廣發茶餐廳

營業中

休息中

今日(10-6-2018 Sun)同老公去買餸前食晏,佢話o黎呢閶,我o地去到,多人兼o岩o岩遇上 員工食飯,人手緊撮,但其實人手已經唔少,都忙到踢晒腳.我同老公都要$35.00o既是日午餐,一個要中式芙蓉蛋飯,一個要西式白汁海鮮飯,由於座位比較凍,所以我o地都飲熱檸水.熱檸水最快到o黎,熱騰騰唔飲住.然後o野食到o黎,老公o個個芙蓉蛋好大個,料有火腿,叉燒,紅蘿蔔同菜,都幾豐富,侍應因一次過o黎四碟出o黎,派o既時候都同客人講豉油後俾,然後佢就直接喞落白飯o度.試吓先,豉油係甜豉油,芙蓉蛋味道清淡.而我o既白汁海鮮飯呢,睇到飯量唔多,海鮮絕大多數都係蜆肉,食落,汁o既味道o岩o岩好,蜆肉仍有佢o既鮮味,飯就乾o左啲.最後飲熱檸水,我o個杯好澀,老公話佢o個杯好清.我飲吓,係喎,咁即係證明o左澀o既熱檸水係關熱檸事,唔係因為水太熱啦.呢篇食評o既味道分只計白汁海鮮飯.2.8分服務:侍應雖然忙到團團轉,但佢o地依然好有禮貌.抵食係2.8分題外話:埋單時,出示長者咭有9折,咁殘疾人士呢?

尋日(1-5-2018 Tue)勞動節假期,同老公買o野前食個晏,去邊間?老公話呢間.=.=”我話威利啦,行到o黎至知 威利摺o左,咁就去廣發.去到仍有卡位,呢日天氣幾熱,冷氣開得好夠,所以必叫熱飲.我要$40.00o既特餐,有牛油多士,我揀腸仔火腿庵列,雞扒通粉,飲熱奶茶.亞姐主動問我將唔將牛油厚多士改為奶油多?雖然係薄但一樣咁多o野.啊,鍾意食奶油多o既我就轉啦.老公要$34.00o既精選午餐,有牛油方包+火腿煎蛋,要沙爹牛肉通粉,飲熱檸水.落完單,兩杯o野飲先到o黎,睇見熱檸水個杯係全新o既.我杯熱奶茶顏色都幾淡,飲落唔熱,而奶多過茶,但口感o鞋,同埋飲到最後係苦澀.然後係兩碗通粉同其他o野.我先食奶油多,揭開睇,牛油同鍊奶都唔多,食落,多士脆,味道恰到好處;腸仔煎得唔多,唔係脆口;火腿庵列內裡仍有啲蛋汁,火腿份量亦唔多.雞扒通粉呢,通粉唔會太腍,雞扒size適中,有煎香過,味道都鹹香;湯係清淡佐都好過大前日o係越味皇o既.而老公o既o野食呢?我只飲o左淡沙爹湯,味道唔濃,口感亦唔杰.味道係3.05分服務:多數都係長者打工,佢o地都好好,好有禮貌.

星期日中午唔想煮飯,走落街揾嘢食,近近哋都係去番廣發,因為同邨嘅茶餐廳中哩間最正(自己覺得)!今餐揀咗午餐A咸魚煎肉餠飯,其實叫咗之後有D後悔同擔心,因為咸魚蒸肉餅就食得多喇,但係咸魚煎肉餅就真係未試過,不過即管叫嚟試吓咩料,午餐跟熱奶茶外賣返屋企慢慢嘆!肉餅煎得幾靚,仲熱辣辣,落好多蔥嚟煎夠晒香口,要加分!不過話明係咸魚煎肉餅但係咸魚味好薄弱,哩喥要扣分!仲有咁大盒飯D豉油只係打咗個圈,好鬼孤寒囉!好彩D飯都算軟硬適中,先至冇咁乾哽。哩個煎肉餅飯整體嚟講都算好食嘅,如果個肉餅落多少少咸魚,D豉油打多兩個圈,咁件事就會完美得多喇!至於跟餐杯熱奶茶香滑好飮,穩陣!

