廿一堂

營業中

休息中

有一日放假，特登過咗嚟中環食！食我最鍾意食嘅烏冬😋我叫咗牛肉烏冬，加咗杯可樂仲有士多啤梨、大福送🤣味道我都覺得正正常常🤣中環來講算抵食😍大家記得食完幫手攞返個餐盤去會有張$2 coupon送🤣🤣食飯時間都見到，有好多人喺入邊人山人海咁啱我有位都係好好彩😂

試過lunch堂食，夜晚堂食，五分鐘內有得食，第一次叫外賣，足足等咗半個鐘，問咗二次，第一次仲好應份咁回應話，係等咁耐㗎啦，態度差劣，第二次再追問，你幾多號飛，而家出比你，咁嘅外賣態度店長係咪應該正視下呢？

I walked past the shop and decided to give it a try. walked in and I mentioned to the lady in the counter that it was my first time here and she made no effort or assistance. I asked her where do I collect my take away, ‘over there’ with no indication of direction 😣. Open my take away and there is no straw or stirrer for my drink. the fried chicken was over fried and hard and there was little curry for me to dip the chicken in, in an attempt to try to soften the chicken, so only two pieces was e

同一個門口入, 我以為只係得揚食屋, 一入去就轉左右, 有自助點餐機, 買完嘢先發現原來呢間叫廿一堂😅😅😅點咗燒豚丼套餐, 等嗌number自己取餐, 嚟到呢一刻賣相係靚嘅, 豚肉邊微微的燒燶, 幾有feel咬第一啖豚肉, 奇怪點解會辣辣地, 睇其他人寫嘅食評原來佢落咗五味粉？！大哥呀我唔五味粉㗎🙄🙄, 做乜要落得咁重手！？飯入面有洋蔥, 洋蔥都煮得幾林👌不過飯就冇乜飯味, 汁都唔係好夠豚肉一邊燒得ok, 另一邊白曬曬😳套餐送大福, 入面全部係忌廉？！同埋都幾甜, 個人覺得麻麻地.食物質素勉勉強強啦...未必有下次！佢有個自助服務獎勵計劃, 好似唔錯...

廿一堂 Nijuuichi Don📍中環士丹利街33號地舖除咗揚食屋，我哋仲試埋隔離嘅廿一堂丼飯。💰$72廿一燒豚丼 🍱呢度嘅晚餐以烏冬同丼飯為主，由於我唔係特別鍾意食烏冬，而廿一堂又係丼飯專門店，所以就揀咗丼飯嚟食。佢嘅套餐包咗一款主食、一碗麵豉湯、飲品同一款甜品。飲品方面，我揀咗唔洗額外加錢嘅凍MUG忌廉梳打，而甜品就揀咗大福。(另一款係大根醬油漬)先講下丼飯，佢嘅燒豚肉半肥半瘦，脂肪位唔會太油膩，但瘦肉位就有啲韌，整體豚肉片偏鹹同乾身，而且落得太多七味粉，搶咗focus。飯係珍珠米，食落無熱辣辣嘅感覺，無咩米香。睇相order時以為杯MUG忌廉梳打係好似Calpis soda咁嘅味，但睇顏色都知係普通嘅忌廉汔水溝梳打，味道不過不失，勝在夠凍冰冰，好解渴。我平時唔係好食大福，因為對煙煙韌韌嘅嘢食無太大好感，但因為對大根醬油漬更加無興趣，所以揀咗大福。佢嘅皮尚算有咬口，表面嘅黃豆粉味道唔太濃，入面嘅忌廉幾好味，不過不失。總括嚟講，喺中環食晚餐呢個價錢算合理，環境似日式家庭餐廳，幾舒適，如果想食個快飯可以去試下佢嘅丼飯。

一直食左幾個月，覺得幾好食，所以$81一個餐都覺得值。不過今日黎嗰牛舌第一啖就唔妥。唔熱嘅，仲涼涼地，好似啱啱雪櫃拎出黎咁。再睇真d平時d牛舌會有d燶邊應該燒過，但今次就完全無呢個效果，應該係唔記得左燒。非繁忙時間下午茶時間，唔明點解會咁。俾得呢個錢食快餐，都係想有相對嘅質素，係有d失望，之後未必會再食。

依間有的選擇不小，見佢下午茶餐不算貴，就入去試下。入面係兩間店分隔開，另一邊是另一選擇。最後選左個炸雞髀跟平常的茶餐差不多，有配薯條汽水，另外加左個雞翼跟大福。大多都正常，但雞翼到手已經凍左，但味道正常。

