廚十三老壇酸菜魚 (D2 Place ONE) (已結業)

埋單五百幾，不過不失的酸菜魚，可以一試～🐠是滑的！👍😊服務都👌🏼，D2 place 行街行行吓好攰，坐低試吓，見評價都🉑，OpenRice 評價一上都準咁都係唔錯，😚

因突然想食酸菜魚，同同事誤打誤撞食佐廚十三🤣兩人只叫了一盤細酸菜魚小辣再加金菇，偶片，薯仔🥔，炒絲（完全入晒味）👍🏻兩人食己經好飽好足夠😋😋因為都好大盤！湯底夠酸味同濃外，魚都好嫩滑完全冇骨👍🏻啱晒我！

自從食過太二酸菜魚之後，對酸菜魚真係念念不忘🥺每次都聽身邊好多人介紹，講唔同嘅餐廳嘅酸菜魚有太二既影子但每次去試都係會失望😔反而廚十三係我無意之中發現嘅，最啱我口味！-啲酸菜夠酸！啲魚又入味！🤩真係我喺香港食過最好食嘅酸菜魚不過魚既份量少，🐟都唔厚身，比較薄廚十三嘅酸菜魚雖然好食，但白飯就真係就好一般大家都係去食🐟啦！

呢幾日超級想食酸菜魚🐟於是我就瘋狂上網搵終於比我搵到呢間係D2入面既店舖見咁多人話好食緊係去試一試我同朋友兩個女仔入去坐低侍應就拎咗一壺熱茶比我地老壇酸菜魚💰300我哋另外有加咗💰22要多咗酸菜驚唔夠食又加點左配菜寬粉同藕片酸菜好味好酸爽送飯簡直一流魚唔腥，肉質好滑無乜嘢骨有小小太二既感覺寬粉必試，每一條沾上d汁食到最後我地都係食唔曬太高估左自己既食量😹😹😹小份酸菜魚岩3個人食，份量足味道不錯

今日因為送車尾，下一班車等20幾分鐘，嬲嬲哋就去𝗗2 𝗣𝗹𝗮𝗰𝗲穩野食大概2點左右，得廚十三不用等位。咁我就入去食啦，本身酸菜魚我都幾喜歡。點咗個單人餐酸菜魚，有米線/白飯揀，咁我就揀咗飯嘅。再包罐加多寶添個餐就$88蚊，午餐時間係要加1嘅第一啖真心我覺得好好味，配埋啲配菜，豆腐，金針菇，粉絲。其實正食碗魚都够食嘅，唔好誤會啊，唔係魚好多所以飽，係配料再粉絲所以飽我嗌咗正常辣度，我覺得我接受到第二啖都想繼續食到去到尾，我就嫌酸過龍，有點起啖嘅感覺

一個人到D2看完電影後，便到商場看看，順道食中午飯。中午1時左右，只有這間店充滿排隊的人流，便試試1人餐。未有疫情的時候，也經常到內地太二食酸菜魚，現在兩地不能通關，便到這間店試試。等了20分鐘，安排坐二人枱。點了一人套餐，套餐包了白飯及飲品。原以為一人份量不會太多，結果店員一上酸菜魚，把我嚇一嚇，份量大得驚人。幸好，要了加多寶涼茶。如果要汽水，相信更飽了。最後，都是吃不完白飯，也吃不完配菜。味道方面，一點也不辣，看評論說有太二的味道，但我感覺不了有太二的味道。價錢方面，尚算合理，以這間店的份量，是值這個價錢的。但，我想，不會再回頭食了。溫馨提示，幾個人到店小聚會更好，但若一個人，就可以選擇商場的其他食店，大可不必選擇這店，性價比不高。套餐有另外加一服務費。

今日有點事要處理，去到荔枝角，一直都好想試廚十三嘅酸菜魚， 咁啱見到荔枝角都有一間， 一於試吓先。中午市套餐都幾化算，有一人餐及二人餐。我同朋友點左酸菜魚，雙人套餐$168 可以選小辣、微辣，可以選配菜米線、蓮藕片、金菇、豆腐。湯底唔係好鹹，魚味香濃，酸酸辣辣好正，魚肉好滑，又鮮甜，好少骨。裏面嘅木耳爽口，酸菜都唔咸，豆腐新鮮，豆味香濃。食晒魚肉之後，食米線飲埋碗酸菜魚湯，真係好滋味。本身想試甜品，但係以兩個女仔嚟講都有啲飽， 下次再試。抵食快靚正之選

