廿一堂

營業中

休息中

昨日到樂富分店第一次幫襯呢間嘢就係食呢個豬扒丼,望落去個樣好乾冇乜汁,個蛋超咸,豬扒唔脆好淋,冇豬肉味（急凍豬扒預咗）重要個炸粉攪唔勻,咬落去重有粉,有啲就炸過頭有啲硬到咬唔入嘅粒粒！飯就落太多水變咗爛飯,跟餐有個味噌湯就正常超市賣嗰啲即沖味噌湯,嗰幾嚿酸蘿蔔就算把啦當睇唔到...重有個朋友叫set盬燒鯖魚配烏冬,個湯唔熱,烏冬硬,條盬燒鯖魚外面唔熱但入面好熱,個感覺好似用微波爐叮熱（我估計).......sorry寫到又長又一嚿嚿,但唔寫出嚟分享下我驚收埋收埋我會有抑鬱症.........總評：5分最高我比1分,1分係比個收銀員幾有禮貌,如冇意外應該唔會有第二次,完！

店內為日式裝修風格，牆身有一幅巨型插畫，環境望落幾舒適首先你要喺門口買飛，店內採取自助形式去取餐及收餐，感覺有啲似而家嘅連鎖快餐店既運作。炸雞咖喱烏冬 $72炸雞屬於日式拆炸雞，表皮唔脆，但尺寸都好大嚿，而且總共有四舊，咬落去啖啖肉😋😋係幾驚喜嘅！至於咖喱湯烏冬質地唔算濃稠，亦冇咁濃味，面頭仲有幾片切咗嘅秋葵。一般坊間嘅咖喱湯都會有大大粒薯仔同蘿蔔俾你咬，而呢度就極細粒，所以我就嫌咬口同埋配料唔算多。整體來講，炸雞係幾抵食既，但咖喱湯烏冬就屬於合格水平至於同行嘅朋友就叫咗燒豚丼$60, 望落去一共有好多塊肉，入口感受到一半係肉一半係豚嘅脂肪，燒得啱啱好😋😋食落勁香口，但個碗係比較淺，對於一個男仔來講可能未必太滿足啦總結：似去咗連鎖快餐店，但價錢較快餐店貴，食物不過不失

最近睇緊麵包超人⋯所以好想食關東煮（笑）咁啱放工行過見到呢間自助形式嘅日式快餐店唔太貴又唔使等位～就決定試一試佢座位好寬敞，坐得好舒服晚市堂食都唔算多人唔難搵位點咗鰹魚湯讚岐烏冬配關東煮仲有麵豉湯同一粒大福一人份晚餐夠晒飽肚～關東煮唔夠入味，成個湯底都比較淡，唔夠鮮甜有啲就咁將食材烚好再加湯嘅感覺⋯讚岐烏冬算彈牙有咬口，無煮到淋晒！大福外層好煙韌，咬入去好creamy黃豆粉同忌廉好夾～但唔會太甜！不過整體成個套餐就唔算合格了⋯

自從樂富廣場將1/F上2/F嘅電梯轉咗用廿一堂門口嗰組，人流多咗好多，而廿一堂傳出嘅陣陣燒肉汁香味，亦招徠唔少生意。沒想過食落口係咁差🤮點咗：厚切牛舌丼 $58加配宇治抹茶（凍）+$8牛舌好厚，明顯係急凍巴西牛脷（well，五十幾蚊，我知我唔應該期望日本仙台嗰種燒牛舌）。有筋！😓冇肉香！😓只有大量黑椒同鹽去掩蓋雪藏味！😓燒肉汁好鹹，鹹到成碗飯都只有鹹味！😓抹茶飲品係抹茶粉加牛奶，杯好細，好快飲完——因為碗飯真係超鹹！冇下次😑

小胖友話想去試下呢個日式新店就約小胖去食，佢的選擇都幾多，有飯，烏冬，一人小火鍋，小胖一行三人分別叫了鰻魚飯，咖喱飯配炸雞，鐵板角切和牛配溫泉蛋飯。佢的鰻魚都還算大條，魚身厚薄適中，鰻魚汁亦不錯，唔會過鹹或甜，佢的飯係用日本米煮，飯身都頗為軟熟煙韌，但香味略嫌不足。咖哩係日式甜咖哩，不過唔會太甜，咖哩內的蔬菜配料好少，少到接近無。佢的炸雞好大件和份量頗多，而炸粉唔多，唔會過厚，雞肉亦唔會炸得過乾，咬落還有肉汁，不錯👌鐵板角切和牛的肉質還可，有點韌，肉粒份量都算多，不過肉汁好鹹下，佢飯上面的紫菜頗多，溫泉蛋亦算流心，不錯👌小胖還額外點了小食，薯餅和雞肉丸，兩個的味道還可，但沒有特別推介。佢的店內空間頗大，位置亦算舒適，佢的食物味道質素其實還可，不錯食，但飯的份量唔多，如果係女仔份量都還可，大食小小都有機會唔飽，男士就應該大多唔會食得飽。丼飯來說，佢的價錢算係中上偏貴，但小胖覺得佢的食物質素和份量不是很符合呢個價位，小胖呢餐，人均一百，但都唔係食得好飽和感覺很不值，嘗鮮可以。

