形 (大涌橋路)

營業中

休息中

之前去過麗豪，感覺呢間酒店有啲神秘，今次嚟呢間喺地下嘅食肆，記得唔需要進入酒店，喺外圍進入就可以。估唔到呢間舖頭係好有酒吧感覺，似係注重飲酒嘅地方，一入門口已經見到張大波枱，而且仲有幾部大電視，相信如果係有球賽嘅話，喺度睇波應該都會幾好氣氛。今日晚市時間嚟，餐廳就播YouTube嘅歌，鍾意餐廳有啲音樂唔想咁靜局嘅話就啱晒。我地一坐低就有侍應放碗蝦條落嚟，仲唔係酒吧格局？我咁岩揸車，只可以飲mocktail，叫咗杯Virgin Mojito，係好好飲嘅，啲薄荷非常新鮮，我最鍾意佢唔太甜，非常清新。食物呢度就係串燒主打，唔同嘅食物佢哋會配唔同嘅調味，肉類主要係孜然粉為主，你可以揀大辣小辣唔辣，我試小辣我自己覺得剛剛好，燒蔬菜呢就會用其他調味粉，呢度嘅雞泡魚乾都做得非常出色，送酒一流。個價錢都幾驚喜㗎，依家九龍區食串燒絕對唔平，但呢度都仲有啲十幾蚊一串嘅嘢，其實真係好適合住喺附近嘅居民嚟，唔使dress up，純粹同朋友傾吓計，飲下酒，食下串燒，Chill！

沙田圍其實是個很特別的地區，雖然附近有很多私人屋苑，但是卻無大型商場。剛剛今日去到附近工作，收工時見到這間「形」，見到佢個名仲有日文拼音，心諗唔通係間居酒屋？入到裡面啲裝修都幾有格調，尤其係個吧枱位，木做既頂層好有日式建築感覺。 因為個日唔可以飲酒，所以點左個mocktail，但幾好喎，個杯仲要係鑽石形，好特別呀。講返食物，今日試咗好幾個串燒，很夠份量而且烤得剛剛好。尤其是這裏的肉類，好像羊肉、雞肉串、以及豬頸肉，調味用上大量孜然粉，用來送酒應該是一流。最令我印象深刻嘅係燒生蠔，用上大量牛油及蒜頭而且size大及多汁，食起上嚟口感非常好。最後要講一講個場地，店舖內有大電視、波枱、以及飛鏢機，幾個朋友可以一邊飲酒一邊玩吓遊戲。

以前食串燒通常都會去旺角食，因為嗰度多選擇，今日約咗舊朋友，佢話沙田開咗間新串燒店，喺酒店地下，所以就一齊去食啦。蒜蓉牛油焗蜆佢好多蒜蓉好鍾意，同埋佢d粉絲所曬d汁好好味😋蜆都幾多而且幾有鮮味，佢都有落孜然粉，所以層次多變。免治雞肉串我平時好鍾意食呢個，係食串燒必點嘅。佢入邊又有啲軟骨而且免治肉好淋點燒都好食。秋葵同翠玉瓜兩樣都好爽甜，而且有孜然粉落唔dry好入味。海蝦好大隻蝦，肉好有質感焗蒜蓉雜菇錫紙包菇唔會唔好味，蒜蓉味好出，正。秋刀魚佢焗得好脆身，同埋點沙律醬好夾～芝麻雞翼呢個去食串燒必食，因為唔係平時屋企食個d雞翼 有埋雞翼尖比你食～燒得好令好脆！Long Island長島冰茶～食咁多嘢係呀梗係要飲返杯鬼佬涼茶。vodka味好出，係餐廳咁chill的環境緊係要飲番杯酒！Grasshopper薄荷味好出，大家鍾意薄荷朱古力一定要飲～

