廿一堂

營業中

休息中

廿一堂係香港都有幾間分店，係一間日式燒丼專門店，著重即點即製平價日式料理🐮厚切牛舌飯｜$65｜8.5/10套餐包大福同玄米茶，大福煙韌入面係忌廉，而主角厚切牛舌有足足五片😍塊塊都勁厚身，外層微微焦脆，質感好軟腍，唔洗咀嚼都已經咬開到，不是行爽彈路線，不過如果飯多一點醬汁會更為惹味🤣🥟豚肉野菜脆餃子｜$38｜8/10一份餃子有5隻，等左大約5分鐘就有，隻隻都脆卜卜🤤金黃色勁脆，入面豚肉野菜餡都好豐富，不錯小食🥔北海道薯餅｜$14｜7/10薯餅相對冇咁金黃，但味道比外表好，質感鬆化，不過有少少油膩🙈大福｜$15入面係忌廉，唔會好甜

餐廳快餐店自助形式，買完飛坐低等屏幕出飛 number，雖然係即叫即燒，但都好快有得食燒豚肉丼肥瘦相間好誘人，邊位燒得好脆幾香口，豬油撈飯邪惡得嚟好滿足，配醃蘿蔔剛好可以解膩開胃牛肉燒得比較乾身，但都唔會太韌，反而麵豉湯有驚喜，濃淡相宜而且麵豉味香濃烏冬本身比較鹹，質地尚算煙韌，燒鯖魚幾大條，味道正常。炸薯餅+$8，一般雪藏貨但炸得幾香口。即磨熱咖啡+$2，味道唔會太酸都算唔錯。每個套餐都有送大福，外層有椰絲，大福外層煙韌但太甜，忌廉餡輕薄。中環嚟講，性價比不俗。

中環呢一間連鎖食店好似日本，都幾好食又平。就好似我今日食嘅牛舌同埋燒豚，完全係物超所值。難得喺中環有一間平過$100有包嘢飲嘅餐廳一啲都唔容易，食物質素仲要唔太差，大家一定要試吓。

20220627以前喺中環反工成日過黎食午餐 中午時段要搵位真係超級難 就算場地好大都係日日爆曬場勁多人幫襯😵無黎幾年今日黎開呢頭經過見到竟然晚餐時段唔係好多人一於入去食下回憶😙晚餐款式感覺上比午餐少！因為午餐會有唔同既刺身飯😛記得以前超鍾意食雜錦魚生飯 唔算貴但幾高質🐟而家嗎我就叫左個以前午餐都成日食既廿一炭燒鳥丼 又跟甜品 湯同埋飲品 $69🐣雞肉份量超多質！肉質又嫩 十幾廿舊都有😍個飯入面有好多燒汁 所以食落都好夠味😛麵豉湯正常 海帶比平時啲麵豉湯多好多😛重點係佢個甜品 咁多年都係咁好食 凍冰冰嘅大福 食落唔會好甜 加埋香噴噴既cream 就💯

午餐時間🌟 廿一豚燒 $59 🚩推介指數（9/10）📎少許五花腩嘅質感，唔會好肥膩因為佢煎得好焦香，🐖肉既份量亦都較多，呢個價錢來講好抵食，中間放了爽口薑，配搭一齊口感變得冇咁膩👍🏻跟餐仲有個大福做甜品😍午餐可跟麵豉湯或加$3蚊 轉凍飲推介奶茶偏甜多奶好啱我口味⭕️環境方面坐得都舒服，門口買票，自由坐位，少許日本風既快餐店！

想簡簡單單食餐飯，呢到個幾好既選擇牛舌好足料，每一塊都好有口感，食完好滿足另外牛丼啲牛都幾好味，連埋啲汁一齊撈飯食，真係唔錯。呢到都算幾多位，一兩個人應該好快搵到位😃

中環 食晏 廿一堂 燒肉当 體驗其實中環食晏 真係好多人，要搵個地方大d既地方真係唔容易，而今日來到廿一堂 佢個場坐落係幾舒服既，位與位之間比較 寬敞，佢其實最出名係食燒豚肉当，不過我地今日試 唐揚雞配日式咖哩烏冬 $70唐揚雞即係炸雞啦，估唔到有成6至7件咁多wo,最正呀佢點o個個沙律醬 都俾好多，咁樣點個醬先好食架嘛，雞其實有驚喜既 香脆得嚟多汁，咬落去好過引, 而個咖哩烏冬呢， 稍為可以多一d咖哩味就更好啦，其實佢個餐最正係個 糯米糍，入口即化，我每次食呢間其實都會忍唔住加多$10叫多個來食既！ 整體來講有75分啦好評#廿一堂 @nijuuichidon