之前經過見到樂富廣場新開了一間吃丼飯的店，一直想找機會試試，拖了一段時間終於試到了。這次買了外賣，比較驚訝的是一般餐廳多數外賣都是加$1，或按使用外賣容器數量收費，而這裡一個餐要加$3，而這裡只有2個外賣容器，搞不清楚他們的收費方法。我叫的是燒豚丼，感覺份量偏少，不清楚是剛巧我這份份量較少，還是他們的標準份量就這麼少，男生的話應該一個餐會不夠吃。味道方面，個人覺得偏淡，整體而言普普通通。個人認為這間餐廳CP值不高，同價錢有很多更好選擇，不會考慮再次光顧。

因為都唔熟呢區，加上趕住食早餐，所以就求其入咗呢一間😁😁 早餐set價錢合理，$37有關東煮烏冬同飲品。另外，廿幾蚊有蛋有肉有多士🤣🤣。不過全程都有啲蚊飛嚟飛去，淨係趕蚊都忙到食唔到野😆😆 鰹魚湯底好似唔太香（可能我同日本比😆😆）料都有幾多款，我最期待嘅蘿蔔（大根）無令我失望😁😁都幾淋幾入味，香港嚟講算非常好。烏冬就香港正常發揮，係圓柱形嗰隻😆😆 試埋個蕃茄湯螺絲粉都係一般快餐店水準，聽講個肉同蛋比快餐店好少少，我就無試啦。

今日特登揸車來試㗎！叫左1 號廿一燒豚丼$62 跟餐加左芝麻手羽x2$16,我老公就叫左5 號生薑汁煮豚軟骨丼加左北海道路薯餅$8！總括味道似預其！不過不失！燒豚比較薄片，但數量多算底食！但味道不及丼丼屋！而豚軟骨就過甜！不吸引！跟餐有個奶皇大福餅！男士食唔飽都有反個安胃🤣🤣🤣

用餐時間：普通星期二 1700全部野都正常，不過份量真係比較細。鴻運丼牛 (評分:4/5) : 有牛舌同燒牛肉，味道唔錯，牛舌都有咬口。可惜都係份量比較細，食唔飽。柚子檸檬梳打(2/5) : 糖漿落得重手左，味道偏甜。 最後埋單免加一係$160，兩個人平均每人$80。質素整體好過其他同類型餐廳，不過問題係份量比較孤寒，如果連我呢啲細食既人都唔係好飽，大食既隨時要叫兩個set先夠飽。

今晚（10/2/2021）試這餐廳外賣，外賣有九折，點了一個廿一堂燒牛丼餐，餐跟大福及麵豉湯，見之前食評，餐份量小，故另加了一客北海道炸薯餅，合共$70，九折後$63。燒牛丼，這份晚餐，份量真係少，肉好乾及唔太熱，唔似即叫即燒，餐牌寫住“即叫即燒”，牛肉的油滲到飯底，好油，麻麻地。跟餐大福及麵豉湯北海道炸薯餅，都係好乾，可能外賣，拎到返屋企，已經唔脆，比起一連鎖餐廳的早餐薯餅，真係差很多。

見佢呢排新開決定去試一試 本身冇諗住寫所以冇乜點影到相 但一見到佢真身 阿姐決定要寫一寫喇廿一堂有收銀都有完善既自助服務 可以自助點餐、自助取餐、自助回收 總之就好自助啦 當自己屋企得架喇 講笑 我食完太錯愕既關係 竟然唔記得咗自助回收 冇領取到您的環保獎賞 真失策我嗌咗有Number 1人氣既 1. 廿一燒豚丼($52) 飲熱玄米茶 而朋友就嗌咗 3. 廿一炭燒鳥丼($54) 飲百事可樂開心試新野 餐廳環境乾淨光猛 搵個位坐定定等Number拎野食望落個餐賣相好唔錯 好多塊豚肉 肥瘦各半 食落香口 唔太膩 有紅色醃蘿蔔同芝麻 好夾 當好開心要大啖大啖食之際 咦 筷子一野篤到底既 掀開 真係吓出聲 啲飯咁少既 乸埋都唔夠放係每舊肉下面當壽司喎 就係咁旋風式吸入成個飯 我個午餐食完好似冇食過咁 小女好無奈 真係太細份 完全唔夠喉 唯有飲埋杯熱玄米茶增添果腹感朋友既鳥丼 都係話好味 但好細份 偏貴呀