形 (大涌橋路)

營業中

休息中

趁就快到情人節，約老婆去酒吧提早慶祝一下。呢間餐廳係麗豪酒店附近，地方寬敞而且燈光光猛，原本以為飲酒為主，但其實都好多款燒物選擇。一入去有桌球枱，而且仲有飛鏢玩。其實冇諗定食咩，於是叫左廚師推介。先來兩杯飲品。Pink Love個杯用菠蘿汁、檸檬汁，橙汁再加些少士多啤梨糖漿同soda，rum酒，飲完好開胃，賣相一流，絕對啱女士飲。燒物有燒菠蘿，燒雞翼，燒茄子，牛舌，秋刀魚，豬肉串同魷魚鬚，食物質素好，炸得金黃香脆，所有燒物性價比都好高。最後來個紐西蘭一級肉眼扒，肉質鮮嫩，五成熟就剛剛好。呢度啲侍應好有禮貌，好好招呼，環境又清潔🧹，真係好適合情侶或夫婦。

一進去地方寬敞，坐位舒適，正中有桌球枱，有飛鏢及「適中」🎲玩，一流。不論朋友或情人都非常適合。當中廚師介紹兩杯情人飲品，一杯有酒精🍸，一杯沒有酒精🍹這杯一定推介，只用日常食材調配的，包括🍊橙汁、🍋檸檬汁，🍍菠蘿汁溝在一起，再加配，增添胃口，調酒師用心細心地調較而成，入口清涼更唔少得搭配不同的串燒物一起品嚐，當中牛舌😋一定要推介，超好味，各樣串燒都有，重點推介雞泡魚，真係很少得見，乾身而彈牙，蒜蓉茄子🍆超大條（必食👍🏻），最後登場大過手掌✋🏻的牛扒，厚薄適中，鎖住肉汁，一連串十道菜，大飽口福。

比較少路經呢個位置 差啲就錯過咗呢間性價比高既串燒酒吧餐廳係麗豪酒店地下 一入去已經覺得空間感好夠 非常寛敞正值happy hour 叫咗杯sangria 非常足料 一杯都夠飲成晚～串燒上台之後都有驚喜 夠味 肉質嫩滑燒茄子係每次食串燒必點 好香同朋友一致認為蠔係必點 超肥美同鮮甜 上面啲汁都好夾魷魚酥都炸得好香脆 皮夠薄 食到本身肉質驚唔夠飽仲叫咗烏冬 連主食質素都唔錯總結：成餐既野食同飲品都好滿意 價錢合理 會再encore 非常推薦沙田區朋友放工後可以去chill一chill

估唔到酒店都有得食串燒。可以食串燒飲吓嘢宵夜，都相當唔錯。我地一班朋友去食覺得環境幾好，可以一齊聚吓餐廳酒吧形式，所以環境比較好chill。我哋叫咗少少串燒，分別有雞軟骨$25、川式燒羊架$68、豬大腸$25、特級珍寶蠔-1隻$58、松葉蟹肉薯餅 $40。價錢酒店嚟講唔算貴。雞軟骨有咬口夠爽口。羊架都幾大件，而且羊肉唔會太老，肉質粉嫩。豬大腸好香口，外皮卜卜脆，燒得脆口。珍寶蠔幾大隻，口感唔錯，幾飽滿！

位於麗豪酒店呢間酒吧，有酒飲有串燒食🍢係一個唔錯嘅食嘢傾計地方。呢度全部都係梳化位，所以坐得舒服。叫咗杯Cranberry Sangria🍹飲品幾甜幾好飲，有少少七喜幾爽！串燒方便我哋揀咗小香辣，嚟到都真係幾辣下，有少少重慶串燒嘅感覺！▶️牛舌$36牛舌大大塊，一串有兩至三塊，視乎大小。牛舌厚身，面上充滿香辣粉，啖啖肉咁。▶️豬頸肉$25豬頸肉口感似豬腩肉，一串有好多小件。有炭燒烤味。▶️安格斯牛仔骨$68一生有三件，牛仔骨幾香辣惹味，而且幾肥美！▶️蒜蓉粉絲燒扇貝-1隻 $58呢個扇貝大大隻，面上充滿蒜蓉。蒜蓉佈滿整隻扇貝，而且仲有粉絲。食落蒜味香濃，扇貝味道不錯。▶️酥炸魷魚鬚$58呢個我覺得幾好食，魷魚鬚炸得香脆，有少少七味粉及椒鹽，唔會太油膩，魷魚味幾香！