日本米選用丼飯店廿一堂 中環分店 位於100QRC後方座位舒適 係平日悠閒午餐既好選擇平民價錢 日本質素🍱廿一厚切牛舌丼 $65（附餐飲、大福）1️⃣牛舌4大塊 真厚切 入口鬆軟 味道濃郁 加上成個飯有紅薑既中和 同洋蔥都係一個相當好既配搭2️⃣大福 糯米滋口感 相當煙韌 濃濃既雲尼拿味 如果有兩粒 食主餐前後都食到一粒就perfect!評分: 8/10📍廿一堂 中環士丹利街33號地舖

之前一直都想食呢間，所以有人話要食呢間個時，我都跟著一齊去試套餐包埋大福既飲品，以65蚊係中環黎講已經非常抵食。牛舌都幾多，起碼令我見唔到啲飯，而且都好厚，絕對唔係一片片，而係一塊塊。而有啲紅薑(應該係)可以令碗飯唔會太單調。而個大福入面係cream黎，但唔會好膩

首先，我想分享，今時今日咁嘅環境，外賣冇折不特只，仲要外賣盒加$3，是否有點兒太多呢。至於佢哋嘅滑蛋吉列朱扒飯，講真滑蛋朱扒飯唔會好難做掛，應該唔會好難食，但係佢哋嘅滑蛋並唔係滑蛋，係well done嘅蛋，佢哋嘅吉列並唔係吉列，我知道加咗滑蛋後就不會好吉列，但佢係變咗一pat 粉，我知道麵鼓湯係會咸，但係佢係咸道好似飲緊鼓油咁，總之成個飯盒朱扒蛋及飯都好咸。$69 + $3 咁嘅價值係咩，係從此以後不會再去幫襯

日式燒丼的專門店，開設在中環，在中環的食市食物物價都偏高，竟然廿一堂的食物做到平民價，食物質素又不錯，簡直係窮人恩物，月光族之選我揀左個set 除左主食同飲品，仲包埋個大福甜品鰹魚湯牛肉65°C溫泉玉子讚岐烏冬仲可以有2種揀湯底，分別係鰹魚湯同蕃茄湯牛肉的脂肪比例啱啱好，熱辣辣的鰹魚湯令烏冬更好味，溫泉蛋攪拌混入湯，令烏冬更滑大福餡料係選用忌廉，皮薄的大福包住軟淋淋的忌廉，味道不錯👍🏻玄米茶*不收加一服務費

難道可以放鬆一下，出去午餐。 亦好耐都無試過廿一堂， 好似加了幾款新餐（5⭐️最好）鐵板角切和牛配燒魂丼（5⭐️）份量其實都幾多， 配上炸蒜片， 脆脆的。 外觀😊好似一粒粒排骨， 但咬落肉質幼滑， 而且肉味鮮甜。 🤩個汁真係熟得唔錯， 可以添飯就正😊👏🏻無想過紫菜有甘多， 滿滿一碗， 🥰還配上半煮蛋， 蛋漿整穿流到飯中。 😍😍😍😍加上日本珍珠米。 好好味😋👍🏻我最喜歡係廿一的大福， 咬落好幼滑， 外皮粉又唔會好多。 唔會令個口好黐立立。 😛😛跟餐可以免費送上麵豉湯、茶或者汽水。 我通常會選擇茶， 無甘肥😅😅。為了環保♻️出一份力。 有部自助回收餐的機。 幫到員工之餘， 又可以減少少， 下次用😁👏🏻

話說我漏左個紙袋（入面有新買既衫）係餐廳到，我隔左一日先記起唔見左並馬上打返餐廳問有無執到。店員好細心係電話確認唔見左物品，答案最後係搵到嫁！到達餐廳，店員又再確認一次遺失既物品，好細心！ 食物也是很好吃！謝謝你們！

以日本丼飯黎講，100蚊都唔洗就有一份溫野菜，一個麵豉湯，一個丼飯，兩條雞肉串，一個大福，一杯可樂真係幾平。不過味道就真係好麻麻。麵豉湯一d都唔清，一飲就知道係加咗味精。飯就ok啦，肉份量足夠，肉汁都夠。可惜係d飯太「林亅。雞肉串呢，就完全唔ok，太鞋太乾身啦。總括嚟講，如果自己一個人係中環又想食平ge日本丼飯，除左donki之外都不失為一個好ge選擇。不過同人食，就真係可以再三考慮一下先再決定黎唔黎食

今天想食日本菜其實最想要豬軟骨可惜家附近沒有這家店走路約15分鐘於是我是12:50提早打去13:15自取去到付款還不是用對講機請人拿出來是我要跟進去櫃檯自取也沒什麼結果是現在才煮雖然只是5分鐘但我就是想行程順一點才特意提早打去做不到可以說不行很多小事聚在一起就不是小事。一回家打開咖啡不是我點的額外要多付$2的黑咖啡是一杯我不能喝的「有奶」咖啡認真一點工作不行嗎？就算飯多好吃也已經給我超級差的印象。