呢間係麗豪酒店地下嘅酒吧，原來係食四川風味嘅串燒，但有得揀辣度，唔太食得辣都唔洗太擔心！┄┅┄┅┄┅┄┅┄≋串燒【餐廳推介】¸.·´¯❧ 焗蒜蓉雜菇 $38 👍🏻【海鮮】¸.·´¯❧ 海蝦 $26¸.·´¯❧ 蒜蓉牛油焗蜆 $48 👍🏻【肉類】¸.·´¯❧ 豬五花腩 $18¸.·´¯❧ 豬頸肉 $22¸.·´¯❧ 牛舌 $16¸.·´¯❧ 免治雞肉串 $18 👍🏻【炸物】¸.·´¯❧ 芝麻雞翼 (2隻) $28¸.·´¯❧ 炸池魚 $38【蔬菜】¸.·´¯❧ 翠肉瓜 $14 👍🏻¸.·´¯❧ 秋葵 $10 👍🏻我地食嘅串燒係香辣風味，辣度唔算高但好香口，如果鍾意麻嘅可以揀麻辣！特別推介雜菇同蔬菜類串燒，一咬落去爆哂汁好 juicy🤩🤩評分：🌕🌕🌕🌗🌑-≋ Long Island $58經典 cocktail，甜度高但酒精味唔重。評分：🌕🌕🌕🌖🌑-≋ Grasshopper $58呢杯係mocktail，鍾意薄荷朱古力嘅必叫！淡淡薄荷朱古力味，飲落幾順滑。評分：🌕🌕🌕🌗🌑

週末過去沙田搵朋友，搵到呢間位於麗豪酒店地下嘅串燒酒吧餐廳，環境幾Chill，估唔到仲有桌球，飛鏢等娛樂設施供應，真係好啱同一大班朋友消遣。坐低之後店員就會逢上蝦條小食，我哋叫咗杯無酒精嘅Mock-tail - Mix berry paradise，酸酸甜甜好開胃，加上新鮮雜莓同邪惡嘅奶盖，口感滑溜。另一杯Cocktail 係Melon Ball，賣相吸引打卡一流。食物方面有串燒同炸物提供，好啱下酒。雞泡魚乾燒得有咬口，蒜蓉牛油焗蜆惹味，秋刀魚原條燒到皮脆肉嫩，各樣肉類串燒都調味十足好入味，韭菜同翠玉瓜都燒得爽甜。總結嚟講算性價比高的串燒酒吧。

忍唔住要寫我第一個食評 真係太嬲首先一入到間餐廳，已經有啲熱由於我係non-smoker，餐廳中間位置有客人食煙我就同店員講想坐角落位，最後都安排度我坐雖然位置喺冷氣機風口下面但都係好熱，好似吹緊風扇咁咁唔緊要啦 照叫野食果陣夜晚六點幾樓面其實好少人，得兩個人再加bar果度有一個人沖野飲，總共三個店員叫咗好耐都冇人行過黎幫我落單我唯有自己行出去bar檯，先有人理我落咗單後等咗四、五個字都冇野黎後尾催多佢一次先話整緊，懷疑佢漏單我叫咗杯Mix Berry Paradise見之前有幾個食評都讚呢杯野個樣又幾靚咪試下，點知中伏人地啲食評，呢杯野飲面頭有好多cream 又有生果我果杯就好似下圖咁，乜都冇我即刻問店員點解冇cream ge，同網上啲相唔同佢先話唔好意思，啲cream用哂佢沖之前又唔講聲如果我唔問，佢都冇諗住話我知佢say完sorry就完咗佢冇諗住幫我換其他野飲我見餐牌都有寫milk and cream成杯野飲唔同咗 沖少咗野都照比個客隔咗一陣 有個店員走過黎 叫我調檯話有其他客黎咗 想要呢張大檯其實果陣餐廳只係坐咗三、四成人佢都要求我調檯，我已經有啲不滿佢要求我調去果個位置係冇乜

之前去過將軍澳既分店，原來新開了一間喺沙田，今日終於有機會去試吓！原來唔同分店有唔同菜式，呢度主要係酒吧形式，有各類飲品之餘，又有唔同娛樂，例如篤波飛鏢，放工黎聚一聚都幾好。野食就主要有川式串燒，雖然同將軍澳分店主打日本菜有分別，但都幾驚喜，款式多而且新鮮即烤即上，配酒一流！燒雞翼，豬腩肉，翠玉瓜串外邊燒到脆卜卜，但又唔會流失肉汁。蠔都尚算新鮮大隻，焗得剛剛好唔會過老。炸蝦送酒一定要有炸物！朋友叫左啤酒，我就叫左一個mocktail Mixed Berry Paradise，佢係由唔同Berry打成沙冰，酸酸甜甜，飲完又唔覺得漏，幾推介！

在網上訂了位5：30pm，但準時到達餐廳時發覺餐廳已被包場，未能提供座位。我問他們為什麼已被包場但上網仍能訂座，他們就推說是訂座平台沒有block起booking。但我相信餐廳看到客人訂座資料，是可以主動致電客人說明不能訂座的原因。最後在當晚7點多的時候才看到餐廳取消我的訂座，做法極之不負責任！我仲要特登撘車去餐廳吃晚飯，之後又撘番車去其他地方食飯，總之就是極不愉快的經歷！！！！！永遠blacklist ！