前日(23-9-2017 Sat) 晏晝,同老公出席公司活動前食個晏,佢話o黎呢間,啊.我要$34.00o既中式快餐,蘿蔔炆排骨飯,老公要$40.00o既精選快餐,咖哩薯仔牛筋腩飯,大家都要熱檸水.等o左一個字,我o既蘿蔔炆排骨飯到o黎,餸少飯多,之後老公o既咖哩薯仔牛筋腩飯到o黎,飯餸分開o既.我o個個啲飯好乾,蘿蔔未夠甜,有少少苦澀;排骨夠腍但唔多肉,味道唔會太鹹.而老公o既咖哩薯仔牛筋腩飯呢?我試吓佢啲咖哩汁,對我o黎講係有啲辣,唔食得.而牛筋份量唔多,我冇問佢覺得成個飯點.而杯熱檸水就有少少澀.味道同抵食: 2.8分

尋日(26-8-2017 Sat)朝早同老公去買餸前食早餐,唔知去邊o度食,老公話呢間.啊.我o地坐低後睇menu,老公要$30.00o既番茄牛肉米配西煎雙蛋牛油方包,飲熱奶茶.我要$39.00o既特餐,有牛油多士,要腸仔菠菜炒蛋,豬扒通,飲熱檸水.好快,兩杯飲品到o黎,我杯熱檸水有啲澀.然後老公o既番茄牛肉米到o黎,米粉掛晒番茄湯,味道好夠.我o既豬扒通到o黎,豬扒厚度正常,不過有啲乾;通粉冇問題.西煎雙蛋牛油方包到o黎,蛋煎得靚, 方包厚度亦正常,牛油塗得夠,唔錯.最後牛油多士,要腸仔菠菜炒蛋到o黎,牛油多士竟然係厚多士,可惜牛油塗得唔夠,變得好乾,老公甚至教我蘸佢o既奶茶同食,但增加o左苦味.菠菜炒蛋味道好清淡,原本想加啲鹽,但諗起腸仔會好鹹,所以唔加.最後老公話佢杯奶茶o既質地幾杰,平時唔多飲水o既佢都要飲佢o地o既茶.味道係.2.88分, 抵食係2.5分

香港傳統茶餐廳愈來愈少，今日陪老婆返工，在附近的茶餐廳吃早餐，其實多年前也吃過，仍然維持當年水準。早餐A是芸芸早餐之中最抵食的，多數人會點沙嗲牛肉通粉，但我點火腿通粉加沙嗲汁，因為這樣可以集兩者之味。之後，多士好關鍵，一定要改牛油薄多士，這是最好食的。點蛋方面，其實炒蛋跟一般茶餐廳的差不多，所以點煎雙蛋比較好，此外可以選半生熟或者全熟蛋。最後飲品，凍檸茶一流，有些喜歡點奶茶的，也很不錯，放心，味道一定夠傳統。唯一失分的，是裝通粉的碗，以前用薄低碗，雖然份量少，但這才夠傳統，現在改用大碗，雖然份量多了，但不及以前的傳統。午餐方面，要點第三項，我記得咖喱好濃、好香，最好吃，咖喱搭甚麼也不錯，必食！此外，穿校服的學生轉紅豆冰只需加三蚊！

尋日(19-3-2017 Sun)朝打算同老公落荃灣食早餐,但遇著落雨,咁唔落喇,o黎呢間食.我要$39.00o既特餐,飲熱華田,老公要$28.00o既C餐,飲熱咖啡.落完單,兩杯o野飲好快到,我杯熱華田唔落糖都已經夠甜,老公o既咖啡幾苦,佢要落兩茶匙糖至冇咁苦,但最後係變酸.好快,我o既雞扒出前一丁先到,睇見好清,加麻油先,咁就香返,雞扒口感同味道都正常.老公o既餐都到晒,吉列魚柳大大件,外脆,但吉列粉好厚.而我其他o既o野食都到o黎,但我揀菠菜炒蛋,俾o左火腿庵列我,我同侍應講,佢知佢自己落錯單,於是改返.改返o岩喇,炒蛋嫩而且冇落鹽,幾健康.呢隻腸仔冇咁鹹,亦唔錯.而牛油多士係幾厚,但唔脆,腍o既.味道係2.75分, 抵食係2.7分

