廿一堂

營業中

休息中

喺公司附近冇咩特別野好食⋯同事就話不如試吓呢間嘅丼飯😋燒牛丼肉質比較乾身因為牛肉冇乜油脂不過可能係燒既關係一打開個蓋已經勁香！上面紅卜卜嘅係醃蘿蔔 加埋啲牛肉一齊食會比較冇咁油膩👍🏼燒豚丼用咗五花腩 油脂比較豐富咬 落去會比較腍同樣地亦都好香燒過嘅味道！.芝麻雞翼脆卜卜好香口 如果可以多啲肉汁就更好💪🏻

今次介紹一間好受中環打工仔歡迎嘅日式快餐店🥳～ 餐廳就位於中環Donki上一條街，成日經過都好好奇🧐小編終於有機會試試佢啦！點餐流程同連鎖快餐店一樣，俾錢攞飛再攞餐 亦都可以自助點餐😉餐廳座位闊落乾淨 不過唔算好多，平日lunch time通常都逼爆。食物方面頗有誠意，燒豚丼豚肉厚薄適中 邊位微焦 有焦香😋飯就用上日本米 粒粒圓潤分明有口感🍚面頭都放咗啲酸蘿蔔解膩。讚岐烏冬免費轉咗鰹魚湯 比較清淡🍜似係日式醬油湯底 帶些少甜味。唐揚雞大大塊 肉嫩脆口 好好食🤤跟餐仲送嘢飲同大福🍡大福外皮軟糯 內餡係滿滿嘅忌廉，味道偏甜。除咗主食，大家仲可以加配小食 大致$8-16，小編都試咗幾款。炸薯餅口感非常綿密 裡面質感似薯蓉🥔芝麻手羽其實就係雞全翼，炸得非常香口 值得叫！肉串有啲似ikea嘅肉丸🧆普普通通 無必要試。小編真心覺得抵食過吉野家多多聲，每次消費仲會送優惠卷，唔怪得咁受歡迎！🌟 廿一燒豚丼 ($56)🌟 唐揚雞配日式咖喱讚岐烏冬-轉鰹魚湯 ($68)🌟 芝麻手羽2件 (+$16)🌟 北海道炸薯餅 (+$8)🌟 日式雞軟骨肉串(+$16)味道：🌕🌕🌕🌗🌑環境：🌕🌕🌕🌑🌑價錢：🌕🌕🌕🌕🌑

中環搵外賣多選擇 但價錢係一個考慮咁啱經過廿一堂 見有二人套餐 $118 幾抵有得揀丼飯/烏冬 六選二然後有小食同飲品揀 每人三選一要咗個鰹魚湯牛肉溫泉蛋烏冬+九州豚湯野菜煮 + 麵豉湯 等咗10分鐘左右放得幾好 冇漏瀉鰹魚湯牛肉溫泉蛋烏冬烏冬同湯分開放 啲麵冇淋/爛拎到返屋企仲熱辣辣一開勁香!!! 而且份量大好多牛肉同烏冬 (尤其牛肉 出奇意外地多 正)雖然分開放 不過原先烏冬已經有味 鹹鹹地溫泉蛋超流心 似未熟 但係撈烏冬好正牛肉半肥瘦 有牛肉味 食落又腍 冇根烏冬質感好彈牙 滑碌碌 又索汁 超入味👍🏻好食過吉XX 好多鰹魚湯反而清清地 同時幾香 全部野好夾九州豚湯野菜煮同樣分量多個湯都濃味 似麵豉湯 係旺菜 好食麵豉湯都超濃醇😋夠鹹-味道好味👍🏻勁有日本味道服務好環境大 (雖然唔係堂食)CP值算高 $59 主餐份量足 又多野食 又高質中環搵食好選擇

Beef rice bowl - typical local working class experience!!if you don't have high expectation, then the food may ended up tasting just fine!  if there is a long queue, then don't waste your time... (you need to check the queue inside where order is being prepared and not just at the check-out, because the queue there can be misleading!!)  the place was quite packed during lunch hour too! good thing - they have phone charging station where you can plug in usb cable ! 

