廿一堂

營業中

休息中

咁兩個人係中環想食平少少既日本野，就黎左依間廿一堂，佢開左都一段時間，但係我都未黎過。咁我係夜晚黎，晚市時間都唔係好多人，可能係疫情關係，但其實間舖都好大，坐到好多人，都幾光猛幾乾淨既。第一個餐係岩鹽燒鯖魚定食配燒魂丼，咁先講條鯖魚，佢就幾夠咸，又唔會太over🤤，但係就覺得佢好似唔係燒得太耐，搞到唔太脆，有啲淋身，加上有啲油，所以覺得有待改善。個燒魂丼就真係要讚既，溫泉蛋好好食，加上好多紫菜，所以撈埋一齊係好好食🥳，幾飽都食得哂。個麵豉湯就有啲淡既，同埋入面都無乜料既😖。之後另一個餐係唐揚雞配鰹魚湯烏冬。個烏冬都唔係太淋，唔會一夾就爛，個湯都還可以，但唔係好夠味。面個炸雞就明顯唔係岩岩炒起，係放左好耐既😭，食落口比較淋同有少少凍，所以都係有待改善😖。整體黎講，因為依個質量，覺得貴左啲，每個餐減番10蚊左右可能會合理少少。🧐

餐廳吸引人係因為夠大而且價錢合理，日式食物又唔會整到太港式之餘又無變成日式價格。個人其實鍾意食飯多於粉但因疲勞減少食慾的時候食下粉麵類也是無妨。個流心蛋整得幾好，建議點餐食額外加。

今日中午買牛丼做外賣，回到公司打開後，發現只得幾粒牛，望落勁似二手飯。平時間唔中都會幫襯，都唔會係咁，真係令人好失望。雖然中午時間比較忙，但都唔係求其比兩粒肉，份量完全無準則

記得舊年初開張時經常有幫襯，不過近幾個月無食過啦，原來系一來吾近公司附近，二來套餐種類來來去去都系個幾種，香港人鍾意有新鮮感。不過今日突然有同事話想食日本野，於是醒起好耐無去嘅廿一堂。系門口發現有抗疫餐牌，有6折優惠，即時雙眼發光，立即入去搵位，發覺格局吾同左，以前門口部份賣麵包，宜家全部打通晒，位置更多更大，比起之前易搵位。搵到位後系門口位置買票(有人手，或者自己襟機）我去左人手排，比完錢後竟然好貼心地送左個裝口罩嘅信封，幾靚下喎豚肉生薑燒配65°C溫泉玉子 ($63包凍飲+糯米磁）廿一燒牛丼($56包熱飲+糯米磁）廿一雙盛燒丼($48包熱飲或汽水）因為系抗疫優惠套餐所以無左個甜品。其實整體食物系ok嘅，起碼系珍珠米， 加上啲肉系有即燒嘅感覺，系有部份套餐就覺得略為貴左少少。

今日lunch落到街大家都唔知食乜好同事就提議去廿一堂都半年有多沒有去過，去到門口有個大banner寫抗疫大割引當然要睇睇有乜好野啦，有3個選擇~北海道蟹味噌雙色丼,廿一雙盛燒丼同關東風魚餅溫泉蛋烏冬，我選擇了雙盛燒丼配汽水，一個同事order豚肉生薑燒配溫泉玉子，另一個同事就order廿一燒牛丼，原來食抗疫價嘅餐份量係比午餐小啲同冇咗個大福甜品，不過女性應該都夠食嘅男性就差啲，同事話今日個豚肉生薑燒味道差少少，我個雙盛燒丼就好味不過係欠了個甜品

在中環工作午餐吃什麼通常都會令人煩惱愈多選擇愈難決定但好處是有很多新餐廳會在中環開店今次嘗試的日式快餐店是設立在檀島的舊舖位咖喱吉列豬扒蛋包飯最穩陣份量足夠豬扒厚身咖喱味道不錯環境走北歐優閒風（但其實是快餐的格局）主菜加上飲品定價在$100左右在中環來說尚算合理可以一試但說真的我還是懷念檀島多一點

⭕️有提供酒精搓手液⭕️座位之間有距離感⭕️自己用膳的，不怕被逼搭枱。面對牆的坐位，全是單人位置。來了多次的日式自助快餐店。出品穩定😀常來的！兩個人，12:50來到，等左五分鐘，有卡位坐。特價餐$48沒有了大福燒牛拼燒雞丼燒牛的確好味呀！燒香香的，但比較肥燒雞乾了一點，不鞋的，還好！配菜洋蔥可以加多份量燒豬腩套餐 $56燒豬腩肥瘦剛好紅色的配菜可去走油膩感👍🏻棷絲綠茶大福我不太喜歡的味道皮太厚了。

本來諗住食鐵牛牛肉麵，沿路經過呢間食店，聞到好香嘅味道，吸引左我入黎食。環境好似food court咁樣，店內衛生良好，擺位亦十分寬敞。食物方面：整體來講，食物質素認真麻麻，但環境尚算舒適衛生。

