廣東名門 (三聖市場)

營業中

休息中

今次係我第三次嚟名門海鮮酒家食海鮮，每次都係喺對面嗰檔海鮮檔買新鮮海鮮，之後由嗰位海鮮檔哥哥介紹過嚟做加工。佢仲會親自護送我哋過去酒樓，服務一流，態度親切。我基本上一年四季都會嚟名門一次，長期都維持住穩定水準，價錢亦合理。所以成日都會推介俾朋友。頭兩次係陪親戚，今次就係約咗朋友嚟食。今次我哋喺海鮮檔買咗普通Size既瀨尿蝦、花螺、兩隻龍蝦同一紮聖子。去到名門之後，我哋選擇咗蒜蓉粉絲蒸聖子、避風塘炒瀨尿蝦、上湯焗龍蝦，仲有辣酒煮花螺。除咗海鮮之外，我哋再叫咗半隻名門炸子雞同一鍋鹹魚雞粒炒飯。成餐飯入面，最驚喜一定係上湯焗龍蝦，龍蝦好大隻，啖啖肉，新鮮得嚟又彈牙，仲整得好入味；蒜蓉粉絲蒸聖子亦都非常出色，聖子清理得好乾淨，冇沙，粉絲吸晒啲鮮味湯汁，非常滿足。辣酒煮花螺夠香夠辣，花螺新鮮彈牙；避風塘炒瀨尿蝦鑊氣十足，蒜香撲鼻，完全係經驗老到嘅師傅先整到呢個水準。鹹魚雞粒炒飯都唔輸蝕，一大鍋夠四個人分，炒得乾身香口，仲有焦香飯焦。唯一稍為失色嘅就係嗰隻炸子雞，雖然皮脆肉嫩，但味道比較淡，調味唔夠重，似係簡單用少量鹽醃咗就炸，所以略為失色。不過講真，嚟呢度都係主打食海鮮，其他小炒都係陪襯，所以唔

食物比普通更差及冇特別，冇推介，附近餐廳或者更好。但是，服務仲唔識講咁差！未去過，不如其他附近食店試吓。不是近海鮮鋪就是好。只識攞貼士。俾得少就黑面。咁你又唔係冇加一喎。真係差。………………………………………………………………………………

今天和家人來屯門三聖吃海鮮，我們在旁邊的海鮮市場買了$5000海鮮，之後再來這間餐廳加工吃飯，今次吃的海鮮非常豐富，包括了阿拉斯加長腳蟹、瀨尿蝦和海斑等等。阿拉斯加長腳蟹：這份長腳蟹買回來$1300左右，我們選了清蒸，蟹鉗內充滿著大量蟹肉，嫩滑可口，香甜美味，大家都吃得津津有味。椒鹽瀨尿蝦：瀨尿蝦的皮十分薄和香脆，可以連皮一起吃，而且肉質十分柔軟嫩滑，鮮美多汁，是全場最驚艷的菜式。白灼海蝦：海蝦十分爽口彈牙，每一口都相當鮮甜美味，是一道美味的開胃菜。清蒸海斑：由於不想每次都吃東星斑，便在海鮮檔問店員那款海斑美味，店員推介了這款，說了名字可惜忘記了，不過魚肉非常柔軟，入口即化，每一口都充滿著淡淡的鮮甜味，店員沒有介紹錯。至於其他海鮮和小菜便不再詳細介紹了，總知每一道菜都相當出色，海鮮是講求鮮味，而今次全部菜式都鮮味十足，味道和西貢相比有過之而無不及，雖然加工費真的有點貴，不過最重要是突出了海鮮的鮮味。價錢方面，海鮮全部都在海鮮檔內買，這裡只是茶位連海鮮加工費，再點了一些飲品和小菜，12人總共$3000多。總結來說，以前經常到西貢吃海鮮，今次是第二次來屯門三聖吃海鮮，發現三聖海鮮的味道都相

以前經常來名門加工海鮮吃，感覺還不錯。今天放假又帶了全家人來，但非常失望！加工費貴暫且不說，味道簡直一言難盡！除了鹹還是鹹，鹹到根本吃不下去！吃完這一餐，喉嚨難過一下午！不知道如何對得起過千元的加工費！