位於沙田河畔嘅katachi 集日式串燒+bar+bar類遊戲（例如飛標、桌球），世界盃時段仲有足球睇 緊有一款啱心水一嚟到店員會提供一份炸紫菜蝦條 飲品叫咗杯 cocktail- blue hawaii 酒味出眾 味道頗為清新 香蔥雞肉炒飯炒得香口乾身 面頭更有飯素 味道層次更多 雞肉切得細細粒令賣相更完整 燒牛舌 牛舌份量都幾大 整體口感偏軟熟 燒雞軟骨一份有兩串 加咗七味粉嘅雞軟骨串更入味 雞軟骨亦好香脆燒羊肉嘅味道突出 個陣蘇味唔會過分搶味 味道不錯豬頸肉口感煙韌 唔會太過硬 燒扇貝配上大量嘅蒜蓉同粉絲 扇貝亦頗大粒 加上濃濃嘅蒜蓉入哂落扇貝肉到今川燒 （奶黃味）係由炒過嘅蘋果做面 底下嘅今川燒係煙韌嘅奶漿皮 配上燒過後嘅香脆口感 中間係帶點甜度嘅奶黃 配上雲呢嗱雪糕 一冷一熱 作為結尾嘅甜品

之前同朋友嚟咗係麗豪酒店附近嘅katachi形 入面有唔同種類嘅串燒同埋飲品NUTS $20布滿紫菜粉嘅蝦條 口感香脆 好適合作為開胃菜 同朋友邊食邊傾 Grilled whole eggplants $45燒茄子面頭舖滿蒜蓉 茄子肉軟熟得嚟亦唔會容易散chicken cartilage x2 $25雞軟骨正常發揮 口感香脆有咬口lamb $25羊肉肉質唔錯 配上調味粉燒味道更有層次pork neck $25豬頸肉唔會太過韌 味道香口Chive chicken fried rice $78炒飯粒粒分明 唔會太過油 調味應該加咗少少辣粉 豐富味蕾sour apple frozen $48一杯清甜嘅mock-tail 用青蘋果 加上檸檬同蘋果汁 味道清甜帶點酸味 一杯好開胃嘅飲品餐廳入面仲有桌球同飛鏢可以玩 啱哂一大班人玩下遊戲吹下水

呢間酒吧餐廳位於麗豪酒店附近，絕對推介俾各位黎staycation嘅人。內部裝修突顯高尚格調，而且地方寬敞，又有不同的娛樂設備。一大班人黎玩又得，兩三個人黎chill下都得，同出面嗰啲好嘈雜嘅酒吧完全唔同，最緊要係佢哋嘅食物同埋飲品都高質。又有得玩Beer Pong, 又可以掟標，絕對唔會悶親你。飲品方面，我同朋友總共叫咗四杯野飲。全部都各有特色，可以望到調酒師真係用心調較。串燒要耐心等候，雞翼好食。燒蒜蓉雜菇，可以一試。雞扒烏冬正常發揮，啲烏冬好似採用稻庭烏冬，麵質較軟身。燒金菇肥牛卷，略嫌啲金菇偏乾身，有待改善。又點可能唔試吓個燒茄子呢？你睇吓俾我手掌仲要大，我同朋友清得一乾二淨就知道有幾好食。整體來講，餐廳乾淨企理，地方闊落，無論係食物定係飲品，都絕對滿足到你喺一般酒吧嘅基本要求。

