, 不過入面仲加左腸仔, 有野咬下可以增加口感。不過奄列既蛋皮就煮得老左同乾左少少, 影響味道。而就咁食個肉醬奄列就有少少咸既, 所以我係撈埋主餐一齊食。至於個蒜茸法式多士就比我想像中好食。平時我唔中意食D又硬又乾既麵包

今日同事要去春園街取件，所以提議去廉記食午飯，未行到餐廳，遠處已經見到有10個8個人喺門口排隊等入座，既然行到嚟梗係要試下啦，排咗一陣好快就入座，YEAH 終於挑戰成功。由於灣仔區晚上7點後人流會減少，可能呢個原因，所以關鋪時間比較早，大家要留意番喇。高高嘅天花，裝上一排一排嘅吊燈，彩光非常好。我地點左兩個餐share一齊食。點左個"廉記茶餐" $58: 白汁火腿雞皇奄列+蒜蓉法式多士+叉燒意粉。白汁就麻麻地，有點結好似食緊漿糊一樣，但叉燒肉味很捧，意粉熟度恰當。另外點左個名叫"男人最愛" $63: 雞扒腸仔福字麵+火腿奄列配超邪惡嘅鮮牛油菠蘿包。熱辣辣嘅菠蘿包夾住冰凍嘅鮮牛油，果然無令我失望，金黃色雞扒未食已經覺得好好味，實際上又真係唔錯喎。餐飲熱華田餐廳自設麵包工場，所以啲麵包全是新鮮出爐，熱辣辣嘅菠蘿包，真有一種擋不住的誘惑。

星期五中午，人比較多但因餐廳座位較多，也只排了十多分鐘就輪我地。我們都叫男人浪漫，只因為它，美味的菠蘿油。菠蘿包熱辣辣, 牛油香滑，外脆內軟, 超級正!仲🈶️火腿奄列，雞扒腸得福字麵，加上一杯香滑奶茶，超。超。超正。最後捧住個肚走！

位於灣仔春園街即利東街隔離嘅廉記冰室🍴其實都已經開左有一段長時間，但每逢星期六，日路過都總是要排長龍先可以入到去食今日難得見冇人排隊，就即刻入去試下先🍴餐牌款式非常之多選擇，突然間睇到我都有困難選擇症，但怎樣都會叫佢個招牌菠蘿油試下先果然冇令到我失望，菠蘿油熱辣辣上枱好鬆軟嘅麵包再加埋新鮮牛油好好味，真係想再食多一個套餐配了火腿炒蛋+豬扒腸仔福字麵@都是一般麵餐普普通通冇咩特別茶走略嫌不夠香滑下次有機會試埋蛋撻同多士🍞

好耐之前食過宵夜，啤酒 豬手set 都唔差，今日路過試下tea 先。嗌左茶餐，想試回鍋肉，但被告之售罄，沙嗲牛也如是。唯有肉丁麵，跟肉醬腸奄列，熱啡。肉丁份量正常，麵不會過淋，合格。肉醬腸重味，略掩蛋味，整體較凍，應是預先弄好，本人不好奄列，喜歡普通滑蛋，這個貨色，勉強收貨。熱啡掛杯不明顯，較稀，只比快餐店好一些。反而友人的魚柳包有驚喜，足料，且雙層魚柳，外脆內多汁，值得一試。跟餐薯條微暖，還可接受。食物質素不一，應優先選擇食評推薦食物。

今早熊貓到了灣仔出差，特意前來試一下馳名的茶餐廳。估唔到今早都咁多人等候，應該不會令人失望吧。等了一陣終於有得入座，可是店員的基本禮貌欠奉，黑口黑面的，好像得罪了他一樣。另一位店員幫我下order的時候，態度也是10分不好。這裏的早餐一般吧，火腿通粉的湯底可以，奶茶是一般般。老實說，顧客不是需要殷勤的服務，但是基本的服務也是需要吧。而且這裏的食物算是一般，不是特別好吃。下次再來灣仔出差的時候，相信這裏不是我的選擇。