今日(18-10-2015 Sun)同男友去沙田前食個晏,我o地o黎呢o度食,男友要$35.00o既咖哩汁撈雞扒出前一丁,飲熱檸水.我要$39.00o既拿破崙焗豬扒或雞扒飯,要雞扒,飲熱奶茶.冇耐,兩杯o野飲到o黎,我只落一湯匙糖飲,冇茶味只有奶,但飲到最後飲到少許澀味.之後男友o既咖哩汁撈雞扒出前一丁到o黎,睇睇係深啡色,食吓先,咖哩汁都算辣,雞扒唔算大件,好彩唔乾唔o鞋,一丁冇問題.然後我o既拿破崙焗雞扒飯到o黎,雞扒一樣唔大件,飯裡面有炒蛋,食落,同普通茄汁雞扒冇乜分別,一樣酸酸甜甜,汁夠多,飯夠軟.抵食係1.3分

今朝(22-8-2015 Sat)原本唔想食早餐,點知到10點幾肚餓,重要去買,捱唔到晏晝個喎,去邊o度食好呢?又要去郵局,咁就唔可以o係荃灣食,去麥當勞?唔...我又想食多士喎,咁就o黎呢o度食早餐啦.o黎到唔多人,睇睇餐牌,有多士o既餐係$38.00o既特餐,我揀o左腸仔火腿奄列,雞扒意粉,飲熱華田.冇耐熱華田到o黎,嗅到幾香,自己落半茶匙糖就o岩o岩好.然後成份特餐到o黎,牛油多士都幾厚,腸仔冇炸過龍, 火腿奄列都煎得靚.開餐,火腿奄列內裡唔會太乾身,o岩o岩好;腸仔就太鹹;牛油多士睇到好似烘唔夠,但食落又脆,o岩o岩好,牛油亦唔少.最後食雞扒意粉,雞扒竟然唔掂.太乾身,而且一樣係過鹹.而意粉就正常冇乜問題.服務:今日o既樓面多數係後生仔女,應該係暑期工,雖然係咁,服務冇乜受影響.其他:呢o度貼o左一啲食物健康o既資訊,我冇詳細睇內容,只睇到標題寫住,過甜過鹹都不宜.但呢o度o既腸仔同雞扒都過鹹,希望佢o地自己注意返.抵食係2.5分

今日(28-2-2015 Sat)晏晝同男友o黎呢間食晏,我o地要$33..00o既快餐,佢要麻婆豆腐飯,飲熱菜蜜,我要鮮茄魚柳飯,飲熱奶茶.好快,兩個飯一齊到o黎,然後係飲品.我o既鮮茄魚柳飯都幾香,魚柳外面仍脆,魚肉唔鯹,魚柳厚度同飯o既軟硬度都係適中.而男友o既麻婆豆腐飯呢,唔算好辣,都幾惹味.男友食埋我o既鮮茄魚柳飯後,覺得鮮茄魚柳飯重好食.最後我o既熱奶茶同樣係茶味唔多夠,口感都叫做滑.味道係3.5分其他:食完後至記起,好似冇俾例湯,我唔太確定佢係咪送例湯或茶,但我唔多覺有個’或’字.

大前日(26-10-2014 Sun)男友買個lunch食,佢o係o度買o左粟米雞絲飯同茄牛飯,一杯凍檸茶同一杯凍奶茶,共$72.00.我o地例牌share o黎食,抄開飯盒睇,粟米雞絲飯o既餸同汁唔夠多,食落,各樣o野都OK冇問題,個汁都好過上次o係金源食(o個個食評: http://www.openrice.com/restaurant/commentdetail.htm?commentid=2396435&tc=sr2&con=rvwer),只用鹽調味o既好,但真係唔多夠.而茄牛飯明顯啲汁好夠,牛肉味道濃,蕃茄唔太酸,呢個撈飯好得多.飲品方面,我就揀凍奶茶,凍奶茶茶味多啲,不過其實都唔係咁夠味,但唔o鞋口,合格.抵食係2.5分