酒吧位於沙田嘅麗豪酒店，出新城市地鐵站之後可以搭車或者行大約15分鐘過到嚟呢個都係約朋友嘅好地方，放工嚟到感覺好正😊嘢食飲品嘅選擇都好多😊坐低之後店員先俾我哋小食😊所有燒烤嚟到嘅時候都熱辣辣，好香！牛肉粒、牛舌、燒五花腩都係啖啖肉，好正😊調味恰到好處😊雞翼外皮香脆，有芝麻粒，裏面啲肉都好入味我哋好似冇食過咁大隻嘅蠔😊飽滿，多汁，調味得好好炒飯好好味！蔥花同埋蛋好香，飯粒粒分明，雞肉滑😊秋刀魚好香，啲皮脆卜卜，加上檸檬汁更加清新😊魷魚香脆，裏面保持濕潤，口感彈牙😊最後點左雜菜，都好好味我呢杯mocktail賣相好有形格，薄荷味好香，歸邊有一層砂糖，飲落去好香甜😊———————整體來說呢度真係唔錯，環境乾淨企理，播嘅歌我哋都好鍾意😊仲有桌球有埋定飛鏢，不過我哋今次就主要傾偈冇玩到😊

呢日夜晚放工後happy hour時間，去katachi晚飯😊呢度環境都幾舒服，地方寬敞，絕對是傾計好地方😊飲品嘅選擇有好多，有唔同嘅Cocktail mocktail，六點幾happy hour 時間去都幾抵😊餐牌嘅選擇都好多，有串燒，有小食，有主食😊我哋也有叫咗兩杯mocktail, 串燒及小吃。好靚嘅一杯mocktail💓唔同嘅水果香味，加上氣泡水，心情refresh 小吃是吹水時間重要嘅配角😊蝦條好食芝麻雞翼好入味，香脆，肉滑五花豬肉嘅油脂香味散發晒出嚟😊正！呢個係我今晚至愛牛舌口感都幾有彈力牛肉粒比較厚實，肉味香濃雜菜充滿着蒜蓉香味蠔好大隻好厚!燒魷魚夠香口魚由皮至肉都燒得好香濕炒飯style, 雞肉份量多，夾味———整體來講服務良好😊約會好地方

世界盃盛事……賽程圖……大電視，當然要感受一下氣氛，仲有桌球可以一大班朋友玩。當然今日就係收工chill吓休息吓，有大啤啤熊伴你。 食住串燒，飲杯，cocktail 🍸 令人開懷，明白Happy hour 的重要 燒生𧐢：珍寶size（超驚喜），襯上蒜香，生𧐢肉厚，十分鮮味。芝麻雞翼：芝麻味增強外皮香脆，內裡juice ，令人食指大動牛舌：一向是我燒必選項目，可選唔辣，小辣，中辣，真貼心，送酒佳品。牛仔骨：有三大件，份量十足。鹽燒茄子：原條茄子，份量足，蒜味濃燒菠蘿：燒烤過的菠蘿超吸引，多汁，令人在油膩的食品上，加上清新。 cosmopolitan ：Vodka味濃加上清新橙酒及檸檬清香，口感甜甜酸酸，清新吸引。 一路睇波，一路食燒，賞心樂事。世界盃FIFA.

想搵個地方飲吓嘢傾吓計上網搵到呢度有串燒有飯，肚餓可以食多啲👍我今次就同朋友叫咗少少串燒有個蝦條可以食住先等串燒慢慢上呢度環境都幾好，有桌球有飛鏢🎯又有嘢食🍹比喺出邊其他場都算光猛唔會燒到變乾柴，剛才10分好個菜仲有水份，可以咬得開嘅另外，仲叫咗一口牛、雞腎同埋五花腩一口牛食落，幾林有肉汁唔會好似出邊擦子膠咁樣🤣雞腎食落係彈牙嘅個五花腩，都唔會好油另外芝麻雞翼個皮好趣，亦都唔會好油食落都係有肉汁嘅洋蔥圈都炸到啱啱好食落甜甜地有啲咬口另外仲叫咗隻蠔🦪勁大隻，大個部iPhone食落去蒜香味濃整體來講呢間串燒燒到啱啱好啲肉唔會好似出邊咁樣乾晒柴有肉汁，又彈口絕對可以再encore 下次如果餓可以會吓嗰啲飯🍛啊，牛扒🥩嗰啲😊