今日終於有時間同朋友嘆番杯，就喺佢屋企附近沙田呢頭搵咗呢間係萬豪酒店下面嘅酒吧，估唔到依家係咁高質，性價比簡直係全城最抵！呢度個環境真係好舒適，座位間隔闊落舒適，睇得出佢喺裝修上都用咗好多心機，所以坐喺度個人都覺得好chill，同場佢呢度都仲有啲桌球枱，飛鏢機同埋beer pong玩，岩曬成班朋友嚟呢到玩返晚！估唔到佢間開係酒店樓下嘅吧，呢度飲嘢嘅價格係咁平，佢啲嘢飲都好高質，普通Cocktail都係78蚊杯，mocktails就68，happy hour期間再減多20。真係冇諗到喺呢度飲嘢，配埋咁嘅環境氣氛係可以咁抵嘅，性價比真係100分滿分。佢哋除咗吧之外，佢哋呢到都係有做呢個串燒嘅，我哋試咗唔同嘅肉類，秋刀魚同埋花甲粉等等，佢串燒嘅價格一啲都唔貴，都係10零20有找，而且味道一啲都唔差，燒得好入味，食得辣嘅就更加正，啲串燒火侯控制得好好，唔會燒到乾曬身！個花甲粉都好夠蒜香，係呢到食真係會都停唔到口。講返佢啲嘢飲，我哋叫咗mocktail/cocktail各一杯，cocktail戈杯係佢哋特調嘅，賣相好靚，飲落有啖啖嘅蜜瓜香，又唔會太甜，呢個真係推薦一試！另外嗰杯mocktail就

真係好耐都冇去過酒吧啦。 知道沙田開左呢間新野，等左好耐終於有機會黎食啦。 呢度係麗豪酒店，好易搵，環境又好。 今日有啲悶熱，冇咩胃口，最好就係食串燒飲返杯。 入到黎真係幾好氣氛，有波枱，飛標，環境好靚。 張吧枱都好吸引。坐底侍應都好好服務，本來想叫啤酒，佢地推介左杯 Long Island 比我， 又唔錯wor。跟住就叫串燒，佢都係即叫即燒，好好味。 叫左：雞翼，雞串，豬軟骨，魷魚，翠玉瓜，豬頸肉，焗生蠔。 佢既串燒肉都幾新鮮，燒完唔會好硬。 而且佢地既支鹽粉可以較辣度。 我要小辣，好野味，超好食。 慢慢送酒都係好夾。 而焗生蠔都好得，剛剛好熟，入面熱得黎仲係好啫喱狀，而且好大隻。 最鍾意佢勁多蒜蓉，超香。 下次可以叫多啲朋友一齊黎玩㖭。 沙田有間咁正既吧真係好。

朋友話沙田開咗一間好高質嘅酒吧 咁我哋就決定今日黎試啦🙈 佢喺沙田麗豪酒店嘅地下 形Katachi bar and restaurant 我哋入到去地方好大好闊落環境好舒適 好適合同朋友收工嚟happy hour或者坐低飲杯嘢傾吓計都唔錯🤗 咁我哋坐低咗嘅時候好快店員就已經拎咗小食俾我哋 我哋就睇吓Menu有啲咩串燒好食啦 同埋飲品都有好多選擇 有酒精冇酒精嘅都有好多🙈 首先嚟到嘅係雞泡魚乾$58燒得好香又唔會乾晒 配酒真係一流🤣 豬五花腩 $18燒得香脆 肉質唔會乾 加咗少少香辣粉好滋味😌 雞翼$18 雞軟骨$25兩個雞都燒得啱啱好 雞翼啱啱熟仲有啲肉汁喺入邊 兩樣都係加咗少少香辣粉調味已經好好食😋 翠玉瓜$14冬菇$14燒蔬菜方面最怕係燒到乾爭爭 但佢嘅翠玉瓜仲保持到有汁 唔錯呀 原條燒茄子$38食串燒 燒茄子係必點🤩 原條上 燒得啱啱好 好容易就起肉 加埋調味唔會超鹹 推薦😌 Happy hour Grasshopper $58Mix berry Paradise $48禁岩我哋係happy hour黎飲嘢食嘢 飲品都平咗😬 Grasshopper (green mint, w