以前都有返過大陸食酸菜魚，今日行D2 Place無意發現呢間㕑十三，上網睇先知原來都有幾間分店。係餐廳門口望入去見到每張枱都有個超大白盆🤣，肚餓嘅朋友就話試試佢😜🔸 正經的雞被撕 (HK$98)前菜就叫左呢款手撕雞，個名就起得好搞笑啦🤣不過份量就略少，而且雞肉嘅比例都較少，青瓜絲同雞皮就多啲。辣度好低，唔食得辣嘅朋友都可試，性價比較低🤔🔸 酸菜魚 (大份HK$450)酸菜魚有分小份(2-3人)、大份(3-4人)、土豪份(4-5人)。最後叫左大份3人食，再加左寬粉(HK$28)，份量都夠呢。因為朋友好愛酸菜，仲額外追加$22酸菜，令酸菜味更濃郁。魚片尚算大塊，份量比例適中。湯底唔會太鹹，就咁飲都無問題。入面仲有蓮藕片等嘅配菜，寬粉份量就偏少😶整體就同大陸嘅都差不多，無太驚艷🔸 雨露均沾 (HK$48)甜品就叫左呢款經典糍粑，上枱時仲有溫熱感。上有黃豆粉之餘，仲可以沾埋紅糖醬，好滋味。放耐凍左之後都keep住煙靭😋

鍾意食酸菜魚，聽聞呢間廚十三唔錯，所以就搵咗時間去試下。一入餐廳就聞到好香酸菜魚味，令人胃口大開。😇雖然環境一般，但勝在服務夠熱情。見到有好多人一家大小去食，感覺好溫馨。令人以想不到嘅係週末下午居然有得叫套餐，包埋嘢飲價錢都俾正價差唔多平一半！之前都驚食套餐質素會差啲，但係居然色香味俱全。啲魚好滑，個湯底好好味。食完真係好滿足好飽。😋😋😋總括然而，呢間餐廳令我喜出望外。如果下午有空又鍾意食酸菜魚，絕對係值得一試嘅。

這家酸菜魚真的很足料。從相片可見，魚肉及調味料都非常足夠。還可以選擇辣度，有小辣，中辣及大辣。湯底方面：是魚湯配酸汁。很有魚味。食物質素：蓮藕片很入味，酸酸的。魚肉很嫩口，口感同味道都不錯。金菇就比較一般，不過都黏了很多湯水，所以入口味道都是酸辣的。米線有口感。但我牙痛，所以交了給友人吃。份量：真的是二人份量，初初看到這麼大碗也懷疑是否真的二人份量。座位：卡位有軟墊，非常舒適。價錢方面：168是二人份量。套餐包了汽水。湯底又足料，對得起這個價了啦。

屈指一算，冇上大陸都真係有一段時間，非常掛念太二的味道，可惜冇得返大陸，自然就冇得食咁美味嘅酸菜魚。通關無望，就唯有喺香港搵代替品，知道廚十三同太二有啲關係，估計佢哋嘅出品應該唔會太差，一於決定試下。雖然bookmark 呢一間野好耐，但係一直都冇機會食。由第一間分店都到而家有成三四間分店都仲未有機會食，前牌係冇得晚市嘅日子決定外賣一個返去食。幾個人晚飯再加多幾個點心，剛剛好就食一餐酸菜魚餐。酸菜魚嘅份量都幾多，芽菜蓮藕分等等不決。飲一口湯味道冇咁太二咁出，但係個味道勝香港大部份嘅酸菜魚。不過魚肉就冇深圳食到咁出色，相對桂花魚冇咁滑。當然價錢亦都比深圳食貴好多，但香港寸金尺土，以咁大份量嘅酸菜魚來講，其實都可以接受。其他嘅點心不過不失，但我最鍾意佢嘅甜品，解辣一流。最推介嘅當然係萵筍，味道同深圳一樣，絕對值得推介。冇得返大陸，至少都有個替代品，至少而家心癢都會上嚟食飯，感受酸菜魚的滋味。