我們一班人久不久就入三聖邨聚餐食海鮮，昨晚去完非常失望，激發我要寫第一次食評。⑴ 我們分兩圍坐，坐嘅位置係門口中間，玻璃大門經常打開出入，令街外熱風吹入酒樓，有些熱。⑵ 椅子有餸漬及乾咗嘅飯粒。⑶ 茶杯碗碟有食物漬。⑷ 白色枱布有立體餸漬。⑸ 個個員工表情唔開心，可以用黑口黑面來形容。⑹ 員工冇主動性，個個企埋一邊唔願做，叫佢哋好似睇唔到，聽唔到。(7) 唔提供公筷，要問先比。⑻ 食到一半，隻碗碟滿晒骨，都冇人來換乾淨碗碟，更加唔會主動加水加茶。⑻ 女廁殘舊，廁格冇冷氣不特止，居然會出熱風。廁所隔離個籃，放滿高高的用過廁紙，唔明點解唔沖落廁所。⑼ 朋友見隔離枱有蕎頭，問員工，員工黑面話要收$12一碟，冇得送，要定唔要？(10) 埋單時，我們隔離枱位朋友付款後過來我們枱傾計，女員工遞上帳單時突然收回，之後去櫃檯，我們以為女員工拎錯帳單。等女員工回來時，我們查看帳單，發現帳單人數多了一位，原來女員工自作聰明見到多咗個人，但冇問我們就走咗去，亦冇睇清楚枱上有幾多隻杯碟，就貿然加人數。我們同女員工講清楚，女員工辨駁，駁咀時仲用手指唔止一次碰撞到朋友隻手。我們同女員工理論後，女員工一路行一路自言

今年生日屋企人帶我去屯門三聖食飯慶祝。我住九龍東，屯門離我哋有啲遠，車程差唔多要一個多小時。三成上次嚟都有兩年前，嗰陣仲係疫情，比較少人。而家疫情過去，家長去食飯呢日係公眾假期，我們去呢間餐廳佢幾乎爆滿，感覺好熱鬧。我哋係喺門口自己買海鮮入去加工的，我們買了不少海鮮，有元貝，海斑，海蝦，鮑魚，龍蝦。原本我哋就蒜蓉粉絲蒸，改斑就兩味，炒球及清蒸頭腩及魚骨，白灼海蝦，陳皮蒸鮑魚，上湯龍蝦伊麵底。我們買字太海鮮，海鮮舖仲送咗個湯俾我哋。我們坐低就嗌上菜，啲餸上得好快，差唔多坐低咗10分鐘後就有得食，非常有效率。因為係生日嘅關係，咁啱佢哋呢度有壽包叫我們叫咗六隻，過當時已經食到太飽，食唔落，最後打包返屋企食整體嚟講食物味道及服務都唔錯，係煮得鹹咗啲，淡返少少就好啦。

天朗氣清約老友到屯門三聖村來個海鮮盛宴, 齊人已經下午三時,  好在這海鮮酒家午飯開始無休營業至收市, 先開茶位一路飲茶一路吹水等人齊再到海鮮檔買海鮮👏選了四款:龍蝦，生蠔，海東星斑，蟶子龍蝦上湯焗未有加麵底，湯汁和味，蝦肉豐盛，爽口彈牙😋砵酒焗生蠔，蠔肉質素到位，咬落無渣，再乾身點會更理想😋蒜蓉粉絲蒸蟶子，肉地脆爽，蒜香足度😋清蒸海東星斑，皮滑肉嫩，新鲜程度無容置評，魚汁用以伴白米飯，正呀😋😋不知不覺一班老友吃了三個小時的一餐盛宴👏👏

食物普通冇特別，冇推介，你煮的 和附近酒樓差不多。但是，服務有分別！ 如果你是新客，未去過，不如其他附近食店。 親疏有別大概就是這樣！尤其是接待人員。避免影響食飯心情……………………………………………………………………………….. 完

🛎️鹽焗閹仔蟹係對面海鮮檔買咗幾隻黃油閹仔蟹交比酒樓煮，煮法一定係揀鹽焗🤤。酒樓洗蟹都洗得算乾淨👍🏻，望落無乜泥沙污糟野痴住，可以放心食。鹽焗閹仔蟹都無咩花巧嘢，夠鮮味同入味，擺盤靚靚仔仔就搞掂。當晚無預約，出發前打電話去酒樓，酒樓表示有吉枱可以walk-in👌🏻。去到買完海鮮都即刻入得，眼見唔算好多人，不過有幾張留座，坐到咁上下都開始滿。啲靚姐服務幾好，食海鮮一定成碟都係殼，隻手又油淋淋咁，啲靚姐自動波換碟同補乾/濕紙巾，而且幾好禮貌👍🏻酒樓加工費合理，服務好，可以再黎食🌟不過三聖邨海鮮市場附近停車場泊車收費小貴，下次可能係市中心轉輕鐵，或者搭的士入黎😥✅食客可使用餐廳內廁所

又來到廣東名門，對面買了海鮮，到這家店來加工，新鮮又好吃。和老公兩個人徒步到三聖村吃海鮮，1000塊就能吃得很滿足。廣東名門坐得舒服，加工費也不貴，是我們每次來的必選餐廳！