5-10-2014 (Sun)同男友起身後,食個晏,佢o係o度買兩個飯,佢買o左兩個都係$31.00o既葡式牛肉飯同咖哩豬扒飯,向加$2.00要凍檸水同凍檸茶,都係少甜,外賣盒每個要$2.00.佢拎到返o黎打開咖哩豬扒飯,爸爸問咩o野咁香?男友答咖哩豬扒飯,我o地都俾一碗爸爸食,爸爸讚啲飯好靚,靚過江記.我o地都食喇,我先食葡式牛肉飯,牛肉鬆軟,啲汁係微微甜酸,好好味o既.之後同男友交換食咖哩豬扒飯, 咖哩比較辣,豬扒都叫做鬆軟,但汁唔多夠,以致有啲飯係乾哽.而少甜o既凍檸水都OK冇問題.味道係3.75分

今日(17-8-2014 Sun)同男友買餸前食o野,又o黎幾個月冇o黎o既呢間,我要$33.00o既沙爹汁撈豬扒一丁餐,飲熱奶茶.男友要$37.00o既卡邦尼焗雞絲飯餐,加$3.00要凍檸水少甜.o野飲先到,我杯熱奶茶茶味夠,但o鞋口,奶唔夠,落o左兩茶匙糖都重係苦澀.味道: 1.5分男友o既凍檸水雖然叫o左少甜,但我都覺得同唔叫少甜o既一樣咁甜 .味道: 2分之後我o既沙爹汁撈豬扒一丁到o黎,沙爹汁過鹹,一丁煮得o岩岩好唔腍但爽,豬扒比較實,食到豬肉臊味.味道: 3分男友o既卡邦尼焗雞絲飯都到,呢個味道夠,唔鹹唔淡,飯粒分明,最重要啲汁好夠,食到底啲飯都仍有汁粘住. 味道: 5分服務:落兩樣o野,個男樓面都提我o地要等.環境:個位o岩o岩對住風位,好涼快.

大前日(6-5-2014 Tue)佛誕,同男友食個早餐,佢提議呢間.我o地坐低後,揀o左同樣係$25.00o既早餐,男友要西煎雙蛋配牛油方包,沙爹牛肉通粉,飲熱好立克.我要牛油方包,吉列魚柳,珍寶腸同飲熱阿華田.首先,係男友o既西煎雙蛋配牛油方包到o黎,蛋係半生熟蛋,正o岩我心意,好味.之後兩杯飲品到o黎,味道正常冇問題.然後係男友o既沙爹牛肉通粉,通粉有啲過腍,沙爹味唔多夠,差o左喎.最後我o個份到o黎,睇見吉列魚柳同珍寶腸都幾燶,攪咩?食落,珍寶腸變得好鹹,好彩魚柳唔鹹,蘸返沙律醬食就好啲;而牛油方包口感都正常啦.服務:好好,一入去收銀o既即刻講聲早晨.

26-12-2013(Thur)同男友睇完戲返屋企,返去前去超市買o野,見到茶餐廳又想食西多士,於是同男友入o黎食. 我o地坐低後睇餐牌搵有冇西多士o既茶餐,o岩o岩見到有$25.00o既花生醬西多士薯餅加o野飲,就要呢個,再加個奶油多,我o地兩個都飲熱奶茶.而奶油多係冇茶餐o既,張單就寫o左25,13同7.等o左一陣,兩杯熱奶茶到o黎,飲吓先,茶味唔夠都算,最緊要o既係唔夠熱,只係暖暖的.5分鐘後,奶油多到o黎,烘得都幾燶,食落,錬奶同牛油味係有,不過唔算多,係點到即止.6分鐘後,花生醬西多士薯餅到o黎,一睇薄薄金黃色o既前者就知蛋漿唔夠厚身,我o地塗勻牛油同糖漿切好後食得,內裡花生醬塗得OK夠,可惜,真係好可惜o係唔夠豐厚o既蛋漿,毫無細個時食到o既滿足感.好懷念一家五口o黎食o既滿足感.薯餅就正常冇問題.