同朋友行完市集又攰又餓😝去咗D2 一期見到依間酸菜魚試一試🐟同朋友兩個人叫咗個細份嘅酸菜魚🥄配料揀咗午餐肉🐽同埋寛粉🥢酸菜魚大大碟 上檯好有震撼嘅感覺🤯🤯同朋友買咗好多野🤣擺到成檯都係店員好細心 主動提出同幫我哋換張大啲嘅檯👍🏻服務態度一流✨一片片嘅切好嘅魚肉食落冇骨🤤滑捋捋配埋開胃嘅酸菜一齊食啱啱好🥬令人唔覺意一啖接一啖食咗好多😋😋寛粉量多😆😆煙煙韌韌有咬口午餐肉大大片食極都仲有😂😂整體酸菜魚唔辣 酸味十足自家製嘅酸梅湯飲落酸甜開胃🤤另外加點咗個甜品 叫雨露均沾炸好嘅糍粑外皮香脆可口🤩食落煙韌但有少少痴牙🤣🤣點埋紅糖醬啱啱好夠甜🤤有啲餐點嘅名比較特別例如刀拍前男友🤣🤣

今日抽到時間可以慢慢享受下個午餐，朋友想揾地方食酸菜魚嚟到老壇，當然先點一大份老壇酸菜魚滿足下自已魚片又滑又鮮甜還添加配菜土豆片、午餐肉、寬粉，可以將自己喜愛的食材加到酸菜魚內，又不失他的風味，又可以食到更多美食寬粉滑溜溜，一路夾一個sir走，都幾搞笑，要小心😅藕片大大塊正經的雞被撕，帶點點辣，添加芝麻幾香口泡椒鳳爪，鳳爪咬落去夠爽脆，店舖好細心已將鳯爪斬好一小件，一來會入味d，二來又方便夾住嚟食有屏風相隔更加安心慢慢食唔洗心大心細唔知食咩，一張餐牌張詳盡介紹

🤤廚十三老檀酸菜魚🐟嘅大名一早就👂聽過，之前見長期都要🙈排隊，依家疫情😷關係見到係 D2 Place 呢間唔使排隊😮即刻入去試吓！餐廳入面採用🪵木系輕工業裝修風格，簡約舒適🥰。部份牆上邊有主題🖼掛畫，感覺比較😎年輕型格。餐牌📖上邊嘅菜式🍲名稱改得幾🤣得意大家可以留意下。我哋叫咗一個🔥酥炸無臉男🙈，同埋一個大🥬酸菜魚🐟加粉絲、午餐肉同鮮腐竹，朋友❌唔食🌶辣，佢哋呢度個酸菜魚係可以走辣，啱晒🥰。呢個🔥酥炸無臉男🙈其實係炸🐖豬肉，入口好酥脆👍，沾上少少🤏辣粉食起上嚟🤤就更加惹味😋。呢個🥬酸菜魚🐟真係好大盆🤣，係三人份量，我哋仲➕加咗粉絲、🐖午餐肉同🤤鮮腐竹！朋友仔🙅‍♂️唔食辣🌶，所以走咗辣😂，唔辣嘅🥬酸菜魚🐟反而更加食到🥬酸菜嘅層次感！魚🐟片好香好滑而且分量十足👍，真係食過返尋味😋！總體來講，🥬酸菜魚🐟十分😋美味，份量十足👍而且價錢合理🥰，一定會再嚟🥳，希望下次可以試吓佢其他小食🤤！

繼續限聚令，想出街食個飯都難放工已經七點幾 都係只可以買外賣番屋企食今晚試吓係公司附近一間酸菜魚，聽講係屬於大陸果間太二分店。一睇個menu 都唔多選擇 真係專食酸菜魚有唔同分量 兩個人食揀左最小果分都要hkd300 入面就係得魚同酸菜，所有配菜都係另外每樣加錢。講真比我預計價錢算幾高。好彩而家外賣做88折 慳番少少。配菜加左寬粉，即係薯粉，以為本身入面應該有，再加萵筍。另外再加左個灼菜同埋小食涼拌黑木耳。番到去其實已經凍左 如果可以堂食應該開心啲不過佢都有將魚分開盒，咁就唔會浸到老晒。啲魚係走左油，成個盒底都係油，幾香但有少少腥味。將魚塊浸番落啲湯到，個湯都幾好飲，個酸辣度岩我口味，太辣我食唔到。個魚幾滑，入口幾塊有啲碎骨。入面嘅薯粉比平時食嘅厚，但唔會咬唔到，都算煙韌，不過鍾意平時無咁厚果隻多啲。黑木耳正常。總體不過不失，略嫌錢少貴，可以一試。