廿一咖喱唐揚雞井 $68都大大件，肉又嫩身，咖喱汁黎講不會太濃，但配埋日本米好食，有啲口感！呢個算抵食，都幾多塊雞。追加上北海道牛乳薯餅小食 +8係香口好食既，無乜特別。餐都包左飲品同甜品～甜點係大福。個大福真係好有驚喜，煙韌得黎仲會爆啲cream出黎，好似食緊雪米糍咁，呢個真係好正。

講咗成年一直想試，今天終於試到，因為有人陪。中環食飯時間係好多人，搵位難，無人陪真係好難搵位。外賣要加$3。店內有部機如果自己收盤可以按一張票第二日再光顧$2優惠。服務態度：自助式，先購票，後取餐，姐姐收盤都快手，搵位不太難。環境方面：坐位多，比一般快餐店乾淨，比較嘈雜。食物質素：2號餐燒牛肉飯好味，牛燒軟，偏肥但口感好，有酸蘿白中和油膩感，佩塔相當唔錯。厚牛舌飯，牛舌相當日厚，有咬感，軟軟的。性價比：高總結：應該早啲嚟，一定有下次。好味指數

//食物 🌕🌕🌕🌗🌑1️⃣廿一炭燒鳥丼 $58D雞係用炭火即叫即燒既，所以會有陣焦香。個雞加咗少少燒汁去燒，鹹鹹地幾好食，可惜肉質略乾，而且個飯無汁，所以食耐咗就會覺得好dry😣2️⃣鐵板角切和牛 配燒魂丼 $80D和牛好大粒，咬落去一D筋都無，好鮮嫩，仲有少少粉紅色，再加埋D炸蒜片簡直一流！淋埋D燒肉汁上個飯到，話咁快就食曬😛3️⃣大福 跟餐加$10本身Menu個大福係綠色既，我就以為係抹茶紅豆大福，點知完全貨不對辦，係淺啡色既，個餡都只係普通cream，完全唔值$10。//價錢 🌕🌕🌕🌑🌑價錢中規中矩，以中環區嚟講算係唔錯。//位置 🌕🌕🌕🌗🌑唔算近鐵站，隔離就係Donki，而排隊入Donki條龍就係正餐廳門口-//環境 🌕🌕🌕🌗🌑呢間餐廳係自助形式，自己攞餐，自己回收，有D人食完無回收到，雖然間中都見到有姐姐收返D托盤，不過衛生都未去到特別好🤔-//員工 🌕🌕🌗🌑🌑因為係自助形式，所以其實成個過程都無接觸過D員工，所以不予置評😶-//總分 🌕🌕🌕🌗🌑-野食質素正正常常，行完Donki想搵個地方坐下食下野，都可以考慮下😂

黎到中環，想食平啲，又坐得舒服，💡發現係donki 附近有間幾抵食又多位既日式餐廳，係吉野家以外既選擇～🤓價錢幾實惠，五六十蚊就有成個lunch set 🐓唐揚雞配蕃茄湯讚歧烏冬 $68本來係咖喱，原來可以免費轉鰹魚或蕃茄湯底，🍅蕃茄湯都有唔少蕃茄，海帶同煮到甜既洋蔥🍗好大件唐揚炸雞，外皮都夠香脆，咬入去唔會好乾😍隨餐附送大福，好鐘意佢外面煙靭既表皮，咬入去都係滿滿既cream!原本lunch set 可揀玄米茶或汽水，今次黎飲品可以免費升級做🌿宇治抹茶，🤔不過抹茶味有點欠奉

午飯時間，這裡成日好多人，今日更加full，在門口買完餐，好不容易終於搵到位，今日叫了個新產品，生薑汁煮豚軟骨丼，第一次食這個丼，幾好味，飯上有我最鍾意的溫泉蛋，用來撈飯一流，豚軟骨好淋身，唔韌，而且好入味，餸的份量也充足，豚軟骨上有葱花，賣相不錯.