今日相約朋友黎沙田一間新開嘅bar食串燒飲杯野，入面裝修好靚，坐得又舒服，一個唔小心坐左2個鐘同食左好多野以下係ordered food:雞泡魚乾 $58燒得好好食，唔會太乾，甜甜地好好食翠玉瓜 $14好juicy，加埋啲辣粉真係唔錯，好開胃冬菇$14燒得幾好唔會太乾爭爭Port belly $18燒到個皮脆卜卜，好好食。雞軟骨 (2 串) $25脆卜卜好好食，好想叫多幾碟雞翼 (兩隻)$18燒得啱啱好，入面好juicy，出面個皮脆卜卜蠔 (2隻) $65 呢隻蠔屈左機，超級好食，好新鮮，好多汁，好鮮甜，又大隻秋刀魚$28大大條，好好味，加上檸檬汁，好fresh茄子 $38 燒烤必點嘅茄子，好好食，大大條Mix berry paradise $48Grasshopper $58Grasshopper 係薄荷加白朱古力味，好清新，唔錯！Mix berry 係strawberry 加raspberry加奶打嘅smoothie，唔會太酸又唔會太甜，仲食到果粒，我幾鍾意Long island $58Virgin colada $48Long island 酒味重少少，但入口都好順，有少少rum

沙田新式日式串燒係門口經過，以為餐廳係西餐廳或酒吧，點知原來係西mix日，餐廳內有bar 枱，又可以玩飛鏢，又可以玩beer pong，適合飲酒嘅好地方如果放咗工，想同朋友傾下計，飲下酒，絕對係男人聚會好選擇👍🏻😆🍻揸車🚗關係，叫咗冇酒精飲品Sour apple frozen加入青蘋果汁、蘋果汁和檸檬汁🍏🍎🍋 再打成碎冰，整體感覺幾fresh，而且幾開胃餐廳以串燒為主打，屬輕食類，請注意⚠️大食人士未必能吃飽個人推薦燒生蠔🦪$45 有兩隻，幾抵加入牛油🧈和蒜蓉，味道幾濃烈燒雞翼，幾惹味，有啲似譚仔嘅土匪雞翼，味道不錯的☺️燒青魚亦不錯外皮燒至少少脆😍肉質仲好嫩😄不過注意燒烤係即叫即燒的，所以需要預留多少少時間等待

麗豪酒店新開了呢間bar and restaurant, 餐廳名係日文，估唔到食物就主打川式串燒，另外提供cocktail, sake等等嘅酒精類飲品。餐廳嘅梳發櫈間隔私人度高，同幾個朋友嚟暢談又得，玩店內飛鏢、桌球等嘅設施又得蠔 ($45)蒜蓉焗得好香，蠔亦新鮮雞翼串 ($18), 豬腩肉串 ($18), 翠肉瓜串 ($14)串燒價錢合理，滿滿嘅孜然粉帶出川式風味炸蝦 ($38)香口嘅炸物最啱送酒Sour Apple Frozen ($48)另外我地叫咗兩杯mocktail, 呢杯sour apple frozen 嘅青蘋果味酸酸甜甜，夠晒清新Mixed Berry Paradise ($48)呢杯mixed berry paradise賣相吸引，由士多啤梨、紅莓製成，仲有新鮮紅莓藍莓係面添

疫情後飲野嘅類型Bar好耐冇開宜家可以開到02:00am就去飲吓野支持吓呢間其實唔係只係飲野地方其實佢有燒物有不同類型沒有或有酒精飲品都有又有野玩方便一間攪掂晒唔洗周圍騰🤣有枱波啦有飛標玩👍🏻啱晒又想玩又想飲野又想食d 野😋或者傾吓計都ok叫咗d 串燒同二杯飲品想叫d 特別d 第一杯有酒精味道似蜜瓜味第二杯係士多啤梨沙冰好多creamy 特別鍾意嘅人一定掂😋串燒燒生蠔 $45/2 隻好大隻好新鮮好juicy 🤤🤤用個杯底做對比🤣叫咗"燒雞泡魚乾"串燒唔少得雞翅😬燒得好香好juicy😋另一串係豬腩肉片好煙韌仲有牛肉串羊肉串雖然加咗d 濃味調味但都有羊肉味道👍🏻串燒都要食吓菜叫咗脆肉瓜價錢係酒店嚟講唔算貴