在三聖邨，你可以親自到海鮮市場或港邊，選擇你喜愛的海鮮，這些食材充滿新鮮度和多樣性。我哋選擇鮮嫩的龍蝦，新鮮的蟹，同埋扇貝。前往酒樓，廚師幫我哋煮脆皮芝士龍蝦是一道令人垂涎的美食，新鮮的龍蝦被烹調得剛剛好，表皮酥脆，內裡肉質鮮嫩，芝士的濃郁香味為它增添了獨特的風味。避風塘炒蟹是另一道精彩的海鮮菜品，酥脆的蟹殼包覆著香氣四溢的蒜蓉、辣椒和香蔥，給人一種濃烈的風味饗宴。蒜蓉粉絲蒸扇貝帶來了清淡而美味的滋味。這道菜以扇貝的鮮味為主，蒜蓉和粉絲的組合使其更加美味，而蒸煮則保持了食材的原汁原味。

星期六晚和家人食晚飯，知道晚飯時間超忙，最早用餐時段6點入座。點餐時點了橙汁給小朋友，海鮮陸續上枱但橙汁還未有，其間問了2至3位員工都話橙汁制作需時。 過了30分鐘再問，個高級小小既男員工話無橙汁，仲要黑晒面噤問要唔要西瓜汁？家人話好啦～唯有改西瓜汁，跟住又係等，晚餐差不多食完都未有，取消吧啦～一句唔好意思都無消費2千幾，食物質素還好，但服務極差。食完一肚氣

再一次証明所謂“名門”，作大來料斤兩，好彩今次有發記寫清楚海鮮斤兩，否則死無對證。明明62兩龍蝦作大67兩, 蜆1斤12兩，作大變40兩（炒蜆收6蚊兩），仲話條魚無收足（其實少收1兩），前後收多差不多一百蚊，理論一番，先肯改返龍蝦，瀨尿蝦斤兩，仲叫我唔好同佢計其他啦。今日爸爸生日，費時同佢再諸多理論啦，相信唔少食家都有此同感。食得海鮮都預咗唔平，但唔好食價，香港地賣嘢都係名碼實價，陀衰香港個名。名門係出望族，轉名叫黑門啦！

👋 Yo! Yo! Yo! 尋晚同屋企人去咗元朗廣東名門酒家食晚餐，真係話食到好滿足啊！啲菜式真係好令人回味無窮嘅感覺，真係忍唔住要分享啦！👍我哋試咗鳳梨咕嚕肉，啲鳳梨肉味道好香甜🍍，加上啲咕嚕肉係用豬頸肉去做，肉質鬆腍多汁👍。京蔥大連鮑魚煲同椒絲腐乳炒通菜都好好味，啲食材新鮮，味道豐富😍。蒜蓉蒸海中蝦個個都好新鮮🦐，蒜味香濃，啖啖都係鮮味👌。最令我驚喜嘅就係黑椒茄子牛仔骨煲，啲牛仔骨燉得好腍，啲茄子仲留得啲口感，加埋啲黑椒醬汁，真係好好味啊😍！雖然元朗廣東名門酒家嘅位置比較偏遠，不過環境真係好優美🌳，好似係個世外桃源一樣🌺。酒家嘅裝潢高貴典雅，氣氛十分舒適，好適合同親朋好友嚟到呢度聚餐👨‍👩‍👧‍👦。真係一個好適合宴請親朋好友，共聚天倫嘅餐廳👍。總括黎講，元朗廣東名門酒家係一個值得推介嘅餐廳，食物美味，環境舒適，服務態度好👏。如果你鍾意食中菜，又鍾意悠閒嘅環境，就一定要嚟呢到試下啦！地址：元朗元朗青山公路394號(潭尾段)

今日同公司同事慶生，第一次去屯門三聖邨食海鮮，呢度附近有四五間餐廳魚海鮮檔都有六七檔。首先我哋響酒樓攞咗枱號先，跟住就過對面揀海鮮，我哋一行五人買咗好多款唔同嘅海鮮包括：龍蝦、鮑魚、哈、帶子、花螺、蜆、蟶子及奄仔蟹，埋單大約千七蚊左右。之後海鮮檔就會幫忙送海鮮到餐廳，依間餐廳主要收加工費整海鮮，我哋叫咗上湯龍蝦🦞伊麵、清蒸鮑魚、🦐白灼蝦、蒜蓉粉絲蒸帶子、辣酒煮花螺、油鹽水蜆同埋鹽焗奄仔蟹，再加多個椒鹽鮮魷。整體來講，味道算整得唔錯，龍蝦時間啱啱好唔會靭，不過本身叫咗辣酒煮花螺，點知整錯咗鹽焗花螺，所以最後我哋攞咗兩條辣椒豉油落去撈勻佢😂呢度啲姨姨服務態度都幾好，不時幫我哋換碟同加水，我哋帶蛋糕佢會幫手分埋俾我哋，仲幫手影相同埋祝同事生日快樂😹最後埋單$2000計埋海鮮每人七百幾，有新鮮海鮮又食到好飽價錢都算合理，下次都會再帶屋企人試吓！