中環出名食野貴，想食日本野，無百幾蚊都唔洗旨意出到間餐廳，但無意中卑我係士丹利街發現左呢間平價日式快餐店，見d相都相當吸引，就入去試下平價人流自然多，廿一堂係要自己搵位，買飛，好似food court咁，好不容易終於等到位，同等到食物，開餐！極尚三文魚腩丼($82)真係塊塊都係三文魚腩，塊塊都好肥美，仲有小量既魚子，壽司飯味道亦都不錯，抵食三文魚親子丼($82)三文魚當然無三文魚腩咁肥美，不過都新鮮既，魚子比三文魚腩丼更多，鍾意食魚子既呢款都係不錯既選擇角切寶石丼($79)切粒三文魚，吞拿魚，八爪魚，白魚，蟹籽，甜蛋，青瓜，都切得幾大粒，幾有口感，新鮮程度滿意，呢個價錢絕對合格個餐仲可以配麵豉湯，玄米茶或汽水，中環黎講絕對係平民既價錢，超值既水準，不過午餐時間堅多人，建議唔好太多人一齊去食，好難等位

「一個人食lunch系列」又來開餐喇！喜歡這里的套餐價格合理，滿足，套餐$60-$90有交易，套餐有飲品和甜品。這次坐了二人bar枱，望著窗外，自成一角。今次唔想食飯，點了個熱湯烏冬，唔飲面豉湯，飲了熱茶。溫泉玉子牛肉烏冬 $62牛肉，不是肥牛，慢慢咬ok的牛肉份量好足夠，食到最尾都可以同烏冬一齊食。鰹魚湯，清清地，幾好！溫泉玉子不過不失。甜品的大福隨餐附送大褔外皮有黃豆粉外皮十分軟熟大褔餡是忌廉，原味的 幾好食😋

「一個人食lunch系列」當日食lunch後行過路過見到玉子飯被餐牌吸引了那個餐牌放在心上今次，有機會去食了。客人可在入門時經職員購票亦可選擇隔離兩部大平板，自助購票接著可以自己找位置等待自己票號去取餐和牛配玉子飯定食 $80好豐富滿足的感覺有餸，有飯，有甜品🍮和牛角切牛粒熱烘烘的這個要試呀！和牛有點膩配上紅色的前菜，帶點點酸就可以中和了。玉子紫菜飯。ok!除了日式燒肉，烏冬選擇外還有多個魚生丼或壽司套餐提供

「一個人食lunch系列」星期五中午12:40來到廿一堂開餐。進門分開左右兩間店，我是到右邊的一家，有一系列燒牛和豬肉的定食，也有烏冬定食。定食有三樣野，主食，大褔和湯或飲品。第二次來到這里，這次選了最經濟的豚肉丼定食。豚肉片香口，熱烘烘的好好味呀份量足夠，一大碗白飯係肥仔米，豚肉汁都流晒落的飯豚肉上的紅色醒口菜讓豚肉不太肥膩面豉湯不過不失！湯中有少量海帶大福是軟綿綿的，不會凍外層像黃豆粉中間是忌廉好味呀！性價比高

呢間都開左一般時間，今天終於去試，比想像中大間，快餐形式同價錢！友人叫左呢個，小妹試左一舊，有驚喜，好tender 又有肉味！相比之下小妹個烏冬就差d,但都ok ge!總結，CP 值唔錯，會再食！

中環中午時從來都係人來人往，多不勝數既地方，而且要同時搵到一間夠大而且食物又好食既餐廳都唔容易。 是日與友人來到「廿一堂」，開張不夠十天，門口仍然大排長龍，幸好餐廳內座位非常多，而且流量出入亦非常之快，大概在門口排左十分鐘就可以同counter點食物😋😋食物選擇非常多，牛豬雞魚基本配搭都全部提供，而飯來則點了「廿一燒豚丼」；友人則點了廿一咖哩唐揚雞😊😊燒豚丼要做得好食，唔係一件容易既事，必須要係肉質、火喉及調咪下功夫☺️☺️廿一燒豚丼採用腩片，帶有少許肥膏及肉，經高溫火灸後表面燒得非常焦香，如圖所見帶點焦邊，燒汁調得合適，帶點微甜😋😋至於友人的唐揚咖喱雞件，味道亦相當不錯，咖喱汁非常濃郁，質地較為稠身，日式咖喱為基礎，而炸雞件數量約有4-5件，尚可接受。每個套餐送一件日式米糕，非常底食😋😋

講到中環食lunch真係又貴又好多，難得今日有同事帶我去呢間廿一堂試下，相信日後都會多d黎食😊😊午餐有多款選擇，套餐包左飲品及大福甜品，價錢介乎$55~93。😋😋counter買完後就可以揾位等叫飛🙋‍♀️，當日約12:15去到都仍有空位，我點左11號餐唐揚雞配咖哩讚岐烏冬，炸雞好香脆嫩滑，應該係即炸，彈牙嘅烏冬配日式咖哩汁好滿足最驚喜係個大福，外皮柔軟煙韌，好正👍👍臨走前如自行把餐具放回指定地方，便會有$2優惠券下次用😄