同事介紹咗我中環DONKI 附近，有一間廿一堂日本快餐店幾好食，今日晏晝就嚟試試係咪真係好食先。餐廳環境好位置好闊落，座位亦好多。今次叫咗個炸豬扒配鰹魚湯烏冬，豬扒嘅炸粉唔會好厚食落好酥脆，肉質唔會太硬啱啱好，鰹魚湯略嫌有少少淡，烏冬煮得唔會太稔。鐵板角切和牛配燒魂丼，和牛粒好軟肉質嫩滑，配上炸蒜片一齊食，令到和牛粒更有鮮味，而旁邊嘅飯有滿滿嘅紫菜，將溫泉蛋連同紫菜飯拌勻一齊食好好味，加上個飯用咗日本珍珠米，食落好有咬口飯好香。

好耐冇見嘅中同約食飯，原來廿一堂係佢飯堂，之前食過一兩次但都好耐冇黎食了，依家好似唔見晒D魚生飯，得返燒肉丼，本身仲話諗住食輕盈D，最後揀左個漢堡扒煎蛋飯。塊漢堡一切開就勁多油標出黎，嚇死寶寶，煎蛋冇燶邊失敗紫菜飯素撈飯零技術唔會難食，唯一重點係落得夠重手，多到遮晒見唔到飯咁滯杯凍檸茶明明叫左少甜都覺得仲係比較甜，睇黎下次要叫走甜先得，最後有埋件大福作結，個皮夠薄又煙韌軟熟，餡料足又唔太甜，，係全餐最特別嘅地方。喺中環閒閒地食個"日本野"都要81蚊埋單，希望公司快D加我多D人工🙏🏼🙏🏼如果唔係就都係繼續帶飯啦我

我同同事有時都會食廿一堂嘅唐揚炸雞配日式咖喱讚岐烏冬。有時好好食，但有時會好失望，原因喺d唐揚炸雞有時炸到燶咗，有時就好多粉，有時又炸得恰到好處，所以真係好睇彩數今次好好彩，外皮酥脆肉質鮮嫩多汁！但今次d烏冬煮得太稔，倒埋個杰身的日式咖哩後，感覺個麵已經就快變糊狀我覺得好食嘅唐揚炸雞應該每一次都做到外皮酥香脆口，雞肉口感軟嫩而多汁，再配埋檸檬汁，多咗啲酸甜嘅果香，食起上嚟更加爽口！希望廿一堂可以加以改善炸雞的質素啦！

喺中環相平平哋食個lunch都唔係咁容易咁啱就比我搵到呢間日式快餐店好似唔錯價錢喺中環來講算抵食大概$60至$70環境闊落，座位多試咗佢嘅鰹魚烏冬配關東煮關東煮有年糕、腐皮、豆卜、獅子狗同埋蘿蔔份量都算多，湯底味道都幾濃郁清清地都幾好食佢仲有包嘢飲同埋一個大福餅朋友就是咗佢嘅肥牛烏冬同埋滑蛋豬扒飯佢哋都話好好食，而且份量好足一定夠晒飽

Made plns to watch a movie nearby and only had around 30 minutes to grab a quick lunch. This place is in the style of a japanese fast food place. Self serve for maximum efficiency. I ordered the beef tongue don which was only $68 and it came with a drink and a dessert. They were quite generous with the beef tongue portions and the texture and flavouring were both very nice. The daifuku was also very tasty and chewy. Overall great deal!

晚市有丼飯或者烏冬套餐可以選擇，跟餐附送大福、麵豉湯同飲品。餐廳位置寬敞，晚市唔多食客，環境舒服。👍🏻👍🏻••✅廿一燒豚丼🐷 $69成個飯好足料，每塊豚肉大大片，採用腩肉部位，肥肉略嫌太多，但配合紅薑食都唔算太肥膩。👍🏻••✅廿一燒牛丼🐂 $70牛肉份量都算多，亦都大大片。燒牛肉有少少焦香，味道幾好。配合埋個飯一齊食好有滿足感！😝😝

第一次來吃，朋友介紹！很不錯選擇，日式快餐店形式，原來都有好幾間分店！今次試的是中環店！午餐時段人流很多～滿滿的人燒豚丼和燒牛丼都超有水準好味，更配有大福甜品和飲品/麵豉湯！價錢$60其他餐價錢均約$60-90味道炙燒味濃郁甚香飯亦選用日本珍珠米！一口燒牛一口飯避開油膩感～食到尾段可能會有少許咸了～這時食個大福清一清口腔最合適時候大福甜品口感柔軟，裡面餡料是cream，不是雪糕，但涼冰冰，整體不錯燒豚丼燒牛丼午餐配的大福甜品🍮

平日lunch 時間好多人等位同外賣要自己搵位 等左十分鍾終於有位叫左個吉列豬扒配咖喱烏冬賣相都好吸引個豬扒炸得唔錯 少脆但係個咖喱湯底可以再濃d食埋個大福作結尾 滿足