係中環食餐飯閑閑哋都要過百未計加一，如果以60蚊左右黎講叫做不過不失CP值算高，當然佢都有啲款式接近100蚊，餐廳環境闊落，位置又坐得舒服，我見到單人位有埋叉電插頭，如果想一個人靜靜地食飯都唔錯，對住牆食又無咁尷尬。7/10條鯖魚都好入味又大條，個醬汁味道唔錯，加少少檸檬汁就更開胃，溫泉蛋紫菜撈飯係無敵唔會輸🤣送咗一粒糯米糍，不過我試左一啖就無食，因為太飽了朋友叫的，佢對食無咩要求🤣呢個唔評啦

今日友人介紹新餐廳 中環新開既日式快餐店 就開左係donki後面 好開心搵到一間價錢合理既日式快餐店 因為好耐都無得去旅行 所以好掛住日本 🇯🇵好想食日本菜一解鄉愁 哈哈午市友人叫左個牛舌飯送大福會員升級凍抹茶 🍵加埋先$58 我就要左個蕃茄烏冬配炸雞送大福面鼓湯加配炸薯餅先$76 呢個份量絕對係cp值高！好欣賞佢有個自助飲水吧同調味料吧 佢唔係一包包既調味料 而係一樽樽既調味料俾你拎返去台上任你加 超大方！座位方面，有8成都係4人卡座 比較寛闊舒適 食物方面，味道中上 用料飯粒係圓滾滾既日本米 烏冬用上讚期烏冬絕對係誠意之作

今天香港暴雨不斷，經過這里馬上進去吃午飯。中午時候人客非常多。這店分開兩部份，一邊為廿一屋吃普通日式丼和烏東。另一邊楊食屋吃蛋包飯和咖喱。最后友人迭了楊食屋。點了漢堡咖喱蛋包飯+牛肉腸+昆布湯。朋友點了吉列咖喱豬扒飯+溫泉蛋+昆布湯。我的漢堡咖喱蛋包飯味道還不錯，咖喱汁很香甜。日式咖喱一般都不辣。但漢堡扒的肉質有點奇怪，沒有漢堡的質感，感覺像用素做的假漢堡扒一樣。牛肉腸和昆布湯就中規中矩。朋友的吉列咖喱豬扒飯賣相不錯，應該口感不太差。

日本野一向貴，呢間走日本快餐路線既廿一堂就比較平，今日叫左個日本牛丼$59，送一件大福，仲包飲品。牛丼好香黑椒薑蔥味，少少鹹但好味，牛肉都大大片，有5-6塊，好好食，大福係芒果味，甜甜地冇酸味，飲品叫左忌廉梳打，唔使加錢，仲送左個口罩夾，成餐又高質又抵食。

午餐快靚正必食牛舌飯中環午飯時間通常都好多人，想搵個地方坐得舒服，食得輕鬆真係唔容易。最近經過廿一堂，發現$60左右就可以買到美味牛舌飯，還配餐飲及甜品，真係非常之唔錯！牛舌嘅厚度非常之適中，再配埋珍珠米，一個人分量剛剛好！餐飲選擇都唔錯，我最喜歡配日本玄米茶，幫助消化！甜品方面：飯後一點甜，味道適中唔會太甜。通常午飯時間都係一個鐘頭，比較趕！呢一度落單非常之方便，而且很快可以拿到食物，整個吃飯過程非常之迅速快捷，午餐快靚正必食推介！

係附近返工，都經常食廿一堂，食過燒豚肉飯，豚肉燒得好香，夠淋，好食過吉野家，仲有送芒果大福甜品，淡淡既芒果味，入面舊cream都好正。另外仲食過關東煮烏冬，下午茶價錢抵過午餐，關東煮既湯係似鯛魚湯，少少鹹，似係冇味精，舊蘿蔔都好淋，吸哂d湯好好食。