形 K A T A C H I沙田大涌橋路34-36號麗豪酒店地下7號舖位於麗豪酒店下面 隔離就係城門河裡面 裝修充滿時代感空間闊落 門面成功！吸引左我行過望左兩眼果下就.....俘虜咗我入嚟飲幾杯座位之間間隔非常寬敞 可以盡情同朋友交出我的心盡傾心中情 飲幾杯 食下燒物 如果能量消耗得太勁 OK 冇問題叫個飯 意粉食 ！ 定食套餐 加＄20-$30左右可以平平地價錢飲杯mocktail cocktail小食選擇多 睇到笑呵呵 $$尼講個人認為都ok裡面有鏢機 有篤波 篤波都幾多人玩相當受歡迎今日見哈係太肚餓 叫左串燒食燒扇貝 牛小排 蒜蓉雜菜 芝麻雞翼 一口牛整體質素有70分同朋友尼到沙田 可以一試既BAR

📍形 KATACHI位於沙田麗豪酒店嘅形 KATACHI Bar & Resturant，位置雖然唔喺鬧市，但確實係一間舒服、Chill、有氣氛嘅酒吧。呢排Halloween，餐廳已經換哂Halloween嘅佈置，好有Feel。裡面嘅環境都闊落、舒適，有吧台，亦有2人/4人/8人嘅枱；最緊要係仲有桌頭枱俾客人玩！同朋友嚟食嘢飲嘢傾偈，仲有得玩，讚！因為係After Dinner咁嚟，所以叫咗唔多嘢食：燒珍寶蠔 ($58)大大隻珍寶蠔，上面有好多蒜蓉調味，烤得好香，但又唔會搶咗隻蠔本身嘅鮮味。見到好多人都叫呢個，果然係高質烤物。燒牛舌 ($28) & 燒五花腩 ($25)芝麻炸雞翼 ($40/2隻)炸得好香脆，配埋芝麻粒，加倍咗炸雞皮嘅香味，同時D肉質又唔會Overcooked，保持到嫩滑，好食！日式麵豉湯烏冬配鹽燒雞扒 ($78)傾傾吓偈覺得想食多少少嘢就叫咗個烏冬填肚。麵豉湯濃郁，烏冬唔係頹烏冬，應該係巑崎(?)烏冬嚟。Cocktail: Fantasy ($88)好Fansy嘅Cocktail，仲有D小花喺入面，啱哂女生 & 打卡。整體嚟講都唔錯，適合同朋友嚟吹水&Chill！

而家朋友係石門番工，近左好多我呢位住沙田既街坊🤣新城市d 野真係食到悶悶地，都想試新野，係openrice search 先知原來沙田都有bar+串燒店，真係好少見沙田有呢d 店！我地黎城門河都方便就決定食😇搵餐廳店位要注意係麗豪酒店左邊既側面！入到去空間都好大原來仲有個桌球枱我地要chill 決定叫d 酒精野飲，我揀左margarita 我朋友就揀左sangria,佢果杯勁大杯🤣🤣🤣飲到佢都好飽串燒方面，我地都好肚餓 ,叫左勁多野食燒波羅 好香甜酥炸魷魚鬚🦑好香口我地最愛既燒茄子，勁好味雞肉串都好出色仲點少得雞翼呢牛舌都係厚度適中同易咬我地仲揀左oyster 勁大個 有我地隻手咁大份，每人一份真係好滋味我地原本驚唔夠飽 叫左個鹽燒雞扒鳥冬，但原來真係好飽🤣🤣🤣呢間d 味道都好足夠，唔會覺得太濃味精，同埋d 野燒得好好味，但又唔會過濃！係香、脆、入味重有最重要係服務態度好好，好有禮貌，見到都唔少熟客食黎飲野食野，感覺都好舒服，我同朋友今晚都係食得好開心